CCPUR | Virthli (ONP): RWUS huoihawtnain June 18, 2016 11 AM khan RWUS Training Hall, Gospel Centenary Building, Sielmat, CCPur hmunah District Level Consultation on Tribal Customary Laws and Women nei a nih. Ms Mary Beth Sanate, Secy., RWUS chu Moderator in a thanga, lawmlutna le RWUS hmalak dan hai Mrs. Nissi Lalrochan in a hril a, Pu CT Lian MDC, ADCC le Pu Joseph Joute Freelance Journalist & Social Activist ha'n thupui neiin thuhrilna hun an hmang a. Open discussion le hmalak dan dinghai hriltlang a nih. (www.virthli.in)
Hi huna hin hnam tum tum a Women Organisation hai, Dan hremi, Vantlang ta dinga sinthawtu, Media persons hai an thang. Tribal Customary Law (Hnam dan) enin nuhmei le pasal inkar khaikhina in-le-lo le thilnei chunga chanvo (Land and Property Rights), dan anga naupang enkawlna (Child Custody), Innei le inmak (Marriage and Divorce) chungchang thu hai chipchier taka hriltlang a ni a. Hi huna hin nuhmeihai chun Tribal hnam tum tum haiin Customary Law ei hmang lai mek hai chu ennawn a, nuhmei hai khawm hnam dan siem a ni hun haia rawn ve hlak an ngai takzet zie, nuhmeihai chu kawng hran hran haia la thlierhran an la ni dan, Kristien ei ni hnunga ei pi-le-pu hai hun laia dan ei nei hai ei ennawm a ngai tak zie, khawtlang le hnam sunga organisation a hai nuhmei hai chu hrietfuk, ngaisak nawk zuol le chanvo pawimaw tak pek ve hlak tha an ti thu hai an hril.
Hi huna bawk hin ei kawl le kienga nuhmeihai hliemna le tuorna tam tak a um zing thu, ei hrietlo case tamtak a um zing thu, umna hmun senga thanglak a pawimaw thu, nuhmeihai harsatna hriea sum seng ngailo a Magistrate Council a lekha pek a dan hriemi, a mamaw hai thangpuitu ding (Legal Aid) a um zing thu, hun sawtnawte a peklut ding State Women Commission a ding ngaidan tha (Agenda) nei hai chun RWUS kuta pek thei a ni thu hai ngaithlak a ni bawk. (www.virthli.in)
RWUS chun anni kutsuok ngei, an hmalak mekna "Women and Environment" ti thupui a an hmang le inzawmin Pu CT Lian le Pu Joseph Joute hai hi parbel a khawi hringsa thing parkung mawitak el an inhlan.
Hi huna hin hnam tum tum a Women Organisation hai, Dan hremi, Vantlang ta dinga sinthawtu, Media persons hai an thang. Tribal Customary Law (Hnam dan) enin nuhmei le pasal inkar khaikhina in-le-lo le thilnei chunga chanvo (Land and Property Rights), dan anga naupang enkawlna (Child Custody), Innei le inmak (Marriage and Divorce) chungchang thu hai chipchier taka hriltlang a ni a. Hi huna hin nuhmeihai chun Tribal hnam tum tum haiin Customary Law ei hmang lai mek hai chu ennawn a, nuhmei hai khawm hnam dan siem a ni hun haia rawn ve hlak an ngai takzet zie, nuhmeihai chu kawng hran hran haia la thlierhran an la ni dan, Kristien ei ni hnunga ei pi-le-pu hai hun laia dan ei nei hai ei ennawm a ngai tak zie, khawtlang le hnam sunga organisation a hai nuhmei hai chu hrietfuk, ngaisak nawk zuol le chanvo pawimaw tak pek ve hlak tha an ti thu hai an hril.
Hi huna bawk hin ei kawl le kienga nuhmeihai hliemna le tuorna tam tak a um zing thu, ei hrietlo case tamtak a um zing thu, umna hmun senga thanglak a pawimaw thu, nuhmeihai harsatna hriea sum seng ngailo a Magistrate Council a lekha pek a dan hriemi, a mamaw hai thangpuitu ding (Legal Aid) a um zing thu, hun sawtnawte a peklut ding State Women Commission a ding ngaidan tha (Agenda) nei hai chun RWUS kuta pek thei a ni thu hai ngaithlak a ni bawk. (www.virthli.in)
RWUS chun anni kutsuok ngei, an hmalak mekna "Women and Environment" ti thupui a an hmang le inzawmin Pu CT Lian le Pu Joseph Joute hai hi parbel a khawi hringsa thing parkung mawitak el an inhlan.
Report: Lrs Puruolte | Photo: Thingtang Suantak
