ZEO im Reading Corner a hawng
CCPUR: Mr T. Goukhomang, ZEO/CCPur chun zani zantieng 1:00PM khan Vimala Raina H/S le Gandhi Memorial H/S haiah ‘Reading Corner’ a hawng. SSA/CCPur hnuoia Innovation fethlenga Reading Corner hawngna ding fund hung pek dungzuia hi thil hi thaw a nih tiin a hril a, hi Reading Corner fethlenga student han lekha tiem an hung inhnik theina dinga school han tha taka an enkawl chun sawrkarin a hung upgrade thei thu a hril.
ZEO staff Ms Nemzalhai chun March, 2016 a SSA hnuoia 201516 a dinga Innovation fethlenga fund tlawmte hung hai hmanga Vimala Raina H/S le Gandhi Memorial H/S haiah Reading Corner hawng theia um a ni thu hrilin, Publishers tum tum hai siem lekhabu tum tum 150 vel student hai tiem le en thei dinga sie a nih tiin a hril.
Digital Literacy program a fe mek
CCPUR: Kum 2015a Prime Minister Narendra Modi in Digital India Mission a hawng le inzawmin Digital India thua campaign a fe mek a. Hi le inzawm hin National Digital Literacy Mission hnuoiah private le Govt. Schools haia Schools 232 –ah Digital Literacy program fepui mek a nih tiin Dr Anirban Chaudhury, Project Head (Pan India) chun Chanchinbumihai kuoma a hril. Digital Literacy program hi Digital India Mission sukpuitlingna dinga program le mission pakhat a ni a, kum 2020 chena India mipui han Online LPG Booking etc. an thaw theina ding kalbi pawimaw pakhat a nih tiin a hril.
Tulaia manual LPG booking ei thaw khawm hi nakie chu online a thaw thei hung ni ding a ni a, chu le inzawma awareness le campaign hi thaw a nih. Tuta inthawk sawtnawte hnungah CCPur district sunga Private le Govt. School haiah Digital Literacy tan theina ding program le installation zo ning a tih tiin a hril bawk.
Pasal pakhat kap hliem
CCPUR: June 20, 2016 zan dar 8:00 PM vel khan tu ti hrietlo ralthuom chawi han Molnom khuoa Mr Paothang Haokip @ MP Haokip (32) s/o Limsei Haokip of Molnom chu silaiin an kap a, a hliem leiin District Hospital panpui a ni a, sienkhawm Doctor han Imphal panpui dinga an referred angin Imphal panpui a nih. Hi thua hin Police chun FIR No. 31 (6) 2016 CCPPS U/s 307/326/34 IPC & 25 (1C) A.Act an registered.
Mr Paothang Haokip hi tulai hnaia kha UKLF in an pawla inthawka an hnawtdawk niin ei thu dawngna chun a hril. Iengleia kap hliem am ti chieng taka hrietna ei neinaw a, sienkhawm UKLF a inthawk ban a ni hnunga Pawl hotu hai hrilsietna chanchinbu haia an suo leia thaw ni dinga ring a nih. Chanchinbua ama Paothang Haokip in thu an suo a ruok chun nundan pangngai hmang a nuom ta leia inbanna pea ama le ama inban niin an hril.
HSA Muolvaiphei Unit thuoitu thar hai
CCPUR: HSA Muolvaiphei Unit inthlangna June 20, 2016 zan dar 7:30 pm khan Muolvaiphei Youth Club Hall ah nei a ni a, kum 2016’18 a thuoitu dingin President John William Ruolngul, Vice Presdent David Lalmalsawm, Secretary Michael Lalhmingthang, Asst. Secy.Francis Lalhmangaizam, Finance Secy. Rebecca Laltlanzo le Treasurer dingin Jennifer Ruolngul hai thlang an nih. Inthlangna hi HSA JHQ, CCPur in a nei pui a nih. Hmabakah Rengkai, Saikot, Sielmat haiah HSA thuoitu ding thlangna nei nawk pei ning a tih tiin HSA JHQ, CCPur thuoituhai chun an hril.
Financial Literacy Awareness camp
CCPUR: State Bank of India, Lead Bank office, CCPur, Thoubal le Chandel hai thangruola huoihawtnain June 22, 2016, 2:00PM khin YPA Vengnuam South Hall, New Lamkaah Financial Literary Awareness Camp um a tih. Resource person in Thangchinkhup Guite, AGM &DDM/NABARD/CCPur; Pauneihthang Valte, Chief manager, SBI/CCPur Branch; Thangkhogin Dousel, Branch Manager, UCO Bank/CCpur le Muanthang Guite, Branch Manager, MRB/CCPur hai thang an tih.
Nuhmei a vuok hliem
CCPUR: Md. Najir Hussain (34) s/o (L) Md. Salimudin of Keibul Mayai Leikai, Thoubal District chun June 20, 2016 zan dar 10:30 vel khan New Bazar Bus parking bul lai Ms Hatneihthieng @ Thiengnu, sister of Lalsiemlien of Lhangvem Village a vuok a, Thiengnu hi a hliem leiin District Hospitalah admit a nih tiin Police thusuok chun a hril. Hi thua hin Police chun Md Najir Hussain hi manin FIR No.2 (6) 2016 WPSCCP U/S 354/338/325 IPC an registered khum.
CCPura khawm International Day of Yoga 2016 hmang
CCPUR: Zani 8:30AM khan M. Songgel Community Hallah khawvel pumpuia hmang a ni ang bawkin International Day of Yoga, 2016 hmang a nih. Hi huna hin Chief Guest in Khaipao Haokip, Functional President in Dr. Lunkhohao Haokip le Guest of Honour in Paujathang Haokip, General Secy. M. Songgel Village Authority hai an thang.
Program hi Volunteer Union for Rural Forward & Integrity (VURFI) Wangjing SK Leikai Thoubal Dist. huoihawtnaa nei a ni a, Yoga Instructor Rishikanta inrawinain mi 100 han Yoga an nei. Yoga demonstration le exercise nei zoin Chief Guest, functional president le Guest of honour han thuhrilna hun an hmang.
Chief Guest chun PM Narendra Modi in physical, mental & spiritual health a dinga Sept. 27, 2014 nia 69th UN General Assemblya proposal a siem khawvel rambung tum tum 193 han an remtipui dungzuia UN General Assembly in June 21 hi International Yoga Day a a puong a ni thu a hril. Main Land Indiaa inthawka hung intan scheme le program hai Christian sakhuo le inkal nia mi thenkhatin an ngai chu thil indik a ni nawh tiin a hril a, Mizoram in an dodal hai CCPur hai khawmin ei lo thlawp ni awm takin Aadhar Card khawm Mizorama thenkhatin an sawisel leiin CCPur tieng khawmin ei lo thlawp ve pei niin an lang tiin a hril a, sienkhawm Mizorama khawm Aadhar tangkaina a khawhnungin an hung hriet ta a nih tiin a hril.
Yoga hi hriselna ding, temper le emotion controlna dinga tha a ni leiin mipui han a tangkaina ei hriet pha chun ei ramah inremna le muongna khawm a hung um ding a nih tiin a hril bawk. Program hmangna hi Pastor Helkhoson in tawngtainain a khar.
Silaia sumdawng nuhmei pakhat man
IMPHAL: Zani 10:30AM vel khan 7Assam Rifles le Moirang Police thangruol han silaia sumdawngtu Lamngailhing Baite (24) d/o Holkhojang Baite of Torbung village, CCPur district chu tuolsuok 9mm Pistol pakhat le a magazine pakhat leh an man a, Moirang Police stationah an peklut niin ei thu dawngna chun a hril.
Grenade pakhat a puok
IMPHAL: Zani zingkar 2:30AM vel khan G. Dhanajit Sharma (42) s/o Gourachari Sharma of Sagolbandh Ingudam Leikak In gateah Hand grenade a puok a, mihriem thi le hliem ruok chu an um nawh. Grenade puokna bula Car innghat chu a suksiet nuol. Tu pawl khawma bomb hi an sukpuok a ni thu an la puong nawh.
Chun, zanikhan Harikhakok Makhong, Imphal hmuna China siem Hand Grenade pakhat hmu a ni bawk.
TPLA Cadre man
IMPHAL: Red Shield Division hnuoia Jawalamukhi Battalion of Senapati Brigade chun June 17, 2016 khan Keithelmanbi, Senapati districtah Thadou Peoples Liberation Army (TPLA) cadre pakhat an man niin PIB Defence, Imphal thusuok chun a hril. Thu indawnna nei hunah Motbung Areaa finance incharge chel, SS CO Helal @ Rocky Lhouvum of TPLA hnuoia sinthaw a ni thu le Sadar Hills huop sunga Govt. officials/businessman hai kuoma sum ngen dinga hung a ni thu an puong niin ei thu dawngna chun a hril.
Manipura khawm Intl. Yoga Day
IMPHAL: Zanikhan Manipur hmun hran hranah International Yoga Day hmang ve a nih. State Ayush Society, Manipur le Manipur State Yoga Association hai thangruolin Khunthokkhanbi Community Hallah Yoga Day hi hmang a ni a, Health & Family Welfare and AYUSH minister D. Korungthang khuollienin a thang. IGAR (S) huoihawtnain Khuman Lampak Stadiumah Yoga Day hi hmang a ni bawk. Assam Rifles, BSF, CRPF le CISF hai an thang. Yoga Day hi Maj. Gen. V.S. Sreenivas, VSM, IGAR(S) in a hmangpui.
Press conducted Tour in mi 12
IMPHAL: DIPR huoihawtna hnuoia Press Conducted Tour in mi 12 hai chun June 19, 2016 khan Imphal an suoksan a, Chennai chen tlung an ta, June 29, 2016 khin Imphal an hungtlung nawk beisei a nih. Hi tour a thang hai laia mi 10 hai chu Chanchinbumi le midang 2 hai chu DIPR staff an nih.
Application Form lak thei a nih
IMPHAL: Academic Session, 201617 inkar sunga BV.Sc & AH Course inchuk dinghai thlangsuokna dinga All India PreVeterinary Test (AIPUT) result chu puonglang a ni ta a, result hi aipvt.vci.nic.in ah hmu thei a nih. College of Agricultural University (CAU), Iroisemba hnuoia College of Vety Sc & AH, Selesih Aizawl le Veterinary Science College, Khanapara, Assam hnuoia BVSc & AH course inchuk dinga AIPUT a hlawtlingna chang hai ta dingin Application Form chu Directorate office, Sanjenthong, Imphalah lak thei a ni ta tiin Director, Vety & AH Services, Manipur chun inhriettirna a siem.
Yoga insar lien peina dinga sin thaw tha bikhai kuomah lawmman pek ning an tih: Narendra Modi
CHANDIGARH: Zanikhan khawvel pumpuiah International Yoga Day a vawihnina hmang a nih. Tu kuma International Yoga Day thupui chu “Connect the Youth” ti a nih. New York khawpuia UN Office a khawm UN Secretary General Ban Ki Monn inrawinaa hmang a nih. Yoga hin mihriem hai inkarah inlunginsietna le inhmangaituona an tlun thei bakah mihriem nundan a thununin a siemtha thei a nih tiin Ban Ki Moon chun hi huna thu a hrilnaah a hrillang. Internatinal Yoga Day hi India ram state le Union Territory tin haia khawm uluk taka hmang a nih. Rashtrapathi Bhavan, New Delhi a chun President Pranab Mukherjee inrawina hnuoia hmang a nih.
India PM Narendra Modi chun International Yoga Day hi zanikhan Capitol Complex, Chandigarhah a hmangpui a, Yoga thawnaah mi 30,000 vel an thang. Hi huna hin Punjab & Haryana Governor Kapton Singh Solanki, Punjab CM Parkash Singh Badal, Haryana CM Manohar Lal Khatar, Union AYUSH minister Shirpad Nayak, Union Social Justice & Empowerment minister Vijay Sampla le Chandigarh MP Kirron hai khawm an thang ve.
Yoga hi sum seng tul der lova mihriem ta dinga hriselna, hratna le thathona pe theitu; inremna, muongna le inlaichinna tha siem theitu, mihriem lungril a tha zawnga thunun theitu, mihriem hringnunah discipline tha pe theitu, thlier bik nei lo, sakhuona thil le inzawmna nei lo, Pathien ringtu le ringnawhai ta dinga tha ve ve, thluok le ngaituona tha le fim pe theitu le science a nih tiin zanita Chandigarh hmuna International Yoga Day hmangna huna PM Narendra Modi in a hril.
Yoga indar lien peina dinga sin thaw tha bikhai kuomah lawmman le chawimawina pek ning an tih. Lawmman hi chi hnia the ning a ta, pakhat chu National level a pek ning a ta, pakhat dang chu international level a pek ning a tih. Lawmman hi kumthara International Yoga Day hmang huna sem ning a tih. Yoga hi khawvel pumpuia cheng mihriem hai dit le mamaw a nih. Zunthlum natna invawihai ta ding khawmin a tha. Yoga hi a that leiin mihai dit a hlaw a, inchuktirtu ding mamaw a ni a, India chun Yoga hi mi thenkhat ta dingin sin hmuna le thenkhat ta ding chun sum lamdawkna a ni ta tiin Modi chun a hril bawk.
Saphu Kawr kg. 60 leh man
AIZAWL: Zani hmasa khan Mizoram Police han Selingah Lalpianga of Zokhawthar chu Saphu kawr kg. 60 leh an man a, Forest Department kutah an inhlan. Mana um Saphu kawr hi Rs. 9,00,000/ manhu vel nia hril a nih.
Potassium Bromate hmang a khap
NEW DELHI: Sawrkar thlungpui chun fak ding vawngthatna potassium bromate hmang a khap (ban). Thla hmasa khan Food Safety and Standards Authority of India (FSSAI) chun, fak ding thil vawngthatna dinga hmang phal thil (permissible food additives) hai laia potassium bromate inthangsatir ta lo dingin a recommended a, hi dungzuia sawrkarin potassium bromate hi a hung ban a nih. Study thawtu hai chun prepackaged breads le buns hmu theia um brands haia 84 percent haiah hriselna tawkpawi thei ding potassium bromate le potassium iodate an hmu (tested positive) a nih. Hieng food additives pahni hai hi khawvel rambung tum tum haia chun hriselna ta dinga pawi tawk thei a ni leiin an ban (khap) ta a nih.
FSSAI CEO Pawan Kumar Agarwal chun, Potassium bromate hi ban a ni a, hi thua notification khawm insuo a ni tah tiin a hril. Potassium iodate ruok chu scientifice panel kuoma referred a nih tiin a hril. All India Bread Manufacturers Association chun, CSE report in national capitala breads zawra um a tamlem haiah cancer intlun thei chemicals a um nia an hril chu enfel a, sukfie dingin FSSAI a ngen.
Rs. 340 crores seng inchawitir an ni el thei
CHANDIGARH: February, 2016a Jat hnam han reservation an ngenna leia nuorna le helna an nei huna public le public property an suksiet hai siemthatna dingin Haryanaa MLAs 90 le Lok Sabha MPs 10 hai chu Rs. 340 crores seng inchawitir an ni el thei. Jat hnam hai helna kha Law makers han an sin an thaw naw leia tlung a nih tiin thil suksieta um neitu tuolsung mi han hekna an siem a, Court chun hi thu hi ngaituoin lawmakers hai chu Court in a ko bakah July 24, 2016 chena dawnna pe dingin Court chun an hriettir. Court in a ko hai lai hin Haryana CM Manohar Lal Khattar le Union minister of state pahni Krishan Pal Gujjar le Rao Inderjit Singh hai khawm an thang. Jat hnam hai nuor huna thil suksieta um kha Rs. 34,000 crore manhu vel nia hisap a nih.
Rickshaw Driver ringum
MUMBAI: Kristien hai chengna rama tlung ngai zen zen lo hi ringnawtu hai lai a tlung nawk rawp hlak. Kum 24a upa Rickshaw Driver Guddu Gupta chun June 18, 2016 khan a mi phur (passenger) hai bag theinghil, a sunga Rs. 3,000, rangkachak incheina, bank documents le insurance papers hai umna a hmu a. Darkar hni sung zet rickshaw khala bag neitu hai a zawng hnunga hmuin a neitu nupa tuok Mukhtar Ahmed Idrisi le a nuhmei hai kuoma a pekkir nawk.
Class X Exam a vawi 47 fail tah
JAIPUR: Rajasthana pasal putar kum 82 mi Shiv Sharan chu tukum Rajasthan Board hnuoia Class X Exama khan a vawi 47na dingin Class X a exam nawk a, sienkhawm a la fail nawk. A fail ringawt khawm ni lovin subject tinah a fail vawng a nih. Mr Shiv Sharan hin kum 1969 khan Class X a exam tan a, a la dam sung chun Class X exama hin la thang nawk pei a tum thu a hril.
Afghan a bomb puoka thi hai lai India mi 2
KABUL: Zani hmasaa Taliban helpawl han Kabul khawpuia foreign security guards hai chuongna minibus thichil bomb hmanga an bei huna mi 25 thi hai lai India mi 2 an thang. India mi 2 hai chu Dehradun mi ve ve Ganesh Thapa le Govind Singh hai an nih tiin ExternalAffairs Ministry spokesperson Vikas Swarup chun a hril a, an ruong India ram tieng hung phur dinga hma lak mek a nih tiin a hril. Thichil bomb puoka thi midang hai chu Nepalese security Guards an nih.
VAWISUN THUPUI
Thu thanaw hrim in bauah suok naw sienla, a tul zie ang peia siem tha dingin thu tha suok lem raw se, a ngaituhai dingin lunginsietna a hung ni theina dingin.~ Ephesi 4:28
Editorial: Ei thanghar a hun
Ei hril rawp ta hlak angin Zohnathlakhai hi tienlaia inthawk ta khan thabo hnam ei ni naw a, hnam taima, hnam ringum le indik ei nih. Ei thlatu, ei pi le puhai kha an taima leia intodel khip khapa lo khawsa hlak an nih. Tlangram lo neia fak zawng hlak an ni a. A sur a sa hril lovin nitin Nisa suok zuiin lova an fe a. An kum khat fakkhawp bu tharsuok hlak annih. Bu chauah an intodel naw a, an nitin mamaw dinghai kha an intodel khip khep vawng el a nih. An kum khat dai ding Ngathu, Sathu, Sahriek, Machi, hmarcha le a dang dang hai kha sungkuo tinin an nei a, ruol an inhnar naw a, pansak panthlang hai ta ban le va lawr kha an rin em em a, thil inzakum le thaw dan tha a ni nawh ti an hriet leiin sungkuo tin el khan intodel an tum a, an intodel tawl seng hlak. Bawrsawmna lei, thina lei le vangduoina lei a ninaw chun mihai sawmdawl le thangpui ngaia um kha an nuom naw a, thi rin taka an rin a nih.
Damnawna lei dam, thina lei dam, vangduoina lei dam le lo thei lo thil hai a ni ngawt naw chun an sin thaw lova in a um awl mei mei an um ngai nawh. In a um hlak hai chu damnaw, piengphunga ruolbanlo, sin thaw thei ta lo, pitar le putar hai an ni hlak. Hi lei hin sun huna chun naupang, pitar le putar ti nawhai chu khawsungah hmu ding an um meu ngai nawh. Damnaw ni si lova tlangval le nunghak in a um chu thil inzakum a ni hlak. Sin thaw pei lo, thabo tlangval le nunghak hrim hrim tukhawma makpa ding le mo dingin an dit ngai nawh. Nuhmei pasal inzawngna kawngah an fimkhur em em el. Hieng a ni lei hin tukhawm thabo an um naw a, a tlangpuiin mi taima le sin thaw thiem em em el an ni tawl.
Ei pi le puhai huna khan chu tulai ang em em hin rukru, tuolthat, uire, nuhmei suollui, thabo, mi hlem hmang, khel hril thiem le mihai thangpuina beiseia inlap rak ti hai kha a um ngai nawh. Mihai thangpui le sawmdawl dinga umkha an tum nawh. Suolna khawm tulai anga hril ding le hriet ding a um ngai nawh. Hienghai lei hin ei pi le pu hai nun dan kha an hawi a, tulai nek hman hin an hlim thei a, an hrisel a, dam khawm an dam sawt lem niin an lang. Natna hri khawm tulai ang em em hin a tam naw ning a tih. Dumkhu hawp, dumhmuom hmuom le tuibur hawpa hmuom hlak mi lo nihai sienkhawm an taima a, an thlan a suok zing lei khan an hriselna khawm a tawksiet bek bek naw a lo ni el thei. Tulaia thangthar le thalai hai hi chu thlan suokna khawpa sinthaw le insawizawi ei peinaw lei mani ding mi hrisel lo hi ei tam deu deu a, natna tibaium tak tak ei invawi tawl el ta hi! Chik taka ngaituo a hun.
Thiemna le varna hai a hung insang pei a. Pi le pu hai hun le tulai hun tekhi chi an ta nawh ei ti el thei. Ni e, tienlai hun le ei tulai hun chu tekhi chi an ta nawh. Amiruokchu, thiemna le varna an sang ang peia, ei khawsak dan, ei sin thaw le thil thaw dan hai ei tulai hun tawng ang dungzuia her danglam a, thil thaw ding ei nih. Hieng laizing hin ei pi le puhai taimakna, ringumna, indikna, intodelna le ching dan tha hai kha entawn ei tiu. Ei lo hril ta hlak angin thangtharhai hi ei tha a bo bik nawh. Nisienlakhawm ei taimak dan a dang a, ei taimak dan an dik tanawh. Hi lei tak hin thangtharhai, a bik takin naupang, tleirawl, nunghak le tlangval hai thanghar ei tiu. Ei taimak dan an dik phawt chun thangthar huna hin chu sungkuo tin el hi kum khat fakkhawp chau ni lovin hausa thei ding huna um ei ni tah. Ei taimakna an dik chun sungkuo intodel thei ding seng ei nih. Thangtharhai ta dingin thanghar a hun a, insiem that hun a nih.
Ei ngaituona ei hang suklien a, thil um dan ei hang sui chet chet chun thangtharhai hi ei taima tawk ta naw a, ei uong taluo deu an ta naw mani ti theiin a um. Ram changkanga inzin hlak le thawkna chen nei khawm ei thahnem thawkkhat ta hle. Ram changkanga inzin hlak hai le thawkna neihai mi hril dan le ei rama thangthar, a bikin tleirawl le thalaihai um dan chu an letling a nih. Ram changkanga chun sin inhnuoi ti an nei nawh. thaw ding um um thaw rin an nei naw a, an thaw nuom vawng. Taimakna, mani le mani intodel an ngaisang a, sawrkar sin nekin lo le huon nei an ngaisang lem bawk niin an hril. Chun, mani thawsuok ni lova inchei le thil nei an nuom naw niin an hril bawk.
Ei ni rawi ruok chu mani sum hmusuok sa ni lo, nu le pahai sum hmusuok sa hmanga sil le bil nei ei rin der naw a, inzakna le inphalamna chang ei hriet nawh. Chu nek chun branded ngat ei ngen tawl a ni hi! Mani inchawk ni lo, nu le pa inchawk peksa motor khal khawm an nuom der nawh an ti bawk. Ei ni rawi ruok hi chu mani sum le pai nei bak le mani nina phak baka inchei nuom le ngam ei nih. Sin chin le sin hnuoihnung ti thlier hranna le thaw nuom nawna lungril ei put hi mi uong hnam hai ei nina an naw ding maw? Ram changkanga chun Chanchinbu sem hi sin inza um le thain an ngai a. Ei ni lai ruok hin chu ei hmusit a, ei inzapui a ni hi! Ei ngaidan hi a mak a, an dik naw bawk. Hieng a ni lei hin thalai le tleirawl hai hi thanghar a, ei insiemthat a tul takzet a nih. Ei khawnghat ei suklien a tul a nih.
CCPUR: Mr T. Goukhomang, ZEO/CCPur chun zani zantieng 1:00PM khan Vimala Raina H/S le Gandhi Memorial H/S haiah ‘Reading Corner’ a hawng. SSA/CCPur hnuoia Innovation fethlenga Reading Corner hawngna ding fund hung pek dungzuia hi thil hi thaw a nih tiin a hril a, hi Reading Corner fethlenga student han lekha tiem an hung inhnik theina dinga school han tha taka an enkawl chun sawrkarin a hung upgrade thei thu a hril.
ZEO staff Ms Nemzalhai chun March, 2016 a SSA hnuoia 201516 a dinga Innovation fethlenga fund tlawmte hung hai hmanga Vimala Raina H/S le Gandhi Memorial H/S haiah Reading Corner hawng theia um a ni thu hrilin, Publishers tum tum hai siem lekhabu tum tum 150 vel student hai tiem le en thei dinga sie a nih tiin a hril.
Digital Literacy program a fe mek
CCPUR: Kum 2015a Prime Minister Narendra Modi in Digital India Mission a hawng le inzawmin Digital India thua campaign a fe mek a. Hi le inzawm hin National Digital Literacy Mission hnuoiah private le Govt. Schools haia Schools 232 –ah Digital Literacy program fepui mek a nih tiin Dr Anirban Chaudhury, Project Head (Pan India) chun Chanchinbumihai kuoma a hril. Digital Literacy program hi Digital India Mission sukpuitlingna dinga program le mission pakhat a ni a, kum 2020 chena India mipui han Online LPG Booking etc. an thaw theina ding kalbi pawimaw pakhat a nih tiin a hril.
Tulaia manual LPG booking ei thaw khawm hi nakie chu online a thaw thei hung ni ding a ni a, chu le inzawma awareness le campaign hi thaw a nih. Tuta inthawk sawtnawte hnungah CCPur district sunga Private le Govt. School haiah Digital Literacy tan theina ding program le installation zo ning a tih tiin a hril bawk.
Pasal pakhat kap hliem
CCPUR: June 20, 2016 zan dar 8:00 PM vel khan tu ti hrietlo ralthuom chawi han Molnom khuoa Mr Paothang Haokip @ MP Haokip (32) s/o Limsei Haokip of Molnom chu silaiin an kap a, a hliem leiin District Hospital panpui a ni a, sienkhawm Doctor han Imphal panpui dinga an referred angin Imphal panpui a nih. Hi thua hin Police chun FIR No. 31 (6) 2016 CCPPS U/s 307/326/34 IPC & 25 (1C) A.Act an registered.
Mr Paothang Haokip hi tulai hnaia kha UKLF in an pawla inthawka an hnawtdawk niin ei thu dawngna chun a hril. Iengleia kap hliem am ti chieng taka hrietna ei neinaw a, sienkhawm UKLF a inthawk ban a ni hnunga Pawl hotu hai hrilsietna chanchinbu haia an suo leia thaw ni dinga ring a nih. Chanchinbua ama Paothang Haokip in thu an suo a ruok chun nundan pangngai hmang a nuom ta leia inbanna pea ama le ama inban niin an hril.
HSA Muolvaiphei Unit thuoitu thar hai
CCPUR: HSA Muolvaiphei Unit inthlangna June 20, 2016 zan dar 7:30 pm khan Muolvaiphei Youth Club Hall ah nei a ni a, kum 2016’18 a thuoitu dingin President John William Ruolngul, Vice Presdent David Lalmalsawm, Secretary Michael Lalhmingthang, Asst. Secy.Francis Lalhmangaizam, Finance Secy. Rebecca Laltlanzo le Treasurer dingin Jennifer Ruolngul hai thlang an nih. Inthlangna hi HSA JHQ, CCPur in a nei pui a nih. Hmabakah Rengkai, Saikot, Sielmat haiah HSA thuoitu ding thlangna nei nawk pei ning a tih tiin HSA JHQ, CCPur thuoituhai chun an hril.
Financial Literacy Awareness camp
CCPUR: State Bank of India, Lead Bank office, CCPur, Thoubal le Chandel hai thangruola huoihawtnain June 22, 2016, 2:00PM khin YPA Vengnuam South Hall, New Lamkaah Financial Literary Awareness Camp um a tih. Resource person in Thangchinkhup Guite, AGM &DDM/NABARD/CCPur; Pauneihthang Valte, Chief manager, SBI/CCPur Branch; Thangkhogin Dousel, Branch Manager, UCO Bank/CCpur le Muanthang Guite, Branch Manager, MRB/CCPur hai thang an tih.
Nuhmei a vuok hliem
CCPUR: Md. Najir Hussain (34) s/o (L) Md. Salimudin of Keibul Mayai Leikai, Thoubal District chun June 20, 2016 zan dar 10:30 vel khan New Bazar Bus parking bul lai Ms Hatneihthieng @ Thiengnu, sister of Lalsiemlien of Lhangvem Village a vuok a, Thiengnu hi a hliem leiin District Hospitalah admit a nih tiin Police thusuok chun a hril. Hi thua hin Police chun Md Najir Hussain hi manin FIR No.2 (6) 2016 WPSCCP U/S 354/338/325 IPC an registered khum.
CCPura khawm International Day of Yoga 2016 hmang
CCPUR: Zani 8:30AM khan M. Songgel Community Hallah khawvel pumpuia hmang a ni ang bawkin International Day of Yoga, 2016 hmang a nih. Hi huna hin Chief Guest in Khaipao Haokip, Functional President in Dr. Lunkhohao Haokip le Guest of Honour in Paujathang Haokip, General Secy. M. Songgel Village Authority hai an thang.
Program hi Volunteer Union for Rural Forward & Integrity (VURFI) Wangjing SK Leikai Thoubal Dist. huoihawtnaa nei a ni a, Yoga Instructor Rishikanta inrawinain mi 100 han Yoga an nei. Yoga demonstration le exercise nei zoin Chief Guest, functional president le Guest of honour han thuhrilna hun an hmang.
Chief Guest chun PM Narendra Modi in physical, mental & spiritual health a dinga Sept. 27, 2014 nia 69th UN General Assemblya proposal a siem khawvel rambung tum tum 193 han an remtipui dungzuia UN General Assembly in June 21 hi International Yoga Day a a puong a ni thu a hril. Main Land Indiaa inthawka hung intan scheme le program hai Christian sakhuo le inkal nia mi thenkhatin an ngai chu thil indik a ni nawh tiin a hril a, Mizoram in an dodal hai CCPur hai khawmin ei lo thlawp ni awm takin Aadhar Card khawm Mizorama thenkhatin an sawisel leiin CCPur tieng khawmin ei lo thlawp ve pei niin an lang tiin a hril a, sienkhawm Mizorama khawm Aadhar tangkaina a khawhnungin an hung hriet ta a nih tiin a hril.
Yoga hi hriselna ding, temper le emotion controlna dinga tha a ni leiin mipui han a tangkaina ei hriet pha chun ei ramah inremna le muongna khawm a hung um ding a nih tiin a hril bawk. Program hmangna hi Pastor Helkhoson in tawngtainain a khar.
Silaia sumdawng nuhmei pakhat man
IMPHAL: Zani 10:30AM vel khan 7Assam Rifles le Moirang Police thangruol han silaia sumdawngtu Lamngailhing Baite (24) d/o Holkhojang Baite of Torbung village, CCPur district chu tuolsuok 9mm Pistol pakhat le a magazine pakhat leh an man a, Moirang Police stationah an peklut niin ei thu dawngna chun a hril.
Grenade pakhat a puok
IMPHAL: Zani zingkar 2:30AM vel khan G. Dhanajit Sharma (42) s/o Gourachari Sharma of Sagolbandh Ingudam Leikak In gateah Hand grenade a puok a, mihriem thi le hliem ruok chu an um nawh. Grenade puokna bula Car innghat chu a suksiet nuol. Tu pawl khawma bomb hi an sukpuok a ni thu an la puong nawh.
Chun, zanikhan Harikhakok Makhong, Imphal hmuna China siem Hand Grenade pakhat hmu a ni bawk.
TPLA Cadre man
IMPHAL: Red Shield Division hnuoia Jawalamukhi Battalion of Senapati Brigade chun June 17, 2016 khan Keithelmanbi, Senapati districtah Thadou Peoples Liberation Army (TPLA) cadre pakhat an man niin PIB Defence, Imphal thusuok chun a hril. Thu indawnna nei hunah Motbung Areaa finance incharge chel, SS CO Helal @ Rocky Lhouvum of TPLA hnuoia sinthaw a ni thu le Sadar Hills huop sunga Govt. officials/businessman hai kuoma sum ngen dinga hung a ni thu an puong niin ei thu dawngna chun a hril.
Manipura khawm Intl. Yoga Day
IMPHAL: Zanikhan Manipur hmun hran hranah International Yoga Day hmang ve a nih. State Ayush Society, Manipur le Manipur State Yoga Association hai thangruolin Khunthokkhanbi Community Hallah Yoga Day hi hmang a ni a, Health & Family Welfare and AYUSH minister D. Korungthang khuollienin a thang. IGAR (S) huoihawtnain Khuman Lampak Stadiumah Yoga Day hi hmang a ni bawk. Assam Rifles, BSF, CRPF le CISF hai an thang. Yoga Day hi Maj. Gen. V.S. Sreenivas, VSM, IGAR(S) in a hmangpui.
Press conducted Tour in mi 12
IMPHAL: DIPR huoihawtna hnuoia Press Conducted Tour in mi 12 hai chun June 19, 2016 khan Imphal an suoksan a, Chennai chen tlung an ta, June 29, 2016 khin Imphal an hungtlung nawk beisei a nih. Hi tour a thang hai laia mi 10 hai chu Chanchinbumi le midang 2 hai chu DIPR staff an nih.
Application Form lak thei a nih
IMPHAL: Academic Session, 201617 inkar sunga BV.Sc & AH Course inchuk dinghai thlangsuokna dinga All India PreVeterinary Test (AIPUT) result chu puonglang a ni ta a, result hi aipvt.vci.nic.in ah hmu thei a nih. College of Agricultural University (CAU), Iroisemba hnuoia College of Vety Sc & AH, Selesih Aizawl le Veterinary Science College, Khanapara, Assam hnuoia BVSc & AH course inchuk dinga AIPUT a hlawtlingna chang hai ta dingin Application Form chu Directorate office, Sanjenthong, Imphalah lak thei a ni ta tiin Director, Vety & AH Services, Manipur chun inhriettirna a siem.
Yoga insar lien peina dinga sin thaw tha bikhai kuomah lawmman pek ning an tih: Narendra Modi
CHANDIGARH: Zanikhan khawvel pumpuiah International Yoga Day a vawihnina hmang a nih. Tu kuma International Yoga Day thupui chu “Connect the Youth” ti a nih. New York khawpuia UN Office a khawm UN Secretary General Ban Ki Monn inrawinaa hmang a nih. Yoga hin mihriem hai inkarah inlunginsietna le inhmangaituona an tlun thei bakah mihriem nundan a thununin a siemtha thei a nih tiin Ban Ki Moon chun hi huna thu a hrilnaah a hrillang. Internatinal Yoga Day hi India ram state le Union Territory tin haia khawm uluk taka hmang a nih. Rashtrapathi Bhavan, New Delhi a chun President Pranab Mukherjee inrawina hnuoia hmang a nih.
India PM Narendra Modi chun International Yoga Day hi zanikhan Capitol Complex, Chandigarhah a hmangpui a, Yoga thawnaah mi 30,000 vel an thang. Hi huna hin Punjab & Haryana Governor Kapton Singh Solanki, Punjab CM Parkash Singh Badal, Haryana CM Manohar Lal Khatar, Union AYUSH minister Shirpad Nayak, Union Social Justice & Empowerment minister Vijay Sampla le Chandigarh MP Kirron hai khawm an thang ve.
Yoga hi sum seng tul der lova mihriem ta dinga hriselna, hratna le thathona pe theitu; inremna, muongna le inlaichinna tha siem theitu, mihriem lungril a tha zawnga thunun theitu, mihriem hringnunah discipline tha pe theitu, thlier bik nei lo, sakhuona thil le inzawmna nei lo, Pathien ringtu le ringnawhai ta dinga tha ve ve, thluok le ngaituona tha le fim pe theitu le science a nih tiin zanita Chandigarh hmuna International Yoga Day hmangna huna PM Narendra Modi in a hril.
Yoga indar lien peina dinga sin thaw tha bikhai kuomah lawmman le chawimawina pek ning an tih. Lawmman hi chi hnia the ning a ta, pakhat chu National level a pek ning a ta, pakhat dang chu international level a pek ning a tih. Lawmman hi kumthara International Yoga Day hmang huna sem ning a tih. Yoga hi khawvel pumpuia cheng mihriem hai dit le mamaw a nih. Zunthlum natna invawihai ta ding khawmin a tha. Yoga hi a that leiin mihai dit a hlaw a, inchuktirtu ding mamaw a ni a, India chun Yoga hi mi thenkhat ta dingin sin hmuna le thenkhat ta ding chun sum lamdawkna a ni ta tiin Modi chun a hril bawk.
Saphu Kawr kg. 60 leh man
AIZAWL: Zani hmasa khan Mizoram Police han Selingah Lalpianga of Zokhawthar chu Saphu kawr kg. 60 leh an man a, Forest Department kutah an inhlan. Mana um Saphu kawr hi Rs. 9,00,000/ manhu vel nia hril a nih.
Potassium Bromate hmang a khap
NEW DELHI: Sawrkar thlungpui chun fak ding vawngthatna potassium bromate hmang a khap (ban). Thla hmasa khan Food Safety and Standards Authority of India (FSSAI) chun, fak ding thil vawngthatna dinga hmang phal thil (permissible food additives) hai laia potassium bromate inthangsatir ta lo dingin a recommended a, hi dungzuia sawrkarin potassium bromate hi a hung ban a nih. Study thawtu hai chun prepackaged breads le buns hmu theia um brands haia 84 percent haiah hriselna tawkpawi thei ding potassium bromate le potassium iodate an hmu (tested positive) a nih. Hieng food additives pahni hai hi khawvel rambung tum tum haia chun hriselna ta dinga pawi tawk thei a ni leiin an ban (khap) ta a nih.
FSSAI CEO Pawan Kumar Agarwal chun, Potassium bromate hi ban a ni a, hi thua notification khawm insuo a ni tah tiin a hril. Potassium iodate ruok chu scientifice panel kuoma referred a nih tiin a hril. All India Bread Manufacturers Association chun, CSE report in national capitala breads zawra um a tamlem haiah cancer intlun thei chemicals a um nia an hril chu enfel a, sukfie dingin FSSAI a ngen.
Rs. 340 crores seng inchawitir an ni el thei
CHANDIGARH: February, 2016a Jat hnam han reservation an ngenna leia nuorna le helna an nei huna public le public property an suksiet hai siemthatna dingin Haryanaa MLAs 90 le Lok Sabha MPs 10 hai chu Rs. 340 crores seng inchawitir an ni el thei. Jat hnam hai helna kha Law makers han an sin an thaw naw leia tlung a nih tiin thil suksieta um neitu tuolsung mi han hekna an siem a, Court chun hi thu hi ngaituoin lawmakers hai chu Court in a ko bakah July 24, 2016 chena dawnna pe dingin Court chun an hriettir. Court in a ko hai lai hin Haryana CM Manohar Lal Khattar le Union minister of state pahni Krishan Pal Gujjar le Rao Inderjit Singh hai khawm an thang. Jat hnam hai nuor huna thil suksieta um kha Rs. 34,000 crore manhu vel nia hisap a nih.
Rickshaw Driver ringum
MUMBAI: Kristien hai chengna rama tlung ngai zen zen lo hi ringnawtu hai lai a tlung nawk rawp hlak. Kum 24a upa Rickshaw Driver Guddu Gupta chun June 18, 2016 khan a mi phur (passenger) hai bag theinghil, a sunga Rs. 3,000, rangkachak incheina, bank documents le insurance papers hai umna a hmu a. Darkar hni sung zet rickshaw khala bag neitu hai a zawng hnunga hmuin a neitu nupa tuok Mukhtar Ahmed Idrisi le a nuhmei hai kuoma a pekkir nawk.
Class X Exam a vawi 47 fail tah
JAIPUR: Rajasthana pasal putar kum 82 mi Shiv Sharan chu tukum Rajasthan Board hnuoia Class X Exama khan a vawi 47na dingin Class X a exam nawk a, sienkhawm a la fail nawk. A fail ringawt khawm ni lovin subject tinah a fail vawng a nih. Mr Shiv Sharan hin kum 1969 khan Class X a exam tan a, a la dam sung chun Class X exama hin la thang nawk pei a tum thu a hril.
Afghan a bomb puoka thi hai lai India mi 2
KABUL: Zani hmasaa Taliban helpawl han Kabul khawpuia foreign security guards hai chuongna minibus thichil bomb hmanga an bei huna mi 25 thi hai lai India mi 2 an thang. India mi 2 hai chu Dehradun mi ve ve Ganesh Thapa le Govind Singh hai an nih tiin ExternalAffairs Ministry spokesperson Vikas Swarup chun a hril a, an ruong India ram tieng hung phur dinga hma lak mek a nih tiin a hril. Thichil bomb puoka thi midang hai chu Nepalese security Guards an nih.
VAWISUN THUPUI
Thu thanaw hrim in bauah suok naw sienla, a tul zie ang peia siem tha dingin thu tha suok lem raw se, a ngaituhai dingin lunginsietna a hung ni theina dingin.~ Ephesi 4:28
Editorial: Ei thanghar a hun
Ei hril rawp ta hlak angin Zohnathlakhai hi tienlaia inthawk ta khan thabo hnam ei ni naw a, hnam taima, hnam ringum le indik ei nih. Ei thlatu, ei pi le puhai kha an taima leia intodel khip khapa lo khawsa hlak an nih. Tlangram lo neia fak zawng hlak an ni a. A sur a sa hril lovin nitin Nisa suok zuiin lova an fe a. An kum khat fakkhawp bu tharsuok hlak annih. Bu chauah an intodel naw a, an nitin mamaw dinghai kha an intodel khip khep vawng el a nih. An kum khat dai ding Ngathu, Sathu, Sahriek, Machi, hmarcha le a dang dang hai kha sungkuo tinin an nei a, ruol an inhnar naw a, pansak panthlang hai ta ban le va lawr kha an rin em em a, thil inzakum le thaw dan tha a ni nawh ti an hriet leiin sungkuo tin el khan intodel an tum a, an intodel tawl seng hlak. Bawrsawmna lei, thina lei le vangduoina lei a ninaw chun mihai sawmdawl le thangpui ngaia um kha an nuom naw a, thi rin taka an rin a nih.
Damnawna lei dam, thina lei dam, vangduoina lei dam le lo thei lo thil hai a ni ngawt naw chun an sin thaw lova in a um awl mei mei an um ngai nawh. In a um hlak hai chu damnaw, piengphunga ruolbanlo, sin thaw thei ta lo, pitar le putar hai an ni hlak. Hi lei hin sun huna chun naupang, pitar le putar ti nawhai chu khawsungah hmu ding an um meu ngai nawh. Damnaw ni si lova tlangval le nunghak in a um chu thil inzakum a ni hlak. Sin thaw pei lo, thabo tlangval le nunghak hrim hrim tukhawma makpa ding le mo dingin an dit ngai nawh. Nuhmei pasal inzawngna kawngah an fimkhur em em el. Hieng a ni lei hin tukhawm thabo an um naw a, a tlangpuiin mi taima le sin thaw thiem em em el an ni tawl.
Ei pi le puhai huna khan chu tulai ang em em hin rukru, tuolthat, uire, nuhmei suollui, thabo, mi hlem hmang, khel hril thiem le mihai thangpuina beiseia inlap rak ti hai kha a um ngai nawh. Mihai thangpui le sawmdawl dinga umkha an tum nawh. Suolna khawm tulai anga hril ding le hriet ding a um ngai nawh. Hienghai lei hin ei pi le pu hai nun dan kha an hawi a, tulai nek hman hin an hlim thei a, an hrisel a, dam khawm an dam sawt lem niin an lang. Natna hri khawm tulai ang em em hin a tam naw ning a tih. Dumkhu hawp, dumhmuom hmuom le tuibur hawpa hmuom hlak mi lo nihai sienkhawm an taima a, an thlan a suok zing lei khan an hriselna khawm a tawksiet bek bek naw a lo ni el thei. Tulaia thangthar le thalai hai hi chu thlan suokna khawpa sinthaw le insawizawi ei peinaw lei mani ding mi hrisel lo hi ei tam deu deu a, natna tibaium tak tak ei invawi tawl el ta hi! Chik taka ngaituo a hun.
Thiemna le varna hai a hung insang pei a. Pi le pu hai hun le tulai hun tekhi chi an ta nawh ei ti el thei. Ni e, tienlai hun le ei tulai hun chu tekhi chi an ta nawh. Amiruokchu, thiemna le varna an sang ang peia, ei khawsak dan, ei sin thaw le thil thaw dan hai ei tulai hun tawng ang dungzuia her danglam a, thil thaw ding ei nih. Hieng laizing hin ei pi le puhai taimakna, ringumna, indikna, intodelna le ching dan tha hai kha entawn ei tiu. Ei lo hril ta hlak angin thangtharhai hi ei tha a bo bik nawh. Nisienlakhawm ei taimak dan a dang a, ei taimak dan an dik tanawh. Hi lei tak hin thangtharhai, a bik takin naupang, tleirawl, nunghak le tlangval hai thanghar ei tiu. Ei taimak dan an dik phawt chun thangthar huna hin chu sungkuo tin el hi kum khat fakkhawp chau ni lovin hausa thei ding huna um ei ni tah. Ei taimakna an dik chun sungkuo intodel thei ding seng ei nih. Thangtharhai ta dingin thanghar a hun a, insiem that hun a nih.
Ei ngaituona ei hang suklien a, thil um dan ei hang sui chet chet chun thangtharhai hi ei taima tawk ta naw a, ei uong taluo deu an ta naw mani ti theiin a um. Ram changkanga inzin hlak le thawkna chen nei khawm ei thahnem thawkkhat ta hle. Ram changkanga inzin hlak hai le thawkna neihai mi hril dan le ei rama thangthar, a bikin tleirawl le thalaihai um dan chu an letling a nih. Ram changkanga chun sin inhnuoi ti an nei nawh. thaw ding um um thaw rin an nei naw a, an thaw nuom vawng. Taimakna, mani le mani intodel an ngaisang a, sawrkar sin nekin lo le huon nei an ngaisang lem bawk niin an hril. Chun, mani thawsuok ni lova inchei le thil nei an nuom naw niin an hril bawk.
Ei ni rawi ruok chu mani sum hmusuok sa ni lo, nu le pahai sum hmusuok sa hmanga sil le bil nei ei rin der naw a, inzakna le inphalamna chang ei hriet nawh. Chu nek chun branded ngat ei ngen tawl a ni hi! Mani inchawk ni lo, nu le pa inchawk peksa motor khal khawm an nuom der nawh an ti bawk. Ei ni rawi ruok hi chu mani sum le pai nei bak le mani nina phak baka inchei nuom le ngam ei nih. Sin chin le sin hnuoihnung ti thlier hranna le thaw nuom nawna lungril ei put hi mi uong hnam hai ei nina an naw ding maw? Ram changkanga chun Chanchinbu sem hi sin inza um le thain an ngai a. Ei ni lai ruok hin chu ei hmusit a, ei inzapui a ni hi! Ei ngaidan hi a mak a, an dik naw bawk. Hieng a ni lei hin thalai le tleirawl hai hi thanghar a, ei insiemthat a tul takzet a nih. Ei khawnghat ei suklien a tul a nih.
