Responsive Ad Slot

Bill Draft thar chungchang, hnam sunga inrawntlangna Aug. 20 ah a um ding

Thursday, August 18, 2016

/ Published by VIRTHLI
CCPUR: Manipur Sawrkar-in Aug. 31, 2015 a Anti-Tribal Bills a ngai 3 lai a passed nasataka dodal le siemțhat dinga nawr a ni hnungin tuhin Bill thar a hung induong mek a, hnam sunga inrawntlangna chu Aug. 20, 2016 chawhma dar 10 AM hin NECA Auditorium, Bethlehem Veng, Rengkai, CCPur hmun ah um a tih. Hi hma hin Hmar Inpui hnuoia affiliated bodies hai chu mani Organisation seng ah hi Bill Draft thar a um mek hi a sietna lai le siemțhat țul awma inlang hai lo entlanga, Hmar Inpui inrawinaa inrawntlangna nei a ni huna a ziek (soft & hard copy) ngeia ditdan le sawiselna chawi khawm senga, entlanga hnam inlungruolnaa thutlukna siem dinga ti a nih.


Aug. ni 24, 2016 hi Manipur sawrkar in hi Bill thar induong nawka um sawisel theina hun a pek hun sung tawp ni le ditdan peklut theina hun tawpni chu a nih. Hi bill le inzawma Hmar Inpui inrawinaa inrawntlangna nei a ni huna hin pawl pakhat a inthawk palai pahni (2) seng in tir dinga ti le mimal fiel a umhai bakah inhnikna nei taphawt țhang thei dinga ti a ni bawk. Khawhnunga sawisel thil remchang a ni ta naw ding le thil inhnu thei zing a ni leiin a hun lai taka hril nuom neihai chun a ziek (soft & hard copy) ngeia ditdan le sawiselna chawia hril dingin Jt. Secy., (Inf. & Media i/c), Hmar Inpui; GHQ chun inhriettirna hnam mipuihai kuom ah social media tum tum hai hmangin a siem.

~ Jt. Secy., (Inf. & Media i/c), Hmar Inpui; GHQ

Don't Miss
© all rights reserved
made with by Simon L Infimate