VTI in State Council hnuoiah Recognition
CCPUR: Reformed Presbyterian Church of North East India (RPCNEI) hnuoia project Vocational Training Institute (VTI), Muolhlum rengkai chun State Council of Vocational Council (SCVT), Manpur a inthawk Recognition a lo hmu tah. Recognition hmuna order/notice hi zanikhan insuo a nih.
Tukum March thla lai khan Official han inspection hung thaw in, Infrastructure, Staff Quality, Placement record, syllabus le thil dang dang le institution function danah recognition hmu tlaka ngai a ni leia recognition hi pek niin staff official haia inthawk ei thu dawngna chun a hril.
VTI, Muolhlum a inthawk tuchen hin mi 1600 vel trade tumtum haiah an lo graduates ta a, hieng haia hin placement record 64% an nei phak a, SCVT in Manipurah hiengang recognition a pek hmasatak a la nih. VTI in recognition a hmu hi ei lawmpui hle a, thalai tamlem sawr tlaka sersuoktu le sin petu an la hung ni ngei ei ditsak.
Candidate hai Admit Card lak thei hun
CCPUR/IMPHAL: Manipur Police Department hnuoia Followers (Male) lakna dinga June 12, 2016 le July 23, 2017 inkar sung haia Physicical Efficiency Test (PET) a hlawtlingna chang, Practical exama thang thei ding hai ta dinga District tina candidate hai Admit Card siem lak theina ding hun ruot a ni tah. Hi dungzui hin 9AM4PM inkar sung haiah Jiribam SubDivision le Bishnupur a mi han July 25, 2016; Tamenglong, Ukhrul le Senapati District a mi han July 26, 2016; Churachandpur le Chandel a mi han July 27, 2016; Imphal East July 28, 2016; Imphal West July 29, 2016 le Thoubal July 3031, 2016 hai ning a ta, hieng huna la hman lo han August 1, 2016 in la thei an tih. Admit Card siem le lak ding huna hin passport size photo copy 2 chawi tul a tih tiin Chairman, DPC for Followers, Manipur Police chun inhriettirna a siem.
Chairman chamberah Executive meeting nei
CCPUR: Mr Langkhanpau Guite, Chairman, ADCC inrawinain zani sun dar 12:00 khan a office chamberah Executive meeting nei a ni a, Mr Lal Hossan, Vice Chairman, ADCC le Ms Mannuamching, CEO, ADCC hai khawm an thang. Hi huna hin August 1 Concil Day hmang dan ding thu hriltlang a ni a, MDC member tamlem hai ngaidan lak phawt dingin an rel. AntiTribal Bills 3 hai le inzawma tribal martyrs mi 9 hai ruong vui lova a la um zing leiin ADC/CCPur chun Council Day August 1, 2016 chu official taka hmang an tumnaw niin ei thu dawngna chun a hril.
Prepaid meter box 13200 inbuk tah
CCPUR: Electricity Department, Churachandpur Division chun tuchena hin khuo le veng tum tumah Prepaid meter Box 13200 an inbuk ta a, hi laia 10500 chu activate a ni tah.
Agent hai kuomah RO sem mek
CCPUR: Pu Michael Ginzasuan, District Supply Officer, CCPur chun National Food Security Act (NFSA) le inzawmin Rationing Agent hai kuomah Releasing Order (RO) a sem mek. CCPur SubDivision sunga Rationing Agent a zatve velin RO an lak a, CCPur A/C ah a la an tam tak. RO hi Agent hai kuoma sem sunzawm zing ning a tih.
Graduate teachers seniority list en thei
CCPUR/IMPHAL: December 2, 1987 le 19/04/2007 inkar sunga Edcuation (S), Manipur hnuoia Sciences, Arts, Hindi le Home Science Graduate Teachers a lak (appointed) hai seniority list siem zo a ni ta a, a en nuom hai ta dingin Department website: www.manipureducation.gov.in ah en thei ning a tih. Seniority list thua an diknaw a um a, complaint/objection pe nuom han documents kim tak leh July 30, 2016 chenin Director of Education (S), Govt. of Manipur N. Praveen Singh kuomah peklut thei ni dingin Director of Education (S), Manipur chun July 15, 2016 khan inhriettirna a siem.
Truck le BSN Bus an intang
CCPUR : Sugnu Road, Muolvaiphei khawsung lampui siemthatna sin thaw zing nisienkhawm lungphit sunga um lai pil a thangrawn leiin ruo a sur zing bawk leh lampui chu a pawr pangngaiin a la pawr zing leiin mipui le a bikin students han harsatna namenlo an tuok mek.
Lampui pawr taluo lei hin zanikhan Serou Leingoi phurtu Truck pakhat le Bethesda School of Nursing (BSN) Muolvaiphei motor chu an intang a, a hnungin keidawk an nih.
Promotional tour concert nei
CCPUR: Tribal Euphony Solo hunt fe mek le inzawma Top 12 Promotional Tour Concert chu zani zantieng 2:00PM khan YPA Hall, Hiangtam Lamka, CCPurah nei a nih. Tour Concert hi Hmar Artistes Association; Kuki Artistes Progressive Union; Zogam Artistes Association le Mizo Zaimi Inzawmkhawm han thangruola an mikhuol a nih. Hi huna hin tuolsung a hlasak thiem tum tum han hla an sak bawk.
MEDP training hawng
CCPUR: Zani 10:30AM khan Mr Langkhanpau Guite, Chairman, ADCC chun MEDP hnuoia Handloom & Handicraft Training Centre, Zion Veng, N. Lamka, CCPur a hawng. Training hi AMCOCS Ltd. in NABARD, CCPur sponsorednaa an huoihawt a nih. Ni 13 sung nuhmei hai kuoma puon khawng inchuktir ning an tih. Programme hmangna hi Chingkhoniang, Dist. Cooperative Officer le Thangchinkhup, DDM, NABARD hai khawm guest of honour le functional president in an thang.
Governor in thangpuina Rs. 1,00,000 a pek
IMPHAL: Manipur State Pensioners’ Union President H. Yaima Singh inrawinain hi Union members 16 han zanikhan Raj Bhavan, Imphalah Manipur Governor V. Shanmuganathan an van hmupui a, an pawl mamaw le harsatna hai an intlun. Governor chun hi Union thangpuina ding hin a discretionary Grant Fund a inthawk Rs. 1,00,000 a lo pek. Governor inhmupuitu hai lai hin Imphal West, Imphal West, CCPur, Thoubal, Bishnupur, Ukhrul le Senapati district haia inthawka hi Union member hai an thang tawl.
Kum khatah Nga 32,000MT
IMPHAL: Manipur rama Nga vai theina tui umna hi hectares 56,461.04 a ni a, tuchena Nga vainaa ei hmang chu hectares 19,500 a ni a, kum khat sunga Nga ei tharsuok chu 32,000MT a nih. Tui umna po po hi Nga vainain hmang inla chu kum khata Nga ei tharsuok thei dingzat chu 53,000MT a nih. Manipur in kum khata Nga a mamaw zat chu 42,000MT a ni a, ei tharsuok hi 32,000MT a ni a, hi umzie chu 10,000MT chu ei state puotienga inthawka ei laklut a nih tiin David K. Shimray, Director (Fisheries), Govt. of Manipur chun zanita DIPR Complex, Imphala Press Conference huna a hril.
KCP in darkar 13 General Strike
IMPHAL: JNIMS, Porompat a Professors pahni indiklo taka an sin sukngheta um dodalnain Kangleipak Communist Party, Poirei Meitei Lup (KCPPoirei Meitei Lup) chun July 20, 2016, 6PM chen, darkar 13 sung Manipur pumpui huopin General Strike an thaw tum niin an pawla Publicity Secretary, Malemnganba Meetei chun thusuok a siem. General Strike hin Media, Sakhuona thil, electricity, Water Supply, Medical le Emergency services hai a huomsa naw ding niin a hril.
Fire stations/SubStations 17 a um
IMPHAL: Manipur Fire Service Department hnuoia Fire Station/SubStations 17, Staf 239 (Fire fighters), Water Tenders 37, Water Bouzer 1, Quick Response Vehicles 16, Foam Tenders 2, Mini Rescue Tender 1, Simon Snorkel 1, Recovery Van 1, Trucks 2 le Fire Portable Pumps 43 a nei. Thawktu le hmangruo tha indai tawk ei neinaw leiin kangmei suok thelna kawngah duthusam angin sin ei la thaw zonaw a nih tiin Kh. Chandramani Singh, IPS, Director, Manipur Fire Service Department in zanita DIPR, Imphala Press Conference huna a hril.
Kashmir a thil tlung taphawt hi pakistan infuipawrna leia tlung a nih: Rajnath
NEW DELHI: Parliament Monsoon Session chu zanikhan tan a nih. Parliament fur thungkhawm hi August 12, 2016 chen nei ning a ta, sitting vawi 20 um a ta, Goods and Services Tax (GST) Bill thangsain Bills chi tum tum 45 lai putluta hrilang le pasi tum a nih. Bills tam lem chu Bill intang lai mek an nih. PM, Narendra Modi chun Lok Sabha le Rajya Sabha haiah a hran ve vein minister thara lakluthai inhmelhriettirna a nei. Minister thara laklut hi an rengin mi 19 an nih. Hienghai lai hin State Ministera inthawka Cabinet ministera hlangkai Prakash Javadekar (HRD Minister thar) a thangsa. Chun, Rajya Sabha member thara thlanghai khawmin Rajya Sabha member dingin sesamna an nei tawl. Chun, Lok Sabha member a thlang thar Conrad Kongkal Sangma, Lok Sabha Speaker hlui (L) P.A. Sangma naupa khawmin Lok Sabha member dingin sesamna a nei.
Lok Sabha memberhai chun Madhya Pradesh a inthawka BJP MP, Dalpat Singh Paraste thi le Lok Sabha Session neinaw hun sunga an members chanpui 6 lo thi hai ursun taka sunna hunser an hmang zovin zanita dingin Lok Sabha Session chu suktawp a nih.
PM Nadrendra Modi chu Lok Sabha a hung lut le inruolin AICC President Sonia Gandhi inthungna a pan ngil nghal a, hun tawite an biekpui. Hi zo hin Samajwadi Party President, Mulyam Singh Yadav thangsain party tum tuma senior thuoituhai inbiekpuiin a chibai tawl. Sushma Swaraj thangsain Union Minister dang danghai khawmin Selkaltu Pawl memberhai an chibai tawl. Ni dang ang naw takin Inpui boruok a zang hle.
Rajya Sabha a chun sawrkarna cheltu le Selkaltu tienga members han tulai hnaia Jammu & Kashmira thil tlung chungchang an hriltlang. Rajya Sabha a thu hril tam deuhai chu Union Home Minister Rajnath Singh, Union Finance Minister Arun Jaitley, Selkaltu pawl thuoitu Ghulam Nabi Azad, Samajwadi Party thuoitu Naresh Agarwal le CPI(M) thuoitu Sitaram Yechuri hai an nih.
Union Home Minister Rajnath Singh chun Terrorist thuoitu kaphlum a nina le inzawmin Case inrik tak tak 15 resistered a ni a, Kashmir phairuoma thil tlung hi PM Modi chun a ngaimaw hle a nih. Security forces hai chu mihriem thi theina hmangruo hmang lova mipuihai chu tha taka indawrpui dinga hril an nih. Kashmir chungchang le terroristhai chungthua hin Political parties tum tum hai ei thangruol tlat ka beisei. J&K CM le khawm inpaw taka hmalak tlang a nih. Kashmir a thil tlung taphawt hi Pakistan infuipawrna leia tlung vawng a nih tiin a hril. Union Finance Minister Arun Jaitley khawma Kashmir a buoina le helna suokna san bulpui tak chu Pakistan lei vawng a nih tiin a hril. Terroristhai hin hnena le hlawtlingna chang ngainaw hrim hrim an tih tiin a hril bawk.
BJP RS member Navjot Singh Sidhu an ban
NEW DELHI: BJP leader le Rajya Sabha member Navjot Singh Sidhu (52) chu zanikhan MP a ninaa inthawk an ban. Mr Navjot Singh Sidhu hi Cricket commentator hlui a ni a, tukum April thlaa kha Rajya Sabha member dinga ruot (nominated) a nih. Mr Sidhu chun Mr Arvind Kejriwal inrawi Aam Admi Party (AAP) a zawm ding thu a hril. Ei thu dawngnain a hril danin kum 2017a Punjab Assembly Election hung um dinga hin AAP Chief Ministerial Candidate a ruot ni el theiin a hril.
Kum 2014 Lok Sabha election huna khan Amritsar biela inthawk Arun Jaitley ta dinga seat inruoktir a ni leia lungawi ta lo hrim a nih. Hi biel kum 10 lai lo awp ta a nih. Mr Sidhu nuhmei Navjot Kaur MLA, tuta Punjaba Akali Dal le BJP thangruol sawrkara Parliamentary Secretary ni lai mek khawm an ban ding niin ei thu dawngna chun a hril.
Arunachal CM tharin Pema Khandu
ITANAGAR: Zani hmasa khan Pema Khandu chu Arunachal Pradesh CM thar dingin Raj Bhavan, Itanagarah Arunachal Pradesh acting Governor Tathagata Roy hmaah sesamna a nei. Hi huna hin Chowna Mein khawmin Deputy CM dingin sesamna a nei. Pema Khandu hi kum 2011 a Helicpoter tuoksiet a thi Arunachal Pradesh CM Dorjee Khandu naupa niin kum 37 chaua upa a la nih. Pema Khandu hi India rama Chief Minister hai laia a naupang tak a la nih.
Arunachal Pradesh ah MLA 60 um hai laia 47 in an thlawp. A thlawptuhai lai hin Congress 15, dissident Congress (People’s Party of Arunachal PradeshPPA) 29 le Independent MLA 2 an thang. Ama leh tiemin 47 an tling.
Sesamna hunsera hin CM hlui pahni, Nabam Tuki, Kalikho Pul le an Speaker Nabam Regia hai khawm an thang. Pema Khandu hi Hindu College, Delhi a graduate, a pa thi leia politics a lut, a pa tlingna Mukto A/C a inthawka khingtu um lova thlangtlinga um a nih. Nabam Tuki CM nina hnuoia Water Resource & Tourism minister a ni a, sienkhawm Nabam Tuki leh an inrem naw leia kum 2015 a kha minister a ninaa inthawka inban a nih.
Kum 10 a upa chin Diesel motor ban dingin
NEW DELHI: Delhi khawpui sunga boruok pawrche sukzieumna dingin National Green Tribunal (NGT) chun Delhi khawpui sungah Diesel motor kum 10 le a chungtienga upa ta hai chu ban dingin order an suo. Hi thua hin NGT chun Regional Transport Offices (RTO) Delhi khawm inhriettir in kum 10 le a chungtienga upa Diesel motor hai chu deregister dingin an hriettir bakah deregistered motor hai list Delhi Traffic Police kuta pe dingin an hriettir bawk.
Samak kaptu mi 4 man an nih
GUWAHATI: Assam rama dan lova Samak (Rhino) kap hlumna le inzawma zawng mek mi 4 hai chu zani hmasa khan Special Task Force (STF) le Assam Police thangruol han an man. Mana um hai chu Abdul Hanan, Foto Marak, Kana Lama le Moniram Orang hai an ni a. An inpuongnaa inthawk .303 Rifle 1, magazine 1, a mu 12, .22 rifle 1, magazine 1 le a mu 22 bakah silencers 2 STF han an man sa bawk.
RS member dingin mi 43 in sesamna an nei
NEW DELHI: Zanita Parliament Monsoon Session tan ni khan mi 43 han Rajya Sabha member dingin Rajya Sabha Chairman Mohammed Hamid Ansari hmaah sesamna an nei. Rajya Sabha member dinga sesamna nei hai lai hin member dinga thlang thar, member ni tasa thlangtling nawk le nominated members hai an thang.
A hnungin PM Narendra Modi chun Union Cabineta laklut thar hai inhmelhriettirna a nei a, parliament members hai chun tulai hnaia Istanbul, Kabul, Karada (Central Baghdad), Dhaka, Jeddah, Medina le Nice khawpui haia terrorist hai chetna leia thi hai sunna hun an hmang bawk.
Rajya Sabha Chairman chun Uttarakhand, Madhya Pradesh, Assam, Maharashtra, Arunachal Pradesh, Uttar Pradesh, Bihar le Himachal Pradesh hai thanga khuorel sietna (natural calimities) leia thina le hliemna tuok hai a sun le tuorpui thu a hril bawk.
Kashmira Chanchinbu hai ni 3 sung a suok tanawh
SRINAGAR: Jammu and Kashmira tulaia buoina tlung le inzawmin Kashmir phairuoma tuolsung chanchinbu hai chu zani khawm khan insuo an la ni nawh. Kashmira tuolsung chanchinbu hai ni 3 sung a zawna a suok nawna a ni tah. Jammu and Kashmir Police han July 15, 2016 a Chanchinbu office thenkhat an khar bakah printing materials le news print sa hai an man pek leia Chanchinbu insuotu han a dodalnaa chanchinbu insuo lo dinga an rel a nih. Journalist hai chun hi thua hin protest an nei bakah hi thil hi ‘freedom of press’ beina a nih tiin an hril a, sawrkar thilthaw dan chu nasa takin an dem.
Sawrkar thlungpui chun zani hmasa khan Jammu and Kashmirah CRPF personnel 2,000 vel ding a tirlut belsa a; zanita inthawk Schools le Colleges hai Summer chawl zo zanita hawng ta ding khawm July 25, 2016 a hawng chau dinga puong a nih.
Turkey-ah officials 8,777 ban an nih; Coup thaw tum leia thi 290
ISTANBUL: Istanbul: President Recep Tayyip Erdogan peithlak tuma Turkey a military Coup thaw tumna le inzawmin Turkey sawrkar chun Police official 7,899 thangin officials (thawktu) 8,777 hai chu an sin haia inthawk a ban. Bana um hai lai hin Provincial Governor 1 le Governors 29 an thang tiin Interrior Ministry official thusuok chun a hril.
Hieng laizing hin Military Coup thaw tumna le inzawma mihriem thina tuok chu 290 an tling ta niin Foreign ministry thusuok chun a hril. Thi hai lai hin Coup plotters (Coup thaw ding thu phierrutu) 100 chuong, civil mi 190 chuong an thang niin a hril. Coup thaw tumna le inzawm hin mi 6000 vel hrentang an ni tah tiin Justice minister Bekir Bozdag chun a hril. President Recep Tayyip Erdogan chun, death penalty hmang nawk dan sawrkarin a ngaituo el thei tiin a hril.
Combined Defence Services Exam(II) 2016
Union Public Service Commission (UPSC) chun, Indian Military Academy (IMA), Dehradun; Indian Naval Academy (INA), Ezhimala; Air Force Academy, Hyderabad; Officers’ Training Academy, Chennai (Men) le Officers Training Academy, Chennai SSC Women (nontechnical) Course lut ding lakna dingin October 23, 2016 khin Combined Defence Services Exam (II), 2016 huoihawt a tih.
Inhnikna nei hai ta dingin thu chieng lem UPSC website: www.upsc.gov.in ah hmu thei ning a ta, online application chu www.upsconline.nic.in fethlenga peklut ding a nih. Online Application hi August 12, 2016, 11:59PM chenin peklut thei ning a ta, hi hnunga chun khar ni tang a tih.
IMAa seat lak ding zat hi 150 a ni a, hi laia 19 chu NCC ‘C’ Certificate(Army wing) holder hai ta dinga huol a nih. INAah seats 45 a ni a, hi laia 6 chu NCC ‘C’ Certificate holder (naval wing) ta dinga huol a nih. Air Force Academya seat ruok zat chu 32 a nih. OTA, Chennai (Men) ah seats 175 le OTA SSC Women (nontechnical) ah seat 11 a nih.
VAWISUN THUPUI
Ngai ta, nau le tehai hi Lalpaa inthawka ei rochan an na, Rila ra hi a lawmman mi pek a nih. Vanglai nauhai chu, Mi hrat kuta thal umhai ang hi an nih. ~ Sam 127:34
Editorial: State puotienga lekha inchuknaa ei seng hi
C. Arthur W, Director of Education (University), Govt. of Manipur chun Manipura College umzat hi 86 niin a hril. Hienghai laia 28 hai chu Government College ani a, 12 hai chu Government Aided College an ni a, 33 hai chu Private College an nih. Chun, N. Praveen, Director of Education (Schools) chun Manipur a Goverment School umzat hi 4865 zet niin a hril. Government Colleges le Government Schools hieng zozaihai enkawlna dinga state sawrkarin thla khatah sum a seng rawn dan ding hi ngaituo tham a tling. Government Schools le Colleges chau ni lovin private colleges 33 bakah private schools sang iemanizat a um ngei ring a um. Manipur mi han Education tiengpanga ei sum seng rawn dan ding hi a tam hle awm. Thla tina ei sum seng hi cheng vaibelsie tel a ni ngei ring a um.
Hiengang khawp hin ei state ah schools le colleges tam hle sienkhawm inchukna tha lem beisei leia Manipur puotienga inchuklai fesuok hi an thahnem hle ti chu a hretu seng ei nih. Tlawma a nei chin deu hai chun mani nauhai vai ramah sie pei chu ei tum dan a ni a, hi bakah hin professional course annawleh technical course tum tum inchuk ding chun ei nuom le nuom naw thu hrim hril thei lova vai ramah ei nauhai ei tir a la tul tho tho a nih. Lekha inchukna ding hin chu sum le pai ei seng nasa hle a nih.
Manipur state puotienga student fesuok hai sum seng zat hi an ang lem naw a, hostela um hai chun a tlangpuiin Rs. 4,0005000 vel an seng laiin Paying Guest (PG) a um hai chun a tlawm takah Rs. 7,000Rs.10,000 inkar an seng a, an pocket money le an mamaw dang dang neu neu hai leh chun cheng sing chuong seng anni deu fur ring a um. School le College tha le changkang deu a kai han sum seng chu hi nek hin a la tam a, thla khatah Rs. 20,000 vel seng khawm an um. Mi hausa thenkhat, nauhai lekha inchukna leia khawpui liena in hluo a, nu takin a umpui dam, unau a inhluo dam, Bike le Car hai leh chen neia lekha inchuk khawm an bo bik nawh.
Kum tinin HSSLC (Class XII) pasi thar hi singkhat chuong ei um hlak a, Manipur state puotienga lekha inchuk dinga Manipur suoksan hi a tlawm takah 30% vel bek ei ni ring a um. Hieng a ni chun professional le technical course tum tum hai le kum tina Manipur puotienga vai rama lekha inchuka suokdawk hi singkhat chuong an tling ring a um. A hmaa course tum tum inchuka lo um tasa hai leh lem chu Manipur mi vai rama lekha inchuka um hi singtel anni ngei ring a um. Hi taka inthawk hin Manipur puotienga lekha inchuknaa Manipur sum vai rama ei thawnsuok tam dingzie hi riruong thei a ni ngei ring a um. Thla khatah ei sum thawndawk hi a tam tham a, khawlaia sum inleng vel hi a tlawm ding hrim a nih. Sum a vang, sum a harsa ti chu a thunawnin ei hmang zing ding a nih.
College level chau ni lovin High School levela inthawka vai rama lekha inchuk khawm hi an thahnem hle bawk. Mi hausa, milien le milal hai chun an nauhai chu vai rama lekha a bula inthawk an inchuktir a, mani ram le hnam nun dan (culture) hre mumal thei ta lo hiela vai rama khawsa le mani hun tam lem hmang khawm an bo bik nawh. Lekha inchukna kawngah thang ei lak nasa hle a nih ti chu UPSC hnuoia Civil Services Exam result nuhnung taka inthawk khan hriet theiin a um. A bikin unau meiteihai an thaw tha a, hma an sawn hle a nih.
Inchuknain tha ei neinaw leia ei state puotienga sum luongsuok hi inpam um tham a tling a nih. Hi lei hin technical tieng chau ni lovin Arts tiengpanga khawm college tha, mihai bel le hip khawp indin dinga state sawrkar, ei mi hausa le lekha thiem han thang an lak nawk zuol sau sau nuom a um. Chuong a ninaw chun ei sum neihai hi vai ramah a luong liem pei el ding a nih. Hi sum luonghmang ding dang theina umsun chu College tha indin hi a nih. Ch hun ding chu mipui han nghakhla takin an thlir a nih.
CCPUR: Reformed Presbyterian Church of North East India (RPCNEI) hnuoia project Vocational Training Institute (VTI), Muolhlum rengkai chun State Council of Vocational Council (SCVT), Manpur a inthawk Recognition a lo hmu tah. Recognition hmuna order/notice hi zanikhan insuo a nih.
Tukum March thla lai khan Official han inspection hung thaw in, Infrastructure, Staff Quality, Placement record, syllabus le thil dang dang le institution function danah recognition hmu tlaka ngai a ni leia recognition hi pek niin staff official haia inthawk ei thu dawngna chun a hril.
VTI, Muolhlum a inthawk tuchen hin mi 1600 vel trade tumtum haiah an lo graduates ta a, hieng haia hin placement record 64% an nei phak a, SCVT in Manipurah hiengang recognition a pek hmasatak a la nih. VTI in recognition a hmu hi ei lawmpui hle a, thalai tamlem sawr tlaka sersuoktu le sin petu an la hung ni ngei ei ditsak.
Candidate hai Admit Card lak thei hun
CCPUR/IMPHAL: Manipur Police Department hnuoia Followers (Male) lakna dinga June 12, 2016 le July 23, 2017 inkar sung haia Physicical Efficiency Test (PET) a hlawtlingna chang, Practical exama thang thei ding hai ta dinga District tina candidate hai Admit Card siem lak theina ding hun ruot a ni tah. Hi dungzui hin 9AM4PM inkar sung haiah Jiribam SubDivision le Bishnupur a mi han July 25, 2016; Tamenglong, Ukhrul le Senapati District a mi han July 26, 2016; Churachandpur le Chandel a mi han July 27, 2016; Imphal East July 28, 2016; Imphal West July 29, 2016 le Thoubal July 3031, 2016 hai ning a ta, hieng huna la hman lo han August 1, 2016 in la thei an tih. Admit Card siem le lak ding huna hin passport size photo copy 2 chawi tul a tih tiin Chairman, DPC for Followers, Manipur Police chun inhriettirna a siem.
Chairman chamberah Executive meeting nei
CCPUR: Mr Langkhanpau Guite, Chairman, ADCC inrawinain zani sun dar 12:00 khan a office chamberah Executive meeting nei a ni a, Mr Lal Hossan, Vice Chairman, ADCC le Ms Mannuamching, CEO, ADCC hai khawm an thang. Hi huna hin August 1 Concil Day hmang dan ding thu hriltlang a ni a, MDC member tamlem hai ngaidan lak phawt dingin an rel. AntiTribal Bills 3 hai le inzawma tribal martyrs mi 9 hai ruong vui lova a la um zing leiin ADC/CCPur chun Council Day August 1, 2016 chu official taka hmang an tumnaw niin ei thu dawngna chun a hril.
Prepaid meter box 13200 inbuk tah
CCPUR: Electricity Department, Churachandpur Division chun tuchena hin khuo le veng tum tumah Prepaid meter Box 13200 an inbuk ta a, hi laia 10500 chu activate a ni tah.
Agent hai kuomah RO sem mek
CCPUR: Pu Michael Ginzasuan, District Supply Officer, CCPur chun National Food Security Act (NFSA) le inzawmin Rationing Agent hai kuomah Releasing Order (RO) a sem mek. CCPur SubDivision sunga Rationing Agent a zatve velin RO an lak a, CCPur A/C ah a la an tam tak. RO hi Agent hai kuoma sem sunzawm zing ning a tih.
Graduate teachers seniority list en thei
CCPUR/IMPHAL: December 2, 1987 le 19/04/2007 inkar sunga Edcuation (S), Manipur hnuoia Sciences, Arts, Hindi le Home Science Graduate Teachers a lak (appointed) hai seniority list siem zo a ni ta a, a en nuom hai ta dingin Department website: www.manipureducation.gov.in ah en thei ning a tih. Seniority list thua an diknaw a um a, complaint/objection pe nuom han documents kim tak leh July 30, 2016 chenin Director of Education (S), Govt. of Manipur N. Praveen Singh kuomah peklut thei ni dingin Director of Education (S), Manipur chun July 15, 2016 khan inhriettirna a siem.
Truck le BSN Bus an intang
CCPUR : Sugnu Road, Muolvaiphei khawsung lampui siemthatna sin thaw zing nisienkhawm lungphit sunga um lai pil a thangrawn leiin ruo a sur zing bawk leh lampui chu a pawr pangngaiin a la pawr zing leiin mipui le a bikin students han harsatna namenlo an tuok mek.
Lampui pawr taluo lei hin zanikhan Serou Leingoi phurtu Truck pakhat le Bethesda School of Nursing (BSN) Muolvaiphei motor chu an intang a, a hnungin keidawk an nih.
Promotional tour concert nei
CCPUR: Tribal Euphony Solo hunt fe mek le inzawma Top 12 Promotional Tour Concert chu zani zantieng 2:00PM khan YPA Hall, Hiangtam Lamka, CCPurah nei a nih. Tour Concert hi Hmar Artistes Association; Kuki Artistes Progressive Union; Zogam Artistes Association le Mizo Zaimi Inzawmkhawm han thangruola an mikhuol a nih. Hi huna hin tuolsung a hlasak thiem tum tum han hla an sak bawk.
MEDP training hawng
CCPUR: Zani 10:30AM khan Mr Langkhanpau Guite, Chairman, ADCC chun MEDP hnuoia Handloom & Handicraft Training Centre, Zion Veng, N. Lamka, CCPur a hawng. Training hi AMCOCS Ltd. in NABARD, CCPur sponsorednaa an huoihawt a nih. Ni 13 sung nuhmei hai kuoma puon khawng inchuktir ning an tih. Programme hmangna hi Chingkhoniang, Dist. Cooperative Officer le Thangchinkhup, DDM, NABARD hai khawm guest of honour le functional president in an thang.
Governor in thangpuina Rs. 1,00,000 a pek
IMPHAL: Manipur State Pensioners’ Union President H. Yaima Singh inrawinain hi Union members 16 han zanikhan Raj Bhavan, Imphalah Manipur Governor V. Shanmuganathan an van hmupui a, an pawl mamaw le harsatna hai an intlun. Governor chun hi Union thangpuina ding hin a discretionary Grant Fund a inthawk Rs. 1,00,000 a lo pek. Governor inhmupuitu hai lai hin Imphal West, Imphal West, CCPur, Thoubal, Bishnupur, Ukhrul le Senapati district haia inthawka hi Union member hai an thang tawl.
Kum khatah Nga 32,000MT
IMPHAL: Manipur rama Nga vai theina tui umna hi hectares 56,461.04 a ni a, tuchena Nga vainaa ei hmang chu hectares 19,500 a ni a, kum khat sunga Nga ei tharsuok chu 32,000MT a nih. Tui umna po po hi Nga vainain hmang inla chu kum khata Nga ei tharsuok thei dingzat chu 53,000MT a nih. Manipur in kum khata Nga a mamaw zat chu 42,000MT a ni a, ei tharsuok hi 32,000MT a ni a, hi umzie chu 10,000MT chu ei state puotienga inthawka ei laklut a nih tiin David K. Shimray, Director (Fisheries), Govt. of Manipur chun zanita DIPR Complex, Imphala Press Conference huna a hril.
KCP in darkar 13 General Strike
IMPHAL: JNIMS, Porompat a Professors pahni indiklo taka an sin sukngheta um dodalnain Kangleipak Communist Party, Poirei Meitei Lup (KCPPoirei Meitei Lup) chun July 20, 2016, 6PM chen, darkar 13 sung Manipur pumpui huopin General Strike an thaw tum niin an pawla Publicity Secretary, Malemnganba Meetei chun thusuok a siem. General Strike hin Media, Sakhuona thil, electricity, Water Supply, Medical le Emergency services hai a huomsa naw ding niin a hril.
Fire stations/SubStations 17 a um
IMPHAL: Manipur Fire Service Department hnuoia Fire Station/SubStations 17, Staf 239 (Fire fighters), Water Tenders 37, Water Bouzer 1, Quick Response Vehicles 16, Foam Tenders 2, Mini Rescue Tender 1, Simon Snorkel 1, Recovery Van 1, Trucks 2 le Fire Portable Pumps 43 a nei. Thawktu le hmangruo tha indai tawk ei neinaw leiin kangmei suok thelna kawngah duthusam angin sin ei la thaw zonaw a nih tiin Kh. Chandramani Singh, IPS, Director, Manipur Fire Service Department in zanita DIPR, Imphala Press Conference huna a hril.
Kashmir a thil tlung taphawt hi pakistan infuipawrna leia tlung a nih: Rajnath
NEW DELHI: Parliament Monsoon Session chu zanikhan tan a nih. Parliament fur thungkhawm hi August 12, 2016 chen nei ning a ta, sitting vawi 20 um a ta, Goods and Services Tax (GST) Bill thangsain Bills chi tum tum 45 lai putluta hrilang le pasi tum a nih. Bills tam lem chu Bill intang lai mek an nih. PM, Narendra Modi chun Lok Sabha le Rajya Sabha haiah a hran ve vein minister thara lakluthai inhmelhriettirna a nei. Minister thara laklut hi an rengin mi 19 an nih. Hienghai lai hin State Ministera inthawka Cabinet ministera hlangkai Prakash Javadekar (HRD Minister thar) a thangsa. Chun, Rajya Sabha member thara thlanghai khawmin Rajya Sabha member dingin sesamna an nei tawl. Chun, Lok Sabha member a thlang thar Conrad Kongkal Sangma, Lok Sabha Speaker hlui (L) P.A. Sangma naupa khawmin Lok Sabha member dingin sesamna a nei.
Lok Sabha memberhai chun Madhya Pradesh a inthawka BJP MP, Dalpat Singh Paraste thi le Lok Sabha Session neinaw hun sunga an members chanpui 6 lo thi hai ursun taka sunna hunser an hmang zovin zanita dingin Lok Sabha Session chu suktawp a nih.
PM Nadrendra Modi chu Lok Sabha a hung lut le inruolin AICC President Sonia Gandhi inthungna a pan ngil nghal a, hun tawite an biekpui. Hi zo hin Samajwadi Party President, Mulyam Singh Yadav thangsain party tum tuma senior thuoituhai inbiekpuiin a chibai tawl. Sushma Swaraj thangsain Union Minister dang danghai khawmin Selkaltu Pawl memberhai an chibai tawl. Ni dang ang naw takin Inpui boruok a zang hle.
Rajya Sabha a chun sawrkarna cheltu le Selkaltu tienga members han tulai hnaia Jammu & Kashmira thil tlung chungchang an hriltlang. Rajya Sabha a thu hril tam deuhai chu Union Home Minister Rajnath Singh, Union Finance Minister Arun Jaitley, Selkaltu pawl thuoitu Ghulam Nabi Azad, Samajwadi Party thuoitu Naresh Agarwal le CPI(M) thuoitu Sitaram Yechuri hai an nih.
Union Home Minister Rajnath Singh chun Terrorist thuoitu kaphlum a nina le inzawmin Case inrik tak tak 15 resistered a ni a, Kashmir phairuoma thil tlung hi PM Modi chun a ngaimaw hle a nih. Security forces hai chu mihriem thi theina hmangruo hmang lova mipuihai chu tha taka indawrpui dinga hril an nih. Kashmir chungchang le terroristhai chungthua hin Political parties tum tum hai ei thangruol tlat ka beisei. J&K CM le khawm inpaw taka hmalak tlang a nih. Kashmir a thil tlung taphawt hi Pakistan infuipawrna leia tlung vawng a nih tiin a hril. Union Finance Minister Arun Jaitley khawma Kashmir a buoina le helna suokna san bulpui tak chu Pakistan lei vawng a nih tiin a hril. Terroristhai hin hnena le hlawtlingna chang ngainaw hrim hrim an tih tiin a hril bawk.
BJP RS member Navjot Singh Sidhu an ban
NEW DELHI: BJP leader le Rajya Sabha member Navjot Singh Sidhu (52) chu zanikhan MP a ninaa inthawk an ban. Mr Navjot Singh Sidhu hi Cricket commentator hlui a ni a, tukum April thlaa kha Rajya Sabha member dinga ruot (nominated) a nih. Mr Sidhu chun Mr Arvind Kejriwal inrawi Aam Admi Party (AAP) a zawm ding thu a hril. Ei thu dawngnain a hril danin kum 2017a Punjab Assembly Election hung um dinga hin AAP Chief Ministerial Candidate a ruot ni el theiin a hril.
Kum 2014 Lok Sabha election huna khan Amritsar biela inthawk Arun Jaitley ta dinga seat inruoktir a ni leia lungawi ta lo hrim a nih. Hi biel kum 10 lai lo awp ta a nih. Mr Sidhu nuhmei Navjot Kaur MLA, tuta Punjaba Akali Dal le BJP thangruol sawrkara Parliamentary Secretary ni lai mek khawm an ban ding niin ei thu dawngna chun a hril.
Arunachal CM tharin Pema Khandu
ITANAGAR: Zani hmasa khan Pema Khandu chu Arunachal Pradesh CM thar dingin Raj Bhavan, Itanagarah Arunachal Pradesh acting Governor Tathagata Roy hmaah sesamna a nei. Hi huna hin Chowna Mein khawmin Deputy CM dingin sesamna a nei. Pema Khandu hi kum 2011 a Helicpoter tuoksiet a thi Arunachal Pradesh CM Dorjee Khandu naupa niin kum 37 chaua upa a la nih. Pema Khandu hi India rama Chief Minister hai laia a naupang tak a la nih.
Arunachal Pradesh ah MLA 60 um hai laia 47 in an thlawp. A thlawptuhai lai hin Congress 15, dissident Congress (People’s Party of Arunachal PradeshPPA) 29 le Independent MLA 2 an thang. Ama leh tiemin 47 an tling.
Sesamna hunsera hin CM hlui pahni, Nabam Tuki, Kalikho Pul le an Speaker Nabam Regia hai khawm an thang. Pema Khandu hi Hindu College, Delhi a graduate, a pa thi leia politics a lut, a pa tlingna Mukto A/C a inthawka khingtu um lova thlangtlinga um a nih. Nabam Tuki CM nina hnuoia Water Resource & Tourism minister a ni a, sienkhawm Nabam Tuki leh an inrem naw leia kum 2015 a kha minister a ninaa inthawka inban a nih.
Kum 10 a upa chin Diesel motor ban dingin
NEW DELHI: Delhi khawpui sunga boruok pawrche sukzieumna dingin National Green Tribunal (NGT) chun Delhi khawpui sungah Diesel motor kum 10 le a chungtienga upa ta hai chu ban dingin order an suo. Hi thua hin NGT chun Regional Transport Offices (RTO) Delhi khawm inhriettir in kum 10 le a chungtienga upa Diesel motor hai chu deregister dingin an hriettir bakah deregistered motor hai list Delhi Traffic Police kuta pe dingin an hriettir bawk.
Samak kaptu mi 4 man an nih
GUWAHATI: Assam rama dan lova Samak (Rhino) kap hlumna le inzawma zawng mek mi 4 hai chu zani hmasa khan Special Task Force (STF) le Assam Police thangruol han an man. Mana um hai chu Abdul Hanan, Foto Marak, Kana Lama le Moniram Orang hai an ni a. An inpuongnaa inthawk .303 Rifle 1, magazine 1, a mu 12, .22 rifle 1, magazine 1 le a mu 22 bakah silencers 2 STF han an man sa bawk.
RS member dingin mi 43 in sesamna an nei
NEW DELHI: Zanita Parliament Monsoon Session tan ni khan mi 43 han Rajya Sabha member dingin Rajya Sabha Chairman Mohammed Hamid Ansari hmaah sesamna an nei. Rajya Sabha member dinga sesamna nei hai lai hin member dinga thlang thar, member ni tasa thlangtling nawk le nominated members hai an thang.
A hnungin PM Narendra Modi chun Union Cabineta laklut thar hai inhmelhriettirna a nei a, parliament members hai chun tulai hnaia Istanbul, Kabul, Karada (Central Baghdad), Dhaka, Jeddah, Medina le Nice khawpui haia terrorist hai chetna leia thi hai sunna hun an hmang bawk.
Rajya Sabha Chairman chun Uttarakhand, Madhya Pradesh, Assam, Maharashtra, Arunachal Pradesh, Uttar Pradesh, Bihar le Himachal Pradesh hai thanga khuorel sietna (natural calimities) leia thina le hliemna tuok hai a sun le tuorpui thu a hril bawk.
Kashmira Chanchinbu hai ni 3 sung a suok tanawh
SRINAGAR: Jammu and Kashmira tulaia buoina tlung le inzawmin Kashmir phairuoma tuolsung chanchinbu hai chu zani khawm khan insuo an la ni nawh. Kashmira tuolsung chanchinbu hai ni 3 sung a zawna a suok nawna a ni tah. Jammu and Kashmir Police han July 15, 2016 a Chanchinbu office thenkhat an khar bakah printing materials le news print sa hai an man pek leia Chanchinbu insuotu han a dodalnaa chanchinbu insuo lo dinga an rel a nih. Journalist hai chun hi thua hin protest an nei bakah hi thil hi ‘freedom of press’ beina a nih tiin an hril a, sawrkar thilthaw dan chu nasa takin an dem.
Sawrkar thlungpui chun zani hmasa khan Jammu and Kashmirah CRPF personnel 2,000 vel ding a tirlut belsa a; zanita inthawk Schools le Colleges hai Summer chawl zo zanita hawng ta ding khawm July 25, 2016 a hawng chau dinga puong a nih.
Turkey-ah officials 8,777 ban an nih; Coup thaw tum leia thi 290
ISTANBUL: Istanbul: President Recep Tayyip Erdogan peithlak tuma Turkey a military Coup thaw tumna le inzawmin Turkey sawrkar chun Police official 7,899 thangin officials (thawktu) 8,777 hai chu an sin haia inthawk a ban. Bana um hai lai hin Provincial Governor 1 le Governors 29 an thang tiin Interrior Ministry official thusuok chun a hril.
Hieng laizing hin Military Coup thaw tumna le inzawma mihriem thina tuok chu 290 an tling ta niin Foreign ministry thusuok chun a hril. Thi hai lai hin Coup plotters (Coup thaw ding thu phierrutu) 100 chuong, civil mi 190 chuong an thang niin a hril. Coup thaw tumna le inzawm hin mi 6000 vel hrentang an ni tah tiin Justice minister Bekir Bozdag chun a hril. President Recep Tayyip Erdogan chun, death penalty hmang nawk dan sawrkarin a ngaituo el thei tiin a hril.
Combined Defence Services Exam(II) 2016
Union Public Service Commission (UPSC) chun, Indian Military Academy (IMA), Dehradun; Indian Naval Academy (INA), Ezhimala; Air Force Academy, Hyderabad; Officers’ Training Academy, Chennai (Men) le Officers Training Academy, Chennai SSC Women (nontechnical) Course lut ding lakna dingin October 23, 2016 khin Combined Defence Services Exam (II), 2016 huoihawt a tih.
Inhnikna nei hai ta dingin thu chieng lem UPSC website: www.upsc.gov.in ah hmu thei ning a ta, online application chu www.upsconline.nic.in fethlenga peklut ding a nih. Online Application hi August 12, 2016, 11:59PM chenin peklut thei ning a ta, hi hnunga chun khar ni tang a tih.
IMAa seat lak ding zat hi 150 a ni a, hi laia 19 chu NCC ‘C’ Certificate(Army wing) holder hai ta dinga huol a nih. INAah seats 45 a ni a, hi laia 6 chu NCC ‘C’ Certificate holder (naval wing) ta dinga huol a nih. Air Force Academya seat ruok zat chu 32 a nih. OTA, Chennai (Men) ah seats 175 le OTA SSC Women (nontechnical) ah seat 11 a nih.
VAWISUN THUPUI
Ngai ta, nau le tehai hi Lalpaa inthawka ei rochan an na, Rila ra hi a lawmman mi pek a nih. Vanglai nauhai chu, Mi hrat kuta thal umhai ang hi an nih. ~ Sam 127:34
Editorial: State puotienga lekha inchuknaa ei seng hi
C. Arthur W, Director of Education (University), Govt. of Manipur chun Manipura College umzat hi 86 niin a hril. Hienghai laia 28 hai chu Government College ani a, 12 hai chu Government Aided College an ni a, 33 hai chu Private College an nih. Chun, N. Praveen, Director of Education (Schools) chun Manipur a Goverment School umzat hi 4865 zet niin a hril. Government Colleges le Government Schools hieng zozaihai enkawlna dinga state sawrkarin thla khatah sum a seng rawn dan ding hi ngaituo tham a tling. Government Schools le Colleges chau ni lovin private colleges 33 bakah private schools sang iemanizat a um ngei ring a um. Manipur mi han Education tiengpanga ei sum seng rawn dan ding hi a tam hle awm. Thla tina ei sum seng hi cheng vaibelsie tel a ni ngei ring a um.
Hiengang khawp hin ei state ah schools le colleges tam hle sienkhawm inchukna tha lem beisei leia Manipur puotienga inchuklai fesuok hi an thahnem hle ti chu a hretu seng ei nih. Tlawma a nei chin deu hai chun mani nauhai vai ramah sie pei chu ei tum dan a ni a, hi bakah hin professional course annawleh technical course tum tum inchuk ding chun ei nuom le nuom naw thu hrim hril thei lova vai ramah ei nauhai ei tir a la tul tho tho a nih. Lekha inchukna ding hin chu sum le pai ei seng nasa hle a nih.
Manipur state puotienga student fesuok hai sum seng zat hi an ang lem naw a, hostela um hai chun a tlangpuiin Rs. 4,0005000 vel an seng laiin Paying Guest (PG) a um hai chun a tlawm takah Rs. 7,000Rs.10,000 inkar an seng a, an pocket money le an mamaw dang dang neu neu hai leh chun cheng sing chuong seng anni deu fur ring a um. School le College tha le changkang deu a kai han sum seng chu hi nek hin a la tam a, thla khatah Rs. 20,000 vel seng khawm an um. Mi hausa thenkhat, nauhai lekha inchukna leia khawpui liena in hluo a, nu takin a umpui dam, unau a inhluo dam, Bike le Car hai leh chen neia lekha inchuk khawm an bo bik nawh.
Kum tinin HSSLC (Class XII) pasi thar hi singkhat chuong ei um hlak a, Manipur state puotienga lekha inchuk dinga Manipur suoksan hi a tlawm takah 30% vel bek ei ni ring a um. Hieng a ni chun professional le technical course tum tum hai le kum tina Manipur puotienga vai rama lekha inchuka suokdawk hi singkhat chuong an tling ring a um. A hmaa course tum tum inchuka lo um tasa hai leh lem chu Manipur mi vai rama lekha inchuka um hi singtel anni ngei ring a um. Hi taka inthawk hin Manipur puotienga lekha inchuknaa Manipur sum vai rama ei thawnsuok tam dingzie hi riruong thei a ni ngei ring a um. Thla khatah ei sum thawndawk hi a tam tham a, khawlaia sum inleng vel hi a tlawm ding hrim a nih. Sum a vang, sum a harsa ti chu a thunawnin ei hmang zing ding a nih.
College level chau ni lovin High School levela inthawka vai rama lekha inchuk khawm hi an thahnem hle bawk. Mi hausa, milien le milal hai chun an nauhai chu vai rama lekha a bula inthawk an inchuktir a, mani ram le hnam nun dan (culture) hre mumal thei ta lo hiela vai rama khawsa le mani hun tam lem hmang khawm an bo bik nawh. Lekha inchukna kawngah thang ei lak nasa hle a nih ti chu UPSC hnuoia Civil Services Exam result nuhnung taka inthawk khan hriet theiin a um. A bikin unau meiteihai an thaw tha a, hma an sawn hle a nih.
Inchuknain tha ei neinaw leia ei state puotienga sum luongsuok hi inpam um tham a tling a nih. Hi lei hin technical tieng chau ni lovin Arts tiengpanga khawm college tha, mihai bel le hip khawp indin dinga state sawrkar, ei mi hausa le lekha thiem han thang an lak nawk zuol sau sau nuom a um. Chuong a ninaw chun ei sum neihai hi vai ramah a luong liem pei el ding a nih. Hi sum luonghmang ding dang theina umsun chu College tha indin hi a nih. Ch hun ding chu mipui han nghakhla takin an thlir a nih.
