Mipui aiaw, Palai-na sin thaw ka ni leiin ka'n duthaw" - Pu Lalhrillien MDC, Saikot
CCPUR: June 13, 2016 sun le zan khan Saidan khuo a Joint Philanthropic Organisation- HSA, HWA & HYA/Val-Upa hai huoihawtnain Saikhawpui Games & Sport -cum- Award Ceremony & Entertainment Nite 2016 hmang a nih. Sun huna chun Group Wise Fahrel tawk lam (Bamboo Dance) Competition, Games & Sports Items hieng- Pasal haiin Football, Tug of War, Volleyball le Nuhmei haiin Football, Tug of War, Relay Race haia infiemna le inruolsiekna nei a nih.
Zan hunah Award chi tum tum semna hun hmang a ni a. Saidan khuo a inthawka tukum a inchukna tienga exam a hlawtlingna chang inchuklai Class X a mi 12 le Class XII a mi 16 hai kuomah lawmpuina le chawimawina Certificate HSA in an inhlan a, Saidan khuo suk hmingthatu nuhmei 6 hai kuomah HWA in chawimawina Certificate an inhlan a, HYA/Val-Upa khawmin Thiltha thaw, Nundan mawi, Tlawmngaina le inzawmin an khuo a mi tlawmngai chungchuong mi 10 hai kuomah chawimawina Certificate an inhlan bawk. Annihai hi tawngtai pekna Rev. Challienkung in a nei. Chief Guest in Pu Lalhrillien bieltu MDC, Saikot; Guest of Honour in Pu Lalrohim V/A Saidan, Functional President in Pu Rohminglien Chief of Saidan hai an thang.
Pu Lalhrillien in a thuhrilna a chun hieng thuhai hi a hril; Vawizana thalai hai hi ei ram dawmsangtu ding ei nih. Ei rama ka dit naw em em chu inferiority complex ei nei hih, tawpsan ei tiu. Class X, Class XII passed lawmman pek ding ei tam, pek senglo ei um a nih. Mi thei chu ei thaw thei a nih. Miin an tlung thei chu ei tlung thei. Economic, Political, Education future ei nei, Manipur a chanchintha mansapui inbangna ei nih. Kristienna, Political movement Hmar haia inthawk Tribal laia intan a nih. Hratnaw a ei inngai lai khawm Pathien lunginsietna zar chauin Political Movement nei hmasatak ei ni a, Education a khawm ei inhnuoi nawh. Saikot Sub-Division, Tipaimukh Sub-Division, Vangai Sub-Division, Pherzawl ADC ei nei tah a, Mizoram ah SHDC Interim in kum 23 lai zet a um ta bawk a. Hmar haiin World Record ei siemna a ni awm. Student hai khawmin ngaituo ro. Assam, Tripura, Meghalaya, Manipur le a dang dang a hai Hmar hai chengna infuk zie, Hmar haiin inthuruol takin kal pen inla State khawm ei nei thei, Political Consultative ei la nei der nawh. MLA/MDC/Infrastructure ei ngaituo phak ta naw chun assimilation in um ei ta. Mi sir dein ei la um ding a nih. Ei inthuruol phawt chun hnam danghai inhnar ei ni ding a nih. Hmarhaiin Politics ei ti pha MDC/MLA Election chau ah ei sie chun indik naw nih. Pathienin Hmar hai mi hnuoiah a sie nawh.
Saidan JB School in Building puitling tak nei dan ding buoipui mek a nih. Sawrkar a buoi thut naw chun tuta thla sukfel hman a ni ring a um, Saidan khuo Tui lakna khawm proposal siem a nih. Mipui aiaw, Palai-na sin thaw ka ni leiin ka'n duthaw, hiengang Saidan khuo in programme a huoihawt ang hi veng dang a thaw thei an um nawh tiin a hril a, ditsakna inhlanin Saidan damzing raw se tiin huoihawttuhai chu thilpek an hlan bawk.
Pu Lalrohim V/A Saidan chun Saidan khuo a pieng le kum 60 a tling tah a chu hieng ang programme hi a la hmu ngai naw thu a hril a, lawmum a ti thu a hril. Saidan Tlangval/Nunghak, inchuklai hai chu khawlai hmuna khawm thawkin, um inla khawm Saidan theinghil ngai naw ro tiin an fui.
Pu Rohminglien Chief of Saidan chun hiengang programme buotsaia um chu an khuo a ding chun khawsunga pawl tum tum haiin Joint a an huoihawt a vawi khatna a ni thu a hril a. An Community Hall khawm inzau a ngai ta thu, School le Tui hmu ding um a bieltu MDC in a hril chu lawmum a ti hle thu hai a hril.
Hi hun a hin Pu DR Kima, Mirimsie le meithai thangpuitu pawl a mi chun thuhrilna a nei a. Rangva phek 2/3, Cheng 1000, 2000, 3000, 500 kan pawimaw ie ti a kan hnina hlak chu bieltu MDC hi a nih tiin a hril a. Mirimsie thangpuitu pawl member hi mi 30 le ti an tling tah thu, In 70 le ti lai an bawl zo pek ta thu, An In bawl pek hai an tui le bu hai khawm an dawn/fak pek ngai naw thu, an hmalakna a hin kohran/hnam bik a um naw thu hai a hril a. Harsatna thangpui ngai em em dam an um an chun thangpui dinga an in pei zing thu mipui hmaah a puong a, mipui ta dinga kan inpekna a nih a tih.
Pu Lawia of Saidan (taksa Zeng, nuom anga chang thei ta lo, Saidan khuo ah laibung in In an bawl pek) chun Ka thaw thei ve tawk tiin hi huna hin ama taksa ngei inlang thei naw sienkhawm HYA/Val-Upa, HSA, HWA, JPO Chairman/President hai chu hnam puon a'n hlan tawl. Hi huna hin Various Artistes' hain hun hawngnain "Aw Saikhawpui" ti hla an sak a, Upa Boris Ramnghakmawi, Nk. Lydia, Nk. Sarry Varte & Band haia inthawkin hla mawi tak tak ngaithlak a ni bawk.
Hi programme hmang zo hin hun thumna dingin Entertainment Nite a hmang a ni a. Hlasak, Fiemthu le Lam haia hun hlimum tak hmang a nih.
-LRS Puruolte | Photo: Muona Infimate
CCPUR: June 13, 2016 sun le zan khan Saidan khuo a Joint Philanthropic Organisation- HSA, HWA & HYA/Val-Upa hai huoihawtnain Saikhawpui Games & Sport -cum- Award Ceremony & Entertainment Nite 2016 hmang a nih. Sun huna chun Group Wise Fahrel tawk lam (Bamboo Dance) Competition, Games & Sports Items hieng- Pasal haiin Football, Tug of War, Volleyball le Nuhmei haiin Football, Tug of War, Relay Race haia infiemna le inruolsiekna nei a nih.
Zan hunah Award chi tum tum semna hun hmang a ni a. Saidan khuo a inthawka tukum a inchukna tienga exam a hlawtlingna chang inchuklai Class X a mi 12 le Class XII a mi 16 hai kuomah lawmpuina le chawimawina Certificate HSA in an inhlan a, Saidan khuo suk hmingthatu nuhmei 6 hai kuomah HWA in chawimawina Certificate an inhlan a, HYA/Val-Upa khawmin Thiltha thaw, Nundan mawi, Tlawmngaina le inzawmin an khuo a mi tlawmngai chungchuong mi 10 hai kuomah chawimawina Certificate an inhlan bawk. Annihai hi tawngtai pekna Rev. Challienkung in a nei. Chief Guest in Pu Lalhrillien bieltu MDC, Saikot; Guest of Honour in Pu Lalrohim V/A Saidan, Functional President in Pu Rohminglien Chief of Saidan hai an thang.
Pu Lalhrillien in a thuhrilna a chun hieng thuhai hi a hril; Vawizana thalai hai hi ei ram dawmsangtu ding ei nih. Ei rama ka dit naw em em chu inferiority complex ei nei hih, tawpsan ei tiu. Class X, Class XII passed lawmman pek ding ei tam, pek senglo ei um a nih. Mi thei chu ei thaw thei a nih. Miin an tlung thei chu ei tlung thei. Economic, Political, Education future ei nei, Manipur a chanchintha mansapui inbangna ei nih. Kristienna, Political movement Hmar haia inthawk Tribal laia intan a nih. Hratnaw a ei inngai lai khawm Pathien lunginsietna zar chauin Political Movement nei hmasatak ei ni a, Education a khawm ei inhnuoi nawh. Saikot Sub-Division, Tipaimukh Sub-Division, Vangai Sub-Division, Pherzawl ADC ei nei tah a, Mizoram ah SHDC Interim in kum 23 lai zet a um ta bawk a. Hmar haiin World Record ei siemna a ni awm. Student hai khawmin ngaituo ro. Assam, Tripura, Meghalaya, Manipur le a dang dang a hai Hmar hai chengna infuk zie, Hmar haiin inthuruol takin kal pen inla State khawm ei nei thei, Political Consultative ei la nei der nawh. MLA/MDC/Infrastructure ei ngaituo phak ta naw chun assimilation in um ei ta. Mi sir dein ei la um ding a nih. Ei inthuruol phawt chun hnam danghai inhnar ei ni ding a nih. Hmarhaiin Politics ei ti pha MDC/MLA Election chau ah ei sie chun indik naw nih. Pathienin Hmar hai mi hnuoiah a sie nawh.
Saidan JB School in Building puitling tak nei dan ding buoipui mek a nih. Sawrkar a buoi thut naw chun tuta thla sukfel hman a ni ring a um, Saidan khuo Tui lakna khawm proposal siem a nih. Mipui aiaw, Palai-na sin thaw ka ni leiin ka'n duthaw, hiengang Saidan khuo in programme a huoihawt ang hi veng dang a thaw thei an um nawh tiin a hril a, ditsakna inhlanin Saidan damzing raw se tiin huoihawttuhai chu thilpek an hlan bawk.
Pu Lalrohim V/A Saidan chun Saidan khuo a pieng le kum 60 a tling tah a chu hieng ang programme hi a la hmu ngai naw thu a hril a, lawmum a ti thu a hril. Saidan Tlangval/Nunghak, inchuklai hai chu khawlai hmuna khawm thawkin, um inla khawm Saidan theinghil ngai naw ro tiin an fui.
Pu Rohminglien Chief of Saidan chun hiengang programme buotsaia um chu an khuo a ding chun khawsunga pawl tum tum haiin Joint a an huoihawt a vawi khatna a ni thu a hril a. An Community Hall khawm inzau a ngai ta thu, School le Tui hmu ding um a bieltu MDC in a hril chu lawmum a ti hle thu hai a hril.
Hi hun a hin Pu DR Kima, Mirimsie le meithai thangpuitu pawl a mi chun thuhrilna a nei a. Rangva phek 2/3, Cheng 1000, 2000, 3000, 500 kan pawimaw ie ti a kan hnina hlak chu bieltu MDC hi a nih tiin a hril a. Mirimsie thangpuitu pawl member hi mi 30 le ti an tling tah thu, In 70 le ti lai an bawl zo pek ta thu, An In bawl pek hai an tui le bu hai khawm an dawn/fak pek ngai naw thu, an hmalakna a hin kohran/hnam bik a um naw thu hai a hril a. Harsatna thangpui ngai em em dam an um an chun thangpui dinga an in pei zing thu mipui hmaah a puong a, mipui ta dinga kan inpekna a nih a tih.
Pu Lawia of Saidan (taksa Zeng, nuom anga chang thei ta lo, Saidan khuo ah laibung in In an bawl pek) chun Ka thaw thei ve tawk tiin hi huna hin ama taksa ngei inlang thei naw sienkhawm HYA/Val-Upa, HSA, HWA, JPO Chairman/President hai chu hnam puon a'n hlan tawl. Hi huna hin Various Artistes' hain hun hawngnain "Aw Saikhawpui" ti hla an sak a, Upa Boris Ramnghakmawi, Nk. Lydia, Nk. Sarry Varte & Band haia inthawkin hla mawi tak tak ngaithlak a ni bawk.
Hi programme hmang zo hin hun thumna dingin Entertainment Nite a hmang a ni a. Hlasak, Fiemthu le Lam haia hun hlimum tak hmang a nih.
-LRS Puruolte | Photo: Muona Infimate
