Play hmasatak ah LFK Vairengte le MYC (Muolhoi/Haflong) in hratna an chang

Hmarkhawlien/CCpur | Virthli (ONP): June 17, 2016 ni a Sarada Charan Playground, Lakhipur, Cachar, Assam hmuna Hmar Football Club State pathum a mi hai Friendly Match Result HKL FC 1 - 2 LFK Vairengte le MYC (Muolhoi/Haflong) 2 - 0 Bungkhawpui FC (Parbung) a nih.

June 16, 2016 zan khan Pu Lalringum Sanate hai in, Hmarkhawlien ah Manipur-Mizoram-Assam a inthawka Hmar Football Team Bungkhawpui FC (Parbung/Manipur), Hmarkhawpui FC (Hmarkhawlien/Assam), LFK FC (Vairengte/Mizoram) le Muolhoi Youth Club/MYC (Muolhoi, Haflong/Assam) thuoitu hai in hmukhawmin hieng hai hi Board thuoitu dingin an ruot. Board Chairman dingin James Lalnunsang Traite, Secretary dingin John Hmar Pakhuong, Members dingin mi 5 an ruot bawk. Chuonghai chu- Rorelsang (Vairengte), Lalchungsang (Parbung), Lalrohlu (Vairengte), Ngamrothang (Muolhoi) le Malaki Buongpui (Hmarkhawlien) hai an nih.

Chun, Team tinin Rs 5000 seng entry fee pek ding a ti le hieng ang hin sum hmang dan ding siem a nih. Total income 5000 x 4 = 20000, Board expenditure = 5000, 1st Prize/Winner = 10000 le 2nd Prize / Winner = 5000 ning a tih. Hieng ang a insukhlimna le inunauna, inhmelhriettuona le football inkhelmi hai dawmsangna (promote) na hun remchang ngaituo suoktuhai hi inpak an um hle.

Manipur, Mizoram le Assam Hmar hai inpumkhata ngir tlatin a pawng bik a phai bik um lovin hmatieng ke pen ei tiu.

*** *** ***
FIXTURE

* Date: 17-6-2016
Time: 2:30PM
HKL FC vs LFK VAIRENGTE
Time: 4:00PM
MYC vs BFC

* Date: 18.06.2016
Time: 2:30PM
LFK VAIRENGTE vs MYC
Time: 4:00PM
HKL FC vs BFC

* Date: 19.06.2016
Time: 2:30PM
HKL FC vs MYC
Time: 4:00PM
LFK VAIRENGTE vs BFC

* Date: 20.06.2016
FINAL
Top Highest Point vs 2nd Highest Point