Jiribam, August 31, 2016: Hmar Students' Association (HSA) Jiri - Vangai Jt. Hq. huoihawtna hnuoia tulai hin Hmarphairuom sunga Education campaign nei mek a nia, khawtina nei thei ninaw sienkhawm khuo iemanizat ah nei theiin a um a, la nei pei dinga riruong ani bawk. Zanizan khan Sunggakhal ah nei a nia, khuo mipuihai an lo phur tlang hle. Hi huna hin Dr. Immanuel Zarzosang Varte chu resource person niin, education hin mimawl le retheihai a suk var zie le mihriem in tumruna le taimakna ei nei phawt chun hlawtlingna a um thu uor takin a hrila, ama khawm harsataka inthawka inchuk ani zie hai a hril bawk. Nu le pa hai chu an nauhai officer lien tak an la ni thei thu a hril bawka, a pawimawtaka dingin Pathien hriet a tul zie le Pathien ditdan a um a pawimaw zie a hril bawk.
Hi program hi nei sunzawm pei tum a nia, vawizan hin Upper Tuisuolien ah nei ni nawk a tih. Hi huna resource person ding chu Dr. Immanuel Zarzosang Varte bawk ning a tih.
