CMO in population Stablization Fortnight a hawng
CCPUR: Dr Thangchinkhup Guite, CMO, CCPur chun zani 11:00AM khan CMO Conference Hall, CMO Campusah July 1224, 2016 chen aw ding Population Stabilization Fortnight a hawng. Hi huna hin Ms Nalini Devi, DPHNO, CCPUr in welcome & keynote address a hril a, Dr Thangchinkhup Guite in Inaugural speech a hril a, Dr V.C. Pau Tonsing, DFWO, CCPur in “Importance of spacing and family planning” Ms Vung Mary, DCM in “Eligible couple registration & ASHA incentive” ti thupui hai hmangin thu an hril.
CMO, CCPur chun, kum 2030 chena India ram chun China rama mihriem umzat a khumkhel ta ding a ni a, chu huna chun India chu khawvela mihriem tamna tak rambung a ni ta ding a nih tiin a hril. Khawvela mihriem um po po laia 17.8 percent chu India rama um an ni thu a hril bawk. Tribal context a chun population pung ding dang chu thil tha le remchang tak a ninaw thei, sienkhawm ei insung member tam hmain nau le te hai fak tha, education le hriselna ei pek thei dim ti tha taka ei ngaituo hmasak thil tul a nih tiin CMO chun a hril.
Observation of Population Stabilization Fortnight sung hin DFWO chun sterilization program khawm a fepui ding thu Dr V.C. Pau chun a hril.
Ni 4 sungin Tuibong areaah motor in mi 3 a baw hliem
CCPUR: July 912, 2016 inkar, ni 4 liemta sung khan Churachandpur district sunga Tuibong areaa chun eksiden vawithum zet tlungin naupang kum tlinglo pahni thangin mi 3 motor in a baw hliem tah.
July 9, 2016 zantieng 3PM vel khan Ms Niangmuanching (6) d/o Lalrochan Hmar of Tuibong Zion veng chu Tuibonga KSO Complex tuol lai Activa in na takin a baw hliem a, a baw hliemtu hin ngaisak lovin a tlansan a, Ms Niangmuanching hi a nakawr hai chena thisen a suok a, a hliem inrik leiin Imphal tieng panpui a nih.
Chun, July 10, 2016, zantieng 4:30PM khan Pu Lalhmingmawi Varte h/o Laltanpui of Kanan Veng, Saikawt, CCPur chu Tuibonga Transport Office tuol lai Maruti Van in a baw a, a nakru pali an eu leiin District hospital panpui a nih.
July 12, 2016, zingkar 8:40AM vel khan School fe ding Uniform inbel Lhingkhokim d/o Paolen Touthang of B. Ebenezer Veng chu Tuibong Bazarah Auto Rickshaw in a baw hliem nawk bawk. Ms Lhingkhokim hi Kinship Schoola ClassI inchuklai a nih.
Ni 4 sung chaua Tuibong areaa eksiden tlung le mi 3 zetin hliemna an tuok pha el hi Traffic rule mumal a umnaw lei niin an lang a, thuneitu han an rang thei angin hma hung la hai sien nuom a um.
BJP CCPur in V. Hangkhanlian lawmpuina
CCPUR: Mr K. Bhabananda Singh, President, BJP Manipur Pradesh in July 8, 2016 nia Manipur BJP thuoitu thar ding mi 16 a ruot hai lai CCPur Districta inthawk Mr V. Hangkhanlian khawm Vice President pakhat ni ve dinga ruot a ni a. Hi le inzawm hin zanikhan BJP CCPur District Committee chun a chengnainah lawmpuina le thingpui dawnpuina an nei.
Hi huna hin BJP CCPur district sukhrat dan ding le hmalak pei dan ding hai hriltlangna an nei bawk. K. Vungzalian, President BJP CCPur chun, boycotta um Tribal MLA iemanizat BJP a lut an tum tiin a hril a. Hi thua hin ama inrawinaa BJP CCPur District chun State le Centrala BJP thuoituhai chu mipuiin an boycott MLA hai chu membera lalut lo dingin a lo hril ta thu hi huna hin a hrillang.
Sit-in-Protest
CCPUR: JACATB inrawina tribal movement fe mek chu July 12, 2016 khan ni 312 a tling ta a, zanikhan Rengkai, Hebron Veng, N. Lamka le kawnpui khaw mi hai Hiangtam Lamkaa pasaltha hai inzana bukah sit in protest an inthung. July 13, 2016 in Rengkai, Tuibong, College Veng le Kanan Veng hai inthung an tih.
HKI in in an sun thu an puong
LUNGTHULIEN: Hmarram Kohran Inzawmkhawm (HKI) chun July 11, 2016 khan Lungthulien khuoa EFCI Biekinah Executive Committee meeting an nei a. Hi huna hin hnam ta dinga a thil nei popo, a remhrietna, a hratna popo inro lo le hnam hmasawnna ding le inpumkhatna dit em emtu Pu (L) Lalthangsang Intoate hun lo taka muol a mi liemsanna le inzawmin a sunna hunser hmang a ni a, a maksan, a sinthawpuihai, a nuhmei, a nauhai le a sunglekuohai ta dinga tawngtaipekna Rev. Lalrohlu, Vice Chairman, HKI in a nei. A thlarau hadam taka chawl dingin HKI chun a ditsak thu hrilin, Hmar hnam sunga Organisation popo hai le HKI in an ro in a sun hle thu a puong.
(Input: Lalnunthang Songate)
Jammu & Kashmir ngirhmun chungthuah PM rawiin high level meeting nei a nih
NEW DELHI: Tulaia Jammu & Kashmir ngirhmun chungthuah zanikhan PM Narendra Modi inrawinain high level meeting nei a nih. Hi meeting a hin Union Home Minsiter Rajnath Singh, Union Finance Minister Arun Jaitley, Union External Affairs Minister Sushma Swaraj, Union Defence Minister Manohar Parrikar, National Security Adviser Ajit Doval, Foreign Secretary S. Jaishankar, milien le milal dang dang hai an thang a, Kashmir phairuoma buoina tlung mek chungchang an ennawn. Kashmir phairuoma buoina suok hi a la re naw a, buoina boruok a la sosang hle. Mipui le Security forces hai inbeituona leia civil mi thina tuok chu 30 antling ta nia hril a nih.
PM Narendra Modi chun mipuihai chu tharum thawna tawpsan a, inrem le totawka um ta dingin ngenna a siem. Jammu & Kashmir state sunga law & order enkai le thunun a hung ni theina dingin sawrkar thlungpui chun theitawp suoin hma lang a ta, thangpuina pek thei ang ang pek a ni ding thu a hril. Pawi tawklo han thina le hliemna an tuok chu pawi a ti thu Modi hin a hril. Chun, terroristhai chetna chu tukhawma politics hmangruo a hmang lo dingin Modi chun ngenna a siem bawk.
July 8, 2016 khan security forces han J&K a inlakhran nuom pawlhai thuoitu laia pakhat Burhan Wani an kap hlum a. Hi taka inthawk hin mipui le security forces hai inkarah inhrietthiemnawna le inbeituona a hung suok tan a, security forces le mipui lungsen hai inbeituonaa thina le hliemna tuok hi an hung um a nih. Sawrkar thlungpui chun state Police hai thangpuitu dingin Central paramilitary forces 2000 lai zet J&Kah a tirlut belsa ta a nih. A hmain Central Paramilitary forces hi battalions 60 (personnel 6,000) an lo um tasa hrim a nih.
Pensioner/Family pensioners 48,000
IMPHAL: Manipur state sarwkar hnuoiah pensioners/family pensioners 48,000 vel an um a, hienghai pension thil hi State Treasury in a buoipui vawng a nih. India hmarsak biel sunga State Treasury in pensionhai pension na thil an buoipui vawng hi Manipur State chau a ni a, State danghai chu banks han an buoipui a nih tiin Th. Kirankumar, Director, Treasuries & Accounts, Govt. of Manipur in zanita DIPR a Press Conference huna a hril. Chun, Treasury office hai chu Computerised vawng a ni ta tiin a hril.
B.Sc. Hospitality& Hotel Administration
IMPHAL: Tourism Department, Govt. of India tira Institute of Hotel Management Catering Technolgy and Applied Nutrition, Guwahati le Shillonga B.Sc (Hospitality & Hotel Administration) Academic Session 201617 a inchuk nuomhai ta dingin July 16, 2016 chen khin Directorate of Tourism, Manipurah hnina lekha peklut thei a nih. Thiemna 10+2 (any stream) zo sa, kum 22 (ST25 yrs) mi ni a tul. Seat ruokzat chu Guwahatiah 6 le Shillongah 2 a nih.
Sushila Chanu team captain in
IMPHAL: Rio Olympics, 2016 a India rama inthawka Hockey team fe dinghai team captain dinghai hming puonglang a ni ah. Indian Women’s Hockey team captain dingin Manipur nunghak Pukhrambam Sushila Chanu (24) thlang a nih. Manipur miin team captain sin a chelna hmasa tak ding a nih. Indian Women’s Hockey team mi 16 hai lai Manipur nunghak Thokchom Anuradha Devi a thangsa bawk. Pasal team a khawm Manipur tlangval pahni, Kh. Khadangbam Kothajit Singh (defender) le Kangujam Chinglensana Singh (midfielder) hai an thang bawk.
Kani grams 300 leh man a nih
IMPHAL: Zani hmas khan Thoubal SDPO, Th. Shankar, Lilong Police Station OC Th. Jenni le an rawi han Lilong hmuna Md. Ayub Khan (35) s/o (L) Abdul Helim of Thoubal Moijing chu Kani grams 300 leh an man. Md. Ayub Khan hi Uttar Pradesh a Kani siem dan inchuk, tuta mi hi Kani a siem tumhnina a ni a, Kani hi tuolsung rate chun Rs. 1,00,000 manhu vel nia hril a nih. Md. Ayub Khan kuta inthawk hin Kani processing machine khawm man sa a nih tiin Police chun an hril.
Establishment 2,29,838
IMPHAL: 6th Economic Census dungzuiin Manipurah Establishment 2,29,838 le thawktu 4,09,617 an um tiin Peijonna Komei, Director, Economics and Statistics Department, Govt. of Manipur chun zanita DIPR Complex, Imphal a Press Conference huna a hril. Chun, hi Department hin information le Data indik tak a peksuok a nih tiin P. Vaiphei, Principal Secretary, Economics & Statistics, Govt. of Manipur chun a hril.
Minutes 15 sung chau session nei
KOHIMA: 12th Nagaland Legislative Assembly session a vawi 12na chu zani zing dar 9:30 khan tan a ni a, Assembly session hi 9:45AM in khar nawk a nih. Session hi minutes 15 sung chau an nei hman. Chanchinbumihai khawmin session hun sung hi a tawi taluo leiin an uop hman nawh. Zing dar 9:40 in Assembly Complex an tlung a, Session hi an nang hman naw a, Assembly Session a um naw mani aw! tiin mak an ti hle niin ei thu dawngna chun a hril.
Rs. 1.5 lakh zet a neitu kuoma a pekkir
KALYAN: Autorickshaw driver Prabhakar More chun July 10, 2016 khan a passenger phur in a theinghil Rs.1.5 lakh zet a hmu a, a neitu nasa taka a zawng hnungin pawisa hi a neitu indiktak Krishna Gosavi kuomah a pekkir nawk. Mr Gosavi hin Sagarli areaa inthawk flat inchaw dingin Auto a hin a chuong a, autoa inthawk a tum huna pawisa hi theinghilin a maksan a, auto driver hin in a tlung huna a auto a sukfai huna pawisa hi a hmudawk a, a sunga document thenkhat a um leiin local BJP corporator inrang takin an hriettir a, Police hai le thangruola a neitu indiktak kuoma an pekkir nawk a nih.
Hmunhnawk phurna motor ah naute hmu
MYSURU: Muncipal workers hai chun zani zingkar dar 7 khan hmunhnawk phurkhawmna motor tipper auto sungah nuhmei naute pieng hlim an hmu. Tipper driver Saravana le cleaner Nagaraj hai chun Sayyaji Road lai in tin sira hmunhnawk an lakkhawm hmain lampui sira thingpui an dawn a, an motor pana an hungkir huna an motor sunga polythene bag var an hmu a, an zuk en chun naute hi an hmu ta a nih. Hi thil hi zani zing dar 7 vela kha tlung a nih. Naute hi a pieng hlim niin a laihrui khawm khit lo a ni leiin thisen le insawp elin an hmu a, thuok insamin a lo thi hman vang a nih. Polythene bag an zuk hawng hin thuok hung lain a hung tapsuok a, health department official hai inhriettirin hospital panpui le enkawl a nih. Hi naute hringna an sanhimna thuah Saravanan le Nagaraj hai chu an hlim hle a, a sunga thil um en kher loin lo dehawn hai sien chu hrietnaw leiin naute hi an that a ni der el ding thu an hril.
Engineer sin bansana Aloe vera chingna farm siemin crorepati a kai
JAISALMER: Sawrkar sina inthawk inban a, Aloevera chingna farm siemtu Mr Harish Dhandev chu crorepati a ni tah. Mr Harish Dhandev hi nikum khan Delhia agri expoah a zu thang a, chu taka inthawk hiengang ngaituona thar hi neia sawrkara a sin bansana Aloe vera a hung ching tan a ni a. Aloe Vera hi a ram acre 120 a lienah a ching a, kum khat sunga a sum lamsuok chu Rs. 1.5 a inthawk Rs. 2 crore (vaibelsie 2) vel a tling phak tah.
Mr Singh hin Jaisalmer a inthawk km. 45 vela hla Dhaisar hmuna ‘Naturelo Agro’ ti company pakhat a hawng bawk a, Aloe vera a tharsuok hai hi a juicea siem ding a telpuiin Patanjali Food Products Ltd. kuomah a zawr hlak bakah thlaler (desert) a Aloe vera a ching hi quality a tha leiin India ram sung chau ni loin international market a khawm demand a tam hle a hril a nih.
Mr Harish Dhandev hi Jaisalmer Municipal Council hnuoia Junior Engineer sina inthawk inbana Aloe vera chingna sin hi a tan a nih. A thil ching hi a tha leiin Brazil, Hong Kong le America ram haia inthawk khawmin demand a tam hle niin a hril, a bul in kung 80,000 a phun a, tuhin chu nuoi 7 (7 lakh) a ching tling ta a nih.
BSF han mi pathum an kap hlum
AMRITSAR: Border Security Force (BSF) chun zanikhan India le Pakistan inrina Amritsar district sunga Ajnala village lai a ruk le dan lova India ram hung lut ruk tum mi pathum an kap hlum. BSF Patrollinga fe han hieng mi 3 hai hi an hmufuk a, an kuta inpe dingin an ti a, sienkhawm inpe nuom lova an fe pei leia an kap hlum niin BSF Punjab Frontier IG Anil Paliwal chun a hril. Chun, zani hmasa khan Jharkhanda Latehar district a CRPF han dappui an thawnaa Naxalites hai le an inkaptuonaa CRPF jawan pakhat kap hlum a nih.
Vijender Gupta in vauna a dawng
NEW DELHI: Delhi Assembly a Opposition leader Vijender Gupta chun a personal assistant mobile phone fethlengin that dinga vauna a dawng niin a hril a, hi thua hin Police chun case an registered. July 10, 2016 zantienga kha vauna hi a dawng a ni a, thawk hni lai zet that an tumnaah a la him pei a, a vawi thumnaa chun iengangin security sukhau la khawm himin suok tanaw ti nih tiin a vautu hin a hung hril niin phone lo dawngtu Ashish Katyal chun a hril. Mr Gupta chun, Delhi sawrkar corruptiona an rawlna a pholang leiin hi thila hin AAP an inrawl ngei a ringhla thu a hril.
S.Sudan President in Ceasefire a puong
JUBA: Sudan rama President Salva Kiir thlawptu sipai hai le helpawl hlui Vice President Machar bodyguard hai kara inbeituona le ineptuona um mek le inzawmin South Sudan President Salva Kiir chun zanikhan Ceasefire a puong. Sudan rama President le Vice President pawl sipai hai inbeituona lei hin mi 276 zetin thina an tuok pha ta nia hril a ni a, sienkhawm Vice President ruok chun mi 150 vel an thi bakah midang tam tak an hliem niin a hril thung.Vice President Riek Machar chun Ceasefire order hi inza a zawm dingin a sipai hai an hriettir.
Sudan rama buoina um lei hin External Affairs Minister Ms Sushma Swaraj chun Sudan rama India mi um hai chu tithawng lo dinga infuiin Indian Embassya in register seng dingin an hriettir baka law and order ngirhmun a that hma chu Sudan rama inzin lo dingin India mipui hai thurawn a pek bawk.
VAWISUN THUPUI
Anni chun tawngsie inphur raw hai se, nang ruok chun malsawm lem rawh, An tho phingleh muolpho an ta, i siehlaw ruok chu hlim a tih.~ Sam 109:28
Editorial: Indawnna invetthlak
Zohnathlakhai hin thil indawn awm le awm lo ngaituo chieng chet chet lova indawnna dawn rinum le dawn hlei thei lo ding thil indawn hi ei ching hle. Ram changkang le hnam var lem hai chengna sapram, anawleh khawsak rama inzin hlakhai, ei lekhathiemhai, chinchang hre lem hai le tawnhriet hau hai chun um dan tha le mawi, hril ding le hril ngailo ding, mihai le inbiek dan ding, ruol le pai laia um dan ding, tawng dan ding le mihriem nuna tul le pawimaw hai an mi hril rawn hle. Tawngbau a inhril el chau ni lovin Nitin Chanchinbu, magazine le TV haia chen khawm an hril rawp hlak. Nisienlakhawm hi chungchang hi ei la ngaitha hle niin an lang. Hi lei hin indawnna invetthlak tak tak indawn hi ei la ching zing a, ei bansan thei hlawl naw a nih. Nu bengvar le pa bengvar tak tak nia ei hriet le ngaihai khawma indawnna invetthlak tak tak indawnna hi mihai an lan dawn rawp el.
Mi han an mimal chanchin le sungkuo chanchin (personal and family affairs) anni nuom thua an mi hril nuom a ni sinaw chun, va hriet ve tuma indawn chiem chiem hi thil invetthlak takel a nih. Ruoltha le sungkhat laina hai chun an chanchin, an harsatna, an hlimna le an lawmna hai chu an mi hril el hlak. Chuongang ni si lova mihai chanchin hriet lo tum tawk tawk hi, bengvar dan changkang lo, bengvar dan mawl le invetthlak tak a nih ti hriet a tha. Nuhmeihai lem hi chu mihai chanchin hrie tam tum le hril sawng tam an nih ti inla ei hril suol em em ring a um nawh.
Mihriem pieng danah mi cher le mi thau ei um a, a cher han thau an nuom a, mithau han cher an nuom hlak. Hi lei hin mi cherhai chun an thei patawpin thau an tum hlak. Chuongang bawk chun mit hau hai khawmin insuk cher tumin an theitawp an suo hlak. Hieng laizing hin i va cher em em de, i va thau em em de. Ienglei am a na? insuk thau ta la, insuk cher tala ei inti tawng hlak. Bengvar le fel inti em em a ei hril angah ei ngai el thei. Amiruokchu a ni der nawh. Saphai, ram changkang le hnam var hai chau anni ta le, ei ni lai ngei khawm hiengang tawngbau le indawnna hai hi ei lawm ta nawh ti hriet a tha. Mihai hmalak dan hre bar lova nuom nuoma chuongangkhangang chu thaw ta la intina hun a ni ta nawh. Mawl le invet hlawna mei mei a nih.
Ei ngaisang em em le an nun dan ei entawn saphai chun, hlaw zat indawn, nuhmei a bikin nunghak kum zat indawn le pasalin nuhmei nau a nei hun ding indawn hai hi, thil thaw chi ni lo, mawlna le invet thlakah an ngai ti saprama inzin hai chun an mi hril rawp hlak. Amiruokchu, ei ni rawi hin chu ei bansan thei der nawh. Saphai chau an ni ta nawh. Ei ni lai khawm hiengang indawnna hai hi chu a thing em em ta a, mawlna le invetthlak thilah ei ngai ve ta tho a nih ti hi hriet tlat ding a nih. Nunghak senior hai chau ni lovin pasalhai khawmin upat ni hi an nuom bik tanaw a, inko dan hi an ngaimaw ve ta hle a nih. Sir tina ni lova pu inti hi chu an lawm bek nawh. Hiengang bawk hin papui tebawphai khawma Pa (father) inti nek chun u inti an lawm lem hlak.
Zohnathlakhai lem hin chu indawnna invethlak tak tak, hril le dawn harsa le rinum tak tak, mimal nun (personal life) thil hi awm lo baksaka indawn ei ching hle, bansan ngei ngei ding a nih. Pasal le inthe ta nuhmeihai kuomah, iengleia inthe cheu? Pasal nei nawk i tum naw mani? nau nei thei ta lo dingin insiem ta am? tihai dam hi chu indawn chi a ni nawh. Ei naunu le ei farnu, ei hmangai em em le ei laina em em anni si naw chun hiengang indawnna hai hi indawnna invetthlak takel a nih. Nuhmeia va nei dinga ei dit a ni sinaw chun.
I pasal khan zu a dawn ve hlak am? A ler deu a ni? In farnu saw a khir vieu naw maw? ti indawnna hai khawm hi indawnna invetthlak an nih. Mihriem pangngai, nupuitling, nu var a ni chun dawn ngai naw nih. Zu dawnin lo ler deu sienkhawm a pasal, a dit lai le a hmangai ngawi ngawi lai a ni tlat leiin ruoltha tak le sungkhat laina bula naw chu hiengang indawnna invetthlak tak tak hai dawn let ngai naw nih. A pasal farnu chu a nauhai Nî a ni a, a pasal khawm a nauhai pa a ni leiin hrilsie ngai naw nih. Nu invet ruok chun dem zut zutin hrilse a ta, mi lai a mawng hlim hlak a tih. Unau khawm pa hmunkhat, nu dang dang um thei hlak a ni a. Hi lei hin hmel an ang naw thei. Hi lei hin ei laina le sungkhat hnai an ninaw chun hiengang thua khawm hin indawnna siem fimkhur ding a nih. Mihai lungril natna ding siem theina a nih.
CCPUR: Dr Thangchinkhup Guite, CMO, CCPur chun zani 11:00AM khan CMO Conference Hall, CMO Campusah July 1224, 2016 chen aw ding Population Stabilization Fortnight a hawng. Hi huna hin Ms Nalini Devi, DPHNO, CCPUr in welcome & keynote address a hril a, Dr Thangchinkhup Guite in Inaugural speech a hril a, Dr V.C. Pau Tonsing, DFWO, CCPur in “Importance of spacing and family planning” Ms Vung Mary, DCM in “Eligible couple registration & ASHA incentive” ti thupui hai hmangin thu an hril.
CMO, CCPur chun, kum 2030 chena India ram chun China rama mihriem umzat a khumkhel ta ding a ni a, chu huna chun India chu khawvela mihriem tamna tak rambung a ni ta ding a nih tiin a hril. Khawvela mihriem um po po laia 17.8 percent chu India rama um an ni thu a hril bawk. Tribal context a chun population pung ding dang chu thil tha le remchang tak a ninaw thei, sienkhawm ei insung member tam hmain nau le te hai fak tha, education le hriselna ei pek thei dim ti tha taka ei ngaituo hmasak thil tul a nih tiin CMO chun a hril.
Observation of Population Stabilization Fortnight sung hin DFWO chun sterilization program khawm a fepui ding thu Dr V.C. Pau chun a hril.
Ni 4 sungin Tuibong areaah motor in mi 3 a baw hliem
CCPUR: July 912, 2016 inkar, ni 4 liemta sung khan Churachandpur district sunga Tuibong areaa chun eksiden vawithum zet tlungin naupang kum tlinglo pahni thangin mi 3 motor in a baw hliem tah.
July 9, 2016 zantieng 3PM vel khan Ms Niangmuanching (6) d/o Lalrochan Hmar of Tuibong Zion veng chu Tuibonga KSO Complex tuol lai Activa in na takin a baw hliem a, a baw hliemtu hin ngaisak lovin a tlansan a, Ms Niangmuanching hi a nakawr hai chena thisen a suok a, a hliem inrik leiin Imphal tieng panpui a nih.
Chun, July 10, 2016, zantieng 4:30PM khan Pu Lalhmingmawi Varte h/o Laltanpui of Kanan Veng, Saikawt, CCPur chu Tuibonga Transport Office tuol lai Maruti Van in a baw a, a nakru pali an eu leiin District hospital panpui a nih.
July 12, 2016, zingkar 8:40AM vel khan School fe ding Uniform inbel Lhingkhokim d/o Paolen Touthang of B. Ebenezer Veng chu Tuibong Bazarah Auto Rickshaw in a baw hliem nawk bawk. Ms Lhingkhokim hi Kinship Schoola ClassI inchuklai a nih.
Ni 4 sung chaua Tuibong areaa eksiden tlung le mi 3 zetin hliemna an tuok pha el hi Traffic rule mumal a umnaw lei niin an lang a, thuneitu han an rang thei angin hma hung la hai sien nuom a um.
BJP CCPur in V. Hangkhanlian lawmpuina
CCPUR: Mr K. Bhabananda Singh, President, BJP Manipur Pradesh in July 8, 2016 nia Manipur BJP thuoitu thar ding mi 16 a ruot hai lai CCPur Districta inthawk Mr V. Hangkhanlian khawm Vice President pakhat ni ve dinga ruot a ni a. Hi le inzawm hin zanikhan BJP CCPur District Committee chun a chengnainah lawmpuina le thingpui dawnpuina an nei.
Hi huna hin BJP CCPur district sukhrat dan ding le hmalak pei dan ding hai hriltlangna an nei bawk. K. Vungzalian, President BJP CCPur chun, boycotta um Tribal MLA iemanizat BJP a lut an tum tiin a hril a. Hi thua hin ama inrawinaa BJP CCPur District chun State le Centrala BJP thuoituhai chu mipuiin an boycott MLA hai chu membera lalut lo dingin a lo hril ta thu hi huna hin a hrillang.
Sit-in-Protest
CCPUR: JACATB inrawina tribal movement fe mek chu July 12, 2016 khan ni 312 a tling ta a, zanikhan Rengkai, Hebron Veng, N. Lamka le kawnpui khaw mi hai Hiangtam Lamkaa pasaltha hai inzana bukah sit in protest an inthung. July 13, 2016 in Rengkai, Tuibong, College Veng le Kanan Veng hai inthung an tih.
HKI in in an sun thu an puong
LUNGTHULIEN: Hmarram Kohran Inzawmkhawm (HKI) chun July 11, 2016 khan Lungthulien khuoa EFCI Biekinah Executive Committee meeting an nei a. Hi huna hin hnam ta dinga a thil nei popo, a remhrietna, a hratna popo inro lo le hnam hmasawnna ding le inpumkhatna dit em emtu Pu (L) Lalthangsang Intoate hun lo taka muol a mi liemsanna le inzawmin a sunna hunser hmang a ni a, a maksan, a sinthawpuihai, a nuhmei, a nauhai le a sunglekuohai ta dinga tawngtaipekna Rev. Lalrohlu, Vice Chairman, HKI in a nei. A thlarau hadam taka chawl dingin HKI chun a ditsak thu hrilin, Hmar hnam sunga Organisation popo hai le HKI in an ro in a sun hle thu a puong.
(Input: Lalnunthang Songate)
Jammu & Kashmir ngirhmun chungthuah PM rawiin high level meeting nei a nih
NEW DELHI: Tulaia Jammu & Kashmir ngirhmun chungthuah zanikhan PM Narendra Modi inrawinain high level meeting nei a nih. Hi meeting a hin Union Home Minsiter Rajnath Singh, Union Finance Minister Arun Jaitley, Union External Affairs Minister Sushma Swaraj, Union Defence Minister Manohar Parrikar, National Security Adviser Ajit Doval, Foreign Secretary S. Jaishankar, milien le milal dang dang hai an thang a, Kashmir phairuoma buoina tlung mek chungchang an ennawn. Kashmir phairuoma buoina suok hi a la re naw a, buoina boruok a la sosang hle. Mipui le Security forces hai inbeituona leia civil mi thina tuok chu 30 antling ta nia hril a nih.
PM Narendra Modi chun mipuihai chu tharum thawna tawpsan a, inrem le totawka um ta dingin ngenna a siem. Jammu & Kashmir state sunga law & order enkai le thunun a hung ni theina dingin sawrkar thlungpui chun theitawp suoin hma lang a ta, thangpuina pek thei ang ang pek a ni ding thu a hril. Pawi tawklo han thina le hliemna an tuok chu pawi a ti thu Modi hin a hril. Chun, terroristhai chetna chu tukhawma politics hmangruo a hmang lo dingin Modi chun ngenna a siem bawk.
July 8, 2016 khan security forces han J&K a inlakhran nuom pawlhai thuoitu laia pakhat Burhan Wani an kap hlum a. Hi taka inthawk hin mipui le security forces hai inkarah inhrietthiemnawna le inbeituona a hung suok tan a, security forces le mipui lungsen hai inbeituonaa thina le hliemna tuok hi an hung um a nih. Sawrkar thlungpui chun state Police hai thangpuitu dingin Central paramilitary forces 2000 lai zet J&Kah a tirlut belsa ta a nih. A hmain Central Paramilitary forces hi battalions 60 (personnel 6,000) an lo um tasa hrim a nih.
Pensioner/Family pensioners 48,000
IMPHAL: Manipur state sarwkar hnuoiah pensioners/family pensioners 48,000 vel an um a, hienghai pension thil hi State Treasury in a buoipui vawng a nih. India hmarsak biel sunga State Treasury in pensionhai pension na thil an buoipui vawng hi Manipur State chau a ni a, State danghai chu banks han an buoipui a nih tiin Th. Kirankumar, Director, Treasuries & Accounts, Govt. of Manipur in zanita DIPR a Press Conference huna a hril. Chun, Treasury office hai chu Computerised vawng a ni ta tiin a hril.
B.Sc. Hospitality& Hotel Administration
IMPHAL: Tourism Department, Govt. of India tira Institute of Hotel Management Catering Technolgy and Applied Nutrition, Guwahati le Shillonga B.Sc (Hospitality & Hotel Administration) Academic Session 201617 a inchuk nuomhai ta dingin July 16, 2016 chen khin Directorate of Tourism, Manipurah hnina lekha peklut thei a nih. Thiemna 10+2 (any stream) zo sa, kum 22 (ST25 yrs) mi ni a tul. Seat ruokzat chu Guwahatiah 6 le Shillongah 2 a nih.
Sushila Chanu team captain in
IMPHAL: Rio Olympics, 2016 a India rama inthawka Hockey team fe dinghai team captain dinghai hming puonglang a ni ah. Indian Women’s Hockey team captain dingin Manipur nunghak Pukhrambam Sushila Chanu (24) thlang a nih. Manipur miin team captain sin a chelna hmasa tak ding a nih. Indian Women’s Hockey team mi 16 hai lai Manipur nunghak Thokchom Anuradha Devi a thangsa bawk. Pasal team a khawm Manipur tlangval pahni, Kh. Khadangbam Kothajit Singh (defender) le Kangujam Chinglensana Singh (midfielder) hai an thang bawk.
Kani grams 300 leh man a nih
IMPHAL: Zani hmas khan Thoubal SDPO, Th. Shankar, Lilong Police Station OC Th. Jenni le an rawi han Lilong hmuna Md. Ayub Khan (35) s/o (L) Abdul Helim of Thoubal Moijing chu Kani grams 300 leh an man. Md. Ayub Khan hi Uttar Pradesh a Kani siem dan inchuk, tuta mi hi Kani a siem tumhnina a ni a, Kani hi tuolsung rate chun Rs. 1,00,000 manhu vel nia hril a nih. Md. Ayub Khan kuta inthawk hin Kani processing machine khawm man sa a nih tiin Police chun an hril.
Establishment 2,29,838
IMPHAL: 6th Economic Census dungzuiin Manipurah Establishment 2,29,838 le thawktu 4,09,617 an um tiin Peijonna Komei, Director, Economics and Statistics Department, Govt. of Manipur chun zanita DIPR Complex, Imphal a Press Conference huna a hril. Chun, hi Department hin information le Data indik tak a peksuok a nih tiin P. Vaiphei, Principal Secretary, Economics & Statistics, Govt. of Manipur chun a hril.
Minutes 15 sung chau session nei
KOHIMA: 12th Nagaland Legislative Assembly session a vawi 12na chu zani zing dar 9:30 khan tan a ni a, Assembly session hi 9:45AM in khar nawk a nih. Session hi minutes 15 sung chau an nei hman. Chanchinbumihai khawmin session hun sung hi a tawi taluo leiin an uop hman nawh. Zing dar 9:40 in Assembly Complex an tlung a, Session hi an nang hman naw a, Assembly Session a um naw mani aw! tiin mak an ti hle niin ei thu dawngna chun a hril.
Rs. 1.5 lakh zet a neitu kuoma a pekkir
KALYAN: Autorickshaw driver Prabhakar More chun July 10, 2016 khan a passenger phur in a theinghil Rs.1.5 lakh zet a hmu a, a neitu nasa taka a zawng hnungin pawisa hi a neitu indiktak Krishna Gosavi kuomah a pekkir nawk. Mr Gosavi hin Sagarli areaa inthawk flat inchaw dingin Auto a hin a chuong a, autoa inthawk a tum huna pawisa hi theinghilin a maksan a, auto driver hin in a tlung huna a auto a sukfai huna pawisa hi a hmudawk a, a sunga document thenkhat a um leiin local BJP corporator inrang takin an hriettir a, Police hai le thangruola a neitu indiktak kuoma an pekkir nawk a nih.
Hmunhnawk phurna motor ah naute hmu
MYSURU: Muncipal workers hai chun zani zingkar dar 7 khan hmunhnawk phurkhawmna motor tipper auto sungah nuhmei naute pieng hlim an hmu. Tipper driver Saravana le cleaner Nagaraj hai chun Sayyaji Road lai in tin sira hmunhnawk an lakkhawm hmain lampui sira thingpui an dawn a, an motor pana an hungkir huna an motor sunga polythene bag var an hmu a, an zuk en chun naute hi an hmu ta a nih. Hi thil hi zani zing dar 7 vela kha tlung a nih. Naute hi a pieng hlim niin a laihrui khawm khit lo a ni leiin thisen le insawp elin an hmu a, thuok insamin a lo thi hman vang a nih. Polythene bag an zuk hawng hin thuok hung lain a hung tapsuok a, health department official hai inhriettirin hospital panpui le enkawl a nih. Hi naute hringna an sanhimna thuah Saravanan le Nagaraj hai chu an hlim hle a, a sunga thil um en kher loin lo dehawn hai sien chu hrietnaw leiin naute hi an that a ni der el ding thu an hril.
Engineer sin bansana Aloe vera chingna farm siemin crorepati a kai
JAISALMER: Sawrkar sina inthawk inban a, Aloevera chingna farm siemtu Mr Harish Dhandev chu crorepati a ni tah. Mr Harish Dhandev hi nikum khan Delhia agri expoah a zu thang a, chu taka inthawk hiengang ngaituona thar hi neia sawrkara a sin bansana Aloe vera a hung ching tan a ni a. Aloe Vera hi a ram acre 120 a lienah a ching a, kum khat sunga a sum lamsuok chu Rs. 1.5 a inthawk Rs. 2 crore (vaibelsie 2) vel a tling phak tah.
Mr Singh hin Jaisalmer a inthawk km. 45 vela hla Dhaisar hmuna ‘Naturelo Agro’ ti company pakhat a hawng bawk a, Aloe vera a tharsuok hai hi a juicea siem ding a telpuiin Patanjali Food Products Ltd. kuomah a zawr hlak bakah thlaler (desert) a Aloe vera a ching hi quality a tha leiin India ram sung chau ni loin international market a khawm demand a tam hle a hril a nih.
Mr Harish Dhandev hi Jaisalmer Municipal Council hnuoia Junior Engineer sina inthawk inbana Aloe vera chingna sin hi a tan a nih. A thil ching hi a tha leiin Brazil, Hong Kong le America ram haia inthawk khawmin demand a tam hle niin a hril, a bul in kung 80,000 a phun a, tuhin chu nuoi 7 (7 lakh) a ching tling ta a nih.
BSF han mi pathum an kap hlum
AMRITSAR: Border Security Force (BSF) chun zanikhan India le Pakistan inrina Amritsar district sunga Ajnala village lai a ruk le dan lova India ram hung lut ruk tum mi pathum an kap hlum. BSF Patrollinga fe han hieng mi 3 hai hi an hmufuk a, an kuta inpe dingin an ti a, sienkhawm inpe nuom lova an fe pei leia an kap hlum niin BSF Punjab Frontier IG Anil Paliwal chun a hril. Chun, zani hmasa khan Jharkhanda Latehar district a CRPF han dappui an thawnaa Naxalites hai le an inkaptuonaa CRPF jawan pakhat kap hlum a nih.
Vijender Gupta in vauna a dawng
NEW DELHI: Delhi Assembly a Opposition leader Vijender Gupta chun a personal assistant mobile phone fethlengin that dinga vauna a dawng niin a hril a, hi thua hin Police chun case an registered. July 10, 2016 zantienga kha vauna hi a dawng a ni a, thawk hni lai zet that an tumnaah a la him pei a, a vawi thumnaa chun iengangin security sukhau la khawm himin suok tanaw ti nih tiin a vautu hin a hung hril niin phone lo dawngtu Ashish Katyal chun a hril. Mr Gupta chun, Delhi sawrkar corruptiona an rawlna a pholang leiin hi thila hin AAP an inrawl ngei a ringhla thu a hril.
S.Sudan President in Ceasefire a puong
JUBA: Sudan rama President Salva Kiir thlawptu sipai hai le helpawl hlui Vice President Machar bodyguard hai kara inbeituona le ineptuona um mek le inzawmin South Sudan President Salva Kiir chun zanikhan Ceasefire a puong. Sudan rama President le Vice President pawl sipai hai inbeituona lei hin mi 276 zetin thina an tuok pha ta nia hril a ni a, sienkhawm Vice President ruok chun mi 150 vel an thi bakah midang tam tak an hliem niin a hril thung.Vice President Riek Machar chun Ceasefire order hi inza a zawm dingin a sipai hai an hriettir.
Sudan rama buoina um lei hin External Affairs Minister Ms Sushma Swaraj chun Sudan rama India mi um hai chu tithawng lo dinga infuiin Indian Embassya in register seng dingin an hriettir baka law and order ngirhmun a that hma chu Sudan rama inzin lo dingin India mipui hai thurawn a pek bawk.
VAWISUN THUPUI
Anni chun tawngsie inphur raw hai se, nang ruok chun malsawm lem rawh, An tho phingleh muolpho an ta, i siehlaw ruok chu hlim a tih.~ Sam 109:28
Editorial: Indawnna invetthlak
Zohnathlakhai hin thil indawn awm le awm lo ngaituo chieng chet chet lova indawnna dawn rinum le dawn hlei thei lo ding thil indawn hi ei ching hle. Ram changkang le hnam var lem hai chengna sapram, anawleh khawsak rama inzin hlakhai, ei lekhathiemhai, chinchang hre lem hai le tawnhriet hau hai chun um dan tha le mawi, hril ding le hril ngailo ding, mihai le inbiek dan ding, ruol le pai laia um dan ding, tawng dan ding le mihriem nuna tul le pawimaw hai an mi hril rawn hle. Tawngbau a inhril el chau ni lovin Nitin Chanchinbu, magazine le TV haia chen khawm an hril rawp hlak. Nisienlakhawm hi chungchang hi ei la ngaitha hle niin an lang. Hi lei hin indawnna invetthlak tak tak indawn hi ei la ching zing a, ei bansan thei hlawl naw a nih. Nu bengvar le pa bengvar tak tak nia ei hriet le ngaihai khawma indawnna invetthlak tak tak indawnna hi mihai an lan dawn rawp el.
Mi han an mimal chanchin le sungkuo chanchin (personal and family affairs) anni nuom thua an mi hril nuom a ni sinaw chun, va hriet ve tuma indawn chiem chiem hi thil invetthlak takel a nih. Ruoltha le sungkhat laina hai chun an chanchin, an harsatna, an hlimna le an lawmna hai chu an mi hril el hlak. Chuongang ni si lova mihai chanchin hriet lo tum tawk tawk hi, bengvar dan changkang lo, bengvar dan mawl le invetthlak tak a nih ti hriet a tha. Nuhmeihai lem hi chu mihai chanchin hrie tam tum le hril sawng tam an nih ti inla ei hril suol em em ring a um nawh.
Mihriem pieng danah mi cher le mi thau ei um a, a cher han thau an nuom a, mithau han cher an nuom hlak. Hi lei hin mi cherhai chun an thei patawpin thau an tum hlak. Chuongang bawk chun mit hau hai khawmin insuk cher tumin an theitawp an suo hlak. Hieng laizing hin i va cher em em de, i va thau em em de. Ienglei am a na? insuk thau ta la, insuk cher tala ei inti tawng hlak. Bengvar le fel inti em em a ei hril angah ei ngai el thei. Amiruokchu a ni der nawh. Saphai, ram changkang le hnam var hai chau anni ta le, ei ni lai ngei khawm hiengang tawngbau le indawnna hai hi ei lawm ta nawh ti hriet a tha. Mihai hmalak dan hre bar lova nuom nuoma chuongangkhangang chu thaw ta la intina hun a ni ta nawh. Mawl le invet hlawna mei mei a nih.
Ei ngaisang em em le an nun dan ei entawn saphai chun, hlaw zat indawn, nuhmei a bikin nunghak kum zat indawn le pasalin nuhmei nau a nei hun ding indawn hai hi, thil thaw chi ni lo, mawlna le invet thlakah an ngai ti saprama inzin hai chun an mi hril rawp hlak. Amiruokchu, ei ni rawi hin chu ei bansan thei der nawh. Saphai chau an ni ta nawh. Ei ni lai khawm hiengang indawnna hai hi chu a thing em em ta a, mawlna le invetthlak thilah ei ngai ve ta tho a nih ti hi hriet tlat ding a nih. Nunghak senior hai chau ni lovin pasalhai khawmin upat ni hi an nuom bik tanaw a, inko dan hi an ngaimaw ve ta hle a nih. Sir tina ni lova pu inti hi chu an lawm bek nawh. Hiengang bawk hin papui tebawphai khawma Pa (father) inti nek chun u inti an lawm lem hlak.
Zohnathlakhai lem hin chu indawnna invethlak tak tak, hril le dawn harsa le rinum tak tak, mimal nun (personal life) thil hi awm lo baksaka indawn ei ching hle, bansan ngei ngei ding a nih. Pasal le inthe ta nuhmeihai kuomah, iengleia inthe cheu? Pasal nei nawk i tum naw mani? nau nei thei ta lo dingin insiem ta am? tihai dam hi chu indawn chi a ni nawh. Ei naunu le ei farnu, ei hmangai em em le ei laina em em anni si naw chun hiengang indawnna hai hi indawnna invetthlak takel a nih. Nuhmeia va nei dinga ei dit a ni sinaw chun.
I pasal khan zu a dawn ve hlak am? A ler deu a ni? In farnu saw a khir vieu naw maw? ti indawnna hai khawm hi indawnna invetthlak an nih. Mihriem pangngai, nupuitling, nu var a ni chun dawn ngai naw nih. Zu dawnin lo ler deu sienkhawm a pasal, a dit lai le a hmangai ngawi ngawi lai a ni tlat leiin ruoltha tak le sungkhat laina bula naw chu hiengang indawnna invetthlak tak tak hai dawn let ngai naw nih. A pasal farnu chu a nauhai Nî a ni a, a pasal khawm a nauhai pa a ni leiin hrilsie ngai naw nih. Nu invet ruok chun dem zut zutin hrilse a ta, mi lai a mawng hlim hlak a tih. Unau khawm pa hmunkhat, nu dang dang um thei hlak a ni a. Hi lei hin hmel an ang naw thei. Hi lei hin ei laina le sungkhat hnai an ninaw chun hiengang thua khawm hin indawnna siem fimkhur ding a nih. Mihai lungril natna ding siem theina a nih.
