CCPUR, July 31, 2016: Pu Lalhrillien MDC, Saikot bieltu chun a biel sunga khuo 9 haia sungkuo le In (House) 30 hai kuom ah Rangva 180 Band vel July 26 - 30, 2016 inkar sung khan a sem. Hieng Rangva semna khuo hai chu Ngurte, Thenmuol, Tuaitengphai, Varparkawn/Khawpuibung, Hmuntha, Saikot, Muolvaiphei, Saidan le Thingchom khuo hai an nih. Bieltu MDC chun a term kum 5 sung ngeia a biel sunga Ngaidi In hai chu Rangva In in ni tir a tum thu le Rangva inkhum hman vawng tuma thang a lak thu a hril. Bieltu MDC chunga hin Rangva peka um sungkuo hai an lawm hle.
