Muolvaiphei, July 13, 2016, Virthli (ONP): Sugnu Road Muolvaiphei (EAC Biekin sak) khawsung hunsawt taka inthawka chirhak a um, Sawrkar kuomah vawi iemanizat intlun a ni hnung khawma ngaisak a hlaw naw leiin, Muolvaiphei HYA Branch chun HYA motto hrie zingin hi lai lampui hi siemthatna sin an tan.

Vawisun HYA OB po in sin tan ding ti nisienkhawm, HYA members tlawmngai tak tak haiin lam siemna a hin hung thang ve peiin iemanichen lampui hi vawisun an siem phak hman a nih. Zing a hin Muolvaiphei khuo group iemanizat a the in lampui siemthatna sin hi an thaw ding a nih. Pu Ruolchunghnung President HYA chun members hai lai State Highway nisienkhawm, sawrkar a che si naw chun mani khawsung lampui sie hi thahnem ngaitakin Sawrkar ah innghat lovin tlawmngai insuo in thaw pei dingin a hril.


Hi lai hmun hi VA khawmin vawitam tak repaired na sin hi thei ang angin a lo thaw ta hlak a nih. Pu Lalzar Darngawn, Chief of Muolvaiphei chun sin thiem taka insem in mi entawn thei tawk in lampui siemna hi thawtlang dingin mipui lai ngenna a siem. Saikot MDC Pu Hrila le Pu TK Simte Addl. Commissioner hai khawmin HYA tlawmngaina an hang hmu hin an lawm hle in anni khawm thei ang anga hung thang ve dingin an hril. Muolvaiphei khawsung a Organisations hieng VA, HYA, HSA, HWA, MYC hai a'nthawk pawisa dengkhawmin culvert siemna ding cement a siem tuidawt lien deu deu Rs.12000/- in pathum an inchawka vawisun hin an phum tan a nih.(with inputs from Lalnunthang Songate)

Post a Comment

Powered by Blogger.