Mizoram sorkar le HPC (D) an inbiek ding

Aizawl, June 17, 2016: Mizoram sawrkar le Hmar People's Convention (Democatic) hai chu inremna siem dingin inbiek an tum a, an inbiek hun ding ruok chu hriet thei ala ni nawh. Mizoram Police Service (MPSA) inkhawmpui zanita a hmangpuinaa Home Minister R Lalzirliana chun, "YMA group pathumin Central YMA fethlengin HPC (D) le Mizoram sorkar inbie sien ' ti an nuom thu an hung intluna, rambuoia kum 26 sung an um ta leiin rinum an ti a ni," a tih. Home Minister chun, inrem lo hlak hai le thisen insuo hlak hai khawm dawkan kila hrilfel ani hlak tiin, "inremnawna hi silai hmanga chingfel thei a ni nawh," a tia; dawkan kila inrem dingin Mizoram sawrkar le HPC(D) an inbiek ding thu a hril.

R Lalzirliana hril danin, HPC(D) area-a V/C inthlang nei a ni ding khan campaign a an fe tumin Mizoram sawrkar le HPC(D) inbie dinga an dit thu mipui han an khekpui a nih. Mipuihai chun sawrkarin a thaw thei lo ding, Autonomous District Council (ADC) an phut (demand) tlat chun inbiekna in umzie a nei naw ding thu HPC (D) hai hril dinga ti anni baka, Congress party thlangtling an ni chun inbiekna nei tum a nih thu hril an nih. V/C inthlanga Congress party in hnena an chang thu hrilin Lalzirliana chun, "Tuhin chu lawm tha sùt ve ngai a tih. HPC(D) le sawrkar sawtnawte-a inbie'ng an tih, file a fe mek a, inbiekna hin a rasuok ding ruok chu kan hriet nawh," a tih. (Source: Vanglaini)