Muolhoi, June 2, 2016 (VIRTHLI): Vawisun Upper Retzawl HSA huoihawtna in One Day Literary Meet-cum- Career Guidance Programme hlawtling taka hmang a nih. Sun huna Debate Competition "Inchuklai le mobile phone hmang" ti thupui a hmangin nei ani a, Extempore Speech, Quiz le Spelling competition hai neia hun hmang a nih.
 

Zan huna hin Career options hran hran hai, Quality education pawimawna, tum nei le nasa deua inchuk a ngai thu hai le Motivation thu Tv. Josef V Tuolor, Gen. Secy. HSA GHQ, Pu Lalrothang Tuolor, Gen. Secy. NCH & KA JHQ, Pu Lalramsang Hmar, Member HSEB (2012-16) le Pu Laltuovung Tuolor, MA, M.Div., Co-Ordinator, Sunday School, PCI Ngaibantlang Presbytery hai chu resource person niin thuhrilna hun an hmang.

HSA Retzawl Unit hi kum 1978 a lo indin tah ani a, hieng ang programme puitling huoihawt theia um hi nu le pa khawtlang thuoitu haiin lawmum an ti hle thu le a hlawk hle thu hai an hril. Pu Remlal Kungate, Adviser chun Inchuktirtu, inchuklai, nu le pa hai ta dingin a hlawk em leiin thaw zawngsak pei chi ani tiin a hril a, Tv. Lalneirawi Tuolor, Unit President chun NCHills & KA JHQ sunga hieng programme Unit khat a hawihawt thei dinga an um a lawm hle thu le hi progrqmme hlawtlingna dinga thangpuitu hai popo chunga lawmum a ti hle thu hrilin inchuklaihai nasa taka hlawkpui ngei dingin a ditsakna an hlan bawk a nih.

Post a Comment

Powered by Blogger.