Parbung, August 16, 2016, Virthli (ONP) : India Independence Day vawi 70na hun a Parbung Block Hq. a Chief Guest a thang Pu Shyamchandra Sharma (SDO Tipaimukh) chu Hmarram Kohran Inzawmkhawm Pawl (HKI) thuoitu hai leh inpawltlangna neiin hun hlimumtak an hmang. Hi hun a hin National Food Security, Tipaimukh Dam, HKI hmalakdan le Development tienga sinthawna a thlawptu ding, Social Wing thatawk a indin a um thu hai indawnna le hriltlangna an nei. SDO hi Parbung hmun a um ngei dingin ngenna siem ania, harsatna a neihai theitawp suoin HKI chun hma an lak pui ding thuhai an hril lang. SDO khawmin Parbunga um chu a mimal nuomnaw el thu nilovin office tieng le higher authority tieng (DC office) a meeting nei ngun thu hai a hril ve. Hmatieng peiah Development thil/sin  hmu/dawnghai hrim hrim indik tak le thatak a thawtlang ding in tha an ti tlang a nih. SDO khawmin a biel sunga hienga NGO tha tawk an um hi a muongpui in lawmthu a hril. (Input: Lalnunthang Songate)


Post a Comment

Powered by Blogger.