Hmarkhawlien, August 10, 2016: July 7, 2016 a'nthawka EFCI Biekin, Hmarkhawlien a lo nei tan tah "Jehova Jire Camp" chu hlawtling taka fe peiin vawisun hin a sawng rukna (6) țan alo ni nawk tah.
Camp a sawng 6 naa lut hi mi 930 bawr vel an nia, Camp a lut hai hi Hmarkhawlien khuo mi chauh ni ta lovin khuo dang dang a inthawk dam anni tawl tah a nih. Sawng 7 na hai chen khawm thaw pei dingin Camp buotsaituhai chun an lan beisei a nih.
Pathien thlarau malsawna tieng chauh nilo fak le dawn tieng pang khawm malsawna an dawng nasa hle. Camp buotsaitu haiin fak le dawn man dinga budget anlo siem khawm hmun li (4) a țhe a hmunkhat khawm anla hmang zo nawa, mimal le Kohran haia inthawkin khawrsaw ala lut zut zing bawk a nih.
Thlaisuong dinga inpumpek tawp khawm mi tamtak an um a, Camper hai Biekin in a keng ta naw leiin Hall bawl hlawl a nih. Hi Camp a Speaker chu Rev. Sakhuolien a nih. (input:Fimronghet Hmar)
