Responsive Ad Slot

DHPL (L) Fimlunghnem Memorial Trophy Final 2016

Friday, September 9, 2016

/ Published by Unknown
New Delhi, September 9, 2016, Virthli (ONP) : Liemtah tarik 8/9/2016 (Ningani) khan, HSA Delhi JHQ huoihawtna hnuoia kumtin a lo hmang hlak, Delhi Hmar Premier League (DHPL), famtah , (L) Fimlunghnem a hrietzingna dinga huoihawt hlak chu a vawrtawp ( Final) khel alo ni tah.

Hi League a hin team paruk hieng :-
1. FC LALRUONG
2. MUVANLAI FC
3. KHUPLAL FC
4. ZILLAI FC
5. HMARTHLIPUI FC
6. THE CALL FC
hai chu super league system in inpettuo in points insangtak hai pahni, Muvanlai FC (Defending champion) le Khuplal Fc hai chun final hi khel in, Khuplal Fc chun Muvanlai FC hai chu 4-2 a hneban in hrattak nina changin nopui chu an lo dawm tah.

Final pet ani hma hin HSA Delhi JHQ le KSO Delhi hai chun inthuruolna le inruolthatna thalem siemna dingin friendly match an inkhel a, KSO Delhi chun HSA Delhi JHQ hai chu 2-0 in an hne a nih.

Kum danga um ngailo, Nuhmei volleyball khawm tukum final ni hin nei ani a, nuhmei volleyball hi knock out a tan nghal niin, Hmarthlipui FC hai chun a hrattak nina an chang a nih.

Inkhel zo ani vawng hnung hin,programme tawite hmang ani a, Delhi HSA Jhq Secy, Nk. Thelma Ramthienghlim chun mipui a fekhawm le unau KSO le Zillai hai hung uopna chu lawmum a ti thu hrillin,anni hai zara hi league hi a hlawtling ani thu a hril bawk. Hi zo hin, Upa. Phirthangsei chun Pathiem kuomah lawmthu hrilna neiin, individual prize, league sunga a thaw thazuol ; Best goalkeeper, Best midfielder, Best defender, Player of the tournament, best team hai chu trophy le sumfai hai inhlan an nih. Hi zova in runners up le winner hai chu medal inhlan in,a hrattak hai chu nopui indawmtirin hlimtlang takin hun hi hmang zo a nih.











































































































































Don't Miss
© all rights reserved
made with by Simon L Infimate