Saipum, September 29, 2016, Virthli (ONP): HSA Sinlung JHQ hnuoia Saipum Unit chun Saipum a inchuklai hai harsa zuol hai awlsam taka inchukna an sunzawm theina dingin Kolasib ah Hostel bawl nisien tiin hma a lak meka, khawtlang mipui hai thangin ahmun man dingin, Rs,1,00,000/- hmu a ni tah.

Kolasib DC.Pu Lalengmawia khawmin lungril taka ngaituo pui a tum bawk a, a hmun man ding hi Rs.3,20,000/- vel a ni a, tlawmngaia thangpui nuom tuhai ta dingin kawt lientak an hawng zing bawk.

Chun Saipum HSA Unit in an khuoa School, Govt P/S, seimthatna sin an thaw chu sumfai sanction le inmil naw taka sin an thaw chu an dem in, inhmusit thil anga ngaiin SMC, DPC, Work Manager hai kuoma lekha peka, vawisun chena Work Manager anthawk dawnna iengkhawm an la hmu naw leiin PR le Press Conference khawm nei hiel nisien tiin thu hi an fepui pei ding thu ei dawng bawk.

Pic: 8 September, 2016 nia HSA Saipum Unit in Career Guidance an neina.

Post a Comment

Powered by Blogger.