Haflong/CCPur, Virthli (ONP): Vawisun 11th August, 2016 khan Harangajao area a Boro Muolkoi khuo ah Free Medical Camp 43 Assam Rifles han an huoihawta, mi iemanizatin an hriselna an inentir baka damdawi a thlawnin an dawng bawk. North Cachar Hills Indigenous Students' Forum (NCHISF) Harangajao Branch chun hi huna bawk hin Cultural Program huoihawt vein hnam lam an inentir a, Hmar, Kuki, Hrangkhawl, Khasi, Nepali, Deswali le Dimasa haiin an hnam lam seng hi huna hin an inentir a nih. NCHISF chun Assam Rifles chu Tlangmihai ruolțha (Friends of the Hill People) an ni tak zet tiin an hril a, Col. Gagan Pandey le a rawihai 43 Assam Rifles in hiengang Free Medical Camp an huoihawt chu lawmum a ti thu David Keivom, President, NCHISF chun a hril.
Chun, hi huna hin Pu Sumngul Parate (97) Boro Muolkoi, NC Hills, Assam; Indian Army a 1940 - 1947 laia kha lo țhang, World War II veteran chu hi huna hin Col. Gagan Pandey, 43 Assam Rifles in chawimawina le inzanain thilpek an hlan.

-LRS Puruolte | Virthli

Pu Sumngul Parate (97) Boro Muolkoi, NC Hills, Assam; Ama hi Indian Army 1940 to 1947 laia mi, World War II veteran a nih.



11th August, 2016, Boro Muolkoi khuo a Free Medical Camp


11th August, 2016, Boro Muolkoi khuo a Free Medical Camp


NCHISF Harangajao Branch in Cultural Program an huoihawtna huna chawimawina an hlan lai

Post a Comment

Powered by Blogger.