CCPur/Aizawl, September 29, 2016, Virthli (ONP): Inremna zawnga Mizoram sawrkar le inbie mek Hmar People’s Convention (Democratic) chun October ni 5 ah Mizoram sawrkar leh inbiek vawihnina (2nd round of talks) nei ding le inzawmin palai ding an ruot fel ta a, hilai zing hin inbiekna hmun ding Chaltlang Tourist Lodge, Aizawl ti chu remchang nawna leiin hmun dangah sawn a nih.

SP Office, CID (SB) Mizoram anthawkin inbiekna hmun ding sawn a ni thu hi vawisun khan lekha ngeiin HPC(D) hai inhriettirna an pek, remchangnawna a um leiin Conference Hall, Tourist Lodge, Aizawl ni ta lovin State Guest House, Chaltlang ah nei ni lem ta dinga hril a nih. Inbiekna hmun sawn thut a nina san hi HPC(D) le Mizoram sawrkar tienga buoina le remchangnawna um lei ni lovin inbiekna hmun ding/hall tieng pang remchangnawna um lei niin HPC(D) palai hai chun Virthli palai an hril. 

HPC (D) palai hotu Pu Lalțhalien in Virthli palai a hril danin tuta tuma inbiekna ding hin HPC(D) palai tieng hi ama Pu Lalthalien in inrawi a ta, member dang hai chu Dr. John Pulamte, Pu Lalthlamuana Hmar, Pu David Buhril, Pu Thangliensung, Pu Lalmalsawma Darngawn hai ning an tih. Oct. 4, 2016 hin Aizawl pan an tih.


Post a Comment

Powered by Blogger.