Aizawl, June 17, 2016, Virthli (ONP): Mizorama selkaltu pawl lientak Mizo National Front (MNF) chun Mizoram sawrkar le Hmar People's Convention (Democrats) ha'n inbiek an tum chu an lawmthu an hril.

Vawisun khan Mizo Hnam Run a party inkhawmna ah thuhrilin Mizoram home minister hlui le MNF Senior vice president ni bawk Tawnluia chun, “Sorkar-in HPC(D) hai biek a tum ti kan hrieta. Inbe dingin vawi tam tak kan lo nawr tah hlaka, hienga inbiekna an nei ding hi lawmum kan tih," a tia, Mizoram sawrkar chu lungril fim tak puta HPC (D) hai bie dingin a ngen a nih.

Tawnluia chun Mizoram sawrkarin a sukpuitling theinaw ding intiemin HPC (D) hai chu inremna sign pui nawsien a nuom thu a hrila, an sukhlawtling thei ding chin a chau inremna siempui dingin a ngen bawk a nih.

Post a Comment

Powered by Blogger.