THINA CHUNGA LAWMTHU

Sielmat
Churachandpur


Kan pa kan ngai tawplo Mr. Lienkung Pudaite'n ropuina ram ami lo in lawisanna thua, a nuhmei, nauhai, tuhai le lainatuhaiin kan inpam emem a. Thuok tieng harsatna nei leiin Guwahati a doctor thiem panin, theitawpa enkawl a ni a. A natna khom that tieng hung pan peiin Sielmat tieng kirnawk dinga insingsa zing lai tarik 29 May, 2016, zing dar 7:30 in keitho thei ni ta lovin hadam takin Lapa kuomah a lo chawl hadam ta lem a.

Hi thina thua hamhai le ngaituona mawk taka kan um lai Hmar Welfare Society, Guwahati in hnam nunmawi tlawmngaina suklanga, a tul le poimaw popo thawa mawi taka ruong an lo bawisawmna thua lawmum kan ti takzet a. Hmelhrietlo khuo le ram paltlanga veng panpui dinga kan in ngai zinglai, Hmar Youth Association (HYA), Diphu haiin Manja ah ruong lo hmuokin, Diphu EFCI Biekin Compound ah ruong lalut a, ruong sawmtuhai fak ding baka chawlhadamna ding lo siemin, nunghak tlangvalin mawitaka ruong an lo mengpuina thua lawmum kan ti hle a. Chun, HYA, Dimapur in Nagaland kawtsuoa Thangsuopuon lo inkhuma, tawngtaina le ruong an lo inthlanana thua lawmum kan ti emem.

Manipur khawpui kawtsuoa HYA Joint Headquarters, Imphal hmalaknaa, a khawhnawta ruong lo tuokin, Hmar Thangsuopuon le mawitaka ruong an lo chawimawina thua lawmthu kan hrila. HYA President, General Headquarters le a rawngbawlpui unau tlawmngai haiin hma thuoia, Imphal khawpui anthok kan in Sielmat hmun chen kan pa ruong an hung thaktlungna thuah kan lawmna thu kan hril seng nawh. Sielmat HYA le Tuithaphai khaw dangdang anthoka HYA member haiin Kangvai hmuna boruok lum tak hnuoia ruong lo nghakin, ropuitaka ruong an hung sawmna thua lawmthu kan hril bok.

Kan pa, kan ngai emem thina thua nu le pa, nunghak tlangval zan khawvara ruong mi mengpui tuhai le mani sin poimaw maksana hung raltuhai popo chunga hi group fethleng hin lawmthu kan hung hril.

In tlawmngai insuona popo kan theinghil nawa. Lalpa’n a let tam in a malsawmna'n vur seng raw se cheu.

In chunga lawmthu hriltuhai,

Pu. Lienkung Pudaite nuhmei le a sunghai.
Sielmat, Churachandpur, Manipur.

Post a Comment

Powered by Blogger.