Responsive Ad Slot

College Fund a MIL Inchúktirtu Lak Ngen

Thursday, August 4, 2016

/ Published by VIRTHLI
Silchar, August 4, 2016, Virthli (ONP): Hmar MIL inchûktirtu um naw leia Cachar College student haiin harsatna an tuok hlak chu H.S.A. Silchar Branch chun theitawp suoin a bawzui a. Hmar Literature Society in huoisen taka mani (society) intum dinga hieng chen a lo suol dawk hi lawm a um hle lai zingin,  tu ang ngirhmuna um ringawt chun Hmar MIL hi dam zo naw tak ngiel dingin an lang ta a. Sawrkar pawmpui sanctioned post hlak um el thei dingin an lang naw leiin, college-in MIL teacher a lâk theina dingin nawr mek a nih.


Vawisun khan Cachar college a Hmar inchûklai mi 70 bawr chu HSA le NSUI țhuoituhai inrawina hnuoiah an pungkhawm a. College Principal, Governing Body President le Teachers' Council hai kuomah memorandum an pek. An memorandum a chun kum 2016 session a Hmar MIL inchuktirtu College fund anthawka la dingin an ngen a. An hma tienga sukfel a ni naw chun nasa nawkzuola nawr an tum thu tarlang a nih.

Hienglai hin College thuneituhai chun ni 2/3 hnungah meeting a um ding thu le,  Hmar student hai ngenna hi ngaituo a ni ding thu,   Principal room sip hmura um Hmar inchuklaihai an hril a. Beiseina insang tak neiin thlir mek a nih.

HSA Vice President VL Paula, Secretary Gospel Songate le Finance Secretary Nehemi LS Țhiek hai chun MIL teacher lak a ni ngei an ring thu an hril a. College thuneituhai țawngbau angin MA zo, TDC level chen Hmar MIL la, inchuktirtu ding ngaiven nghal a ni thu an hril. Iengchen am College hin support a thaw thei ding hriet a la ni naw a. A tlawm a tam hril loa hnam hmangaitu inchuktirtu sin thaw thei ding hai chun HSA țhuoituhai kuoma inhriettir thei ning a tih. A hun taka bawzui vat vat a ni theina dingin ei lo hmakhal met tum a nih, tiin HSA Secretary chun a hril.
Don't Miss
© all rights reserved
made with by Simon L Infimate