Responsive Ad Slot

Tribal Euphony Solo Hunt Manipur Season 1 nei a nih

Tuesday, July 19, 2016

/ Published by VIRTHLI
CCPur, July 18, 2016, Virthli (ONP): Tingtelia Production House, Chingmeirong, Imphal in a buotsai "Tribal Euphony Solo Hunt, Manipur Season 1" chu chawhnung dar 2:00PM khan Joint Artistes' Association (JAA) hieng Hmar Artistes Association (HAA) Kuki Artistes Progressive Union (KAU) le Zogam Artistes Association (ZAA) hai keihruoina in YPA General Headquarters Hall, Hiangtam Lamka ah "Tribal Euphony Solo Hunt" Top 12 Promotional Tour/Concert nei a nih.

Hun khatna hi JAA haiin an keihruoia, Pu Thangkhosuanmung Guite, Chief of Hiangtam Lamka in lawmlutna thucha hrilna a nei a, JAA haia inthawkin hla mawi tak tak el hieng Thinglhang Gam, Ei Ram le Ei Hnam, Ei-leh-ei, We Are the World hai ngaithlak a nih.


Hi huna hin Tribal Unity Martyrs mi pakuo (9) hai sunna hunser hmang a ni bawk. Hmar Artistes Association (HAA) Kuki Artistes Progressive Union (KAU) le Zogam Artistes Association (ZAA) anthawk hlasakthiem thenkhat haia inthawkin hla mawi tak tak el ngaithlak a nia, mipui an inawi hne hle.

Hun hnina hi Tingtelia Production House hai kutah peksuok a nia, hi hun hi Tribal Euphony Solo Hunt a thang Top 12 haia inthawk hla pahni pei sakin Top 6 kai ngei tumin hlasak inelna hun an nei. Tuchena Top 12 hai chu hieng hai hi an nih.

Tribal Euphony Session - I a Top 12 hai:
Foreman Gangmei
WL Thaniwar Anal
Urngayam L Shimray
Gaanmei Rongmei
Asem Wngbe Koren
Thotson Langhu
Sganchuiphy Keishing
Jenny Thomte
D Ambrose Kamei
DK Dziiphro Ariicho
Hatchinneng Kipgen
Thanreiphy Kashun

Tribal Euphony Solo Hunt a hin mi 50 an thanga, vawisun Top 12 hai laia inthawkTop 6 thlangdawk ning an tih.

Manipur Tribal haiin inthuruolna thalem ei nei theina ding le hla tienga talent tha tak tak nei hai phawrsuok na dinga hi Tribal Euphony Solo Hunt hi huoihawt a ni thu hi huna hin Tingtelia Production House hai chun an hril.


Report & Photographs: Muona Infimate​ , Virthli

Don't Miss
© all rights reserved
made with by Simon L Infimate