Cachar, September 20, 2016; Virthli (ONP): Tuta Assam Chief Minister ni lai mek Pu Sarbananda Sonowal le Pu Vanlallien Pulamte hin inhrietna inthuk tak el kum 2013 vel laia inthawk khan an lo nei a. Lakhipur biela MLA nilai zing Pu Dinesh Prasad Goal a thi leia By-election kum 2014, September 13-a a um khan Pu Sarbananda Sonowal hi vote zawngin a hung a, Silchar ah kar hni vel zet a cham a. Kha hun lai khan Pu Sonowal hi Union Minister of state for Sports and Youth Affairs a chellai a nih. September ni 9, 2014(Pathienni) khan Pu Sonowal hi Hmarkhawlien Community Hall ah lecture ding a ni leiin Pu Vanlallien Pulamte hi a tawng inlettu dingin a ko a. A hotel tlungna Kalpataru Hotela, Silchar ah an inhmu hlak a nih. Hi huna inthawka nghettaka in man an nih a. Cachar a Hmar hai ST an la ni nawna thu khawm a hrilpui a, Memorandum Pu Jual Oram, Tribal Affairs Minister ta ding an chawitir nghe nghe a nih. Hi an memorandum pek khawm hi Home Minister le Tribal Affairs Minister hin an hung dawn nghal a nih.
Barak Valley Hmar People Bharatya Janata Party ti khawm hi Pu Vanlallien Pulamte in Cachar a Hmar hai ST a inzieklutna dinga hnina a siem a, mimal hminga zuk pek el nek chun tiin a phuok a ni nghe
nghe. Tukum April ni 4 le ni 11 a Assam Assembly election um dinga khan; Lakhipur constituency, Udharbond constituency le Dholai constituency a Hmar vote le tlangmi vote iemani zat lak theina dingin Pu Sonowal chun Pu Vanlallien Pulamte kuoma Mizoram a mi pakhat hung tir a tum thu a hril a. Pu Vanlallien Pulamte chun Mizoram mi chu hung tir naw rawh Lusei tawng chau an thiem leiin umzie um naw nih, keiin tawng chi li vela lecture thei mi hmang ding ka hriet tiin a dawn a. Chu pa chu Pu Bula Hmar hi a nih, Hindi M.A. a nih a, Bengali sikula seilien a ni bawk. Chuongchun Pu Bula chu Barak Valley a tribal hai lai vote zawngtu dingin motor pakhat an pek a, an hmang tah a nih. Vote zawng sung khan Pu Sonowal hin Pu Vanlallien Pulamte hi nuoi iemanizat pawisa pek a tum khawma la nuom lovin ama pawisa hmangin hma an lak tah char char a nih. Pu Vanlallien Pulamte hi sawrkar sinthaw a ni leiin ama inlang chie lovin Pu Bula Hmar hi tawng a thiem bawk leiin plan an seima a lecture ta pei a. BJP in hnena an chang phing khan Pu Sonowal hin Pu Vanlallien Pulamte kuomah Cachar a Hmarkhuo hai lamlien le electric tlungnawna khuo hai list hung submit rawh a tia, June ni 30,2016 khan an submit a, chu lekha chu fethleng peiin Cachar a Hmarkhuo hai PMGSY lamlien tlung dingin hma an lak mek a, sin an tan tep an tah, tiin Lalremruot Thiek chun Sept. 18, 2016 khan
Virthli (ONP) a hril.
Barak Valley Hmar People Bharatya Janata Party ti khawm hi Pu Vanlallien Pulamte in Cachar a Hmar hai ST a inzieklutna dinga hnina a siem a, mimal hminga zuk pek el nek chun tiin a phuok a ni nghe
nghe. Tukum April ni 4 le ni 11 a Assam Assembly election um dinga khan; Lakhipur constituency, Udharbond constituency le Dholai constituency a Hmar vote le tlangmi vote iemani zat lak theina dingin Pu Sonowal chun Pu Vanlallien Pulamte kuoma Mizoram a mi pakhat hung tir a tum thu a hril a. Pu Vanlallien Pulamte chun Mizoram mi chu hung tir naw rawh Lusei tawng chau an thiem leiin umzie um naw nih, keiin tawng chi li vela lecture thei mi hmang ding ka hriet tiin a dawn a. Chu pa chu Pu Bula Hmar hi a nih, Hindi M.A. a nih a, Bengali sikula seilien a ni bawk. Chuongchun Pu Bula chu Barak Valley a tribal hai lai vote zawngtu dingin motor pakhat an pek a, an hmang tah a nih. Vote zawng sung khan Pu Sonowal hin Pu Vanlallien Pulamte hi nuoi iemanizat pawisa pek a tum khawma la nuom lovin ama pawisa hmangin hma an lak tah char char a nih. Pu Vanlallien Pulamte hi sawrkar sinthaw a ni leiin ama inlang chie lovin Pu Bula Hmar hi tawng a thiem bawk leiin plan an seima a lecture ta pei a. BJP in hnena an chang phing khan Pu Sonowal hin Pu Vanlallien Pulamte kuomah Cachar a Hmarkhuo hai lamlien le electric tlungnawna khuo hai list hung submit rawh a tia, June ni 30,2016 khan an submit a, chu lekha chu fethleng peiin Cachar a Hmarkhuo hai PMGSY lamlien tlung dingin hma an lak mek a, sin an tan tep an tah, tiin Lalremruot Thiek chun Sept. 18, 2016 khan
Virthli (ONP) a hril.
