CCPUR, Sept. 20, 2016; Virthli (ONP): Hungtlung ding Sept. 28-Oct. 8 hin Hmar Students' Association (HSA), GHQ chun Hmarbiel (Pherzawl-Tipaimukh) ah Education Campaign nei dinga riruong a nih. Hi huna ding hin inchukna le inzawmin Topics hran hran hril dingin Resource Person mi hran hran ruot an nih. Anni hin naupang inchuklai hai le nu le pa hai hrilhrietna chipchier takin nei an tih.

Hmarbiel tienga inchukna ngirhmun tlasie ta em em hre zinga hi Education Campaign hi buotsai a ni thu HSA GHQ thusuok chun a hril a, 55th General Assembly , Muolhoi, NC Hills 2016 huna HSA in kum 2016 thupui dinga a lo puong ta khawm "Inchukna Hmanga Ram le Hnam Indinthar" ti le "Inchukna hmangin ei hringnun suk awlsam ei tiu" ti a ni a, hiengang bawk hin Unit, Branch, Block, JHQ hai khawmin tuhin an thei ang angin hma an lak mek a nih. Tuta hma khan hiengang Education Campaign hi May 2014 khan Jinam Valley, September 2015 khan Sinlung Hills, Mizoram,  Aug.-Sept. 3 2016 lai khan HSA JHQ, Jiri-Vangai le a dang dang khawmin an lo nei ta hlak bawk. Chun, HSA Social-Freshers' Meet le Inchukna tienga thaw tha bik hai Award inhhlanna hai HSA hmun tum tum a mi haiin an nei mek a. Hieng hun haia hin Education pawimawzie hai uor taka inhrilhrietna hi fepui a nih.

Hi Education pawimawna hi hrie zingin HSA thuoituhai chun hi programme induonga um hi a hung puitling ngei theina dingin Pathien kuoma tawngtainaa lo san dingin ngenna an siem.


Pic: Hi thlalak hi Sinlung Hills le Jinam Valley a Education Campaign nei huna mi hai a nih.



Post a Comment

Powered by Blogger.