HNA FOUNDER PRESIDENT THINA THU LE INZAWMA HPC-D (Chairman) PRESS RELEASE

Date: 5th July 2016

A hmasa'n Pu Lalthangsang Intoate, President, Hmar National Army (HNA) thina chungah hin HPC (D) chu inhnamhnawina iengkhawm kan nei nawh ti mi tu el khawm hriet dingin kan puong.

Lusun sungkuo hai kan tuorpui takzet ti kan puong le inruolin hienga inthatna rapthlak tulai ang huna a tlung el hi pawi kan tiin kan dem takzet bawk.

Tulai Manipura ei Politics kalchawiin hmasawn tieng a pan mek le UPF le KNO khawmin Political Demand thuhmun neia hmalakna a um mek lai Political Dialogue chen khawm UPF le KNA Table hmunkhata inthrung tlang thei ta hiel lai le a bik takin ei hnam (Hmar) khawm Hmar Christian Leaders' Forum (HCLF) haiin a chawipawlhai khawm remkhawm tuma nasa taka hma a alak lai zing bakah ni khat lai el khawm khan Imphal hmuna ngei khawm hohlimtlangna le thlaithleng chen khawm awt tlanga hlim le lawm taka inpawltlangna hun hai hmang a; hma tieng peia khawm hmabak tam tak nei a, lan pawltlang nawk pei dinga intiem a inthre kan ni laia hienga a chunga nunrawng taka kutthlakna rapthlak a hung tlung el hi chu HPC (D) chun hrietthiem harsa kan tiin a thawtuhai hi man dawk ngei a an phu ang tawk hremna pek ngei ni raw hai seh.

Sd/-
(JOHN F HMAR)
Secretary Information & Publicity
General Headquarters, Sinlung.


Post a Comment

Powered by Blogger.