CCPUR | Virthli (ONP): Pu Biswajit Daimary MP, Rajya Sabha (Bodoland Peoples' Front), Assam le Pu Romeo Hmar, Convenor; MTFD le Pu Daimary ruolpa pakhat chun June 25, 2016 khan CCPur hmuna hungin Tribal hai an hung kana, ropui taka chawimawi an nih. Sun dar 12 vel in CCPur Police Station an hung tlung a. Anni hi ATML le AMTWU in hlutsak takin an lo hmuok. Manipur a Anti-Tribal Bills pass dodalna le inzawma tribal martyr hai ruong inzalna Dist. Hospital Morgue an kan a, tribal martyr 9 hai ralna le thuhrilna an nei bawk.
Sun dar 1 pm in Mizo Peoples' Convention (MPC) Office Conference Hall, Hmuia Veng, CCPur ah hnam tum tuma thuoitu hai le JAC Against Anti-Tribal Bills thuoituhai an in hmupui a. Hi huna hin Hmar Inpui, MPC le Zomi Council hnuoia hnam le pawl tum tuma thuoituhai an thang. Lawmlutna nei a ni zoin Lawmthu hrilna'n parthi le khawvel a ramsa vang tak el Manipur a Keibul Lamjao a chau hmu dinga um Sangai lim, thinga ker chu JACAATB le hnam thuoituhai hin an inhlan.
Zantieng dar 6 pm in VTI Auditorium, Rengkai, CCPur hmun ah Bodo MP le Convenor, MTFD hai hi UPF le hnam tum tuma thuoituhai leh inhmuin Manipur a tribal hai harsatna le inzawma hmalak dan ding an hriltlang. Hi huna hin Hmar Inpui hnuoia pawl tum tum le Zomi Council hnuoia hnam le pawl tum tuma thuoituhai khawm an thang. Pu Daimary hi ngainatna le lawmthu hrilna'n Zomi Council in an hnam puon le Hmar Inpui in Hmar Thangsuo puon inbat tirna an nei.
Hieng hun haia hin Pu Daimary le Pu Romeo chun thiltum hmunkhat, inthuruol le thangtlanga hmalak chu a pawimaw tak a ni thu hai an hril a. Thil umdan le hmalak dan ding lampui tha hai an hril. Hi huna hin hnam le pawl tum tuma thuoitu hai chun Manipur a tribal hai ta dinga an inpekna chu ngaisangum an ti thu hrilin, an chungah lawm thu an hril. Pu Daimary chun, ama ngei khawm tribal a ni ve thu a hril a, Manipur a tribal hai thil tuok chu anni Bodo khawma Assam ah an lo tuok ang a ni thu le a hmun ngeia hunga thil um dan tak chieng nawk zuola hung hrie dinga hung a ni thu a hril. Ama hin Rajya Sabha a khawm Manipur a tribal hai harsatna a lo khek pui tah a nih. Ama hi MP a ni hmain MLA term hni lai a lo ni ta bawk.
Pu Romeo chun "Ei zing hun ding thalema a hung um theina dingin ka iengkim ka'n hlan huom zing a nih (I am ever ready to Sacrifice my everything for our better tomorrow)" tiin tuta hma deu khan a lo khek suok tah a nih. Hi a tawngbau hin Manipur a tribal hai chau niloin khawvela Manipur suok tribal hai chu a biktakin a suklawm hle a nih.
Sun dar 1 pm in Mizo Peoples' Convention (MPC) Office Conference Hall, Hmuia Veng, CCPur ah hnam tum tuma thuoitu hai le JAC Against Anti-Tribal Bills thuoituhai an in hmupui a. Hi huna hin Hmar Inpui, MPC le Zomi Council hnuoia hnam le pawl tum tuma thuoituhai an thang. Lawmlutna nei a ni zoin Lawmthu hrilna'n parthi le khawvel a ramsa vang tak el Manipur a Keibul Lamjao a chau hmu dinga um Sangai lim, thinga ker chu JACAATB le hnam thuoituhai hin an inhlan.
Zantieng dar 6 pm in VTI Auditorium, Rengkai, CCPur hmun ah Bodo MP le Convenor, MTFD hai hi UPF le hnam tum tuma thuoituhai leh inhmuin Manipur a tribal hai harsatna le inzawma hmalak dan ding an hriltlang. Hi huna hin Hmar Inpui hnuoia pawl tum tum le Zomi Council hnuoia hnam le pawl tum tuma thuoituhai khawm an thang. Pu Daimary hi ngainatna le lawmthu hrilna'n Zomi Council in an hnam puon le Hmar Inpui in Hmar Thangsuo puon inbat tirna an nei.
Hieng hun haia hin Pu Daimary le Pu Romeo chun thiltum hmunkhat, inthuruol le thangtlanga hmalak chu a pawimaw tak a ni thu hai an hril a. Thil umdan le hmalak dan ding lampui tha hai an hril. Hi huna hin hnam le pawl tum tuma thuoitu hai chun Manipur a tribal hai ta dinga an inpekna chu ngaisangum an ti thu hrilin, an chungah lawm thu an hril. Pu Daimary chun, ama ngei khawm tribal a ni ve thu a hril a, Manipur a tribal hai thil tuok chu anni Bodo khawma Assam ah an lo tuok ang a ni thu le a hmun ngeia hunga thil um dan tak chieng nawk zuola hung hrie dinga hung a ni thu a hril. Ama hin Rajya Sabha a khawm Manipur a tribal hai harsatna a lo khek pui tah a nih. Ama hi MP a ni hmain MLA term hni lai a lo ni ta bawk.
Pu Romeo chun "Ei zing hun ding thalema a hung um theina dingin ka iengkim ka'n hlan huom zing a nih (I am ever ready to Sacrifice my everything for our better tomorrow)" tiin tuta hma deu khan a lo khek suok tah a nih. Hi a tawngbau hin Manipur a tribal hai chau niloin khawvela Manipur suok tribal hai chu a biktakin a suklawm hle a nih.
