Mi tam tak ngainat...
Hmar Gospel Rock Band: SEMIKAH hai leh hohlimna
(An Interview with Hmar Gospel Rock Band: SEMIKAH)
- LRS Puruolte | Virthli (ONP)Hmar Gospel Rock Band inlar tak el SEMIKAH hai hi i lo hmelhriet ve ta ngei ring a um. Chuonglai zing chun an thiltum le an nina tak la hrie kher vawng naw ti nih. Hi hohlimna/interview hi lo tiem raw leh.
Gospel Rock Band: SEMIKAH
BIODATA/PROFILE
Member hai in nina le in sin thawna/thawkna hmun/Education line a in Qualification/Music tienga in Degree, Details Name and Address; Band a in part play, Kohran le Social a in nina chelhai a mal malin hriet nuom a um.
THE BAND:
1. DIAMOND M TUSING
BAND MANAGER/GUITAR
Working as Proprietor of DIAMOND OFFSET
MUSIC - Bachelor of Church Music in Conducting
2. SAMUEL L SHAKUM
BASSIST
Working as Program Manager & Admin. RURAL WOMEN UPLIFTMENT SOCIETY (Ccpur ah NGO lien pawltak)
MUSIC - A God gift song writer and music composer
3. JAMES ROCHULLO
KEYBOARDS/PERCUSSION
Working as Proprietor of DOHDOH SOUNDS
MUSIC - Recently graduated from a Sound Engineering Institute and Grade 8 TCL (London)
4. ROBERT L KEIVOM
GUITARS
Working as a studio musician
MUSIC - A musician used by all recording studios in Churachandpur and other district and states as well.
5. LALZARZO
DRUMS/PERCUSSIONS
Working as a studio musician
MUSIC - Most talented musician awardee in MUSIC FEST 2013
6. GLORIA KHAWLHRING
VOCALS
MUSIC - Best solo awardee in various solo competition in the district.
Q. SEMIKAH hi a umzie ieng am a ni a? Tu phuok am? Ieng tik ni, thla le kum a indin am?
Semikah: SEMIKAH tihi Hebrew tawnga inthawka laksuok ania, a umzie tak chu KUT INNGHAT tina anih. Tienlai hunah Pathien kawla ran amani inhlanna an nei ding phata thiempu haiin an kut innghata an tawngtaina kha a kawk anih. Keini tadinga kan laklut dan chun kan instrument hai hi Pathien tadinga inhlanna neiin kan themthiemna le kan kut hai innghatin kan inhlan ve naa ngaiin hi hming hi kan hung hmang ta pei anih.Kan member lai pakhatin meeting kan nei lai a hung hril suoka tha kan ti ta em ema kan hmang sawng ta anih. Hi Band hi Kohran inkhawmpui nahaia rimawi lo remkhawm zing zing hlak kan nia, official taka a hranpa a indin hun kan nei nawa, kan inhnikna le rimawi kan remkhawm lai khan kan lo tan der el an ta.
Q. SEMIKAH Band hin ieng am a ni a in thil tum tak?
Semikah: Kan Band logo le tagline ah inziek ang Khan REDEFINING TRIBAL CHRISTIAN MUSIC ti ania, kan thil tum tak chu eini tribal hai lai khawm abiktakin Hmar nauhai rimawi themthiem hai lai thei ang anga thlak danglam le suk changkang el khelah Pathien inpakna hla nasa nawk zuola an dar theina dinga indin a nih. Tribal music/ folk music hai ban kan tum ani nawa ei hnamphunga rimawi hai hmang le tulai rimawi hai hmangkawpa rimawi chi hrang hrang khawm hung remkhawma hung sak suok kan la tum lei anih.
Q. Album, Audio Record le Music Video iengzat am in siem/nei tah a?
Semikah: Kan debut album SUMRISANG ami po kha a rengin Music Video siem vawng ani taa, a hran tawpa audio record chau chu kan la nei hri nawh.
Q. In hla hai hi tu phuok/siem am a ni a?
Semikah: Kan hla hai hi kan bassist Samuel L Shakum leh kan band manager Diamond M Tusing hai phuok deu vawng anih.
Q. Hla ieng zat am in nei tah a?
Semikah: Kan debut album SUMRISANG a khan hla 10 a uma, chubaka tuhin recording thaw tan tumin hla pahni kan buoipui mek.
Q. In hla inlar deu "Sumrisang" kha a umzie ieng am a ni a?
Semikah:Sumrisang hla hi Pathien a thutiema a ringumzie hrilna anih. Noah hun laia tui a lêt zo khan Pathien in khawvela tui a let nawk ta naw na dingin thu a thlunga, chu inchikna ding chun Sumrisang hi a hmang. Hi hi vawisun hun chen a lan dik zinga, khawvel um sung chu lan dik pei bawk atih. Sumrisang hi inkhel lo a ruosur zo ah an lang hlak ang hin, Pathien hi a thutiema a ringum a an khel nawh. Harsat huna khawm beidawng el loin țhangpuitu Pathien hi a hnai zing a anih. Sumrisang ang in Pathien hi a thutiema an khel ngai nawh zie puongsuokna anih.
Q. In hla hai chu a hla hming ieng ieng am a ni a?
Semikah:
1. Revolution
2. Sumrisang
3. Khawvel taphla
4. Indona
5. Kohran
6. Vanglai hun
7. Sum lai khin
8. Hringnun Chelban
9. Pharoah naunu naupa
10. Teplohai teplo
Tuta siem mek a umhai chu:
1. Thina tur
2. Hmangaina ropui
Q. SEMIKAH Band hin Ministry iengang in am in nei a?
Semikah: Ministry hranpa tawpa va nei hri chu kan la nei nawa chu Kohran dang dang hieng ICI, RPC le HMAR CHRISTIAN MUSICAL SOCIETY MUSIC FEST dam le HYA conference a hai dam performance kan lo nei ta hlak anih.
Q. Kohran bika rawngbawl in i ni am?
Semikah: Kohran in ang vawng chu kan ni lai zingin Kohran bika rawngbawl kan ni nawa, Pathien ram a lien na ding phawt chun ieng kohran a khawm rimawi hmanga rawngbawlna chu kan nei nuom zing anih.
Q. Miin fiel nuom hai sienla cheu iengtin am ning a ta?
Semikah: Mimal taka sinthawna nei seng kan ni lei hin nuom ang chun kan inhmukhawm theinawa amiruokchu fielna kan hmu hai hrim hrim instrument a kim vawng theina hmuna hai chu an fielna hnawl kan la nei naw.
Q. Kohran Conference le hun pawimawa in fe chang hin nangni le nangni in intum a ni?
Semikah: A then a hai chu keini le keini intum na hmuna kan fe hai khawm a um tho laiin a thlawn naw na dinga lawmman mi pe khawm an um hlak.
Q. Rock Music hi mi tam takin suol ah an ngai a. Semikah Band hai hlakin Rock Music hmangin rawng in bawl zing si a, ieng am a ni a a umzie?
Semikah: Rock music hi suol ani naw lai zingin rock music hmangsuoltu hai tading chun suol ani ve tlat. Ienglei in am rock music tha popo setan pe bik eita tiin thalai hai inhnikna zawng taka suola tlu an lo um chun an inhnikna zawng bawka Pathien tienga thuoilut thei an ni tiin rock music hi kan fepui anih.
Q. Setan in ti ziek, Pathien thu hmangin mi a thlem hlak a, nangni khawmin Rock Music hmangin Setan-in a thuoisuol dinghai le a lo thuoisuol tah hai in la sansuok pei ring a um a, in hmalakna hi inpak in um tak zet. Tulai hin iengangin am hma in lak deu tak a?
Semikah:Tulai tak hin hla pahni recording thaw tumin hun awl nei changin jamming session kan nei zeu zeu hlak anih.
Hun siemrem inruol hi an taka hla buoipui ding hin chun tha le sum seng hai alo ngai pei bawk sia, amiruokchu fans tamtak hai mi beiseina le mi ngenna hai hi kan ngaipoimaw leiin hla thar pahni recording thaw tumin kan insingsa mek ta anih. Pathienin keini fethlenga hla inhnikmihai tadinga hla ngainuomna an neia kan hla sak suoka ngai nuoma dangchar ngawi ngawi hai hi iengleiin am theinghilin sel ngam kan ta tiin hla thar khom hi kan buoipui nawkna san tak anih. Sum le pai beiseina leia rimawi rem kan ni nawa Pathien ram a lienna ding beisei le Hmar hnam chawisangtu pakhat ani ve theina dinga inremkhawm kan ni ti hi fans le mipui hai hriet kan nuom takzet anih.
Q. Live Concert dam hi in buotsai tum hnai am? Iem in thaw hnai deu dam Semikah hin a um am?
Semikah: Live concert tihai hi thaw chak le phur um em em ani lai zingin sum seng tamtak a thang ve leiin sponsor thatak dam an lo um pal ani chun iengtik lai khawm nei dingin kan in pei zing. Keini Band khat chun chu kan lan finance zo naw deu chu anih.
Q. Rimawi (Music) hi rawngbawlna kawnga a hlawk dan iengangin am in lo hmusuok tah a?
Semikah: Rock music chau niloin rimawi hin rawngbawlna kawnga abiktakin tulai thalai hai lai a hlawk em em a. Kan hmusuok ve pakhat chu thalai tamtak suolin a thuoihmang hnung biekin khawm hnai pei ta lo inhlat em em hai hin biekin anthawkin ri mawitak an ngai nuom zawng tak a hung suok ri an hriet chun biekin lut nuom na le fe nuom na annia a pieng thei tihi anih.
Q. Virthli member le Rock Music inhnikhai incha nuom deu dam in nei am?
Semikah: Ahmasa in Virthli fethlenga hi interview in mi hung nei hi kan lawm em em anih. Virthlimember hai le rock music inhnikhai popo kuomah kan incha nuom chu ROCK MUSIC ei inhnik lai zingin setan hin nasatakin ei themthiemna le ei ngaituona awlsam takin a lakpeng thei leiin ROCK MUSIC a khawm CHRISTIAN ROCK MUSIC ngei inhnika ei ram le hnam, ei nau le te generation la hung piengsuok pei hai tading khawma RI-MAWITAK suokna hnar ni thei dinga inbuotsai seng dingin ditsakna kan inhlan che/cheu.
Ka/Kan lawm ie. Pathienin malsawmin thuoi pei raw se cheu.
Semikah: Keini khawm kan lawm e ... Hmar hnam rimawi hi Pathien chawisangtu le a ram sukzautu hung ni pei sien kan nuom anih. Kan lawm ie.
An Music Video le Audio thenkhat i lo en le ngai nuom chun a link a hin lut rawh-
SEMIKAH- 'Sumrisang' (Official) HD - YouTube
https://www.youtube.com/watch?v=vXLz_y22SQg
Sum Lai Khin - YouTube
https://www.youtube.com/watch?v=MCWyYLTkTl0
SEMIKAH | 'REVOLUTION' (Official) HD - YouTube
https://www.youtube.com/watch?v=Vmu7IyCwAv4
Semikah » Free MP3 Songs Download - eMP3z.com
https://www.emp3z.com/mp3/semikah.html
