SCA SurveycumSchool Health Card prog. hawng
CCPUR: Zani 11:30AM khan Seilal Upper Primary School, Seilal Veng, CCPurah Sickle Cell Anaemia SurveycumSchool Health Card program hawngna nei a ni a, Chief Guest in Langkhanpau Guite, Chairman, ADCC le functional president in Ms Mannuamching, IAS, CEO, ADCC a thang.
Sickle Cell hi hereditary disease chikhat a ni a, India Prime Minister in India hmarsak biel tlangram haiah hiengang natna a um le umnaw survey thawna dinga program hi a hung siem a nih tiin Langkhanpau Guite chun a hril a. Sickle Cell natna invawi student hai chu an taksa a chau a, thisen neilo angin an dang (pale) hlak. HIV/AIDS ang ni lovin hi natna hi hereditary a ni leiin mitin invawi thei, an vawi hai thisen (RBC shape) chu Oval shape ni lovin Sickle shape in a um hlak tiin a hril.
Ms. Mannuamching chun, July 20, 2016 chenah ADC hnuoia Schools 170 haiah Sickle Cell Anamea surveycumSchool Health program fepui ning a ta, hi thila ding hin ADC/CCPur Master Trainer mi 17 Imphalah training dingin a tir ta a, anni hin teachers hai training pesawng an tih tiin a hril. Program hawng a ni le inzawm hin ADC/CCPur hnuoia school students hai kuomah Health Card pek le registered thaw ning a ta, teacher han kum tinin student hai hriselna tiengpangah Health Cardah update an thaw pei ta ding a nih tiin a hril bawk.
Hi program hmang zoin Chief Guest le functional president han thingkak phunna an nei bakah Master trainer, ADC Medical Staff le teachers han student hai Medical checkup an thaw bawk.
Mipui kuoma inhriettirna an siem
CCPUR: July 7, 2016 a L.Venghim Hmar, Information & Publicity Officer, HPC(D), General Headquarters, Sinlung in mipui kuoma inhriettirna ti thupui hmanga lekha an suo a chun hieng a hnuoia thuhai hi an zieklang:
Hmar hnam in muongna lampui a hraw tan a, kal a pên lai mek a,hnam ta dinga a thei tawk insuo tu, Hmar National Army (HNA) President Pu Lalthangsang nunrâwng taka that ani hi HPC (D) chun pawi a ti tak zet a. A thawtu hai a dem a, tu el khawm nisien la hnam sinthaw tu ah HPC (D) chun a ngai thei nawh. Hmar hnam sung a mipawi maw ni ve Hmar mipui le Pathien khawm inza zolova hringna la tu hai hin an that nasan mipui inhriettir ding in HPC (D) chun a phût thlat a nih.
Hnam thatna le hmasawnna ngaituo a ni zing lai a,a kal zawng le hluo zawng a chang hai leiin mi tukhawm bei dawng le lung sukthlep lo dingin HPC (D) mipui a fiel bawk.
Kangvai Community Hallah Van Mahotsav
CCPUR: DFO, Southern Forest Division, CCPur huoihawtnain July 7, 2016 khan Kangvai Model Village Community Hallah 67th Van Mahotsav (National Festival of Tree Planting) hmang a nih. Hi huna hin Kham Suanmung Tawmbing, IFS, DFO/CCPur in keynote address a hril a, Chief Guest in Mr Lunminthang Haokip, IAS, DC, CCPur le special Guest in Pu CT Lian hai bakah MDC/ADCC, Forest Officials;SDOs Kangvai le SDO Tuibong bakah Kangvai VA le Zillai, Kangvai Block hai an thang.
Pu Lunminthang Haokip in hi huna thu a hrilnaah, mihriem ta dinga thing le ruo pawimawna, tui siemtu, boruok thienghlim mi petu, global warming dona dinga thingkung tamlem phun a pawimaw thu uor takin a hril.
HNU in an dem thu an puong
CCPUR: Hmar National Union (HNU) GHQ chun, July 5, 2016 zingkara tu ti hrietlo han Pu Lalthangsang Intoate, Founder President, HNA nunrawng taka an thatna chu rapthlak a tiin a tuornat thu a puong a. Hiengang thil thawtu hai nasa taka demin, hiengang thil hi ei hnam sunga um nawk ta ngainaw sien an nuom takzet thu; a sung le kuo hai an sunpui thu le hmatieng Pathienin umpui zing raw seh tiin HNU GHQ in condemnation an suo a chun an ziek.
Tuolthattuhai demin an inthiem nawh
CCPUR: Hnam ta dinga a nei po po senga hmang raltu Pu Lalthangsang Intoate, HNA founder President le KNO Vice President thattuhai an dem thu, an inthiemnaw thu le lusun sungkuo hai lusunna an sunpui thu Hmar Returnees’Association, CCPur, Manipur chun an puong.
NFSAbufai April quota
CCPUR: National Food Security Act (NFSA) hnuoia Tipaimukh/Hmarbiel sunga sem ding April, 2016 quota bufai chu zanikhan Hmarbiel khaw tina sem dingin phur/thawn thlak a nih tiin H. Samson, Tipaimukh MLA Nominee a inthawk ei thu dawngna chun a hril.
Vanmahotsav an hmang
CCPUR: DFO, CCPur, Govt. of Manipur huoihawtnaa July 17, 2016 inkar sung Vanmahotsav week hmang a ni le inzawmin July 7, 2017 khan Rengkai Govt. Hr. Sec. School Principal Th. Tulachandra Singh fethlengin le Pi Lalthiengzo, Asst. Headmaster hai inrawinain Thailane Rengkai thuoitu le tlangval ruol han Thailane lampui sirtuok le School compound sung haiah thingkak phunna an nei. Thingkak an phun hi 100 a ni a, thingkak phuna um hai a hring suok ngei theina dingin a enkawlna kawngah hma le seng dingin mipui hai an ngen. Global Warming controlna dinga pawimaw chu thing phun hi a ni a, mihriem hai mamaw Oxgygen pesuoktu khawm Thing hring hi a nih.
Pengpelep Single Music video tlangzar ding
CCPUR: July 8, 2016, (vawizan) 68:30PM hin Life Cafe, Rengkai Road, CCPurah Pengpelep Single Music Video “Chawnlam Hla” ti tlangzarna program um a tih. Pu Romeo Hmar, Convenor, MTFD Chief Guest in thang a ta, Functional President in Pu Lalhrillien, MDC le Guests of honours in Hmar Inpui, HAA, HYA GHQ, HSA hai thang an ta, Host chu Mercy Lalumpui niin Pu Ramnunsiem Sanate in hun hawng tawngtaina nei a ta, Zawlkapthang Thiek in welcome address hril a tih. Hi huna hin Chief Guest, functional president le Guest of honours hai khawmin thuhrilna hun hmang an ta Pu Ramnunsiem Sanate in preview neiin Chief Guest in Music video tlangzarna nei a tih. Pengpelep band members hai chu Mercy Lalumpui, Melody Varte, Zawlkapthang Khawzawl le Lalhrietsung Sanate hai an nih.
YMA in Diamond Jubilee an hmang
CCPUR: Young Mizo Association (YMA) Lamka Branch chun zani 11:00AM a inthawk khan Hmuia venga YMA Hallah Branch kum 60 tling Diamond Jubilee lawmna le Cultural Competition an nei. Hi huna hin YMA Lamka Branch hnuoia Taitesena Section, Neuva Section, Vanapa Section le Chawngbawla Section han lam inelna an nei a, Chief Guest in Lalzawmliana, President, YMA Lamka branch a thang a, YMA mi 20 vel stage chunga ngira music play in hall sunga mipui a chin a lien an rengin an lam dup dup. Zan program 6:30PM khan nei nawkin cultural festival le prog. dang dang hmang a nih.
A nipui ni tak July 8, 2016, 11AM hin Diamond Jubilee lawmna um a ta, khuollienin JC Ramthanga, IAS, Principal Secy. Govt. of Manipur le Lungmuana, IAS, Principal Secy. Govt. of Manipur hai thang an ta, Jubilee Pa in Lalbiakzuala, President, CYMA thang a tih. Chief Guest in Jubile lungdaw hawng in Jubilee dar vawi 60 vuok ni bawk a tih. Chun, YMA Lamka Branch thuoitu lo thi ta hai sunna hun hmang ning a ta, Lungmuana, IAS in Souvenir hawng a ta, Sports Committee a inthawk in lawmman semna le chawimawina thilpek inhlanna um bawk a tih.
EFCI PKTP in Mega Flea market
CCPUR: EFCI PKTP chun July 9, 2016 (Inrinni) khin Sielmat Junction lai Mega Flea Market buotsai an tih. Hi huna hin item chi tum tum, Thingat, kutthiem thil, Bufai, Thing, Bu le hme (hotel), Sa hminsa, Hmepawk hai zawr a ni ding bakah Doctor le Nurse hai khawm umin hriselna tiengpang in checkup thei ning a ta, Secondhand thuomhnaw zawr ni bawk a tih. Pathien rama rawngbawlnaa ngaia va dawr seng dingin Rev. Soma Sinate, Chairman,PKTP chun fielna le inhriettirna a siem.
Tui pek thei lovin a um
CCPUR: Khuga Dam Left Side Canal, IFCD siem chu ruotui tam taluoin a suksiet leiin July 4, 2016 a inthawk khan Water Supply ZoneIII huop sunga chenghai chu tui pek thei ta lovin a um a. Canal sietna hi siem that a ni hmakhat chu tui hi pek sunzawm thei lovin a um ding a nih. Hi chungthu hi thuneina insang cheltuhai kuomah intlun a ni a. Canal sietna hi siem that a ni zova tui pek sunzawm thei nawk a ni chau ding thu Executive Engineer, CCPur PHE Division, PHED, Manipur chun hi biel huop sunga cheng hai an hriettir.
July 16 -ah Inter-State Council meeting vawisawmpakhatna nei a ni ding
NEW DELHI: Prime Minister Narendra Modi inrawinain July 16, 2016 khin NEw Delhiah InterState Council meeting vawisawmpakhatna nei ning a tih. InterState Council a hin Unin Senior Cabinet ministers paruk Rajnath Singh, Sushma Swaraj, Arun Jaitley, M. Venkaiah Naidu, Nitin Gadkari, Manohar Parrikar, State tina Chief Minsiterhai, Union Territory tina Chief Ministerhai members le ministers sawmpakhat dang hai chu permanent invitees a ruot anni a, hi meeting a hin thang an tih.
Kum 2006 khan InterState Council nuhnung tak nei a ni a, tuta hi kum 10 zet a liem hnunga InterState Council nei sunzawm nawkna hmasa tak ding a nih. UPA sawrkar khan kum 10 sung ro an rel a, hi hun sung hin InterState Council meeting vawihni nei a nih. Interstate Councila hin Standing Committee indin a ni a, Union Home Minister chu Chairman a ni hlak a, members in Union Cabinet Ministers 5 le Chief Ministers 9 Chairman in a ruot hlak. Presidential Order dated May 28, 1990 fethlenga InterState Council hi Constitution Article 263 hnuoia indin a nih.
July 16, 2016 a InterState Council Meeting a hin interstate relations, direct benefit scheme, Aadhar Card, Good Governance, Economic, Social planning, School education, internal security, SCs le STs hai sukdudana chungthuhai hriltlang an tih. May, 2014 a inthawka Modi sawrkarin rorelna a hung chela inthawka hi Council hi tuoi thara um nawk a ni a, Union Home Minister Rajnath Singh chun kum khat liemta sung khan India ram hmun hran hranah Zonal Council meeting vawinga lai a lo neipui ta a nih.
August a inthawk Cultural University
IMPHAL: Dr K. Sushila, Director, Art & Culture Department, Govt.of Manipur in zanita DIPR a Press Conference a huoihawtnaa chun, August, 2016 a inthawk Manipur University of Culture session tan a ni ta ding thu, hi University a thawk dingin mi 200 chuongin hnina an pek ta thu, Hi University hi The Manipur University of Culture Act, 2015 dungzuia indin a ni thu, Temporary office Cultural Complex, Palace Compound a hawng a ni thu, Vice Chancellor a Prof. N. Khagendra Singh ruot a ni thu, Registrar a L. Joychandra ruot a ni thu le thu dang dang hai a hril.
Thing le ruo phun uor dingin
IMPHAL: India ram hmun hran hran haiah 67th Vanmahotsava, 2016 hmang a ni ang bawkin zanikhan State Level in TradecumParmanent Exhibition Centre, Lamboikhongnangkhongah 67th Vanamohatsav, 2016 hmang ve a nih. Hi huna khuollien CM O.Ibobi Singh in thu a hril huna, thing le ruo phun uor zuol ding le ramngaw humhal dingin ngenna a siem. Thing le ruo hai hi ei ram rohlu le a bova ei um thei lo a ni leiin duot taka ei enkawl a tul tiin a hril. Hi huna hin Dy. CM, Gaikhangam, Commerce & Industries Minister GovindasKonthoujam, Chief Secretary O. Nabakishore, Additional Chief Secretary, Sambhu Singh le Principal Chief Conservator of Forest, P.N. Psad hai khawm an thang.
Lilong vadungah pasal 1 a tla hlum
IMPHAL: Zani chawhnung tieng khan Lilong vadung, Irong leilak bulah pasal pakhat a tla hlum. Nga manna len a kei suoknaah changsuola vadung tuia tla lut a nih. Tuia tla hlum hi H. Dhananjoy Singh (58), s/o (L) Joyo Singh of Nambol Awang Leikai a nih ti a hnungin hriet a nih.
State Level Pineapple Festival meet
IMPHAL: Zanikhan Thambalnu Market Complex, Poiroupat, Andro, Thoubal Districtah 9th State Level Pineapple Festival Meet & Youth Festival, 2016 tan a nih. Hi Festivala hin CM O.Ibobi Singh, Andro A/C MLA th. Shyamkumar, T. Panmei, IAS, Commissioner (Hort. & SC) le mi pawimaw dang dang hai an thang tawl.
Central Govt. thawktu hai strike tum thul
NEW DELHI: Central Govt. Employees han 7th Pay Commission recommendation an dodalna le inzawma July 11, 2016 a inthawk tiemchin um lova (indefinite) strike thaw an tum chu sawrkar thlungpuiin an harsatna le nuorna ngaisaka, enfeltu dinga highlevel Committee indin a remti leiin strike nei dinga remruotna lo um ta chu la thul hri a nih tiin Central Govt. thawktu hai inzawmkhawmna National Joint Council of Action (NJCA) Convenor Shiv Gopal Mishra chun a hril. Highlevel committee chun Central Govt. thawktu hai thil ngiet pay scales le recommendations dang dang hai a ennawn ding a nih. NJCA hi Railways, post, telegraph le defence hai thanga Central Govt. hnuoia thawktu hai inzawmkhawmna a nih.
Journalist sawisaktu Police 3 FIR
BHOPAL: Madhya Pradesh Home Minister Bhupendra Singh chun, July 5, 2016 zingkar inhma taka Journalist pahni an sinthawna hmuna inthawk in pana an kir huna sawisak hliemtu Police hai chungah FIR registered dingin zanikhan Order an suo. FIR file khum dinga sawrkarin order an suo khum hai chu Assistant SubInspector (ASI) Raghuveer Singh Dangi; head constable Subhash Tyagi le Santosh Yadav hai an ni a, an sina inthawk suspended an ni ta bawk. Journalist sawisak hliema um hai chu Krishnamohan Tiwari le Vijay Prabhat Shukla hai an ni a, Madhya Pradesh CM Shivraj Singh Chouhan le Home Minister Bhupendra Singh hai chun juornalist sawisak hliema um pahni hai hi enkawla an umna Govt. JP Hospitalah an va kan.
Hieng laizing hin Madhya Pradesh Human Rights Commission a acting Chairman VM Kanwar chun, hi thil tlung thua report chawlkar khat sunga pelut dingin an hriettir.
Motor inruhmang Police han an man
NEW DELHI: Kum 1964a inthawka motor inruk lo chîng tah ‘Super Natwarlal’ tia hrietlar Dhani Ram Mittal (77) chu zani hmasa zantieng khan Delhi Policea antiauto theft squad han Paschim Vihar hmuna an man. A motor inruksa Maruti Esteem car zawr a tum lai taka an va man niin Deputy Commissioner of Police (West) Pushpendra Kumar chun a hril. Police han thu indawnna an nei huna an puongnaah, Delhi, Haryana, Rajasthan, Chandigar haia motor cars 1,000 chuong a lo inruk ta thu Mr Mittal chun a hril a, a tlangpuiin antitheft features umlo motor hlui deu hai an ruk deu tak hlak thu a puong bawk. Mittal hi motor inrukna le inzawma vawi 24 zet man a tuokna a ni ta a, tukum March ni 31 khawm khan man a ni a, May 4, 2016 a kha jaila inthawka suok chau a ni a, jaila inthawka a suok hnung hin Shalimar Bagh, Parshant Vihar le K.N. Katju Marg haiah motor 4 zet an ruk nawk hman ta a nih. Mittal hi Law degree nei le Kolkata hmuna Calligraphy diploma zo a ni bawk.
Congress an khatin an ngir ding
KOHIMA: Nagaland Pradesh Congress Committee (NPCC) President K.Therie chun, kum 2018a Nagaland Assembly Election hung um dinga hin Congress chu party dang le thangruol lovin an party khatin an ngir ding thu zani hmasaa Kohima hmuna Congress Bhavana thu a hrilna huna a hril. NPCC chu iengtik huna khawm election hmasawn dinga inpeisa a nih tiin a hril bawk. Tuta NPF inrawinaa DAN sawrkar chu February, 2018 a tawp ding a nih.
NFSA la hmang lona state TN le Kerala
NEW DELHI: Nagaland state chun National Food Security Act (NFSA) tuta thlaa inthawk a hmang tan ta leiin tuchena hin India rama states le Union territories NSFA sukpuitling chu 34 an tling ta a. NFSA la hmang lo chu Tamil Nadu le Kerala state hai chau an ni tah. Nagaland sawrkar chun tuta thla sung hin NSFA hi district tina hmang le sukpuitling a tum. Manipura khawm hmang tan nita sienkhawm sawiselna a tam hle.
VAWISUN THUPUI
Thil thaw tha ni la chu inpak i hlaw naw ding am a nih? I thaw tha naw ruok chun suol chu kawtkhar bulah a bawk zing zing a nih; a ditzawng chu nangma thuhne che a nih a, nisienlakhawm, nangin i hne lem ding a nih,” a tih a.~ Genesis 4:7
Editorial: Thil hmang suol hi
Rome khawpui, tukhawma an suksiet thei naw ding khawpa tha nia an hril kha zu le sa, pasal nuhmeina hmang khawlona a hung pung a, insukhlimna hmunah zu dawn ding le fak ding inhnik tak tak, chi tin reng an thur dawk hner hnur a; music an play a, nunghak le tlangval an lam suou suou a, an khawp le inrui taluo leiin tukverah an van khik luok a, zu le sa leh an inthun khawp nawk a, an lam nawk pei a; chuongang pei chun a huntawk nei lovin an van khik luok nawk a, zu le sa hai fa nawkin an phing an thun sip nawk pei a. Chuonganga an hun le nun an hmang a, venghimna tieng chena an hung inthlada laiin AD 410ah Goth haiin an va do a, Rome khawpui tu suksiet thei lo dinga an lo ngai kha Goth mi han an lak a, Rome khawpui a hung tlu se ta nia hril a nih. An nun an hmang suol leia Rome khawpui hi hung tlu se a nih.
Tulai khawvela super power nei le cheltu, khawvel mipui han ei ngaisang em em le ei entawn khawm khu zu le sa zalenna, nuhmeipasal hmang khawlona ramah khun rorelna indik a um hlei thei naw a; tuolthat, silaia inkap mei mei, nuhmei chunga hleihlenna ram a hung ni a. Readers Digest Chancinbu lem chun America rama khun minute 4 dan peiah nuhmei pakhatin pasal kut an tuor niin a hril. Billy Graham khawmin Dan tienga roreltuhai le dan thiemhai leiin misuol hrem hlei thei a ninaw a, America ram chu Dan lekkaw hlei thei nawna ram (lawless state) a hung ni ta tiin a lo hril ta a nih.
Hiengang khawpa ram ropui le changkangah hin iengleia misuolhai hrem hlei thei an ni naw? An ram zalenna, an varna le an thiemna an hmang suol lei a nih. Hieng khawpui ropui tak le ram ropui tak pahni hai chanchina inthawk khawm hin thil hmang suol a thatnaw zie chu chieng em emin an lang a nih. America ram (United States) hi ram ropui tak nisienla khawm thil an hmang suolna hi a fe pei chun iem an hung ang bik ding ti chu khawvel mihai mit fukna tak a nih. Tukhawma tluse naw nih ti thei naw nihai.
Thil hmang suol hi a pawi a nih. Sietna rapthlak tak tak intlun theitu a nih. Zu le drugs ei tihai khawm hi an khat chun an suol le, an um tawk tawk a, tawkpawi an nei ngai der nawh. A hmangna ding indik dan ang taka hmang chun khawvel mihriemhai ta dinga hriselna, inhadamtir theitu, natna sawkna tha em em el an nih. Natna tibaium le natna inrik tak tuor dam suok zo ta lo dinga hriet ngawi ngawi han an thuok a tawp le an thi hma pova natna rinum takel tuor lova hadam taka an hun an hmang phana hi tu am a tha nawh ti ngam le ti thei ding? Amiruokchu, mihriemin hi thil hi ei hmang suol pha pha chu thil tha lo, mihriemhai hmelma le mihriem hringna suottu a hung ni hlak. Thil hmang suol hi chu a pawi bek bek el a nih.
Mihriem ta dinga pawimaw, a bova ei um thei lo, silai, bomb, ralthuom chi hran hran le hriemhrei chi tum tum hai khawm hi a hmangna ding indik takah ei hmang a ni phawt chun tukhawma thil tha lo a nih ei ti ngai der nawh. Amiruokchu, tuolthatna le suol chi dang dang thawnaa ei hmang pha ruok chu mitinin suol le thil tha lo a nih ei ti seng hlak. Indona le hmelma hai lakah ei hmang chun tukhawma suolin ei ngai nawh. Hmang suol a ni pha ruok chun mitin dit lo a ni a, ei dem a, ei inthiem naw a, ei hril siet seng hlak. Thil hmang suol hi chu a pawi bek bek a, suolna tawpkhawk a hung ni hlak.
Ei lungvar tha, ei hrietna tha, ei thiemna tha em em el hai khawm hi mihai sietna, mihai thina dam, mihai natna ding dam, mihai kumkhuo sietna ding dama ei hmang chun ralthuom chi tum tum hai ang thova tium le sietna intluntu a hung ni hlak. Thil hmang suol taphawt hi chu a tha hrim hrim a um der nawh. Mimal, hnam, ram, khawtlang le sungkuo han an tuorhla a, a ra suok chu boralna. Thil hmang suol that nawna hi hril ding a tam taluo, hril zo el seng ding a ni nawh. Sungkuoah, khawtlangah, kohranah le politics haiah khawm thil hmang suol that nawzie hi nghawk der lova ei inhril mawl mawl zing a tul a nih.
CCPUR: Zani 11:30AM khan Seilal Upper Primary School, Seilal Veng, CCPurah Sickle Cell Anaemia SurveycumSchool Health Card program hawngna nei a ni a, Chief Guest in Langkhanpau Guite, Chairman, ADCC le functional president in Ms Mannuamching, IAS, CEO, ADCC a thang.
Sickle Cell hi hereditary disease chikhat a ni a, India Prime Minister in India hmarsak biel tlangram haiah hiengang natna a um le umnaw survey thawna dinga program hi a hung siem a nih tiin Langkhanpau Guite chun a hril a. Sickle Cell natna invawi student hai chu an taksa a chau a, thisen neilo angin an dang (pale) hlak. HIV/AIDS ang ni lovin hi natna hi hereditary a ni leiin mitin invawi thei, an vawi hai thisen (RBC shape) chu Oval shape ni lovin Sickle shape in a um hlak tiin a hril.
Ms. Mannuamching chun, July 20, 2016 chenah ADC hnuoia Schools 170 haiah Sickle Cell Anamea surveycumSchool Health program fepui ning a ta, hi thila ding hin ADC/CCPur Master Trainer mi 17 Imphalah training dingin a tir ta a, anni hin teachers hai training pesawng an tih tiin a hril. Program hawng a ni le inzawm hin ADC/CCPur hnuoia school students hai kuomah Health Card pek le registered thaw ning a ta, teacher han kum tinin student hai hriselna tiengpangah Health Cardah update an thaw pei ta ding a nih tiin a hril bawk.
Hi program hmang zoin Chief Guest le functional president han thingkak phunna an nei bakah Master trainer, ADC Medical Staff le teachers han student hai Medical checkup an thaw bawk.
Mipui kuoma inhriettirna an siem
CCPUR: July 7, 2016 a L.Venghim Hmar, Information & Publicity Officer, HPC(D), General Headquarters, Sinlung in mipui kuoma inhriettirna ti thupui hmanga lekha an suo a chun hieng a hnuoia thuhai hi an zieklang:
Hmar hnam in muongna lampui a hraw tan a, kal a pên lai mek a,hnam ta dinga a thei tawk insuo tu, Hmar National Army (HNA) President Pu Lalthangsang nunrâwng taka that ani hi HPC (D) chun pawi a ti tak zet a. A thawtu hai a dem a, tu el khawm nisien la hnam sinthaw tu ah HPC (D) chun a ngai thei nawh. Hmar hnam sung a mipawi maw ni ve Hmar mipui le Pathien khawm inza zolova hringna la tu hai hin an that nasan mipui inhriettir ding in HPC (D) chun a phût thlat a nih.
Hnam thatna le hmasawnna ngaituo a ni zing lai a,a kal zawng le hluo zawng a chang hai leiin mi tukhawm bei dawng le lung sukthlep lo dingin HPC (D) mipui a fiel bawk.
Kangvai Community Hallah Van Mahotsav
CCPUR: DFO, Southern Forest Division, CCPur huoihawtnain July 7, 2016 khan Kangvai Model Village Community Hallah 67th Van Mahotsav (National Festival of Tree Planting) hmang a nih. Hi huna hin Kham Suanmung Tawmbing, IFS, DFO/CCPur in keynote address a hril a, Chief Guest in Mr Lunminthang Haokip, IAS, DC, CCPur le special Guest in Pu CT Lian hai bakah MDC/ADCC, Forest Officials;SDOs Kangvai le SDO Tuibong bakah Kangvai VA le Zillai, Kangvai Block hai an thang.
Pu Lunminthang Haokip in hi huna thu a hrilnaah, mihriem ta dinga thing le ruo pawimawna, tui siemtu, boruok thienghlim mi petu, global warming dona dinga thingkung tamlem phun a pawimaw thu uor takin a hril.
HNU in an dem thu an puong
CCPUR: Hmar National Union (HNU) GHQ chun, July 5, 2016 zingkara tu ti hrietlo han Pu Lalthangsang Intoate, Founder President, HNA nunrawng taka an thatna chu rapthlak a tiin a tuornat thu a puong a. Hiengang thil thawtu hai nasa taka demin, hiengang thil hi ei hnam sunga um nawk ta ngainaw sien an nuom takzet thu; a sung le kuo hai an sunpui thu le hmatieng Pathienin umpui zing raw seh tiin HNU GHQ in condemnation an suo a chun an ziek.
Tuolthattuhai demin an inthiem nawh
CCPUR: Hnam ta dinga a nei po po senga hmang raltu Pu Lalthangsang Intoate, HNA founder President le KNO Vice President thattuhai an dem thu, an inthiemnaw thu le lusun sungkuo hai lusunna an sunpui thu Hmar Returnees’Association, CCPur, Manipur chun an puong.
NFSAbufai April quota
CCPUR: National Food Security Act (NFSA) hnuoia Tipaimukh/Hmarbiel sunga sem ding April, 2016 quota bufai chu zanikhan Hmarbiel khaw tina sem dingin phur/thawn thlak a nih tiin H. Samson, Tipaimukh MLA Nominee a inthawk ei thu dawngna chun a hril.
Vanmahotsav an hmang
CCPUR: DFO, CCPur, Govt. of Manipur huoihawtnaa July 17, 2016 inkar sung Vanmahotsav week hmang a ni le inzawmin July 7, 2017 khan Rengkai Govt. Hr. Sec. School Principal Th. Tulachandra Singh fethlengin le Pi Lalthiengzo, Asst. Headmaster hai inrawinain Thailane Rengkai thuoitu le tlangval ruol han Thailane lampui sirtuok le School compound sung haiah thingkak phunna an nei. Thingkak an phun hi 100 a ni a, thingkak phuna um hai a hring suok ngei theina dingin a enkawlna kawngah hma le seng dingin mipui hai an ngen. Global Warming controlna dinga pawimaw chu thing phun hi a ni a, mihriem hai mamaw Oxgygen pesuoktu khawm Thing hring hi a nih.
Pengpelep Single Music video tlangzar ding
CCPUR: July 8, 2016, (vawizan) 68:30PM hin Life Cafe, Rengkai Road, CCPurah Pengpelep Single Music Video “Chawnlam Hla” ti tlangzarna program um a tih. Pu Romeo Hmar, Convenor, MTFD Chief Guest in thang a ta, Functional President in Pu Lalhrillien, MDC le Guests of honours in Hmar Inpui, HAA, HYA GHQ, HSA hai thang an ta, Host chu Mercy Lalumpui niin Pu Ramnunsiem Sanate in hun hawng tawngtaina nei a ta, Zawlkapthang Thiek in welcome address hril a tih. Hi huna hin Chief Guest, functional president le Guest of honours hai khawmin thuhrilna hun hmang an ta Pu Ramnunsiem Sanate in preview neiin Chief Guest in Music video tlangzarna nei a tih. Pengpelep band members hai chu Mercy Lalumpui, Melody Varte, Zawlkapthang Khawzawl le Lalhrietsung Sanate hai an nih.
YMA in Diamond Jubilee an hmang
CCPUR: Young Mizo Association (YMA) Lamka Branch chun zani 11:00AM a inthawk khan Hmuia venga YMA Hallah Branch kum 60 tling Diamond Jubilee lawmna le Cultural Competition an nei. Hi huna hin YMA Lamka Branch hnuoia Taitesena Section, Neuva Section, Vanapa Section le Chawngbawla Section han lam inelna an nei a, Chief Guest in Lalzawmliana, President, YMA Lamka branch a thang a, YMA mi 20 vel stage chunga ngira music play in hall sunga mipui a chin a lien an rengin an lam dup dup. Zan program 6:30PM khan nei nawkin cultural festival le prog. dang dang hmang a nih.
A nipui ni tak July 8, 2016, 11AM hin Diamond Jubilee lawmna um a ta, khuollienin JC Ramthanga, IAS, Principal Secy. Govt. of Manipur le Lungmuana, IAS, Principal Secy. Govt. of Manipur hai thang an ta, Jubilee Pa in Lalbiakzuala, President, CYMA thang a tih. Chief Guest in Jubile lungdaw hawng in Jubilee dar vawi 60 vuok ni bawk a tih. Chun, YMA Lamka Branch thuoitu lo thi ta hai sunna hun hmang ning a ta, Lungmuana, IAS in Souvenir hawng a ta, Sports Committee a inthawk in lawmman semna le chawimawina thilpek inhlanna um bawk a tih.
EFCI PKTP in Mega Flea market
CCPUR: EFCI PKTP chun July 9, 2016 (Inrinni) khin Sielmat Junction lai Mega Flea Market buotsai an tih. Hi huna hin item chi tum tum, Thingat, kutthiem thil, Bufai, Thing, Bu le hme (hotel), Sa hminsa, Hmepawk hai zawr a ni ding bakah Doctor le Nurse hai khawm umin hriselna tiengpang in checkup thei ning a ta, Secondhand thuomhnaw zawr ni bawk a tih. Pathien rama rawngbawlnaa ngaia va dawr seng dingin Rev. Soma Sinate, Chairman,PKTP chun fielna le inhriettirna a siem.
Tui pek thei lovin a um
CCPUR: Khuga Dam Left Side Canal, IFCD siem chu ruotui tam taluoin a suksiet leiin July 4, 2016 a inthawk khan Water Supply ZoneIII huop sunga chenghai chu tui pek thei ta lovin a um a. Canal sietna hi siem that a ni hmakhat chu tui hi pek sunzawm thei lovin a um ding a nih. Hi chungthu hi thuneina insang cheltuhai kuomah intlun a ni a. Canal sietna hi siem that a ni zova tui pek sunzawm thei nawk a ni chau ding thu Executive Engineer, CCPur PHE Division, PHED, Manipur chun hi biel huop sunga cheng hai an hriettir.
July 16 -ah Inter-State Council meeting vawisawmpakhatna nei a ni ding
NEW DELHI: Prime Minister Narendra Modi inrawinain July 16, 2016 khin NEw Delhiah InterState Council meeting vawisawmpakhatna nei ning a tih. InterState Council a hin Unin Senior Cabinet ministers paruk Rajnath Singh, Sushma Swaraj, Arun Jaitley, M. Venkaiah Naidu, Nitin Gadkari, Manohar Parrikar, State tina Chief Minsiterhai, Union Territory tina Chief Ministerhai members le ministers sawmpakhat dang hai chu permanent invitees a ruot anni a, hi meeting a hin thang an tih.
Kum 2006 khan InterState Council nuhnung tak nei a ni a, tuta hi kum 10 zet a liem hnunga InterState Council nei sunzawm nawkna hmasa tak ding a nih. UPA sawrkar khan kum 10 sung ro an rel a, hi hun sung hin InterState Council meeting vawihni nei a nih. Interstate Councila hin Standing Committee indin a ni a, Union Home Minister chu Chairman a ni hlak a, members in Union Cabinet Ministers 5 le Chief Ministers 9 Chairman in a ruot hlak. Presidential Order dated May 28, 1990 fethlenga InterState Council hi Constitution Article 263 hnuoia indin a nih.
July 16, 2016 a InterState Council Meeting a hin interstate relations, direct benefit scheme, Aadhar Card, Good Governance, Economic, Social planning, School education, internal security, SCs le STs hai sukdudana chungthuhai hriltlang an tih. May, 2014 a inthawka Modi sawrkarin rorelna a hung chela inthawka hi Council hi tuoi thara um nawk a ni a, Union Home Minister Rajnath Singh chun kum khat liemta sung khan India ram hmun hran hranah Zonal Council meeting vawinga lai a lo neipui ta a nih.
August a inthawk Cultural University
IMPHAL: Dr K. Sushila, Director, Art & Culture Department, Govt.of Manipur in zanita DIPR a Press Conference a huoihawtnaa chun, August, 2016 a inthawk Manipur University of Culture session tan a ni ta ding thu, hi University a thawk dingin mi 200 chuongin hnina an pek ta thu, Hi University hi The Manipur University of Culture Act, 2015 dungzuia indin a ni thu, Temporary office Cultural Complex, Palace Compound a hawng a ni thu, Vice Chancellor a Prof. N. Khagendra Singh ruot a ni thu, Registrar a L. Joychandra ruot a ni thu le thu dang dang hai a hril.
Thing le ruo phun uor dingin
IMPHAL: India ram hmun hran hran haiah 67th Vanmahotsava, 2016 hmang a ni ang bawkin zanikhan State Level in TradecumParmanent Exhibition Centre, Lamboikhongnangkhongah 67th Vanamohatsav, 2016 hmang ve a nih. Hi huna khuollien CM O.Ibobi Singh in thu a hril huna, thing le ruo phun uor zuol ding le ramngaw humhal dingin ngenna a siem. Thing le ruo hai hi ei ram rohlu le a bova ei um thei lo a ni leiin duot taka ei enkawl a tul tiin a hril. Hi huna hin Dy. CM, Gaikhangam, Commerce & Industries Minister GovindasKonthoujam, Chief Secretary O. Nabakishore, Additional Chief Secretary, Sambhu Singh le Principal Chief Conservator of Forest, P.N. Psad hai khawm an thang.
Lilong vadungah pasal 1 a tla hlum
IMPHAL: Zani chawhnung tieng khan Lilong vadung, Irong leilak bulah pasal pakhat a tla hlum. Nga manna len a kei suoknaah changsuola vadung tuia tla lut a nih. Tuia tla hlum hi H. Dhananjoy Singh (58), s/o (L) Joyo Singh of Nambol Awang Leikai a nih ti a hnungin hriet a nih.
State Level Pineapple Festival meet
IMPHAL: Zanikhan Thambalnu Market Complex, Poiroupat, Andro, Thoubal Districtah 9th State Level Pineapple Festival Meet & Youth Festival, 2016 tan a nih. Hi Festivala hin CM O.Ibobi Singh, Andro A/C MLA th. Shyamkumar, T. Panmei, IAS, Commissioner (Hort. & SC) le mi pawimaw dang dang hai an thang tawl.
Central Govt. thawktu hai strike tum thul
NEW DELHI: Central Govt. Employees han 7th Pay Commission recommendation an dodalna le inzawma July 11, 2016 a inthawk tiemchin um lova (indefinite) strike thaw an tum chu sawrkar thlungpuiin an harsatna le nuorna ngaisaka, enfeltu dinga highlevel Committee indin a remti leiin strike nei dinga remruotna lo um ta chu la thul hri a nih tiin Central Govt. thawktu hai inzawmkhawmna National Joint Council of Action (NJCA) Convenor Shiv Gopal Mishra chun a hril. Highlevel committee chun Central Govt. thawktu hai thil ngiet pay scales le recommendations dang dang hai a ennawn ding a nih. NJCA hi Railways, post, telegraph le defence hai thanga Central Govt. hnuoia thawktu hai inzawmkhawmna a nih.
Journalist sawisaktu Police 3 FIR
BHOPAL: Madhya Pradesh Home Minister Bhupendra Singh chun, July 5, 2016 zingkar inhma taka Journalist pahni an sinthawna hmuna inthawk in pana an kir huna sawisak hliemtu Police hai chungah FIR registered dingin zanikhan Order an suo. FIR file khum dinga sawrkarin order an suo khum hai chu Assistant SubInspector (ASI) Raghuveer Singh Dangi; head constable Subhash Tyagi le Santosh Yadav hai an ni a, an sina inthawk suspended an ni ta bawk. Journalist sawisak hliema um hai chu Krishnamohan Tiwari le Vijay Prabhat Shukla hai an ni a, Madhya Pradesh CM Shivraj Singh Chouhan le Home Minister Bhupendra Singh hai chun juornalist sawisak hliema um pahni hai hi enkawla an umna Govt. JP Hospitalah an va kan.
Hieng laizing hin Madhya Pradesh Human Rights Commission a acting Chairman VM Kanwar chun, hi thil tlung thua report chawlkar khat sunga pelut dingin an hriettir.
Motor inruhmang Police han an man
NEW DELHI: Kum 1964a inthawka motor inruk lo chîng tah ‘Super Natwarlal’ tia hrietlar Dhani Ram Mittal (77) chu zani hmasa zantieng khan Delhi Policea antiauto theft squad han Paschim Vihar hmuna an man. A motor inruksa Maruti Esteem car zawr a tum lai taka an va man niin Deputy Commissioner of Police (West) Pushpendra Kumar chun a hril. Police han thu indawnna an nei huna an puongnaah, Delhi, Haryana, Rajasthan, Chandigar haia motor cars 1,000 chuong a lo inruk ta thu Mr Mittal chun a hril a, a tlangpuiin antitheft features umlo motor hlui deu hai an ruk deu tak hlak thu a puong bawk. Mittal hi motor inrukna le inzawma vawi 24 zet man a tuokna a ni ta a, tukum March ni 31 khawm khan man a ni a, May 4, 2016 a kha jaila inthawka suok chau a ni a, jaila inthawka a suok hnung hin Shalimar Bagh, Parshant Vihar le K.N. Katju Marg haiah motor 4 zet an ruk nawk hman ta a nih. Mittal hi Law degree nei le Kolkata hmuna Calligraphy diploma zo a ni bawk.
Congress an khatin an ngir ding
KOHIMA: Nagaland Pradesh Congress Committee (NPCC) President K.Therie chun, kum 2018a Nagaland Assembly Election hung um dinga hin Congress chu party dang le thangruol lovin an party khatin an ngir ding thu zani hmasaa Kohima hmuna Congress Bhavana thu a hrilna huna a hril. NPCC chu iengtik huna khawm election hmasawn dinga inpeisa a nih tiin a hril bawk. Tuta NPF inrawinaa DAN sawrkar chu February, 2018 a tawp ding a nih.
NFSA la hmang lona state TN le Kerala
NEW DELHI: Nagaland state chun National Food Security Act (NFSA) tuta thlaa inthawk a hmang tan ta leiin tuchena hin India rama states le Union territories NSFA sukpuitling chu 34 an tling ta a. NFSA la hmang lo chu Tamil Nadu le Kerala state hai chau an ni tah. Nagaland sawrkar chun tuta thla sung hin NSFA hi district tina hmang le sukpuitling a tum. Manipura khawm hmang tan nita sienkhawm sawiselna a tam hle.
VAWISUN THUPUI
Thil thaw tha ni la chu inpak i hlaw naw ding am a nih? I thaw tha naw ruok chun suol chu kawtkhar bulah a bawk zing zing a nih; a ditzawng chu nangma thuhne che a nih a, nisienlakhawm, nangin i hne lem ding a nih,” a tih a.~ Genesis 4:7
Editorial: Thil hmang suol hi
Rome khawpui, tukhawma an suksiet thei naw ding khawpa tha nia an hril kha zu le sa, pasal nuhmeina hmang khawlona a hung pung a, insukhlimna hmunah zu dawn ding le fak ding inhnik tak tak, chi tin reng an thur dawk hner hnur a; music an play a, nunghak le tlangval an lam suou suou a, an khawp le inrui taluo leiin tukverah an van khik luok a, zu le sa leh an inthun khawp nawk a, an lam nawk pei a; chuongang pei chun a huntawk nei lovin an van khik luok nawk a, zu le sa hai fa nawkin an phing an thun sip nawk pei a. Chuonganga an hun le nun an hmang a, venghimna tieng chena an hung inthlada laiin AD 410ah Goth haiin an va do a, Rome khawpui tu suksiet thei lo dinga an lo ngai kha Goth mi han an lak a, Rome khawpui a hung tlu se ta nia hril a nih. An nun an hmang suol leia Rome khawpui hi hung tlu se a nih.
Tulai khawvela super power nei le cheltu, khawvel mipui han ei ngaisang em em le ei entawn khawm khu zu le sa zalenna, nuhmeipasal hmang khawlona ramah khun rorelna indik a um hlei thei naw a; tuolthat, silaia inkap mei mei, nuhmei chunga hleihlenna ram a hung ni a. Readers Digest Chancinbu lem chun America rama khun minute 4 dan peiah nuhmei pakhatin pasal kut an tuor niin a hril. Billy Graham khawmin Dan tienga roreltuhai le dan thiemhai leiin misuol hrem hlei thei a ninaw a, America ram chu Dan lekkaw hlei thei nawna ram (lawless state) a hung ni ta tiin a lo hril ta a nih.
Hiengang khawpa ram ropui le changkangah hin iengleia misuolhai hrem hlei thei an ni naw? An ram zalenna, an varna le an thiemna an hmang suol lei a nih. Hieng khawpui ropui tak le ram ropui tak pahni hai chanchina inthawk khawm hin thil hmang suol a thatnaw zie chu chieng em emin an lang a nih. America ram (United States) hi ram ropui tak nisienla khawm thil an hmang suolna hi a fe pei chun iem an hung ang bik ding ti chu khawvel mihai mit fukna tak a nih. Tukhawma tluse naw nih ti thei naw nihai.
Thil hmang suol hi a pawi a nih. Sietna rapthlak tak tak intlun theitu a nih. Zu le drugs ei tihai khawm hi an khat chun an suol le, an um tawk tawk a, tawkpawi an nei ngai der nawh. A hmangna ding indik dan ang taka hmang chun khawvel mihriemhai ta dinga hriselna, inhadamtir theitu, natna sawkna tha em em el an nih. Natna tibaium le natna inrik tak tuor dam suok zo ta lo dinga hriet ngawi ngawi han an thuok a tawp le an thi hma pova natna rinum takel tuor lova hadam taka an hun an hmang phana hi tu am a tha nawh ti ngam le ti thei ding? Amiruokchu, mihriemin hi thil hi ei hmang suol pha pha chu thil tha lo, mihriemhai hmelma le mihriem hringna suottu a hung ni hlak. Thil hmang suol hi chu a pawi bek bek el a nih.
Mihriem ta dinga pawimaw, a bova ei um thei lo, silai, bomb, ralthuom chi hran hran le hriemhrei chi tum tum hai khawm hi a hmangna ding indik takah ei hmang a ni phawt chun tukhawma thil tha lo a nih ei ti ngai der nawh. Amiruokchu, tuolthatna le suol chi dang dang thawnaa ei hmang pha ruok chu mitinin suol le thil tha lo a nih ei ti seng hlak. Indona le hmelma hai lakah ei hmang chun tukhawma suolin ei ngai nawh. Hmang suol a ni pha ruok chun mitin dit lo a ni a, ei dem a, ei inthiem naw a, ei hril siet seng hlak. Thil hmang suol hi chu a pawi bek bek a, suolna tawpkhawk a hung ni hlak.
Ei lungvar tha, ei hrietna tha, ei thiemna tha em em el hai khawm hi mihai sietna, mihai thina dam, mihai natna ding dam, mihai kumkhuo sietna ding dama ei hmang chun ralthuom chi tum tum hai ang thova tium le sietna intluntu a hung ni hlak. Thil hmang suol taphawt hi chu a tha hrim hrim a um der nawh. Mimal, hnam, ram, khawtlang le sungkuo han an tuorhla a, a ra suok chu boralna. Thil hmang suol that nawna hi hril ding a tam taluo, hril zo el seng ding a ni nawh. Sungkuoah, khawtlangah, kohranah le politics haiah khawm thil hmang suol that nawzie hi nghawk der lova ei inhril mawl mawl zing a tul a nih.
