Dist. Rapid Action Committee/Team Expansion thaw dingin an rel
CCPUR: Churachandpur District sunga JE natna le Viral Fever nasa taka an leng le inzawmin zanikhan District Hospital campus le DIO haia JE natna laka invengna damdawi kapna sunzawm a ni a, damdawi inkap nuom mipui an tam hle a, District Hospital campus le a tuol hai chu mipui an sip vawng.
JE le Viral Fever inleng mek le inzawm hin zani 11:30AM khan Dr Thangchinkhup Guite, CMO, CCPur inrawinain a Office chamberah Medical Heads han review meeting an nei. Hi huna hin JE le Viral Fever hai control a ni theina dingin DC, CCPur Chairman nina hnuoiah District Rapid Action Committee/Team Expansion thaw nisien tiin an rel. JE dangna damdawi Vials 5000 ngena um laia State sawrkarin Vials 2000 a hung pek chu an dainaw leiin zani ma khan state sawrkar kuomah Vials tamlem ngen belsa a ni thu khawm meeting huna hin an hriltlang.
VA, HWA Unit, HYA le Organisation dang dang thuoitu hai thurawn le Dr Thangchinkhup Guite, CMO, CCPur in Minister tienga pressure lo thawpui dinga a ngenna angin HYA GHQ thuoituhai khawm zanikhan a tul le pawimaw angin nasa taka tlankuolin sawrkar thuneitu hai dawrna sin an thaw niin ei thu dawngna chun a hril.
Viral Fever nasa taka an leng leia Schools hai khawm chawl puong hiel a ni lai damdawi inkap dinga mipui tam takel fekhawm hut hut el hi ngaimaw um tak a ni tah. Hienganga mipui tam tak fekhawm duol duol lova khaw tin annaw khawmin hmun remchang na haiah Counter hawngin damdawi kapna hi thaw nisien tha an ti thu mi tam takin an hril.
Karkhat sunga Vawk ladawk dingin
CCPUR: Churachandpur khawpui sunga Schools le Institutions bul hnai haia Vawk in, Ar In le Ekin (kutcha latrine) nei hai chu chawlkar khat sunga thiekdar le lahmang vawng dingin DC, CCPur chun July 29, 2016 khan inhriettirna an suo. Schools le Institutions bul hnaia awkin, Arin le kutcha latrine um hai hi a rim a siein mihriem hriselna ta dinga thil pawi intlun thei a nih tia concerned residents tum tum haia inthawk complaint tam tak hmu a ni leia DC, CCPur in inhriettirna hi insuo a nih tiin DC thusuok chun a hril. Chun, khuo le veng tum tuma mipui hai khawm mani in kawl le kieng fai taka sie dingin a ngen bawk.
JE ringhla in naupang 1 a thi nawk
CCPUR: July 29, 2016 (zani) zingkar 1:30AM khan Japanese Encephalitis (JE) natna ni dinga ringhla in Master Lalgoulam Lhouvum (10) s/o Lunminlal of B. Vengnom, CCPur chu a thi nawk. Mr Lalgoulam Lhouvum hi Salt Brook School, Tuibuonga Class IV inchuklai niin ni 3 vel liemtaa Viral Fever neia damnaw a ni a. Dr Ratan, Imphal kuoma inenkawl an ni a, a hnunga JNIMS Hospitala enkawl dinga a refer nawk a nih. A thin khawm an vung nia hril a nih. JE test thaw hman ninaw sienkhawm JE ni dinga ring a nih tiin ei thu dawngna chun a hril.
ATWU in zan khawvara tawngtairuolna
CCPUR: All Tribal Women Union (ATWU) hmalaknain District Hospital Morgue, CCPurah July 30, 2016 (Inrinni), zan dar 6 a inthawk July 31, 2016, (Pathienni) 6:00AM chenin zan khawvara bungheia tawngtairuolna um a tih. Hi tawngtairuolnaa thang ve dingin ATWU chun inhnikna nei taphawt a fiel.
Lungphit Truck 10 an sung
CCPUR: Edenthar Vengbuk (Rengkai) Welfare Committee hmalaknain zanikhan Edenthar vengbuk sunga lampui siet zuolna hmun haiah Lung phit Truck 10 sungin lampui siemthatna sin thaw a nih. Edenthar area sunga cheng han In tina sum dawl khawma lampui siemthatna sin hi an thaw a nih.
Block 3 a ding sanction nawk
CCPUR: Executive Director, DRDA, CCPur chun zanikhan Block 3 haia MGNREGS 201617, 1st phase a Job Card holder hai ni 18 sin thawna ding sum a sanction nawk. Zanita sum sanction hai chu Tipaimukh Blocka khuo 18, Tuibuong Blocka khuo 164 le Samulamlan Blocka khuo 66 an nih.
Lekhabu
CCPUR: Bible Concordance in Hmar Revised & Enlarge Rev. Darkung in a siem chu inchawk thei dinga sutzo a ni ta a, a dit han Rs. 220/ pein Sielmat Stationary, Opposite, Sielmat Christian Hospital le Rev. Darkung In, Saikawtah hmu thei ning a tih.
Inspector a kaisang hai bel pek
CCPUR: Zani zantieng 1:00PM khan Mr L. Mangkhogin Haokip, IPS, SP, CCPur chun a Office chamberah Police SubInspectora inthawk Inspector a kaisang mi 3 hai rank pekna a nei. Hi huna hin Addl. SP H.Balram Singh, Addl. SP (Operation); S. David Piaklian, Addl. SP (Law & Order); Sangboi Gangte, SDPO/Thanlon, OC le Police Officer hai khawm an thang. Inspector a kaisang thar hai chu Jangthang Baite, 2nd OC Singngat PS; N.Jadumani Singh, SP(NAB) Imphal a atttach le Th,Imoba Singh, DIG (RangeIII) a Reader attach a thawk hai an nih.SP, CCPur chun, rank a hung insang ang peia thaw ding le mawphurna khawm pung pei a ni thu hrilin, Inspector a kaisang thar mi 3 hai chu Departmenta an sin taima le ringum taka thaw dingin an fui.
Ex Servicemen Rally nei
CCPUR: 27Sector Assam Rifles huoihawtnain zani 11:30AM khan YPA Hall, Hiangtam Lamkaah ExServicemen Rally 2016 nei a nih. Hi huna hin Mr Lunminthang Haokip, IAS, DC, CCPur le L. Mangkhogin Haokip, IPS, SP, CCPur le Brigadier Ajay Kumar, CO 27Sector Assam Rifles hai khawmin an uop a, Assam Rifles Widows & Widower mi 36 hai kuomah thilpek inhlan an nih.
Hi huna hin DC CCPur le CO 27Sector Assam Rifles han thuhrilna hun an hmang a, ei society le community hmasawnna dinga theitawp an suo ding thu an hril. Brigadier Ajay Kumar chun, MCA project/program hnuoiah scheme tum tum um hai dawng theina dingin CCPur District Assam Rifles ExServicemen han proposal/project peklut thei a ni thu a hril.
Hi huna hin Assam Rifles chun CCPur District Assam Rifles Exservicemen le Widow hai ta dingin medical camp an buotsai nghal a, damdawi mamaw hai a thlawna pek an ni bawk.
SLM official 3 CCPurah an hung
CCPUR: Ministry of Rural Development, Govt. of India thupek angin MGNREGS le inzawmin State Level Monitor (SLM) a inthawk official 3 Kh Ibochouba Singh, Training Coordinator, State MGNREGS Cell; Y.Priyokumar Singh, Training Coordinator, State MGNREGS Cell le Kh.,Saimol Singh, Asst .State MGNREGS Cell hai chu zani zingkar khan CCPurah an hung. Hieng official pathum hai chun DRDA staff, concern BDOs le staff hai inrawinain Lamka Block, Tuibuong Block, Saikot Block le Samulamlan Block hnuoia khuo tum tuma MGNREGS sin thawna le plantation site hai enfelna an nei a, hi zo hin Imphal tieng an kir nawk.
JCILPS in darkar 24 Curfew an puong
IMPHAL: July 29, 2016 zanrila inthawk July 30, 2016 zanril chen, darkar 24 sung JCILPS in Curfew an puong. Zanita JCILPS hmalakna le inzawma Singjamei leilak bula nuorna nei studenthai chunga Policehai nurnawngna le an umna buk an suksiet pek dodalnaa Public Curfew hi puong a ni a. Public Curfew hin inchuknainhai, sakhuona thil le nitin mamaw thil thawna hai chu huomsa naw nih tiin B.K. Moirangcha, JCILPS ConvenorinCharge chun a hril. Public Curfew huop chin ding hi a hrillang nawh.
District Science Centre hmun hniah
IMPHAL: Manipur Science Centre Takyelpatah hawng a ni ta bakah Churachandpur le Ukhrul haiah khawm District Science Centre hawng tum a nih. Chun, a hmaa lo thaw ta hlak Science Reporting Course chu sukthar nawk tum a nih tiin Uttam Chand Laishram, Director, Science and Technology Department, Manipur chun zanita DIPR Complex, Imphala Press Conference huna a hril.
Sericulture thawna sinah sungkuo 31737
IMPHAL: Sericulture tiengpang sin thawnaah tuchena hin sungkuo 31737 an thang a, Manipur State sunga khuo hran hran 934 haiah Sericulture Department, Manipur chun hma a lak a, kum khata Silk (raw silk) ei tharsuok chu 525.95MT a nih tiin B. John Tlangtinkhuma, Director, Sericulture, Manipur chun zanita DIPR Complex, Imphal hmuna press conference ah a hril.
Helmet khum ngei ngei dingin
IMPHAL: Manipur state sunga inlirthei ke pahni nei khaltuhai chun Helmet an khum ngei ngei (mandatory) ding a nih tiin M. Lakshmikumar Singh, Commissioner (Transport), Government of Manipur chun July 25, 2016 khan order an suo. Hi order hin lukawm kawm hlak Sikhhai le hi order in an thlazalhai chu huopsa naw nih. Hi Order hi section 129 of the motor Vehicles Act, 1988 dungzui a nih tiin State Transport Department thusuok chun a hril.
Ruopui vanawn sur leiin zanikhan Bengaluru le Gurgaon khawpui haiah vadung ang elin tui a luong
BENGALURU/GURGAON: Zanikhan Bengaluru le Gurgaon khawpui le a se vel haiah ruopui vanawn a sur leiin Bengaluru le Gurgaon khawpui haiah vadung ang elin tui a luong a, mi tam takin harsatna an tuok pha. Bengaluru khawpui sunga tui a let a, mi intang hai thak inlawnnain Lawng thenkhat hmang hiel a nih. Mi thenkhat lem chun Nga manna len khawpui sunga dawin Nga an man. Khawpui sung chu vadungin an chang a ni deu tak. Thingkung thenkhat a tlu bawk leiin hun sawtfe chu kawtthler thenkhatah motor hai tlan inlawn thei lovin an um pha. Mi tam an fena ding hmun tlung thei lovin lamlakah an intang.
Gurgaon khawpui le a se vela khawm zanikhan ruopui vanawn sur leiin Gurgaon khawpuiah tui a let a, darkar 10 sung chu kelawnga fe hai le motor tlan inlawn vel a dangchat a, lamlakah mi tam tak an intang tawl. Gurgaon khawpuia khawm hin vadung ang elin tui a luong. Khawpui sunga tui tam taluo leiin sawrkar chun Schools le Colleges haia ni 2 sung chawl a puong.
Chun, July 28, 2016 zan dar 6 vel khan Mizoram state a Champhai district sunga Ngur khawsung le a se vel haiah ropui vanawn a sur a, Suanlala In chu tuihawk le chirhak nasa taka intawl in a sukchim a, In hmangruohai an dar vawng a, metres 160 vela hlaa a hnawl hmang. Hi thil tlunga hin Suanlala nuhmei Ms Dawnsianmuangi (42) le an naunu nuhmeite kum 3 mi han thina an tuok a, midang 2 an hliem. Mithi hai hi zanikhan Ngur khuo thlanmuolah vuiliem an nih.
Arrear instalment pakhata pek ding
NEW DELHI: Kum 201617 sung hin 7th Pay Commission arrears chu instalment pakhat pek ning a tih tiin Finance Ministry chun zanikhan thusuok a siem. Kum khatah increment pekna tarik pahni um tang a ta, January 1 le July 1 hai ning a tih. A hma chun July 1 chau a ni hlak. December 31, 2015 a basic pay hmang lai chu pay structure dungzuiin 2.57 a puntir ding ti a ni bawk. Allowances tum tum hai chu (dearness allowances thangsa lovin) chu hmang lai rate le tuta pay structure anga pek ning a ta, hi thil hi Committee kuta peklut le Committee chun thla 4 sungin report peng a tih tiin Finance Ministry thusuok chun a hril.
Malaria, Dengue le Encephalitis a thi mi 148
NEW DELHI: Tuta kum fe mek sunga ei rama Malaria, Dengue le Encephalitis natna hri leia mihriem thina tuok chu 148 an tling ta a, hienghai laia mi 70 hai chu Japanese Encephalitis, mi 21 hai chu Dengue le mi 57 hai chu Malaria natna leia thi an nih tiin Union Health Minister J.P. Nadda chun zanikhan Lok Sabha an hriettir.
Building bawl lai chim in mi 9 a del hlum
PUNE: Zani sun dar 11 vel khan Punea Balewadi hmuna insawng (building) bawl lai mek chim leiin building bawlnaa sinthawtu mi 9 in thina an tuok niin Police thusuok chun a hril. Hi thil hi building sawng 13 naa tlung niin cement phek lientak hung chim thlain a del hlum an nih tiin Deputy Commissioner of Police, (ZoneII) B Teli chun a hril. Hi building hming chu ‘Pride Express’ ti a nih. Hi thil tlung huna hin sinthaw mi 1314 vel an um niin ei thu dawngna chun a hril.
Union Home Minister in a hung en ding
GUWAHATI: Assam state a tuilien a hmun ngeia enfel dingin Union Home Minister Rajnath Singh chu July 30, 2016 khin Assamah hung inzin a tih tiin official thusuok chun a hril. Assam state sunga Districts 20 haia mi nuoi 18 velin tuilien leia harsatna an tuok mek a, Relief camps 511 hawng a ni a, mi 2,00,000 vel an khawsa mek. SDRF, NDRF le Army han sansuokna le sawmdawlna sin an thaw zing. Tuilien leia thi khawm mi 20 an chuong ta tiin ei thu dawngna chun a hril.
Sukhlum hai lai Gurdip a thang nawh: Sushma
NEW DELHI: External Affairs Minister Sushma Swaraj chun, zani hmasa zana Indonesia rama drugsa dumdawngtu sukhluma um 4 hai lai India mi Gurdip Singh chu a thang naw thu a hril. Gurdip Singh hi drug sumdawngna le inzawma mi 14 sukhlum dinga rel hai laia thang ve a nih. Amiruokchu, drugsa sumdawngtu mi 4 hai sukhlum ni sia iengleia Gurdip Singh hi sukhlum ve loa um am a nia ti ruok chu hriet a ni nawh. Mr Gurdip Singh (48) hi Indonesia rama Heroin grams 300 a phurlut leia man, kum 2005a thi dinga thiemnaw inchangtir ta a nih.
Zu zawrna permit pe lo dingin
NEW DELHI: National Highway haia vawitieng le changtieng lamliensir haiah Zu zawrna permit pe lo dingin sawrkar thlungpui chun States le UTs tina sawrkarhai an hriettir a, peka lo um ta hai khawm ennawn a, suktawp pek dinga inhriettir an nih. Zurui puma motor khal leiin inlirthei eksiden a tam a, kum liemtaa inthawk tuchen hin inlirthei eksiden vawi 18,000 a tlung a, mi 40,000 laiin thina an tuok pha a nih tiin Union Minister of State for Road Transport, Highways & Shipping, P.Radhakrishnan chun zanikhan Rajya Sabha an hriettir.
Kar tharah GST Bill
NEW DELHI: Minister of state for Parliamentary Affairs Mukhtar Abbas Naqvi chun, Goods and Services Tax (GST) Bill pass dingin Rajya Sabhaah phar ning a tih tiin a hril. Tuta Parliament Monsoon Session huna GST Bill pass ngei tumin sawrkar chun hma a lak a, hi le inzawm hin political party tum tum hai an biekpui mek tiin Mr Nagvi chun Parliament tuola chanchinbumihai an hmupui huna a hril. GST Bill hi Lok Sabhaa pass tasa, Rajya Sabhaa pass hlei thei lova lan tang zing a nih.
----------------------------------------------------------------------------------------------------
VAWISUN THUPUI
Lalpain, ‘Van ka thungpha a na, Hnuoi ka kepha innghatna a nih; In ieng angin am mi bawlpek in ta? Ka chawlna hmun khawm ieng am a na? ~ Thilthawhai 7:49
Editorial: Pahai tlukzo le khumkhel thei dingin
Historianhai ziek dan le an hril dan chun India ramah hin kum 1526 vela inthawk khan Russia Turkishtan a inthawk Babar a hung lut a. Moghul inlalna ropui deu el a hung indin a. India Lal Rajahai a hung hne deu vawng a nih. An taima a, ram humhalna chang an hriet a, hun sawt takel India ram lien takel hi an awp a nih. Akbar hunlai lem chu tluk ruol lovin rorel thiemah a hming an thang a. Kum 1605 ah a thi a, a naupa Jehangir a hung inlal ve nawk a. Mughul inlalna India ramah a suknghet zuol sau sau a.Tha taka ro a rel hnungin kum 1627 ah a thi a. A naupa Shah Jahan a hung inlal nawk a. Taj Mahal bawltu Lal a nih. Delhi, Agra le hmun dang dangah In ropui tak tak a bawl teu.
Shah Jahan hi a hung dam naw a, a thi hman hmain a nau pasal 4 han Lal an inchu rak el a. Ro, sum le pai dit leia inlalna inchu an nih. A tawpah Aurangzeb in Lalna a hung chang ta a. Amiruokchu, an pa Shah Jahan chu a hung dam nawk hlau el a. Nisienlakhawm a naupa ngei Aurangzeb chun a man a, Lunginah kum 8 lai a khum a, January 22, 1666 ah a thi a, a ruong chu a nuhmei thlan bul Taj Mahal sungah a phum a nih. A pa a sawisak dan hi a rapthlak hle. Chu chau chu a la ni naw a, a unaupa pakhat a that a, pakhat a hneban a, Arrakan tieng pakhat a tlanhmang bawk.
Aurangzeb hi kum 16581707 inkar sung an lal. A thi hnung a nau han lal an inchu ve nawk a, Bahadur Shah chun a unauhai thatin kum 17071712 inkar sung Emperor a ni a, kum 5 sung chau an lal a nih. Hi lal hi mi tlaktlai lo tak, sum le pai du mi, mi duam, sin thaw pei lo, inhawi chen ngaina mi a nih. An lal sung hin dan mumal a um naw hrim hrim a, insuklal, mani le mani insukropui an vetchil a, ram rorelna a ngaisak naw a, a minister hai kutah mawphurna a sie vawng a, a minister hai an la duamin sum le pai an ngaina ve bawk si. Bahadur Shah inlal sung hin mi indik le mi tha hai nekin mi tlaktlailo an tlatlum a, mi hur an pung a, nuhmei suolluina le inrawk a pung a, ram hmasawnna huou huouin a fepui a nih.
Bahadur Shah inlal sung hin inpawng nawrnain rorel a ni a. Moghul lal upa hai chu pawl hniin an inthe a, Irani le Turani pawl an nih. Khawtin le hmuntinah an inbei a. Bahadur Shah hlakin a ngaisak si nawh. Inhawichen a ngainat leiin chimralin a hung um ta a nih. Hieng Mogul lal ropui tak tak thlahai hi iengtin am an um zo ta a ti hriet an ni ta nawh. Delhia Moghul lal ropui tak tak hai chu sum le pai duamin nun nuom anchen a, sin an thaw pei si naw leiin Moghul lal ram ropui le hmingthang takel chu a hung tluse let der a nih. Babar, Akbar le Shah Jahan hai huna chen khan chu Mughal lal ram hi a ropui a, a hming an thang a, mihai inza le ngaisang em em el an nih.
Mughal lal ram chanchin sei takel ei hang tarlang ta a. Mughal lal ram siet dan le tluk siet dan chanchin a inthawk hin tulaia thangthar han inchuk ding ei hauzie, nau tha le fel hlutzie, nau tha lo that nawzie, nau han pahai tlukzo an takzie hriechieng inla ei nuomna leia ei hung hril sei duot a nih. Pahai tlukzo chu hril lo, Pahai khumkhel harsatzie chu namen a ni nawh. Hi khawvela hin Pahai tlukzo le khumkhel thei chu mi tlawmterek chau an nih. Ei ni lai lem hin chu hril ding le hriet ding meu an um nawh. Pahai hnung zui zo lo hi ei ni deu fur a nih.
Tulai thangtharhai hi ei inthlada a, ei tha a bo a, inhawichenna le hlimhlawp thil tieng chau ei lungrilah a um a ni chun Mughal lal ram tluksiet ang thovin tluse ei ta, ei pahai ro hi ei la hung inchu ding niin an lang. An chua buoi mek khawm ei bo bik ta nawh. Ei ram roreltu a inthawka a chin tak chenin sum le pai ei hmu dan, ei duam dan, ei thabo dan, ei ringum zo tawknaw dan, ei depde dan, thaw pei si lova a thlawna hmu ei tumna kawng haiah hin ei inenfie a ngai khawp el. Nu le pahai thawsuok sa chen hi tluksietna a nizie hi hrie thar a, pahai tlukzo le khumkhel thei ding khawpin thangthar hai hi intuoi thar seng dingin ei infiel a nih. Chu chu ei damsuokna ding umsun a nih.
CCPUR: Churachandpur District sunga JE natna le Viral Fever nasa taka an leng le inzawmin zanikhan District Hospital campus le DIO haia JE natna laka invengna damdawi kapna sunzawm a ni a, damdawi inkap nuom mipui an tam hle a, District Hospital campus le a tuol hai chu mipui an sip vawng.
JE le Viral Fever inleng mek le inzawm hin zani 11:30AM khan Dr Thangchinkhup Guite, CMO, CCPur inrawinain a Office chamberah Medical Heads han review meeting an nei. Hi huna hin JE le Viral Fever hai control a ni theina dingin DC, CCPur Chairman nina hnuoiah District Rapid Action Committee/Team Expansion thaw nisien tiin an rel. JE dangna damdawi Vials 5000 ngena um laia State sawrkarin Vials 2000 a hung pek chu an dainaw leiin zani ma khan state sawrkar kuomah Vials tamlem ngen belsa a ni thu khawm meeting huna hin an hriltlang.
VA, HWA Unit, HYA le Organisation dang dang thuoitu hai thurawn le Dr Thangchinkhup Guite, CMO, CCPur in Minister tienga pressure lo thawpui dinga a ngenna angin HYA GHQ thuoituhai khawm zanikhan a tul le pawimaw angin nasa taka tlankuolin sawrkar thuneitu hai dawrna sin an thaw niin ei thu dawngna chun a hril.
Viral Fever nasa taka an leng leia Schools hai khawm chawl puong hiel a ni lai damdawi inkap dinga mipui tam takel fekhawm hut hut el hi ngaimaw um tak a ni tah. Hienganga mipui tam tak fekhawm duol duol lova khaw tin annaw khawmin hmun remchang na haiah Counter hawngin damdawi kapna hi thaw nisien tha an ti thu mi tam takin an hril.
Karkhat sunga Vawk ladawk dingin
CCPUR: Churachandpur khawpui sunga Schools le Institutions bul hnai haia Vawk in, Ar In le Ekin (kutcha latrine) nei hai chu chawlkar khat sunga thiekdar le lahmang vawng dingin DC, CCPur chun July 29, 2016 khan inhriettirna an suo. Schools le Institutions bul hnaia awkin, Arin le kutcha latrine um hai hi a rim a siein mihriem hriselna ta dinga thil pawi intlun thei a nih tia concerned residents tum tum haia inthawk complaint tam tak hmu a ni leia DC, CCPur in inhriettirna hi insuo a nih tiin DC thusuok chun a hril. Chun, khuo le veng tum tuma mipui hai khawm mani in kawl le kieng fai taka sie dingin a ngen bawk.
JE ringhla in naupang 1 a thi nawk
CCPUR: July 29, 2016 (zani) zingkar 1:30AM khan Japanese Encephalitis (JE) natna ni dinga ringhla in Master Lalgoulam Lhouvum (10) s/o Lunminlal of B. Vengnom, CCPur chu a thi nawk. Mr Lalgoulam Lhouvum hi Salt Brook School, Tuibuonga Class IV inchuklai niin ni 3 vel liemtaa Viral Fever neia damnaw a ni a. Dr Ratan, Imphal kuoma inenkawl an ni a, a hnunga JNIMS Hospitala enkawl dinga a refer nawk a nih. A thin khawm an vung nia hril a nih. JE test thaw hman ninaw sienkhawm JE ni dinga ring a nih tiin ei thu dawngna chun a hril.
ATWU in zan khawvara tawngtairuolna
CCPUR: All Tribal Women Union (ATWU) hmalaknain District Hospital Morgue, CCPurah July 30, 2016 (Inrinni), zan dar 6 a inthawk July 31, 2016, (Pathienni) 6:00AM chenin zan khawvara bungheia tawngtairuolna um a tih. Hi tawngtairuolnaa thang ve dingin ATWU chun inhnikna nei taphawt a fiel.
Lungphit Truck 10 an sung
CCPUR: Edenthar Vengbuk (Rengkai) Welfare Committee hmalaknain zanikhan Edenthar vengbuk sunga lampui siet zuolna hmun haiah Lung phit Truck 10 sungin lampui siemthatna sin thaw a nih. Edenthar area sunga cheng han In tina sum dawl khawma lampui siemthatna sin hi an thaw a nih.
Block 3 a ding sanction nawk
CCPUR: Executive Director, DRDA, CCPur chun zanikhan Block 3 haia MGNREGS 201617, 1st phase a Job Card holder hai ni 18 sin thawna ding sum a sanction nawk. Zanita sum sanction hai chu Tipaimukh Blocka khuo 18, Tuibuong Blocka khuo 164 le Samulamlan Blocka khuo 66 an nih.
Lekhabu
CCPUR: Bible Concordance in Hmar Revised & Enlarge Rev. Darkung in a siem chu inchawk thei dinga sutzo a ni ta a, a dit han Rs. 220/ pein Sielmat Stationary, Opposite, Sielmat Christian Hospital le Rev. Darkung In, Saikawtah hmu thei ning a tih.
Inspector a kaisang hai bel pek
CCPUR: Zani zantieng 1:00PM khan Mr L. Mangkhogin Haokip, IPS, SP, CCPur chun a Office chamberah Police SubInspectora inthawk Inspector a kaisang mi 3 hai rank pekna a nei. Hi huna hin Addl. SP H.Balram Singh, Addl. SP (Operation); S. David Piaklian, Addl. SP (Law & Order); Sangboi Gangte, SDPO/Thanlon, OC le Police Officer hai khawm an thang. Inspector a kaisang thar hai chu Jangthang Baite, 2nd OC Singngat PS; N.Jadumani Singh, SP(NAB) Imphal a atttach le Th,Imoba Singh, DIG (RangeIII) a Reader attach a thawk hai an nih.SP, CCPur chun, rank a hung insang ang peia thaw ding le mawphurna khawm pung pei a ni thu hrilin, Inspector a kaisang thar mi 3 hai chu Departmenta an sin taima le ringum taka thaw dingin an fui.
Ex Servicemen Rally nei
CCPUR: 27Sector Assam Rifles huoihawtnain zani 11:30AM khan YPA Hall, Hiangtam Lamkaah ExServicemen Rally 2016 nei a nih. Hi huna hin Mr Lunminthang Haokip, IAS, DC, CCPur le L. Mangkhogin Haokip, IPS, SP, CCPur le Brigadier Ajay Kumar, CO 27Sector Assam Rifles hai khawmin an uop a, Assam Rifles Widows & Widower mi 36 hai kuomah thilpek inhlan an nih.
Hi huna hin DC CCPur le CO 27Sector Assam Rifles han thuhrilna hun an hmang a, ei society le community hmasawnna dinga theitawp an suo ding thu an hril. Brigadier Ajay Kumar chun, MCA project/program hnuoiah scheme tum tum um hai dawng theina dingin CCPur District Assam Rifles ExServicemen han proposal/project peklut thei a ni thu a hril.
Hi huna hin Assam Rifles chun CCPur District Assam Rifles Exservicemen le Widow hai ta dingin medical camp an buotsai nghal a, damdawi mamaw hai a thlawna pek an ni bawk.
SLM official 3 CCPurah an hung
CCPUR: Ministry of Rural Development, Govt. of India thupek angin MGNREGS le inzawmin State Level Monitor (SLM) a inthawk official 3 Kh Ibochouba Singh, Training Coordinator, State MGNREGS Cell; Y.Priyokumar Singh, Training Coordinator, State MGNREGS Cell le Kh.,Saimol Singh, Asst .State MGNREGS Cell hai chu zani zingkar khan CCPurah an hung. Hieng official pathum hai chun DRDA staff, concern BDOs le staff hai inrawinain Lamka Block, Tuibuong Block, Saikot Block le Samulamlan Block hnuoia khuo tum tuma MGNREGS sin thawna le plantation site hai enfelna an nei a, hi zo hin Imphal tieng an kir nawk.
JCILPS in darkar 24 Curfew an puong
IMPHAL: July 29, 2016 zanrila inthawk July 30, 2016 zanril chen, darkar 24 sung JCILPS in Curfew an puong. Zanita JCILPS hmalakna le inzawma Singjamei leilak bula nuorna nei studenthai chunga Policehai nurnawngna le an umna buk an suksiet pek dodalnaa Public Curfew hi puong a ni a. Public Curfew hin inchuknainhai, sakhuona thil le nitin mamaw thil thawna hai chu huomsa naw nih tiin B.K. Moirangcha, JCILPS ConvenorinCharge chun a hril. Public Curfew huop chin ding hi a hrillang nawh.
District Science Centre hmun hniah
IMPHAL: Manipur Science Centre Takyelpatah hawng a ni ta bakah Churachandpur le Ukhrul haiah khawm District Science Centre hawng tum a nih. Chun, a hmaa lo thaw ta hlak Science Reporting Course chu sukthar nawk tum a nih tiin Uttam Chand Laishram, Director, Science and Technology Department, Manipur chun zanita DIPR Complex, Imphala Press Conference huna a hril.
Sericulture thawna sinah sungkuo 31737
IMPHAL: Sericulture tiengpang sin thawnaah tuchena hin sungkuo 31737 an thang a, Manipur State sunga khuo hran hran 934 haiah Sericulture Department, Manipur chun hma a lak a, kum khata Silk (raw silk) ei tharsuok chu 525.95MT a nih tiin B. John Tlangtinkhuma, Director, Sericulture, Manipur chun zanita DIPR Complex, Imphal hmuna press conference ah a hril.
Helmet khum ngei ngei dingin
IMPHAL: Manipur state sunga inlirthei ke pahni nei khaltuhai chun Helmet an khum ngei ngei (mandatory) ding a nih tiin M. Lakshmikumar Singh, Commissioner (Transport), Government of Manipur chun July 25, 2016 khan order an suo. Hi order hin lukawm kawm hlak Sikhhai le hi order in an thlazalhai chu huopsa naw nih. Hi Order hi section 129 of the motor Vehicles Act, 1988 dungzui a nih tiin State Transport Department thusuok chun a hril.
Ruopui vanawn sur leiin zanikhan Bengaluru le Gurgaon khawpui haiah vadung ang elin tui a luong
BENGALURU/GURGAON: Zanikhan Bengaluru le Gurgaon khawpui le a se vel haiah ruopui vanawn a sur leiin Bengaluru le Gurgaon khawpui haiah vadung ang elin tui a luong a, mi tam takin harsatna an tuok pha. Bengaluru khawpui sunga tui a let a, mi intang hai thak inlawnnain Lawng thenkhat hmang hiel a nih. Mi thenkhat lem chun Nga manna len khawpui sunga dawin Nga an man. Khawpui sung chu vadungin an chang a ni deu tak. Thingkung thenkhat a tlu bawk leiin hun sawtfe chu kawtthler thenkhatah motor hai tlan inlawn thei lovin an um pha. Mi tam an fena ding hmun tlung thei lovin lamlakah an intang.
Gurgaon khawpui le a se vela khawm zanikhan ruopui vanawn sur leiin Gurgaon khawpuiah tui a let a, darkar 10 sung chu kelawnga fe hai le motor tlan inlawn vel a dangchat a, lamlakah mi tam tak an intang tawl. Gurgaon khawpuia khawm hin vadung ang elin tui a luong. Khawpui sunga tui tam taluo leiin sawrkar chun Schools le Colleges haia ni 2 sung chawl a puong.
Chun, July 28, 2016 zan dar 6 vel khan Mizoram state a Champhai district sunga Ngur khawsung le a se vel haiah ropui vanawn a sur a, Suanlala In chu tuihawk le chirhak nasa taka intawl in a sukchim a, In hmangruohai an dar vawng a, metres 160 vela hlaa a hnawl hmang. Hi thil tlunga hin Suanlala nuhmei Ms Dawnsianmuangi (42) le an naunu nuhmeite kum 3 mi han thina an tuok a, midang 2 an hliem. Mithi hai hi zanikhan Ngur khuo thlanmuolah vuiliem an nih.
Arrear instalment pakhata pek ding
NEW DELHI: Kum 201617 sung hin 7th Pay Commission arrears chu instalment pakhat pek ning a tih tiin Finance Ministry chun zanikhan thusuok a siem. Kum khatah increment pekna tarik pahni um tang a ta, January 1 le July 1 hai ning a tih. A hma chun July 1 chau a ni hlak. December 31, 2015 a basic pay hmang lai chu pay structure dungzuiin 2.57 a puntir ding ti a ni bawk. Allowances tum tum hai chu (dearness allowances thangsa lovin) chu hmang lai rate le tuta pay structure anga pek ning a ta, hi thil hi Committee kuta peklut le Committee chun thla 4 sungin report peng a tih tiin Finance Ministry thusuok chun a hril.
Malaria, Dengue le Encephalitis a thi mi 148
NEW DELHI: Tuta kum fe mek sunga ei rama Malaria, Dengue le Encephalitis natna hri leia mihriem thina tuok chu 148 an tling ta a, hienghai laia mi 70 hai chu Japanese Encephalitis, mi 21 hai chu Dengue le mi 57 hai chu Malaria natna leia thi an nih tiin Union Health Minister J.P. Nadda chun zanikhan Lok Sabha an hriettir.
Building bawl lai chim in mi 9 a del hlum
PUNE: Zani sun dar 11 vel khan Punea Balewadi hmuna insawng (building) bawl lai mek chim leiin building bawlnaa sinthawtu mi 9 in thina an tuok niin Police thusuok chun a hril. Hi thil hi building sawng 13 naa tlung niin cement phek lientak hung chim thlain a del hlum an nih tiin Deputy Commissioner of Police, (ZoneII) B Teli chun a hril. Hi building hming chu ‘Pride Express’ ti a nih. Hi thil tlung huna hin sinthaw mi 1314 vel an um niin ei thu dawngna chun a hril.
Union Home Minister in a hung en ding
GUWAHATI: Assam state a tuilien a hmun ngeia enfel dingin Union Home Minister Rajnath Singh chu July 30, 2016 khin Assamah hung inzin a tih tiin official thusuok chun a hril. Assam state sunga Districts 20 haia mi nuoi 18 velin tuilien leia harsatna an tuok mek a, Relief camps 511 hawng a ni a, mi 2,00,000 vel an khawsa mek. SDRF, NDRF le Army han sansuokna le sawmdawlna sin an thaw zing. Tuilien leia thi khawm mi 20 an chuong ta tiin ei thu dawngna chun a hril.
Sukhlum hai lai Gurdip a thang nawh: Sushma
NEW DELHI: External Affairs Minister Sushma Swaraj chun, zani hmasa zana Indonesia rama drugsa dumdawngtu sukhluma um 4 hai lai India mi Gurdip Singh chu a thang naw thu a hril. Gurdip Singh hi drug sumdawngna le inzawma mi 14 sukhlum dinga rel hai laia thang ve a nih. Amiruokchu, drugsa sumdawngtu mi 4 hai sukhlum ni sia iengleia Gurdip Singh hi sukhlum ve loa um am a nia ti ruok chu hriet a ni nawh. Mr Gurdip Singh (48) hi Indonesia rama Heroin grams 300 a phurlut leia man, kum 2005a thi dinga thiemnaw inchangtir ta a nih.
Zu zawrna permit pe lo dingin
NEW DELHI: National Highway haia vawitieng le changtieng lamliensir haiah Zu zawrna permit pe lo dingin sawrkar thlungpui chun States le UTs tina sawrkarhai an hriettir a, peka lo um ta hai khawm ennawn a, suktawp pek dinga inhriettir an nih. Zurui puma motor khal leiin inlirthei eksiden a tam a, kum liemtaa inthawk tuchen hin inlirthei eksiden vawi 18,000 a tlung a, mi 40,000 laiin thina an tuok pha a nih tiin Union Minister of State for Road Transport, Highways & Shipping, P.Radhakrishnan chun zanikhan Rajya Sabha an hriettir.
Kar tharah GST Bill
NEW DELHI: Minister of state for Parliamentary Affairs Mukhtar Abbas Naqvi chun, Goods and Services Tax (GST) Bill pass dingin Rajya Sabhaah phar ning a tih tiin a hril. Tuta Parliament Monsoon Session huna GST Bill pass ngei tumin sawrkar chun hma a lak a, hi le inzawm hin political party tum tum hai an biekpui mek tiin Mr Nagvi chun Parliament tuola chanchinbumihai an hmupui huna a hril. GST Bill hi Lok Sabhaa pass tasa, Rajya Sabhaa pass hlei thei lova lan tang zing a nih.
----------------------------------------------------------------------------------------------------
VAWISUN THUPUI
Lalpain, ‘Van ka thungpha a na, Hnuoi ka kepha innghatna a nih; In ieng angin am mi bawlpek in ta? Ka chawlna hmun khawm ieng am a na? ~ Thilthawhai 7:49
Editorial: Pahai tlukzo le khumkhel thei dingin
Historianhai ziek dan le an hril dan chun India ramah hin kum 1526 vela inthawk khan Russia Turkishtan a inthawk Babar a hung lut a. Moghul inlalna ropui deu el a hung indin a. India Lal Rajahai a hung hne deu vawng a nih. An taima a, ram humhalna chang an hriet a, hun sawt takel India ram lien takel hi an awp a nih. Akbar hunlai lem chu tluk ruol lovin rorel thiemah a hming an thang a. Kum 1605 ah a thi a, a naupa Jehangir a hung inlal ve nawk a. Mughul inlalna India ramah a suknghet zuol sau sau a.Tha taka ro a rel hnungin kum 1627 ah a thi a. A naupa Shah Jahan a hung inlal nawk a. Taj Mahal bawltu Lal a nih. Delhi, Agra le hmun dang dangah In ropui tak tak a bawl teu.
Shah Jahan hi a hung dam naw a, a thi hman hmain a nau pasal 4 han Lal an inchu rak el a. Ro, sum le pai dit leia inlalna inchu an nih. A tawpah Aurangzeb in Lalna a hung chang ta a. Amiruokchu, an pa Shah Jahan chu a hung dam nawk hlau el a. Nisienlakhawm a naupa ngei Aurangzeb chun a man a, Lunginah kum 8 lai a khum a, January 22, 1666 ah a thi a, a ruong chu a nuhmei thlan bul Taj Mahal sungah a phum a nih. A pa a sawisak dan hi a rapthlak hle. Chu chau chu a la ni naw a, a unaupa pakhat a that a, pakhat a hneban a, Arrakan tieng pakhat a tlanhmang bawk.
Aurangzeb hi kum 16581707 inkar sung an lal. A thi hnung a nau han lal an inchu ve nawk a, Bahadur Shah chun a unauhai thatin kum 17071712 inkar sung Emperor a ni a, kum 5 sung chau an lal a nih. Hi lal hi mi tlaktlai lo tak, sum le pai du mi, mi duam, sin thaw pei lo, inhawi chen ngaina mi a nih. An lal sung hin dan mumal a um naw hrim hrim a, insuklal, mani le mani insukropui an vetchil a, ram rorelna a ngaisak naw a, a minister hai kutah mawphurna a sie vawng a, a minister hai an la duamin sum le pai an ngaina ve bawk si. Bahadur Shah inlal sung hin mi indik le mi tha hai nekin mi tlaktlailo an tlatlum a, mi hur an pung a, nuhmei suolluina le inrawk a pung a, ram hmasawnna huou huouin a fepui a nih.
Bahadur Shah inlal sung hin inpawng nawrnain rorel a ni a. Moghul lal upa hai chu pawl hniin an inthe a, Irani le Turani pawl an nih. Khawtin le hmuntinah an inbei a. Bahadur Shah hlakin a ngaisak si nawh. Inhawichen a ngainat leiin chimralin a hung um ta a nih. Hieng Mogul lal ropui tak tak thlahai hi iengtin am an um zo ta a ti hriet an ni ta nawh. Delhia Moghul lal ropui tak tak hai chu sum le pai duamin nun nuom anchen a, sin an thaw pei si naw leiin Moghul lal ram ropui le hmingthang takel chu a hung tluse let der a nih. Babar, Akbar le Shah Jahan hai huna chen khan chu Mughal lal ram hi a ropui a, a hming an thang a, mihai inza le ngaisang em em el an nih.
Mughal lal ram chanchin sei takel ei hang tarlang ta a. Mughal lal ram siet dan le tluk siet dan chanchin a inthawk hin tulaia thangthar han inchuk ding ei hauzie, nau tha le fel hlutzie, nau tha lo that nawzie, nau han pahai tlukzo an takzie hriechieng inla ei nuomna leia ei hung hril sei duot a nih. Pahai tlukzo chu hril lo, Pahai khumkhel harsatzie chu namen a ni nawh. Hi khawvela hin Pahai tlukzo le khumkhel thei chu mi tlawmterek chau an nih. Ei ni lai lem hin chu hril ding le hriet ding meu an um nawh. Pahai hnung zui zo lo hi ei ni deu fur a nih.
Tulai thangtharhai hi ei inthlada a, ei tha a bo a, inhawichenna le hlimhlawp thil tieng chau ei lungrilah a um a ni chun Mughal lal ram tluksiet ang thovin tluse ei ta, ei pahai ro hi ei la hung inchu ding niin an lang. An chua buoi mek khawm ei bo bik ta nawh. Ei ram roreltu a inthawka a chin tak chenin sum le pai ei hmu dan, ei duam dan, ei thabo dan, ei ringum zo tawknaw dan, ei depde dan, thaw pei si lova a thlawna hmu ei tumna kawng haiah hin ei inenfie a ngai khawp el. Nu le pahai thawsuok sa chen hi tluksietna a nizie hi hrie thar a, pahai tlukzo le khumkhel thei ding khawpin thangthar hai hi intuoi thar seng dingin ei infiel a nih. Chu chu ei damsuokna ding umsun a nih.
