CCPUR, August 11, 2016, Virthli (ONP): MBBS le BDS admission hmuna dinga Dibrugarh University in a huoihawt Assam Medical Entrance Exam (MEE) 2016 results suoka hlawtlingna changhai chu Sielmat Christian Hospital and Research Centre, Sielmat, Churachandpur (Manipur) chun an lawmpuinain Rs. 2,000/- seng le Appreciation Certificate mawitak el pek an nuom thu Chief Editor/Admin, Virthli an hung hril. Hi thu hi Hospital neitu le hotu tak, USA a cham mek Rev. John Pudaite le Mrs. Lawm Pudaite hai nupa chun Virthli (ONP) a zieklang a um lo hmuin, hi thu hi an hung intlun a nih. Hieng Sielmat Christian Hospital & RC in lawmpuina a pek nuom hai hi August 17, 2016 (Nilaini) chena mani taksa ngei le Bank A/C details hai Virthli Admin pakhat tak kuoma in langa pe dinga ngen an nih.


Assam MEE 2016 Result suoka hlawtlingna chang Virthli (Online News Portal) in tuchena ei hriet thei hai chu- ST(H) Rank 1. Nk. Elim Lalnunhlim Hmar d/o Pu Lalropieng Hmar, Leiri, NC Hills; ST(H) Rank 3. Nk. Judith Lalhmingmawi d/o Pu Pasung Famhoite; ST(H) Rank 13. Nk. Grace Hrangate d/o ?; ST(H) Rank 21. Tv. John Lalhrietfel Zate s/o Pu H.N. Sanga, Hmarkhawlien, Cachar; ST(H) Rank 26. Tv. Lalrothar Neingaite, s/o Pu Lalropieng Hmar, Leiri, NC Hills le ST(H) Rank 38. Nk. Rose Ramlienkim d/o Pu Hlunsang Darngawn, Hmarkhawlien, Cachar hai an nih.

Hienganga Sielmat Christian Hospital & RC in lawmpuina thilpek Assam MEE 2016 a hlawtlinghai a pek ding thu a puong hi inpak an umin an thaw țha tak zet.

#Hriethmai pal le pa hming ziek ve lo hi a hre pal dam ei lo um chun comment na tieng hung hril pei inla lawm um ngawt a tih.

Post a Comment

Powered by Blogger.