Office of the
 HMAR INPUI (HMAR SUPREME HOUSE)
 MIZORAM REGION, MIZORAM
 PRESS HANDOUT
24 June 2016
AIZAWL, MIZORAM

Dt. 22nd June 2016 a Mizoram Hmar Student Association (MHSA) inti ten Sinlung Hills Development Council Minor Works hnathawh chungchangah thil felhlel a awm a ni tia, Chief Vigilance Officer, Govt. Of Mizoram hnen a FIR, First Information Report, an thehluh thu Press Release-ah an puan kha HMAR INPUI, Mizoram Region ( Mizoram Hmar Welfare Committee) chuan a hnuaia mi ang hian Mizoram sawrkar, nu leh pa te, mipuite leh a bik takin Hmar mipuite hriat turin thupuan a siam.

1. Mizoram H S A inti te hi 2012 atanga HSA General Headquarter, 1930 atanga ding tawh, MZP, MSU te nen a inzawm thlat (Affiliated) atanga inla hrang, mi thlemte annia, Hmar hnam huap pawl annilo.

2. Mizoram sawrkar nu leh pa te thatna a zara, SHDC chungchangah, hmasawnna thar, election neitur thu te, Aizawl SHDC Cell Office leh a sak tan natur sum Rs. 40 Lakhs leh Office Motor man tur 15 Lakhs dawn chungchang te, Sakawrdai SHDC Headquarter sakna tura hmalak mekna a Sawrkar minpuinate thu lawmawm tamtak kan dawn lai mek leh Inpumkhat a beiseina nena kan thlir chho mek laia, inthurualna tichhe zawng leh mipui ngaihdan hruai kawi zawng a, MHSA in hma an rawn la a an rawn che ta mai hi HMAR INPUI, Mizoram Region ( Mizoram Hmar Welfare Committee) chuan tha a ti lova, sawizui tawhlo turin a ngen in a hriattir nghal bawk a ni e.

3. Thil felhlel awm anga MHSA in a hriat chuan SHDC Office hi hmai chhanah sawipui se, siamthat ngai a awm pawhin, a mualpho zawng a inti kher lova, thil thazawk chhuak theih nana insawisel mai turah HMAR INPUI, Mizoram Region ( Mizoram Hmar Welfare Committee) chuan a ngai a, Sawrkara inhek ( FIR thehluh) piah lama hekna thu Press a puan zui hian insiamthatna lam aiin intih mualpho a inthen dar tumna ang zawkin HMAR INPUI, Mizoram Region ( Mizoram Hmar Welfare Committee) chuan a hria a, tih fo tawhlo turin a hriattir nghal bawk a ni e.

 4. SHDC Office hian, Sawrkar nu leh pa thatna a zar a hma a sawn chho zel a, SHDC Headquarter, Sakawrdai tlangdung khawtina an hnathawhte rawn lang chho zel te, hmasawn mek na te leh chu mai baka SHDC tih changthlunna atana hmalakna rawn lang chho mek hi HMAR INPUI, Mizoram Region ( Mizoram Hmar Welfare Committee) chuan lawmawm ati a, chuvangin, inhek leh inchhuah mualphova, mipui ti chiai zawng a hma lak kher hi tha ati lova, sawifel thei ni in he thu hi a ngai a, SHDC Office lam pawhin sawitur annei ngei a ring thlat bawk a ni.

 Chuvangin, tunhnu ah chuan SHDC chungchang cho nilovin Hnam pum huap thil reng rengah chuan hnampual Organisation hrang hrang ten sawi hovin, rem tih tlanna leh HMAR INPUI, Mizoram Region ( Mizoram Hmar Welfare Committee) hriat puina ah lo chuan, pawl leh mimal ang pawhin, a hman hman in mipui ti chiai zawng leh hnam inpumkhatna tichhe zawng a hma la tawhlo turin HMAR INPUI, Mizoram Region ( Mizoram Hmar Welfare Committee) chuan thuchhuah siam in a hriattir a ni e.

Sd/-
 (J. LALDINLIANA)
 President

Sd/-
 (LALBIEKSANG HMAR)
 General Secretary
 HMAR INPUI (HMAR SUPREME HOUSE) MIZORAM REGION/MIZORAM HMAR WELFARE COMMITTEE, MIZORAM


Post a Comment

Powered by Blogger.