Responsive Ad Slot

Hmarram mipui bunghei tawngtai hlawtling taka zo fel

Tuesday, August 23, 2016

/ Published by VIRTHLI
Hmarram/ Parbung : Tarik 22nd Aug, 2016 khan Hmarram Kohran Inzawmkhawm (HKI) thurel bawzuina in - Hamrbiel sunga iengkimah Ram-le-Hnam hmasawmna ding ti thupui a hmangin khuotin ah bunghei tawngtai nei a nih. Subject thenawi hieng:

1.  Ei hnam Pathien laka suksuol neia inhrie in, Pathien kuoma thupha chawina
2. Tipaimukh Constituency a MLA 2017 a in Candidates hai ta ding (Candidate tukhawm lungril tha naw put lova, thienghlim taka vote zawng ding).
3.  Hmar hnam sunga, ei hnam sipai hai ta ding.
4.  HPC (D) le Mizoram Sawrkar inbiekna.
5.  Hmarram a ei Hospital function sun, CHC Parbung a that nawk zuol theina ding le hmangruo Sawrkarin a pek hai tangkai taka hmang a ni thei na ding.
6. CHC-Parbung Doctors hai le sinthaw tuhai ta ding.
7. Hmarram sunga Sawrkar Office hai a function thei na ding.
8. Pherzawl ADC tha taka a function thei na dingin.
9. JT Road siem mek a um tha taka zofel ani thei na dingin.
10. Tuival Leilak daw dinga nawrna siem nawk, sukpuitling a ni theina dingin.
12. National Food Security Act (NFSA) tha taka hmu a ni theina dingin.
13. Thilthawna hrim hrim a huoisenna thlarua neia Pathien ditdan a Hmar mipui fe pei le a dang dang.


Hi huna hin Pastor hai Khawtin a inthedar- in zan huna  hai Biekin pakhat a inkhawmin Pathien thutak ngai thlakna’n hun hmang zawm a nih. Khuotin-a bunghei tawngtaina a thang hi mi 1500-2000 bawr vel an nih, a tam na tak Parbung mi 317 . ”Tipaimukh biel mipui ha’n harsatna nasatak an tuok hlak a, mipui ko bumtu ding tak ngiel khawm Organization hrat hmu a ni ta naw leiin, rawngbawlna puitling nei theina ding chun taksa le thlarau a tul a,kum  2012 khan vawitam tak inrawnkhawm le Pastor ruol bunghei tawngtaina tum thum (3 times) nei a ni hnungin HPO/HKI hi lo thei lova indin a nih” tiin HKI Chairman, Rev. Hrangchunghnung chun a hril.  Ei ram-le-hnam hi hmasawnna tieng  nekin hnusawn tieng a panpei niin an lang a, lungril  natna ding tamtak a uma .Hma tieng peiah kalpen tlang ding le thang tlang dingin HKI chun ngenna a siem zui nghal bawk. Khuotina HKI branch hai hmalakna hi lawm a um takzet a, tawngtaina dawntu iengkim thawthei Pathien chun a mi la siem danglam ngei ding a nih ti hi HKI thuoituhai  vision ani bawk a nih. LALPA Pathiena nei hnam chu an hamtha. Sam 33:12
(Input: Lalnunthang Songate,Secy.Inf.&Media-HKI)


Bunghei tawngtai:Parbung RPC Biekin ah

Don't Miss
© all rights reserved
made with by Simon L Infimate