Responsive Ad Slot

Dr. L. Fimate in a workers hai an hmupui

Saturday, September 3, 2016

/ Published by VIRTHLI
CCPUR, Sept 3,2016, Virthli (ONP): Hung tlung ding kum 2017 , Tipaimukh Constituency a MLA in Candidate tum Pu Dr. L.Fimate chun voisun khan a workers hai inhmupuiin inpawltlangna hun a hmang pui tawl.Hi huna hin Pu Fimate chun Tarik August (27-30) 2016 a Manipura BJP thouituhai - Prof. R.K Ranjan, BJP Spokesperson&Convenor, Vision Cell, Seram Tombi(IT Cell), H. Nando Singh, BJP Senior workers, Pu Bula Hmar, Convenor , Barrak Valley Hmar People Bharatiya Janata Party, Media thenkhat hai le Tipaimukh biela an inzin huna an thil hmu hai hrilna hun a hmang a,hma tieng peia hmalak dan ding hai hrilna hun a nei bawk.

Hi huna hin Pu Fimate chun dawha politics a khel thiem ve naw thu le transparency deua thilthaw a nuom thu hai a hril a. Pu Fimate chun Tipaimukh biela an inzin huna Prof. R. K Ranjan, BJP Spokesperson in Tipaimukh Road a motor chuong chu earthquake laia motor tlan ang ei nih a ti chu hi huna hin a hrilsawng.

Pu Fimate chun Manipur BJP Executive member a’nthawka BJP Vision Cell a laklut ani chu hmang tangkai ngei a tum thu hai a hril a. Tipaimukh biel ta dinga a vision hai hrilna hun neiin Tipaimukh biel sunga lampui thatnawna,,Hospital,School,Food Security Act,PDS,Water supply le sawrkar Office le a dang dang function mumal talo hai chu BJP Project dinga thelut a, ram siemthatna sin nasataka thaw ani ding thu hai a hril.

Pu Fimate chun an khuo fangna-a hai mipuiin lungruol tak le ditsak taka an lo hmuok chu lawmum a ti thu hrilin Vangai tlang khawm an kan vat ding thu hai a hril  
Don't Miss
© all rights reserved
made with by Simon L Infimate