12/06/2016 (PATHIENNI)
Tarik 10th June, 2016 Zirtawpni a Tuithapui, Saikot a vangduoi thlâk taka tuitla Pu T. Khamchinkhup (26 yrs) s/o T. Laltuakmoi of Khominthang, New Lamka, Churachandpur zawngsuokna dinga tha le zung, sum le pai hung tuoktu hai po po chungah HYA-GHQ chun lawmthu a hril.
Tuitla (L) T. Khamchinkhup a ruong hi a tlâkni tarik 10/06/2016 la la khan zawngna sin thaw nghal a ni a, tuia lûthai invêngna ding Upa Laldawnlien Varte, General President, HYA-GHQ ngênna ngâipawimawin Major Arun, 7 Assam Rifles le a rawihai chun Saikot ah life-jacet 4 (pali) an hung thak nghal a, HYA Saikot Branch a inthawk Pûm (raft) siemin Tuithapui dapna sin chu thaw char char nghal a nih. Life-jacket indainaw sienkhawm HYA, ZYA le YMA members tlawmngai mi tamtak chu tui hrâttak le dei em em khawm pawisa lovin inthim rawt chen vakam le li-truonghai dap a ni a, Saikot Leilak, Saikawt Khawthar leilak, Muolvaiphei leilak, Rengkai leilak le Saidan leilak ah hai ruong hung lên lo dangna ding dâi/lên lo siemin mipui tamtak chun an lo inchân a. (L) T. Khamchinkhup a ruong hi a tlâk ni date 10/06/2016 khawvar zakin Saikot Leilak, Saikot Khawthar leilak, Muolvaiphei leilak, Rengkai leilak le Saidan leilak a hai HYA, YMA, ZYA le KKL member hai chun tlawmngai insuoin an lo inchân a, amiruokchu hi zân hin hmu a ni nawh.
Tarik 11/06/2016 (Inrinni) zingkâr inhmatakin nunghak le tlangval tlawmngaihai inthawkdawk nawkin a tlâkna hmuna inthawk tui-ah lutin zawngna sin sunzawm a ni a, vangnei thlâk takin chawhnung dar 3pm vel khan (L) T. Khamchinkhup a ruong chu a tlâkna a inthawk hla raklo ah HYA member Pu Zarzosang, Saikot, Churachandpur chun dap dawkin mipui tamtakin hmangaina le ngainatna puon inkhumin an In Khominthang, New Lamka, Churachandpur panpui a nih.
(L) T. Khamchinkhup a ruong zawngna le inzawma khawtina tlawmngai insuotuhai po po chungah HYA GHQ chun lawmthu a hril a, HYA GHQ fethlenga volunteers hai thingpui man ding Rs. 2000/- hung petu Pu M. Gouzamang Guite, EM, MDC ADCC le Life- Jacket min hmangtirtu Pu Major Arun, 7 AR hai chunga ei lawm tak zet. Chun, tlawmngai insuo seng inla khawm a ruong dapdawktu Pu Zarzosang, Saikot hi a hming lam ngeiin lawmthu ei hril a nih. Nangni/keini intibik um thakloa hnamtin haiin ei tlawmngaina inthuruol taka ei phursuok kha Pathien zar a ni tak meu leiin pumkhata mi siemtu ei Pathien kuomah ei lawmthu um sien la, hmatieng peia khawm Pathien rawngbawl ei nih ti inhrea beidawng le harsatna tuokhai sawmdawltu ni pei thei dingin Lalpa'n varna, hriselna le huoisennain min thuom seng raw se.
HYA GHQ chun Insung khawsak ngaituona leia pa (mushroom) a zawngna lama vangduoina tuok (L) T. Khamchinkhup hi a sûn takzet a, a mâksan a sung le kuo hai Lalpa'n thlamuona umpui zing dingin a ditsakna an hlân.
Department of Information & Publicity,
Hmar Youth Association, General Headquarters
Rengkai, Churachandpur, Manipur.
Hya Gen Headquarters's photo.
LikeShow more reactionsComment
