Vangaitlang, June 13, 2016, Virthli (ONP): Hun iemani chena inthawk ta khan naupang hri thakpher chun Vangai tlângdung a hraw mêk a. Sartuinék anthawkin tulai hin Ngampabung ah an lêng mêk a. Khuo tam tak a la sukbuoi pei ding niin an lang.

Thakpher hi natna țium tak ni hran naw sien khawm, naupang school kai laihaiin an invawi hin nasa tak sûngkuo le khawtlâng a nghawng a. Inenkawlna ding a um meu naw leiin nu le pa tam tak chu theithûr zawngin an buoi hle thu dawng a nih. Țhenkhat chun pelte thei a țha an ti leiin an zawng nasa hle bawk.
Representative Image

Hienglai hin Public Health Centre (PHC) po po a ruok fai vawng a. Damdawi chu thu hran ni sien, hang biekrawn ding tak ngiel khawm an um naw nih. Chun lampui khawm a tlanga khur a um naw a. Inzin le khuolram suok khawm a harsa hle.

Mipuihai chun tuolțo/tlângpa hrietna ringawta inenkawl a harsat thu an hril a. PHC umna khuo țhenkhata thawktu, Doctor le Staff hai po po, Pathien ți puma hlaw la dingin an ngên a. Ringum taka sin thawa hlaw la hlak dingin an nuompui thu an hril.

Hnam dang thawktuhai an lo inthlada deu a ni khawm a, Hmar nauhai békin ei tlângram invawi hai sien. Hnam țhuoituhai khawma hma hung la hai sien tiin an nuor thusim an hril.

Post a Comment

Powered by Blogger.