Silchar, September 17, 2016, Virthli (ONP):Cachar rama Hmarhai harsatna hriea Barak Valley Hmar Peoples' Bharatiya Janata Party (BVHPBJP) in July 2016 thla tawpa Assam Chief Minister Sarbananda Sonowal kuoma lampui a lo hni chu puitling dingin an lang tah. Memorandum, BJP Convenor Pu Bula Hmar hminga pêka hin Hmar khuo lamlien (road) tlung nawna po huomin huoisen takin lamlien hni a ni a. Assam Chief Minister chun Cachar sunga lamlien tlung nawna po chu an hma thei anga bawzui dingin PMGSY hnuoia mawphurtuhai thu pe nghalin, memorandum pek a ni anthawka darkar 24 sungin hmalakna an lang nghal a nih. Tuhin khuo iemani zat survey zo a ni ta a. Detail Project Report (DPR) khawm Delhi a tlung tah. October thla tawp tieng hin Cachar Hills area tieng Hmar khuo țhenkhat țhangin Chief Engineer anthawk tender/work order a suok hman beisei a nih.

Hmar khuohai lampui a tlung theina dingin theitawp tak meu suoin hma lak a ni a. Hi kawngah hin mipui thlawpna a pawimaw tak zet a. Chun Hmar hnam sunga ieng pawl khawmin sinthawtuhai, contractor khawm nisien harsatna siem pêklo dingin BVHPBJP chun ngenna a siem a nih. Lampui țha ei mamaw a, sawrkarin um dinga a ti ang taka a tlung theina dingin ei țhang tlâng seng a pawimaw, tiin Convenor Bula Hmar chun ngenna a siem.


Post a Comment

Powered by Blogger.