Responsive Ad Slot

Delhi Police for North East Representatives dinga thlang

Wednesday, July 27, 2016

/ Published by VIRTHLI
New Delhi, July 27, 2016, Virthli (ONP): Delhi Police-in Delhi khawpui a North East mi hai himna ding le an harsat huna sawmdawlna kawnga a hmalakna a thangpuitu dingin Delhi Police North East Representatives (DPNER) mi 41 a ruot thar. Hieng mi 41 hai lai hin Delhi a Hmarnau mi pathum an thang ve. Hmarnau thlanga umhai chuh: Pu Romeo Hmar, Val-Upa/Exe. Member, Delhi Hmar Welfare Association (DHWA), Pu James Pusing Sanate, Asst. Secretary, DHWA le Pu David Lalkhawnvar Sakum, Val-Upa/Exe. Member, DHWA hai an nih.

DPNER hai North East mi Delhi a khawsa haiin harsatna chi hrang hrang an tuok huna Delhi Police hai le mipui inkara thangpuina sin thaw a, Delhi Police kut le ke a hmang hlak an nih. Delhi Hmar khawtlanga inthawka mi pathum thlangsuok hai hin Delhi khawpuia North East mi, a bîkin Hmarnau haiin harsatna an tuok chang thangpuina sin an thaw hlak ding a nih. Thlang suoka um mi 41 hai hin hung tlung ding August ni 24, 2016 hin ‘Training & Induction’ nei an tih.
Don't Miss
© all rights reserved
made with by Simon L Infimate