Imphal,June 2,2016 (VIRTHLI): Manipur a Inner Line Permit (ILP) nawrna le inzawma indin le hmalatu tak Joint Committee for Inner Line Permit Systems (JCILPS) hai Convenor Khomdram Ratan chu Manipur Police chun a luman Rs. 5 lakhs an puong.


Image source: WhatsApp Group

JCILPS hai Convenor Khomdram Ratan hi tulai hnai el khan Meitei helpawl United National Liberation Front (UNLF) hai Flag chela, UNLF hai Secretary Nongyai in thukham an neitir lai thlalak nasataka thedar in a uma, thlalak thedara um chu Police hai chun an suichieng ngei ni dinga hril a nih. Ei thu dawngnaa a hril dan chun Khomdram Ratan hi Singjamei Wangma Kshetri Leikai (Imphal West District) a um ania,UNLF hotu pakhat lo ni ve le inzawmna thatak nei niin a hril. Imphal West District police chun man dingin an zawng mek thu le Khomdram Ratan umna Police hai bula inhriettir/hriltu chu lawmman in Rs. 5 Lakhs Manipur Police chun a pek ding thu a hrilsa bawk a nih.

Reports thenkhat haia tuta Manipura Inner Line Permit (ILP) nawrna hi UNLF hai hmalakna le sum le pai chena an thangpui nia hril ani bawk.

Post a Comment

Powered by Blogger.