DIPHU, Aug. 8, 2016; Virthli (ONP): Tarik 7th August 2016 zantieng 6pm vel khan Tv Roland Hrangchal chun Karbi nunghak pakhat tui a tla a sansuok. Karbi hai hi Silveta (picnic spot) Diphu a inthawk 20 KM a hla a pinic spot a fe an nih.

Ama nu hin ruol dang pasal 3 a nei a, a ruol hai hin tui inhlieu an thiemnaw lei amani ding sansuok el loin an zamsan a, am annaw leh ansansuok thei naw phingin police case an ți leia an inrel hmangsan el. Chuonga tuia nunghak tla beidawng chu lo hmu fûk in ei tlangval Roland Hrangchal chun HYA tlawmgaina lungril alo intuo nghet ta chu phursuokin nunghaknu chu a zu sanzuok el a nih. Anni hin beidawngin aruol hai hlakin an zamsan el ta si tiin picnic spot a duty reng Forest Guard hai kut a chun an inhlan el a nih.


Hril dân chun ama nu hi an tlakna a inthawkin 100 feet vel tui in a len a, a zu sansuok, tha khawm nei talo, a tui lemna a phing hai khawm a puom vel el ta a nih. Asansuoktu pa tak lem chun a hming khawm a hriet naw a, ka thaw ding ka thaw a na, hmingțhat ka tum chuong naw a, a hming le an veng khawm ka zuk ngaituo zawm chuong nawh tiin a hril. Sienkhawm a ruol haiin tlansan el nasan le a suong le kuo han ei Tlangval pa tlawngaina hi aropui a nih ti hi lo hre ve reng reng hai sien ti nuomna in Diphu HYA hai chun ama le a suonglekuo hai hi zawng dawk dingin hma alâk mek.

Post a Comment

Powered by Blogger.