Responsive Ad Slot

Jiribam Hr. Secondary School ah Hmar MIL

Tuesday, August 9, 2016

/ Published by VIRTHLI
Jiribam, August 9, 2016, Virthli (ONP): Vawisun khan HSA Jiri-Vangai Joint Headquarters chun Jiribam Higher Secondary School (JHSS) kanna an neia, hi huna hin School thuneitu hai inhmupui in HMAR MIL a um thei dan ding hohlimpuina an nei. School thuneitu hai chun zirtirtu/hotu an pek thei naw ding thu an hrila, HSA Jiri-Vangai Joint Headquarters chun pawimaw hlea a ngai leiin Hmar MIL zirtirtu ding zawng le pek an intiem a nih. School thuneitu hai chun hotu an um chun Hmar MIL chu nei thei dingin an hrila, student haiin MIL form fill-up a class lak tan thei nghal dingin an hril bawk a nih.


Hi bak a hin JHSS ah HSA Unit indin le Career Counselling hung tlung ding August 20, 2016 a nei dinga an ngenna chu School thuneitu haiin an phal pek bawk a nih. Hi Career Counselling huna hin student hai kim taka thang seng dingin HSA Jiri-Vangai Joint Headquarters thuoitu hai chun ngenna an siem nghal bawk a nih.
Don't Miss
© all rights reserved
made with by Simon L Infimate