Aizawl, Virthli (ONP): Mi tam tak ngaiven Mizoram-HPC(D) inbiekna dinga hmalakna chun hma a sawn pei a, a tu tieng tieng khawm inpeifel ve ve anni tah thu ei dawng. August ni 10, Nilaini hin Aizawl ah Mizoram sorkar aiawhai le HPC(D) aiawhai an inbiek ding a n'a, a khawtieng tieng khawmin an aiaw ding an sukfel tah. HPC(D) tia hril, Hmar People's Convention (Democratic) hi an phir leiin HPC(D) tih hming putin pawl pahni an um a, tuta Mizoram sawrkarin biek a tumhai hi H Zosangbera pawl hai an nih.
A khingtieng Lalhmingthang pawl hai biek tumna a um hri nawh ti thu dawng a nih. Sangbera pawl HPC(D) hi Mizoram sawrkar leh an inbiek nawna a sawt tah a, 2013 Inthlang hma deua an inbiek kha a hnuhnung tak a ni hri. Tuta inbieknaa hin HPC(D) țhuoituhai țhang nawng an ta, palai tir an tum.
Manipur a inthawkin Lalțhaliana, John Pulamte leh Songneilien Songate hai hung an ta, Mizoram a inthawkin Thanglianchhunga, Rohringa leh Lalthlamuana Hmar hai țhang bawk an tih.
HPC(D) hin an thil ngiet autonomous district council chu inremna a um theina dingin an ngiet ta naw dinga hril a ni a, Mizoram sawrkar țhuoitu tiengin autonomous district council an ngiet chun inbiek ni nawng a tih tia an lo hril ta leiin, an inbiek a ni chun hi hi an ngiet naw ding tinaa ngai an um. Autonomous district council aiah Sinlung Hills Development Council sukdanglam hreta chu taka thutluk chu a nih a ringum thu dawng a ni a, thudawngna pakhata chun autonomous district council hi 'agenda'-a chun a um ngei a ta, an thu suktluk dan chu thu hran ti a nih.
Chu ruol chun, Mizoram sawrkar țhuoituha'n HPC(D) hai hi silai an intung a ni naw chun inbiek a ni naw ding thu an lo hril ta hlak a, silai an intug naw puma inbiek tum a ni ta tho lei hin autonomous district council khawm inbieknaah an leng nawna ding san a um lo nawh ti ngaihdan a um ve bawk. Mizoram sawrkar tienga inthawka thudawngnaa chun, ngiet ding le ngiet naw ding hrilna dingin a la'n hma a, dawkan kila inremna zawnga inbiek țanna chauh a la nih ti a nih.
Mizoram sawrkar biek ding HPC(D) president H Zosangbera le an deputy army chief Lalbiaknunga hai chu Mizoram Police ha'n an lo man tah, bail-a in suok tir nawk an ni a, an army chief Lalropuia, sergeant Lalchuailova, sum enkawltu Norbar Sanate, Pvt Ngurthantluanga le sergeant Lalbiakliana hai Mizoram jail-ah an la'n tang.
Hienglai zing hin Mizoram sawrkar le inbiekna nei ding HPC(D) țhuoituhai chun Jail a intang an hotu le an ruolhai ditdan le ngaidan lak a ni ding thu an hril a. Hi inbiekna ding hi Hmar hnam issue a ni angin hnam mipui le hnam sunga organisation hai ditdan le ngaidan lain an la rawn pei ding thuhai an hril. Tulai hnai khan HPC(D) Working Chairman LT Hmar chun Thupuong le mipui kuoma ngenna siemin thu um dan le hi inbiekna ding le inzawma Pathien kuoma țawngtainaa lo hrie dingin hnam mipui hai lai ngenna a lo siem tah a nih. (with inputs from The Aizawl Post | 08-08-2016).
A khingtieng Lalhmingthang pawl hai biek tumna a um hri nawh ti thu dawng a nih. Sangbera pawl HPC(D) hi Mizoram sawrkar leh an inbiek nawna a sawt tah a, 2013 Inthlang hma deua an inbiek kha a hnuhnung tak a ni hri. Tuta inbieknaa hin HPC(D) țhuoituhai țhang nawng an ta, palai tir an tum.
Manipur a inthawkin Lalțhaliana, John Pulamte leh Songneilien Songate hai hung an ta, Mizoram a inthawkin Thanglianchhunga, Rohringa leh Lalthlamuana Hmar hai țhang bawk an tih.
HPC(D) hin an thil ngiet autonomous district council chu inremna a um theina dingin an ngiet ta naw dinga hril a ni a, Mizoram sawrkar țhuoitu tiengin autonomous district council an ngiet chun inbiek ni nawng a tih tia an lo hril ta leiin, an inbiek a ni chun hi hi an ngiet naw ding tinaa ngai an um. Autonomous district council aiah Sinlung Hills Development Council sukdanglam hreta chu taka thutluk chu a nih a ringum thu dawng a ni a, thudawngna pakhata chun autonomous district council hi 'agenda'-a chun a um ngei a ta, an thu suktluk dan chu thu hran ti a nih.
Chu ruol chun, Mizoram sawrkar țhuoituha'n HPC(D) hai hi silai an intung a ni naw chun inbiek a ni naw ding thu an lo hril ta hlak a, silai an intug naw puma inbiek tum a ni ta tho lei hin autonomous district council khawm inbieknaah an leng nawna ding san a um lo nawh ti ngaihdan a um ve bawk. Mizoram sawrkar tienga inthawka thudawngnaa chun, ngiet ding le ngiet naw ding hrilna dingin a la'n hma a, dawkan kila inremna zawnga inbiek țanna chauh a la nih ti a nih.
Mizoram sawrkar biek ding HPC(D) president H Zosangbera le an deputy army chief Lalbiaknunga hai chu Mizoram Police ha'n an lo man tah, bail-a in suok tir nawk an ni a, an army chief Lalropuia, sergeant Lalchuailova, sum enkawltu Norbar Sanate, Pvt Ngurthantluanga le sergeant Lalbiakliana hai Mizoram jail-ah an la'n tang.
Hienglai zing hin Mizoram sawrkar le inbiekna nei ding HPC(D) țhuoituhai chun Jail a intang an hotu le an ruolhai ditdan le ngaidan lak a ni ding thu an hril a. Hi inbiekna ding hi Hmar hnam issue a ni angin hnam mipui le hnam sunga organisation hai ditdan le ngaidan lain an la rawn pei ding thuhai an hril. Tulai hnai khan HPC(D) Working Chairman LT Hmar chun Thupuong le mipui kuoma ngenna siemin thu um dan le hi inbiekna ding le inzawma Pathien kuoma țawngtainaa lo hrie dingin hnam mipui hai lai ngenna a lo siem tah a nih. (with inputs from The Aizawl Post | 08-08-2016).
