Silchar, September 3, 2016, Virthli (ONP):Freshers' Social Meet a vawi 24th-na chu hlawtling takin hmang liem a nih. HSA Silchar Branch hunpui hi Bhango Bhawan, Sadarghat hmuna hmang niin, Chief Guest Pu Joseph Lalrothang, President, Hmar Inpui GHQ, Guest of Honour Pu Raltawnluoi Intovate le Functional President Tv. Albert L Riengsate haiin an hmangpui a nih. Chun Special Invitees laia mi Hmar Inpui Barak Region President Pu Lalthomlien chun hi hun hih a sim thei bawk a. H.S.A GHQ ruok chun fiel an nina an hluobit nawh. Chief Guest Hmar Inpui President hi hnam țhuoitu iemani zatin an uop thei a. Tv. LRS Puruolte khawmin a țawiawm ve. Hmar Inpui President chun inchûklaihai ta dinga thil țha tak tak a hril a. "Ei hnamin a beisei District, Self-Autonomy, etc ei hmu el naw khawmin, inchûkna (Education) hmangin thil tam tak ei thaw thei a nih," tiin a hril. Chief Guest chun HSA Silchar Branch hai nungchang inpâkum a ti thu a hril sa nghe nghe a nih.
Inchûklai infuina thucha Dr. Lalțhakim Hmar, Asst. Prof. Assam University, Dr. Janet R Faihriem, Medical Officer, Silchar Medical College & Hospital le Dr. Emmanuel Zarzosang Varte,Jt. Secy. Hmar Inpui GHQ hai chun thiem le lungkuoi takin an hril a. Ngaithlatuhai so a dekin, hnuoia țhim tla khawm hriet thei hiel khawpin ri a re nih. Inchuklai tam tak an tumru pha ring a um.
Programme hi hun 2-a țhe niin, Nk. Sari Vankal le Nk. Esther Darngawn-in Session 1-na an keihruoi a. Hun 2-na hi Tv. Zothansang le Nk. Nancy Khawbung-in an chalai ve thung a. An thiemin hun ditkhawp a um naw hle.
Kum 2016 academic session a hin mithar 50 lai an um a. Exam le programme dang leiin Fresh student mi 36 vel bak an inlang thei naw nih. Fresh student anthawkin HSA Miss le Mr contest nei a ni a. Miss Elika le Mr Laldinglien Lungțau thlang an nih.
Branch țhuoitu intiemkamna Pu Vanlallien Pulamte in an neitir zoin, lawmman chi dang dang hieng - inchuklai thaw țha, thisen pe (Blood Donors), Essay Competition participants le artiste hai lawmman pek an nih. Kum 2015-16 sunga HSA Best Performance Award chu Tv. Rochanhlu Sungte inhlan a ni bawk a. Ama hi HSA active member ni zingin, hmarnau laia TDC levela result tûng um tak a ni nghe nghe bawk.
24th Freshers' Meet a hin mi 430 vel an fekhawm a. Silchar khawpuia hin Hmarnau mi 500 le ti um anga ngai a nih.
Out- Going President Johnson Joute le Secretary Gospel Songate chun hi hun a puitling theina dinga sum le puon tuoktu mitlawmngaihai chungah lawm thu an hril a. Programme hlawtling tak a um theina dinga thawtuhai po po chungah lawmthu a kawkin an hril a nih.
Inchûklai infuina thucha Dr. Lalțhakim Hmar, Asst. Prof. Assam University, Dr. Janet R Faihriem, Medical Officer, Silchar Medical College & Hospital le Dr. Emmanuel Zarzosang Varte,Jt. Secy. Hmar Inpui GHQ hai chun thiem le lungkuoi takin an hril a. Ngaithlatuhai so a dekin, hnuoia țhim tla khawm hriet thei hiel khawpin ri a re nih. Inchuklai tam tak an tumru pha ring a um.
Programme hi hun 2-a țhe niin, Nk. Sari Vankal le Nk. Esther Darngawn-in Session 1-na an keihruoi a. Hun 2-na hi Tv. Zothansang le Nk. Nancy Khawbung-in an chalai ve thung a. An thiemin hun ditkhawp a um naw hle.
Kum 2016 academic session a hin mithar 50 lai an um a. Exam le programme dang leiin Fresh student mi 36 vel bak an inlang thei naw nih. Fresh student anthawkin HSA Miss le Mr contest nei a ni a. Miss Elika le Mr Laldinglien Lungțau thlang an nih.
Branch țhuoitu intiemkamna Pu Vanlallien Pulamte in an neitir zoin, lawmman chi dang dang hieng - inchuklai thaw țha, thisen pe (Blood Donors), Essay Competition participants le artiste hai lawmman pek an nih. Kum 2015-16 sunga HSA Best Performance Award chu Tv. Rochanhlu Sungte inhlan a ni bawk a. Ama hi HSA active member ni zingin, hmarnau laia TDC levela result tûng um tak a ni nghe nghe bawk.
24th Freshers' Meet a hin mi 430 vel an fekhawm a. Silchar khawpuia hin Hmarnau mi 500 le ti um anga ngai a nih.
Out- Going President Johnson Joute le Secretary Gospel Songate chun hi hun a puitling theina dinga sum le puon tuoktu mitlawmngaihai chungah lawm thu an hril a. Programme hlawtling tak a um theina dinga thawtuhai po po chungah lawmthu a kawkin an hril a nih.
