CCPUR/IMPHAL | Hmasawnna Thar (Virthli ONP): Joint Action Committee Against Anti-Tribal Bills (JACA­ ATB) hmalaknain August 3 I, 2016 khin Manipur pumpui-ah "Tribal Unity Day" hmasatak hmang ning a tih. Hi Day hmangna ding le inzawm hin August 26, 2016 a inthawk haptakar khat sung aw ding nuorna nei ning a ta, hi hun sung hin Public meeting, meiser sita lampui hrawna, pi le puhai lo thaw dan anga silai kapa Salam bukna Ie nuorna chi tum tum Manipur tribal movement intanna Lamka-ah nei ning a tih.

Mimal, Media house Ie pawl tum tum hai chu hi Day hmangna hi thlawp a. "Tribal Unit)" thupui thangsana mani umna hmun le biel sengah thuziek banner le poster hai tar dingin JAC chun ngenna an siem. Chun, hi Day hmang ni hin JAC in Press Conference buotsai an ta, hmatieng peia an hmalak dan ding puonglang an tih tiin JACAATB-a lnforma­tion & Publicity Department chun zanikhan thusuok an siem.

Manipur Tribals' Forum Delhi (MIFD) khawma zanikhan Manipur sawrkarin Draft Bill-Manipur Regula­tion of Non-Local People Bill, 2016 chungthuah Press Release an siem. Draft Bill thuah an ngaidan points 6 lai an zieklang. A tlangpuiin Anti-Tribal Bills 3 Ie hieng Bills 3 leia tribal martyrs 9 hai ruong vui dan ding suk­fel a ni hmakhat chu ieng Bill hriltlangnaa thang ve chu tribal-hai ta dingin pawm thei ding a ni nawh ti a nih.

Chun, zanikhan JCILPS hmalakna le buotsainain Manipur Dramatic Union Manipur Hall, Imphal-ah Manipur Regulation of Non­ Local People Bill, 2016 chungthuah one day People's Convention nei a ni a. Hi Convention a thanghai chun hi draft Bill thar hi tha an tinaw a, thlawp lo ding tiin an rel. Chun, Draft Bill thara base year January 21, 1972 chu pawm thei ninaw ni a. base year chu 1951 (relevant documents of NRC 1951, Census report of 1951, elec­toral roll of 1952 le electoral roll of 1948 or any relevant documents) a ni ding a nih tiin JCILPS Co-Convenor Ng. Deba chun a hril.
Manipur hmakhuo ding hi hrietthiem an tak ta hle.

Post a Comment

Powered by Blogger.