CCPur District BJP Office hawng a nih
CCPUR: Zani zingkar 10:30AM khan Churachandpur District BJP Office hawngna (L) Pu Ngurdinglien building Lighthouse Lane, CCPurah nei a nih. Hi huna hin BJP thuoitu pathum K. Bhabananda Singh, President, BJP Manipur Pradesh; Th. Chaoba, Convenor, BJP Election Management, Manipur le V. Hangkhanlian, Vice President, BJP Manipur Pradesh hai lawmpuina nei a ni bawk.
Mr V. Hangkhanlian, ExMinister & Vice President, BJP Manipur Pradesh in Office hawngna a nei a, Th. Chaoba, Ex. Dy. CM, ExUnion Minister & Convenor, BJP Election Management Manipur in BJP flag keipharna a nei. Elwin Swante, Secy. BJP CCPur District inrawinain mipui fekhawm han Tribal Martyrs hai sunna hun minute 1 sung totawka hun hmang a ni a. Hi zo hin K. Vungzalian, ExMinister, President, BJP CCPur Dist. Le Mandal President inrawinain Mahila han Guest le VIPs hai thilpek inhlanna an nei.
Th. Chaoba in hi huna thu a hrilnaah, kum 15 sung Congress in Manipura sawrkarna an siem sunga innekchepna le corrruption nasa tak a um chu, chu thila inthawk suokdawkna dingin mipui hai chu kum 2017 Assembly Election hung um dinga BJP thlawp dingin a ngen. PM Narendra vision chu, Road le Industry development chau ni loin tlangrama cheng hmeithai le fahra hai electricity le Gas connection pek vawng ding ti a nih. Hill and Valleya hmasawnna a um theina dingin Manipura Congress sawrkar peithlak a tul thu hrilin Congress sawrkar ei peithlak phawt chun Corruption khawm a hung bo ding a nih tiin a hril.
V. Hangkhanlian chun, kum 2017 Assembly Election hung um dingah BJP in hlawtlingna changin sawrkarna khawm an hung siem ngei ding a ni leiin CCPur district mipui han Assembly Constituency 6 um laia 5 bekah BJP ei thlangtling naw chun mipui ta dingin thil inzakum a ni ding a nih tiin a hril.
K. Vungzalian chun CCPur district sunga Constituency tum tuma intending candidate hai V. Hangkhanlian, Paokholal Haokip, Ngursanglur, Chinlunthang, Letzamang Haokip le Jainson Haokip hai mipui hai inhmelhriettirna a nei. Hi zo hin Elder Kaineipau, Executive Member in hun khar tawngtaina a nei.
Anganwadi workers han nuorna an nei; a hnungin inremna siem
CCPUR: ICDS Thanlon project hnuoia Anganwadi Centre 144 haia Anganwadi workers mi 144 le Helpers mi 144 hai chun, October, 2016 a inthawk thla 8 sunga mi Honorarium an la hmu nawna thuah zani zantieng khan ICDS Thanlon Project Office, New Bazar-ah nuorna an nei. Anganwadi Workers le Helpers han naupang hai kuoma thil sem ding hai khawm Honorarium an hmu hmakhata sem lo dingin CDPO, Thanlon Ksh. Radiny Devi kuomah an pekdawk.
Mr Langkhanpau Guite, Chairman, ADCC chun CDPO Thanlon Project a van hmupui a, hi zo hin nuorna neihai leh inbiekremna an siem thei. CDPO chun, Workers hai thla hlaw directa bank account –a lut a ni leiin ama khawmin bank accountah tu tu hlaw am a lut ti hrietna a neinaw thu a hrila, workers han hlaw an hmu theina dingin hma a lakpui ding thu a hril.
Chairman, ADCC; CDPO le Anganwadi Assn. thuoitu han inremna an siem dungzuiin ni 5 sung ngeia Anganwadi workers le helper han thla 8 a mi Honorarium an hmu theina dinga hma lak ding ti a nih. Thanlon ICDS hnuoia Anganwadi Centres 144 a um a, Centre pakhatah workers le helpers (1+1=2) pei an um a, Workers han thla khatah Rs. 3,000/ le Helper han Rs. 1,500/ pei honorarium an dawng hlak a; thla 8 sunga hieng workers hai le helpers hai hlaw ding belkhawm hi Rs. 31,84,000/ niin ei thu dawngna chun a hril.
MGNREGS chungthu an hriltlang
CCPUR: Zani zantieng khan Mr Lunminthang Haokip, IAS, DC, CCPur inrawinain a office chamberah SDOs/BDOs le DRDA staff han joint meeting an nei a, MGNREGS 201617 chungthu an hriltlang. CCPur districtah Job Card transfer tam tak um leiin MGNREGS 201617 1st phase sinthawna sanction thei lova a la um thu le Job Card sinthawna ding sanction vat a ni thei dan ding hai an hriltlang bawk.
Hindi School Exam hun
CCPUR: Hindi School, Lalbahadur Sastri Hindi Mahavidalei (2016) a exam form fill up hai ta dingin Exam July 26, 2016 khin nei ning a tih. Morning Shift 9:00AM ah tan ning a ta, Evening shift 1:00PM ah tan ning a tih. Thu chieng lem Information Centre, C/o Royal Rajdhani Travels, Opposite UBI, Churachandpur Branch, Tiddim Roadah kan thei ning a tih tiin Principal in inhriettirna a siem.
Dam lawmna le rawngbawlna CD inhlanna
CCPUR: Blessed Choir chun July 20, 2016 zan khan an Choir Conductor Pu Lalunthar Pathienin a natnaa inthawk a sukdam lawmthu hrilna le Myanmar rama an rawngbawlna Video (DVD) inhlanna Pu Lalunthar chengnainah an nei. Mi tho lo dan deuin hi huna hin tawngtairuolna neia inhlan a nih. Pu Lalunthar hi sawt tak natna khuma zal ta a ni a, tuhin that tieng a hung pan pei ta a, sienkhawm tuol a la suok theinaw leiin ama ta dinga tawngtaina le Video CD inhlanna hi a chengna ina va neipui a nih. Rawngbawlna Video CD dit han Rs. 50/ peka inchawk thei ning a ta, Contact Nos. 9612099141 le 9856118231 hai ah ngaiven thei ning a tih.
Agent hai Bufai lak hun ding
CCPUR: National Food Security Act (NFSA) hnuoia CCPur district sunga Rationing Agent han bufai an laksuok thei hun ding CivilSupply Dept., CCPur in 1st6th phase a sem dingin tentative program a siem.
First phaseah CCPur A/C; Saikot A/C; Singngat A/C; Thanlon A/C; Tipaimukh A/C le Henglep A/C han lang an ta, 2nd Phase ah Saikot A/C; Singngat A/C; Thanlon A/C; Tipaimukh A/C; Henglep A/C le CCPur A/C ning a tih. Third phaseah Singngat A/C; Thanlon A/C; Tipaimukh A/C; Henglep A/C; CCPur A/C le Saikot A/C; 4th Phase ah Thanlon A/C; Tipaimukh A/C; Henglep A/C; CCPur A/C; Saikot A/C le Singngat A/C ning a ta; Fifth phaseah Tipaimukh A/C; Henglep A/C; CCPur A/C; Saikot A/C; Singngat A/C le Thanlon A/C. 6th Phase ah Henglep A/C; CCPur A/C; Saikot A/C; Singngat A/C; Thanlon A/C le Tipaimukh A/C ning a tih.
Darkar 24 General Strike thaw an tum
IMPHAL: Manipur Police Constable sin laknaa hlawtlingna chang tah, tuchena appointment order la hmu lo pawl chun July 23, 2016 zanrila inthawk July 24, 2016 zanril chen, darkar 24 sung Manipur pumpui huopin General Strike thaw an tum thu an puonglang. Appointment Order pe dingin Manipur sawrkar kuomah ngenna (Memorandum) an pek ta a, sienkhawm ngaisak a ninaw a, thaw dan ding dang umin an hriet naw leia General Strike hi thaw el an tum niin Press Statement an siema chun an zieklang.
Zanita inthawk RIMS OPD khar
IMPHAL: Zani zing dar 9 a inthawk khan RIMS OPD khar tan a nih. Obstetrics &Gynaecology department a thawk Dr L. Trinity Meetei a sina inthawk suspendeda um dodalnaa RIMS OPD a thawk Doctor han July 2123, 2016 inkar sunga an duty thaw lo digna nuorna an nei leia RIMS OPD hi khara um a nih. Emergency Services, routine Operation le classes hai ruok chu a pangngaiin a fe.
Student 1 Hospital panpui
IMPHAL: JCILPS Convenor hlui Kh. Ratan Wanted a puongna Order hlip dinga ngena July 19, 2016 a intahwk thi chen huoma Wangma Kshetri Leikaia T.G. CC le Johnston Hr. Sec. School haia student 4 bungheia nuorna neihai laia pakhat P. Maria d/o P. Naobiacha of Kongba Kshetri Leikai chu a taksa a chau ta hle leiin zanikhan Hospital panpui a ni a, students pathumhai chun an bunghei an la sunzawm pei. P Meria hi T.G. Hr. Sec. School a ClassXII (science) inchuklai a nih.
Sewarage Project Sept. a zo ding
IMPHAL: French ram thangpuinaa kum 2004 a inthawka Imphal khawpui sunga Sewarage Project sin tana lo um ta chu September, 2016 ah zo fel ning a tih tiin zanita DIPR Complex, Imphala press conference huna Chief Engineer, PHED, Manipur chun a hril.
In pakhat huongsungah bomb sukpuok
IMPHAL: July 20, 2016 zanril lai khan BDO pension ta, Maibam Ibotombi (60), s/o (L) Lairen of Yairipok Bishunaha Pukhri Achouba Mapal In huongsungah bomb (hand grenade) sukpuok a nih. Bomb puok leia mihriem thi le hliem ruok chu an um nawh. A hnungah KCP Poirei Meitei Lup han bomb hi anni pawl sukpuok niin an hril. Maibam Ibotombi chun helpawl tu group a inthawk khawma vauna a hmunaw niin a hril.
Vai 124 Sekmai PSah inhlan
IMPHAL: Dimapur a inthawka Imphal pana hung Inter State Bushai chu zani 4AM a inthawk 11AM inkar sung khan Sekmai Police Station huop sunga Sekmai Nongthongbam hmuna JCILPS huoihawtnain Advance Women Society, Awang Sekmai Protection Committee le local club member han an sukchawl a, Vai (illegal migrant workers) 124, lekha pawimaw nei lo hai chu Bus a intahwk an intumtir a, Sekmai Police Stationah an inhlan. Hi thil thawtuhai chun Vai 124 hai hi an ram tieng thawnkir dingin Police an ngen.
Sangai thata a sa fatu mi 5 man
IMPHAL: July 19, 2016, 3:30PM vel khan Bishnupur District a Moirang Police station huop sunga Khordak Mayai Leikai a in pakhatah pasal5 hai chu Sangai sa hmea bu an fak laiin Moirang Police le Keibul Lamjao National park Ranger hai thangruolin an va man a, July 20, 2016 khan Court hmaah an inlangtir. Court chun July 27, 2016 chen Police kuta la um phawt dingin a rel. Keibul Lamjao National Park a Sangai that le a sa fatu man hai chu, Ng. Rajmohan (55) s/o (L) Nimai of Laphupat Tera; Heisnam Saratkumar (46) s/o (L) Mani of Khordak Mayai Leikai; Ningthoujam Dhananjoy (58) s/o (L) Melathoiba of Laphupat Tera Khun Macha Leikai; Ningthoujam Nabachandra (56) s/o (L) Yaima of Khordok Mayai Leikai le Salam Shyamyai (45) s/o (L) Ibochou of Khordok Makha Leikai hai niin Police thusuok chun a hril.
Video Conferencing hmangin India le Bangladesh PM han Petropole Integrated Check post an hawng
NEW DELHI: Zanikhan India PM Narendra Modi le Bangladesh PM Sheikh Hasina han Video Conferencing hmangin Petrapole Integrated Check Post an hawngtlang. Hi huna hin West Bengal Chief Minister Ms Mamata Banerjee khawm Kolkata a inthawk a lo thang ve. India ram hmasawn peina hi ei thenum rambunghai leh inzawmna a nei a nih. Hi Check post hi rambung pahnihai inkara insumdawngtuona lampui pawimaw tak a ni bakah fak le dawn tienga inthanglienna hung intlun a ta, South Asia biela ding chun Land Post lien tak, India le Bangladesh ramhai inlaichinna siem thatu dinga mellung pawimaw a nih tiin hi huna PM Narendra Modi in thu a hril huna a hril.
India le Bangladesh insumdawngtuona 100 ah 50 neka tam, cheng vaibelsie 15, 000 hu vel ding fena lampuiin hi Integrated Check Post hi a hraw le palthlang a ni bakah kum tinin mi nuoi 15 Trucks 1,50,000 han an hraw le kan hlaka riruong a nih. Chun, Check Post hin Security, Immigration le Customs tiengpang thil hai khawm thil remchang le awlsam a hung intlun beisei a nih. Ramri kan dinghai, thil phurlut le thawndawkna haia khawm tangkaina nasa tak a hung nei ding a nih tiin Modi chun a hril. Pu Modi chun tulai hnai ela terroristhai chetna leia thina tuok sunghai a tuorpui le sunpui thu bakah terroristhai tukdawlna kawngah India in Bangladesh a thlawp le thangpui ding thu Hasina kuoma a hril.
Kum 16 liemta sung Samak 239 that
GUWAHATI: Kum 16 liemta sung khan Assam rama chun Samak (rhinos) 239 zet sapeltu han an kap hlum niin Forest minister Pramila Rani Brahma chun zanikhan Assam Assembly an hriettir. Sapeltu han Samak an kaphlum suktawpna dingin sawrkar chun hma a lak mek a, thla 2 liemta sung khan Samak kap hlaktu mi 99 man an ni tah tiin a hril.
J&K buoina thuah all party meeting nei
JAMMU: Jammu & Kashmir Chief Minister Ms Mehbooba Mufti inrawinain zanikhan Srinagar khawpuiah All Party meeting nei a ni a, sienkhawm hi huna hin J&K Assemblya main Opposition National Conference member hai chun allparty meeting hi boycott dinga an lo rel ta angin all party meetinga hin an thang nawh. Meetinga hin Dy. CM Nirmal Singh, opposition Congress leaders, Indepdendent MLAs le political party tum tuma thuoituhai an thang. All party meeting chun Kashmir phairuoma buoina sukre a ni theina dinga hmalak tlang dan ding chipchier takin an hriltlang.
Hieng laizing hin Kashmira district 4 – Bandipora, Baramulla, Budgam le Ganderbal haia chun zanikhan curfew hlip a ni a, sienkhawm mi 6 neka tam umbum khapna chu la hmang zing a nih. Zanita inthawka schools hai hawng dinga ti a ni leia curfew hi hlip niin official thusuok chun a hril. District dang 6 haia ruok chun Curfew hi zam zing a la ni a; ni 5 sung zet Kashmir phairuoma Chanchinbu hai insuo ta lo khawm Chief Minister Mehbooba Mufti in Chanchinbu neitu le Editors hai an hmupui hnungin zanita inthawk khan insuo tan nawk an ni tah.
NE bielah ITI 22 hawng thar tum
NEW DELHI: Sawrkar thlungpui chun India hmarsak bielah Industrial Training Institute (ITI) 22 hawng thar a tum tiin Union Minister of state for Skill Development and Entrepreneurship, Rajiv Pratap Rudy chun Lok Sabha an hriettir. ITI thar hi Assamah 5, Arunachal Pradeshah 4, Tripura le Mizoram haiah 3 ve ve; Nagaland, Manipur le Meghalaya haiah pahni seng le Sikkim ah pakhat indin ning a ta; ITI pakhat indinna ding hin Rs. 950 lakh pei hmang dinga riruong a ni a, State sawrkar han Rs. 95 lakh pei tum an tih. Chun, ITI la um nawna biel (block) haiah Multi Skill Training Institute (MSTI) indin tum a ni bawk tiin Mr Rajiv Pratap Rudy chun Lok Sabha an hriettir.
VAWISUN THUPUI
Mihriem ituor thei ang bak chu thlemna hrim hrim in chungah a tlung ngai nawh. Pathien chu a ringum a nih; ama chun in tuor thei bak chu thlemna in tuor phal naw ni; in tuor theina dingin thlemna ruolin tlan suokna lampui siem nghal lem a tih. 1 Korinth 10:13
Editorial: Hriselna hi
Mihriemhai hi ei hrisel lai chun damnaw thei ding le natna hri chi hran hran invawi thei ding damin ei inring ngai der nawh. Hi lei hin hriselna tiengpang hi ei ngaipawimaw bek bek ngai nawh. Hilei hi mani ding damdawi man ding nekin incheina thil inchawknain sum ei hmang rawn lem niin an lang. Damna ding le hriselna dinga damdawi mana sum hmang hi ei inret hle a. Thuomhnaw, a bikin fak le dawn inchawkna ding chun sum ei inret a, incheina thil inchawkna dign ruok chun sum hi ei inro naw a, ei hmang pap pap ngam hlak. Mihriem hriselna a hung tla hnuoi a, bawrsawmnain a mi hang man a, natna khirkhan le tibaium ei invawi a nih ti ei hung hriet suok huna chun an hnu tieng a lo ni ta hlak. Chu pha meu chun dam ei nuom leiin sum ei inro tanaw a, ei sumfai neisa ei hmangzo pha le lem chun ei in le lo hai chen khawm ei zawr ngam hlak.
Naute le naupang, a sie le a tha la hre lo ti naw, puitling, a sie le tha hrie hran tahai hin chu mihriem hriselna dinga tha, fak ding, fak lo ding, fak tam ding le fak tlawm ding ti hi ei hriet seng ta a. Nisienlakhawm fak lo ding le dawn lo dinga tihai chu insumtheina ei tlasam lei le Doctorhai thu ei zawm naw leiin natna hran hran ei invawi pha ta hlak. Insum theiin Doctorhai thurawn zui inla chu ei hriselna hi a tha zing ring a um. Natna inthlasawng theihai laka inveng chu thil harsa le thil thei lo a ni khawma natna inkaisawng theihai lakah hin chu inveng thei a nih.
Khawvel sawrkarhai khawmin hriselna hi an ngaipawimaw a. UNO ngei khawmin Hriselna Ni (World Health Day) April 7 hi a lo puong ta a, kum tin hmai der lovin khawvel pumpuiah World Health Day in hmang a ni hlak. World Health Day puongtuhai hin April 7 hi damnawhai sukdam runpui nia hmang nekin ei hrisel lem theina dinga inchuktirnnain an hmang hlak. An thupui chu sukdamnekin inveng a tha lem ti a la nizing. Ei damnaw hnung chun inveng thei an tanaw a, hi lei hin ei damnaw hmaa lo inveng chu thil awm hrim a nih. Mani du du fak hi a tha nawh ti ei hriet tlat nuom a um. Ei damna ding le ei hriselna ding a ni phawt chun an hnik naw le ei thil du lo hai khawm ei fak a tul a, chu ding chun inpeisaa ei um a tul a nih.
Khawpin tam a hriet nawh an lo ti angin hriselna hlutzie hi mi hrisel han an hriet naw a, hriselna hlutzie hretuhai chu mi bawrsawmhai an nih. Hrietna hi mi sukhlimtu, mi sukhrattu, mi sukhuoitu, mi sukhmelthatu, lungruolna, varna le hausakna hai mi petu a nih. Mi hrisel naw sungkuo chu an hlim thei naw a, sungkuo changkang nekin sungkuo tlabal an hung ni hlak. Sungkuo thangruolna a suksiet a, harsatna chi tum tum a hung intlun hlak. Sungkuo hriselna ding chun fak le dawna fimkhur le insumthei a tul a, chuongang chu ei thaw thei ngeina dinga mani le mani inthunun dinga hma ei lak seng nuom a um. Ei tum phawt chun thaw thei naw tak tak hi a um nawh.
Hiengang khawpa hriselna a pawimaw lai hin ei hriselna dinga pawimaw tak chu tum a na ti ruok hi chu ei ngaituo thiem ngai naw rawp hlak. Pathien chu hril ngai lova hriet sa a nih. Ei hriselna ding hin Doctor specialisthai neka pawimaw chu mani seng hi ei nih. Ei hrisel a, ei damsawt theina ding chun thaw ding le thaw lo ding, fak ding le fak lo ding, dawn ding le dawn lo ding ei hriet a tulin a pawimaw lem. Hi thil hi ei hriet a, ei zui a, ei zawm phawt chun mi hrisel tak ning ei ta, ei damsawt bawk ding a nih.
Tulai hin Churachandpur le a sevela chau ni lovin Manipur pumpuiah khawsik, hritlang, typhoid, naupang sentut le thakpher ei ti ang hi an leng nasa leiin mitin ei fimkhur le hi natna hri hai laka ei him theina dinga Health Department a thuneitu le mawphurtu han thil umdan an enfel a, hma an hung lak nghal nuom a um hle. Chandel district a lem chun khawsikpui natna chikhat, Japanese Encephalitis an leng a, hi natna hri hi July 2, 2016 vela inthawk khan an leng tan a, July 18, 2016 chen khan Japanese Encephalitis (JE) natna hri invawi mi 9 hmu le hrietsuok an ni ta niin ei thu dawngna chun a hril. Hieng a ni lei hin Health Department in JE Vaccination programme hung thaw tan ve nghal sienla mipui lawm hleng an tih.
CCPUR: Zani zingkar 10:30AM khan Churachandpur District BJP Office hawngna (L) Pu Ngurdinglien building Lighthouse Lane, CCPurah nei a nih. Hi huna hin BJP thuoitu pathum K. Bhabananda Singh, President, BJP Manipur Pradesh; Th. Chaoba, Convenor, BJP Election Management, Manipur le V. Hangkhanlian, Vice President, BJP Manipur Pradesh hai lawmpuina nei a ni bawk.
Mr V. Hangkhanlian, ExMinister & Vice President, BJP Manipur Pradesh in Office hawngna a nei a, Th. Chaoba, Ex. Dy. CM, ExUnion Minister & Convenor, BJP Election Management Manipur in BJP flag keipharna a nei. Elwin Swante, Secy. BJP CCPur District inrawinain mipui fekhawm han Tribal Martyrs hai sunna hun minute 1 sung totawka hun hmang a ni a. Hi zo hin K. Vungzalian, ExMinister, President, BJP CCPur Dist. Le Mandal President inrawinain Mahila han Guest le VIPs hai thilpek inhlanna an nei.
Th. Chaoba in hi huna thu a hrilnaah, kum 15 sung Congress in Manipura sawrkarna an siem sunga innekchepna le corrruption nasa tak a um chu, chu thila inthawk suokdawkna dingin mipui hai chu kum 2017 Assembly Election hung um dinga BJP thlawp dingin a ngen. PM Narendra vision chu, Road le Industry development chau ni loin tlangrama cheng hmeithai le fahra hai electricity le Gas connection pek vawng ding ti a nih. Hill and Valleya hmasawnna a um theina dingin Manipura Congress sawrkar peithlak a tul thu hrilin Congress sawrkar ei peithlak phawt chun Corruption khawm a hung bo ding a nih tiin a hril.
V. Hangkhanlian chun, kum 2017 Assembly Election hung um dingah BJP in hlawtlingna changin sawrkarna khawm an hung siem ngei ding a ni leiin CCPur district mipui han Assembly Constituency 6 um laia 5 bekah BJP ei thlangtling naw chun mipui ta dingin thil inzakum a ni ding a nih tiin a hril.
K. Vungzalian chun CCPur district sunga Constituency tum tuma intending candidate hai V. Hangkhanlian, Paokholal Haokip, Ngursanglur, Chinlunthang, Letzamang Haokip le Jainson Haokip hai mipui hai inhmelhriettirna a nei. Hi zo hin Elder Kaineipau, Executive Member in hun khar tawngtaina a nei.
Anganwadi workers han nuorna an nei; a hnungin inremna siem
CCPUR: ICDS Thanlon project hnuoia Anganwadi Centre 144 haia Anganwadi workers mi 144 le Helpers mi 144 hai chun, October, 2016 a inthawk thla 8 sunga mi Honorarium an la hmu nawna thuah zani zantieng khan ICDS Thanlon Project Office, New Bazar-ah nuorna an nei. Anganwadi Workers le Helpers han naupang hai kuoma thil sem ding hai khawm Honorarium an hmu hmakhata sem lo dingin CDPO, Thanlon Ksh. Radiny Devi kuomah an pekdawk.
Mr Langkhanpau Guite, Chairman, ADCC chun CDPO Thanlon Project a van hmupui a, hi zo hin nuorna neihai leh inbiekremna an siem thei. CDPO chun, Workers hai thla hlaw directa bank account –a lut a ni leiin ama khawmin bank accountah tu tu hlaw am a lut ti hrietna a neinaw thu a hrila, workers han hlaw an hmu theina dingin hma a lakpui ding thu a hril.
Chairman, ADCC; CDPO le Anganwadi Assn. thuoitu han inremna an siem dungzuiin ni 5 sung ngeia Anganwadi workers le helper han thla 8 a mi Honorarium an hmu theina dinga hma lak ding ti a nih. Thanlon ICDS hnuoia Anganwadi Centres 144 a um a, Centre pakhatah workers le helpers (1+1=2) pei an um a, Workers han thla khatah Rs. 3,000/ le Helper han Rs. 1,500/ pei honorarium an dawng hlak a; thla 8 sunga hieng workers hai le helpers hai hlaw ding belkhawm hi Rs. 31,84,000/ niin ei thu dawngna chun a hril.
MGNREGS chungthu an hriltlang
CCPUR: Zani zantieng khan Mr Lunminthang Haokip, IAS, DC, CCPur inrawinain a office chamberah SDOs/BDOs le DRDA staff han joint meeting an nei a, MGNREGS 201617 chungthu an hriltlang. CCPur districtah Job Card transfer tam tak um leiin MGNREGS 201617 1st phase sinthawna sanction thei lova a la um thu le Job Card sinthawna ding sanction vat a ni thei dan ding hai an hriltlang bawk.
Hindi School Exam hun
CCPUR: Hindi School, Lalbahadur Sastri Hindi Mahavidalei (2016) a exam form fill up hai ta dingin Exam July 26, 2016 khin nei ning a tih. Morning Shift 9:00AM ah tan ning a ta, Evening shift 1:00PM ah tan ning a tih. Thu chieng lem Information Centre, C/o Royal Rajdhani Travels, Opposite UBI, Churachandpur Branch, Tiddim Roadah kan thei ning a tih tiin Principal in inhriettirna a siem.
Dam lawmna le rawngbawlna CD inhlanna
CCPUR: Blessed Choir chun July 20, 2016 zan khan an Choir Conductor Pu Lalunthar Pathienin a natnaa inthawk a sukdam lawmthu hrilna le Myanmar rama an rawngbawlna Video (DVD) inhlanna Pu Lalunthar chengnainah an nei. Mi tho lo dan deuin hi huna hin tawngtairuolna neia inhlan a nih. Pu Lalunthar hi sawt tak natna khuma zal ta a ni a, tuhin that tieng a hung pan pei ta a, sienkhawm tuol a la suok theinaw leiin ama ta dinga tawngtaina le Video CD inhlanna hi a chengna ina va neipui a nih. Rawngbawlna Video CD dit han Rs. 50/ peka inchawk thei ning a ta, Contact Nos. 9612099141 le 9856118231 hai ah ngaiven thei ning a tih.
Agent hai Bufai lak hun ding
CCPUR: National Food Security Act (NFSA) hnuoia CCPur district sunga Rationing Agent han bufai an laksuok thei hun ding CivilSupply Dept., CCPur in 1st6th phase a sem dingin tentative program a siem.
First phaseah CCPur A/C; Saikot A/C; Singngat A/C; Thanlon A/C; Tipaimukh A/C le Henglep A/C han lang an ta, 2nd Phase ah Saikot A/C; Singngat A/C; Thanlon A/C; Tipaimukh A/C; Henglep A/C le CCPur A/C ning a tih. Third phaseah Singngat A/C; Thanlon A/C; Tipaimukh A/C; Henglep A/C; CCPur A/C le Saikot A/C; 4th Phase ah Thanlon A/C; Tipaimukh A/C; Henglep A/C; CCPur A/C; Saikot A/C le Singngat A/C ning a ta; Fifth phaseah Tipaimukh A/C; Henglep A/C; CCPur A/C; Saikot A/C; Singngat A/C le Thanlon A/C. 6th Phase ah Henglep A/C; CCPur A/C; Saikot A/C; Singngat A/C; Thanlon A/C le Tipaimukh A/C ning a tih.
Darkar 24 General Strike thaw an tum
IMPHAL: Manipur Police Constable sin laknaa hlawtlingna chang tah, tuchena appointment order la hmu lo pawl chun July 23, 2016 zanrila inthawk July 24, 2016 zanril chen, darkar 24 sung Manipur pumpui huopin General Strike thaw an tum thu an puonglang. Appointment Order pe dingin Manipur sawrkar kuomah ngenna (Memorandum) an pek ta a, sienkhawm ngaisak a ninaw a, thaw dan ding dang umin an hriet naw leia General Strike hi thaw el an tum niin Press Statement an siema chun an zieklang.
Zanita inthawk RIMS OPD khar
IMPHAL: Zani zing dar 9 a inthawk khan RIMS OPD khar tan a nih. Obstetrics &Gynaecology department a thawk Dr L. Trinity Meetei a sina inthawk suspendeda um dodalnaa RIMS OPD a thawk Doctor han July 2123, 2016 inkar sunga an duty thaw lo digna nuorna an nei leia RIMS OPD hi khara um a nih. Emergency Services, routine Operation le classes hai ruok chu a pangngaiin a fe.
Student 1 Hospital panpui
IMPHAL: JCILPS Convenor hlui Kh. Ratan Wanted a puongna Order hlip dinga ngena July 19, 2016 a intahwk thi chen huoma Wangma Kshetri Leikaia T.G. CC le Johnston Hr. Sec. School haia student 4 bungheia nuorna neihai laia pakhat P. Maria d/o P. Naobiacha of Kongba Kshetri Leikai chu a taksa a chau ta hle leiin zanikhan Hospital panpui a ni a, students pathumhai chun an bunghei an la sunzawm pei. P Meria hi T.G. Hr. Sec. School a ClassXII (science) inchuklai a nih.
Sewarage Project Sept. a zo ding
IMPHAL: French ram thangpuinaa kum 2004 a inthawka Imphal khawpui sunga Sewarage Project sin tana lo um ta chu September, 2016 ah zo fel ning a tih tiin zanita DIPR Complex, Imphala press conference huna Chief Engineer, PHED, Manipur chun a hril.
In pakhat huongsungah bomb sukpuok
IMPHAL: July 20, 2016 zanril lai khan BDO pension ta, Maibam Ibotombi (60), s/o (L) Lairen of Yairipok Bishunaha Pukhri Achouba Mapal In huongsungah bomb (hand grenade) sukpuok a nih. Bomb puok leia mihriem thi le hliem ruok chu an um nawh. A hnungah KCP Poirei Meitei Lup han bomb hi anni pawl sukpuok niin an hril. Maibam Ibotombi chun helpawl tu group a inthawk khawma vauna a hmunaw niin a hril.
Vai 124 Sekmai PSah inhlan
IMPHAL: Dimapur a inthawka Imphal pana hung Inter State Bushai chu zani 4AM a inthawk 11AM inkar sung khan Sekmai Police Station huop sunga Sekmai Nongthongbam hmuna JCILPS huoihawtnain Advance Women Society, Awang Sekmai Protection Committee le local club member han an sukchawl a, Vai (illegal migrant workers) 124, lekha pawimaw nei lo hai chu Bus a intahwk an intumtir a, Sekmai Police Stationah an inhlan. Hi thil thawtuhai chun Vai 124 hai hi an ram tieng thawnkir dingin Police an ngen.
Sangai thata a sa fatu mi 5 man
IMPHAL: July 19, 2016, 3:30PM vel khan Bishnupur District a Moirang Police station huop sunga Khordak Mayai Leikai a in pakhatah pasal5 hai chu Sangai sa hmea bu an fak laiin Moirang Police le Keibul Lamjao National park Ranger hai thangruolin an va man a, July 20, 2016 khan Court hmaah an inlangtir. Court chun July 27, 2016 chen Police kuta la um phawt dingin a rel. Keibul Lamjao National Park a Sangai that le a sa fatu man hai chu, Ng. Rajmohan (55) s/o (L) Nimai of Laphupat Tera; Heisnam Saratkumar (46) s/o (L) Mani of Khordak Mayai Leikai; Ningthoujam Dhananjoy (58) s/o (L) Melathoiba of Laphupat Tera Khun Macha Leikai; Ningthoujam Nabachandra (56) s/o (L) Yaima of Khordok Mayai Leikai le Salam Shyamyai (45) s/o (L) Ibochou of Khordok Makha Leikai hai niin Police thusuok chun a hril.
Video Conferencing hmangin India le Bangladesh PM han Petropole Integrated Check post an hawng
NEW DELHI: Zanikhan India PM Narendra Modi le Bangladesh PM Sheikh Hasina han Video Conferencing hmangin Petrapole Integrated Check Post an hawngtlang. Hi huna hin West Bengal Chief Minister Ms Mamata Banerjee khawm Kolkata a inthawk a lo thang ve. India ram hmasawn peina hi ei thenum rambunghai leh inzawmna a nei a nih. Hi Check post hi rambung pahnihai inkara insumdawngtuona lampui pawimaw tak a ni bakah fak le dawn tienga inthanglienna hung intlun a ta, South Asia biela ding chun Land Post lien tak, India le Bangladesh ramhai inlaichinna siem thatu dinga mellung pawimaw a nih tiin hi huna PM Narendra Modi in thu a hril huna a hril.
India le Bangladesh insumdawngtuona 100 ah 50 neka tam, cheng vaibelsie 15, 000 hu vel ding fena lampuiin hi Integrated Check Post hi a hraw le palthlang a ni bakah kum tinin mi nuoi 15 Trucks 1,50,000 han an hraw le kan hlaka riruong a nih. Chun, Check Post hin Security, Immigration le Customs tiengpang thil hai khawm thil remchang le awlsam a hung intlun beisei a nih. Ramri kan dinghai, thil phurlut le thawndawkna haia khawm tangkaina nasa tak a hung nei ding a nih tiin Modi chun a hril. Pu Modi chun tulai hnai ela terroristhai chetna leia thina tuok sunghai a tuorpui le sunpui thu bakah terroristhai tukdawlna kawngah India in Bangladesh a thlawp le thangpui ding thu Hasina kuoma a hril.
Kum 16 liemta sung Samak 239 that
GUWAHATI: Kum 16 liemta sung khan Assam rama chun Samak (rhinos) 239 zet sapeltu han an kap hlum niin Forest minister Pramila Rani Brahma chun zanikhan Assam Assembly an hriettir. Sapeltu han Samak an kaphlum suktawpna dingin sawrkar chun hma a lak mek a, thla 2 liemta sung khan Samak kap hlaktu mi 99 man an ni tah tiin a hril.
J&K buoina thuah all party meeting nei
JAMMU: Jammu & Kashmir Chief Minister Ms Mehbooba Mufti inrawinain zanikhan Srinagar khawpuiah All Party meeting nei a ni a, sienkhawm hi huna hin J&K Assemblya main Opposition National Conference member hai chun allparty meeting hi boycott dinga an lo rel ta angin all party meetinga hin an thang nawh. Meetinga hin Dy. CM Nirmal Singh, opposition Congress leaders, Indepdendent MLAs le political party tum tuma thuoituhai an thang. All party meeting chun Kashmir phairuoma buoina sukre a ni theina dinga hmalak tlang dan ding chipchier takin an hriltlang.
Hieng laizing hin Kashmira district 4 – Bandipora, Baramulla, Budgam le Ganderbal haia chun zanikhan curfew hlip a ni a, sienkhawm mi 6 neka tam umbum khapna chu la hmang zing a nih. Zanita inthawka schools hai hawng dinga ti a ni leia curfew hi hlip niin official thusuok chun a hril. District dang 6 haia ruok chun Curfew hi zam zing a la ni a; ni 5 sung zet Kashmir phairuoma Chanchinbu hai insuo ta lo khawm Chief Minister Mehbooba Mufti in Chanchinbu neitu le Editors hai an hmupui hnungin zanita inthawk khan insuo tan nawk an ni tah.
NE bielah ITI 22 hawng thar tum
NEW DELHI: Sawrkar thlungpui chun India hmarsak bielah Industrial Training Institute (ITI) 22 hawng thar a tum tiin Union Minister of state for Skill Development and Entrepreneurship, Rajiv Pratap Rudy chun Lok Sabha an hriettir. ITI thar hi Assamah 5, Arunachal Pradeshah 4, Tripura le Mizoram haiah 3 ve ve; Nagaland, Manipur le Meghalaya haiah pahni seng le Sikkim ah pakhat indin ning a ta; ITI pakhat indinna ding hin Rs. 950 lakh pei hmang dinga riruong a ni a, State sawrkar han Rs. 95 lakh pei tum an tih. Chun, ITI la um nawna biel (block) haiah Multi Skill Training Institute (MSTI) indin tum a ni bawk tiin Mr Rajiv Pratap Rudy chun Lok Sabha an hriettir.
VAWISUN THUPUI
Mihriem ituor thei ang bak chu thlemna hrim hrim in chungah a tlung ngai nawh. Pathien chu a ringum a nih; ama chun in tuor thei bak chu thlemna in tuor phal naw ni; in tuor theina dingin thlemna ruolin tlan suokna lampui siem nghal lem a tih. 1 Korinth 10:13
Editorial: Hriselna hi
Mihriemhai hi ei hrisel lai chun damnaw thei ding le natna hri chi hran hran invawi thei ding damin ei inring ngai der nawh. Hi lei hin hriselna tiengpang hi ei ngaipawimaw bek bek ngai nawh. Hilei hi mani ding damdawi man ding nekin incheina thil inchawknain sum ei hmang rawn lem niin an lang. Damna ding le hriselna dinga damdawi mana sum hmang hi ei inret hle a. Thuomhnaw, a bikin fak le dawn inchawkna ding chun sum ei inret a, incheina thil inchawkna dign ruok chun sum hi ei inro naw a, ei hmang pap pap ngam hlak. Mihriem hriselna a hung tla hnuoi a, bawrsawmnain a mi hang man a, natna khirkhan le tibaium ei invawi a nih ti ei hung hriet suok huna chun an hnu tieng a lo ni ta hlak. Chu pha meu chun dam ei nuom leiin sum ei inro tanaw a, ei sumfai neisa ei hmangzo pha le lem chun ei in le lo hai chen khawm ei zawr ngam hlak.
Naute le naupang, a sie le a tha la hre lo ti naw, puitling, a sie le tha hrie hran tahai hin chu mihriem hriselna dinga tha, fak ding, fak lo ding, fak tam ding le fak tlawm ding ti hi ei hriet seng ta a. Nisienlakhawm fak lo ding le dawn lo dinga tihai chu insumtheina ei tlasam lei le Doctorhai thu ei zawm naw leiin natna hran hran ei invawi pha ta hlak. Insum theiin Doctorhai thurawn zui inla chu ei hriselna hi a tha zing ring a um. Natna inthlasawng theihai laka inveng chu thil harsa le thil thei lo a ni khawma natna inkaisawng theihai lakah hin chu inveng thei a nih.
Khawvel sawrkarhai khawmin hriselna hi an ngaipawimaw a. UNO ngei khawmin Hriselna Ni (World Health Day) April 7 hi a lo puong ta a, kum tin hmai der lovin khawvel pumpuiah World Health Day in hmang a ni hlak. World Health Day puongtuhai hin April 7 hi damnawhai sukdam runpui nia hmang nekin ei hrisel lem theina dinga inchuktirnnain an hmang hlak. An thupui chu sukdamnekin inveng a tha lem ti a la nizing. Ei damnaw hnung chun inveng thei an tanaw a, hi lei hin ei damnaw hmaa lo inveng chu thil awm hrim a nih. Mani du du fak hi a tha nawh ti ei hriet tlat nuom a um. Ei damna ding le ei hriselna ding a ni phawt chun an hnik naw le ei thil du lo hai khawm ei fak a tul a, chu ding chun inpeisaa ei um a tul a nih.
Khawpin tam a hriet nawh an lo ti angin hriselna hlutzie hi mi hrisel han an hriet naw a, hriselna hlutzie hretuhai chu mi bawrsawmhai an nih. Hrietna hi mi sukhlimtu, mi sukhrattu, mi sukhuoitu, mi sukhmelthatu, lungruolna, varna le hausakna hai mi petu a nih. Mi hrisel naw sungkuo chu an hlim thei naw a, sungkuo changkang nekin sungkuo tlabal an hung ni hlak. Sungkuo thangruolna a suksiet a, harsatna chi tum tum a hung intlun hlak. Sungkuo hriselna ding chun fak le dawna fimkhur le insumthei a tul a, chuongang chu ei thaw thei ngeina dinga mani le mani inthunun dinga hma ei lak seng nuom a um. Ei tum phawt chun thaw thei naw tak tak hi a um nawh.
Hiengang khawpa hriselna a pawimaw lai hin ei hriselna dinga pawimaw tak chu tum a na ti ruok hi chu ei ngaituo thiem ngai naw rawp hlak. Pathien chu hril ngai lova hriet sa a nih. Ei hriselna ding hin Doctor specialisthai neka pawimaw chu mani seng hi ei nih. Ei hrisel a, ei damsawt theina ding chun thaw ding le thaw lo ding, fak ding le fak lo ding, dawn ding le dawn lo ding ei hriet a tulin a pawimaw lem. Hi thil hi ei hriet a, ei zui a, ei zawm phawt chun mi hrisel tak ning ei ta, ei damsawt bawk ding a nih.
Tulai hin Churachandpur le a sevela chau ni lovin Manipur pumpuiah khawsik, hritlang, typhoid, naupang sentut le thakpher ei ti ang hi an leng nasa leiin mitin ei fimkhur le hi natna hri hai laka ei him theina dinga Health Department a thuneitu le mawphurtu han thil umdan an enfel a, hma an hung lak nghal nuom a um hle. Chandel district a lem chun khawsikpui natna chikhat, Japanese Encephalitis an leng a, hi natna hri hi July 2, 2016 vela inthawk khan an leng tan a, July 18, 2016 chen khan Japanese Encephalitis (JE) natna hri invawi mi 9 hmu le hrietsuok an ni ta niin ei thu dawngna chun a hril. Hieng a ni lei hin Health Department in JE Vaccination programme hung thaw tan ve nghal sienla mipui lawm hleng an tih.
