LAWMTHU HRILNA
June 10, 2016

Manipur sawrkarin Manipura tlangmi hai mi hnaw chêpna ding le ei in le ramhai tlansan ngai ding khawpa ei chanvo mi thaihmang pekna dinga bill pathum a pass hi Hmar Students Association, Joint Headquarters Delhi chun a dit naw takzet leiin a theitawp suoin bill pathum hai dodalna kawngah kal a la pên pei a. Hieng bill pathum hai le inzawma Manipur sawrkarin India sawrkar thlungpui bie dinga ‘All Party delegation’ inti, Delhi a hunghai kuomah June ni 7, 2016 khan MTFD le Manipur tlangmi student organisation hrang hrang hai inrawina hnuoiah Manipur Bhawan tuola tlangmihai lungawinawna suklang (Protest) a ni a. Kha huna thang ve dinga Delhi a Hmar mipuihai kuomah HSA Jt. Hqtrs. Delhi in ngenna a siem angin mi thahnem tawk tak ei fe khawm a. Ei ram le hnam hmangaina lei lieu lieu a fe khawm Hmarnau hai po po kuomah HSA Jt. Hqtrs. Delhi chun lawmthu a hril a nih.

Delhi a Hmarnau: Nk. Thelma Ramthienghlim (Gen. Secy., HSA Jt. Hqtrs. Delhi), Tv. Lalruotlien Fimate (Vice President, HSA Jt. Hqtrs. Delhi), Tv. Lalsuongum Pulamte (Exe. Committee member, HSA Jt. Hqtrs. Delhi), Tv. Paul Hellienthang (Exe. Committee member, HSA Jt. Hqtrs. Delhi), Tv. Forster Faiheng, Tv. Ephraim Joute, Tv. Laldawnglien Haokip le Tv. Emmanuel Khawbung haiin police kut tuor khêlah man tuokin Chanakya Puri Police Station-ah khum an nih. HSA Jt. Hqtrs. Delhi Sports Secretary Tv. Robullien Khawbung khawm hliem thisen suok a buoipui laia police kut a tuor pha na hi entawn tlak tak aniin HSA Jt. Hqtrs. Delhi chun a suong takzet. Hming lamseng lo ram le hnam ta dinga tuortu hai popo HSA Jt. Hqtrs. Delhi chun a tuorpui laizingin an pak hle anih. Hnam hmangai leia man le khum tuok hai hih HSA Jt. Hqtrs. Delhi chun inza le chawimawi an phû takzet a nih ti a puong.

Police mana umhai hai ngaivena Police Station tuola nghaktuhai, an suok theina dinga hmalatuhai, Police Station sunga a kantuhai le an suok hun chena tawiawmtuhai po po kuomah HSA Jt. Hqtrs. Delhi chun lawmthu a hril bawk a nih.

Hi protest nei ding le inzawma HSA Jt. Hqtrs. Delhi hmalakna thlawptu, mana umhai ngaivena nghaktu le an suok huna an thlahuoltu, Delhi Hmar Welfare Association thuoitu hai chungah HSA Jt. Hqtrs. Delhi chu a lawm hle a. A bik takin, mana umhai thlahuolna dinga sum le pai tuoktu, Nk. Elizabeth Varte, Vice Chairperson, DHWA chungah HSA Jt. Hqtrs. Delhi’n lawmthu a hril a nih.

Hi protest huoihawt na a HSA Jt. Hqtrs. Delhi in co-ordinator dinga a ruot, Tv. Vanlalmalsawma Khawzawl, Tv. Lalrotluong Sungte, Tv. James Millienropui Khawbung, Tv. Dennis Lallienzuol, Tv. Paul Hellinthang, Tv. Lalruotlien Fimate hai chungah lawmthu a hril bawk anih.

Delhi khawpui le hmun dang danga um Hmarnauhaiin, Pathien kuoma tawngtaina leh, hi protest a thanghai ei lo ngaiven zingnahai ei hrietin thla a suk muong hle a, lawm a um hle a nih.

‘Thangruol chu hratna a nih’ ti hre zingin, hi bill pathumhai dodalna kawnga HSA Jt. Hqtrs. Delhi hmalak peina dinga khawm theitawp suo dingin HSA Jt. Hqtrs. Delhi chun mitin a fiel a nih.

Hmar hnam damzing raw seh!

Sd/-
Japheth Darngawn
(President HSA Jt. Hqrs. Delhi)

Thelma Ramthienghlim
(General Secretary HSA Jt. Hqrs. Delhi)

Mordekai Joute
(Information and Public Relations Secretary HSA Jt. Hqrs. Delhi)

Pic: Hliem tuok hai thlahuol zan


Post a Comment

Powered by Blogger.