MITIN FIMKHUR ZUOL DINGA NGENNA
28th July, 2016 - Churachandpur, Manipur

Tulai ei rama, abikin Churachandpur sung le a se vel a Viral Fever le JE natna an leng mek lei hin HSA CCPur Joint Hqtrs. chun mitin fimkhur zuol seng dingin a ngen a. District Hospital, CCpur-a JE natna laka invengna ding le inzawma injection CMO, CCPur in a buotsai chu lawmum a ti hle a. Chuong lai zing chun District Hospital CCPur a mipui ta dinga injection buotsaia um chu mihriem an tam hle leia duthusam anga sin a fe hrat zo naw nia hriet leiin District sunga Primary Health Centre (PHC) hai chu injection thaw na dinga hmang sa hram dingin a ngen.

Chun, Deputy Commissioner, CCPur in natna hri inleng mek laka inthawk him theina ding le fimkhurna dinga mipui hmakhuo ngaina leia July 28, 2016 a inthawka tiem tana ni 7 sung inchuknain hai chawl puong dinga a ngenna chu lawmum tiin School thuneituhai khawma hriselna le hi ngenna hi ngai pawimawa chawl puong seng dingin a ngen sa bawk.

Hrik inkai sawngna laka inthawka ei fimkhur zuolna ding bikin kut fai taka sawp ding, hmai le bau kut fai loa them lo ding, public toilet hmang chang kut fai taka sawp ding, khawlai dunga a hawng a dara fak thei zawr hai fak insum ding.


(JOSHUA L. AMO)
Information & Publicity,
HSA CCPur Joint Hqtrs.



Copy to:
1. Deputy Commissioner, a tul le pawimaw anga hma la dingin.
2. Chief Medical Officer, a tul le pawimaw anga hma la dingin.


Post a Comment

Powered by Blogger.