HSA JHQ CCPur Felicitation Programme hmang
CCPUR: June 7, 2016 dar 10:30 am khan HL Daka Memorial Hall, HSA Campus, Rengkai, CCPur hmunah HSA Jt. Hqrs., CCPur huoihawtnain Felicitation Programme hmang a nih. Hi huna hin Lunminthang Haokip IAS, DC, CCPur khuollienin a thang a, T. Goukhomang ZEO, CCPur Khuol Inzaum le Pu Lalhmasawn DI, Tipaimukh, ZEO CCPur chu Khuol Chawngpuin a thang. Hmar hnam sunga School neitu, hnam le kohran thuoitu hai bakah KSO le ZSF thuoitu han an uop bawk.
Khuollien chun, nulepa haiin an nauhai an hlawtlingna dingin an thil nei popo an inhlan ngam a, varna hi Pathien hni a pawimaw, Pathienin hun remchang a mi pek seng a nih. Harsatna iengang khawm nei inla, Bible study hlak ei tiu, Pathienin ama chawimawitu hai chu a chawimawi ve hlak, in nulepa hai an lo rethei a ni khawmin Pathien ei nei a, lungngai ding a um nawh tiin a hril.
ZEO/CCPur chun competitive exama dingin nasa nawk zuola ei insingsat a tul thu; a thiem thei hai chu Bank khawmin an sponsor/loan lak thei a ni hlak thu hrilin mi hnawt phakna dingin education a pawimaw tak a nih tiin a hril
Felicitation prog. a hin Award/Memento mi 74 kuomah inhlan a ni a, Overall Toppers 4, Unit 18 a Toppers, Headmasters 14, MIL (Hmar) Teachers 13, Special Award 4, Guests 3 hai memento inhlan an ni bawk. Chun, JHQ hnuoia Unit sunga hlawtlingna changhai po po kuomah Certificates 412 vel inhlan a nih. Hlawtlingna changhai hi Rev. Dr. Lalhmuoklien Secy., HCLF in Pathien kuoma lawmthu hril tawngtai pekna a nei.
Meritorious Award le Memento dawngtuhai chu BoSEMHSLC Exam (Class 10) ah MATHEMATICS TOPPER (Hosea Laldinsang Meritorious Award) mi 3 (1) Miss Marilyn Darthangpui Sinate of Hmarveng, St.Mary’s High School, (2) Mr. E. Immanuel Buhril of Sielmat, Sielmat Christian Hr.Sec School, (3) Miss Jenny Lalremruot of Saikot, Douglas Memorial High School. SOCIAL SCIENCE TOPPER: Mr. Isak Lalrinmawia Joute of Rengkai, Young Learners School. ENGLISH TOPPER: Mr. Ronald Hmangte Kom of Rengkai, Young Learners School. SCIENCE TOPPER: Miss H. Lydia Lalnunzir of Lamka, Young Learners School. MIL (HMAR) TOPPER (Lienthasang Meritorious Award): Miss Sylvia Lalnunmawi of Saikot, Mount Carmel School. OVERALL BoSEMHSLC TOPPER: Mr. Isak Lalrinmawia Joute of Rengkai, Young Learners School le Miss Marilyn Darthangpui Sinate of Hmarveng, St.Mary’s High School hai an nih.
CoHSEMHSE (Class 12) STREAM TOPPER: SCIENCE: Miss Judith Ramtharmawi of Rengkai, Sielmat Christian Hr.Sec School. ARTS (Zothansei Meritorious Award): Miss Cindy Darthangmawi of Muolvaiphei, Sielmat Christian Hr.Sec School. COMMERCE: Mr. Fimlunthang of Saidan, V.K Tawna College. MIL (HMAR) TOPPER (Siellienthang Meritorious Award) : (1) Miss Elizabeth Darthangzuol of Saikot, Sielmat Christian Hr.Sec School; (2) Miss Nianglunching of Thingchom, VK Tawna College; (3) Mr. Thangnunmawi of Muolvaiphei, Rayburn College hai inhlan an nih.
CBSE (Class 10) Topper Miss KZ Zawlrotling St. Paul School, CCPur le CBSE (Class 12) Overall Topper Mr. Hamlet Lalringlien JNV, CCPur hai inhlan an ni bawk. (input: LRS)
HSEB,HSA hnuoia SSC Coaching zo a ni tah
CCPUR: March 7, 2016a inthawka HSEB, HSA GHQ hmalaknaa Lenruol Coaching Centre, HSA Campus, Rengkai hmuna SSC Coaching tana lo um ta chu zo a lo ni tah. Hi le inzawm hin zanikhan closing function hmang a nih. Closing ceremonya hin Students han instructor hai inzana le chawimawinain Memento mawi tak inhlanna an nei a, instructor han infuina thucha tha tak tak an inba bawk. Coaching instructora thang hai chu L Ruoivel Pangamte; Robert L Hmar; James Hmar; Jimmy Lallienmawi; Ropienglien; Lalhlimum Joute le Kenneth L Varte hai an nih.HSA member competitive exam hmasuon ding han iemani kawng beka hlawkpuina an nei beiseina leia HSEB, HSA GHQ in coaching hi a buotsai a ni a; hun tawp ah Rev. Darzeding, PO, EAC in tawngtainain hun a khar. July thlaa inthawk coaching hi tan nawk hman beisei a nih tiin ei thu dawngna chun a hril.
DTO in revenue Rs.4,81,315/
CCPUR: District Transport Office/CCPur chun May, 2016 sung khan Revenue Rs.4,81,315/ an hmu a, AprilMay, 2016 sunga Revenue an hmusuok chu Rs. 11,21,333/ a tling phak.
Chun, May, 2016 thla sung khan motor tum tum 96 registered a ni a, hi lai hin Truck 6, Van 2, Jeep 2, Car 12, Autorickshaw 4, Two wheeler 69 a thang. Chun, AprilMay, 2016 thla sunga DTO/CCPur in motor an registered chu 219 a tling phak a, hi lai hin Truck 10, Van 7, Jeep 4, Car 23, 2wheeler 161 le others 1 a thang.
Ration Card pekir mi 242
CCPUR: DC Officea Food & Civil Supply Department office, CCPurah June 7, 2016 chena National Food Security (NFSA) hnuoia Ration Card pekir (surrendered) chu mi 242 an tling tah. NFSA guidelines dungzuia hi hamthatna dawng thei ding an ninaw inhrea an nuom thua ration card hi an pekkir a nih.
June 9 chen PS Custodya um dingin
CCPUR: CJM Court chun Soithianlal (35) s/o Lalkhogou of Khousabung le a nuhmei Kimneihthem (34) of Khousabung hai chu June 9, 2016 chen Police custodya la um phawt dingin zani hmasa khan a rel. Bufai kg. 25 seng bags 50, Rs. 1,52,000/ manhu ding phura Khanpi pana an fe laia 7Assam Rifles han May 31, 2016, 11:30AM a Hengkawt khaw bula ZUF overground ni dinga ringhla leia hieng nupa hai hi an man a nih.
TRVM JHQ Lamka hawng
CCPUR: Zani 12:00noon khan YPA GHQ Conference Hall, Hiangtam Lamkaah S. Chingngaihpau, Chairman, CEC, YPA GHQ chun Tribal Rights Vigil Manipur (TRVM) JHQ Lamka a hawng. TRVM JHQ Lamka Moderator mi 6 Thangbiaklian Hangzo, Khenthang BuansingP. Muan Hangzo, Pauneihthang Valte, Lianzagou Hanghal le Muanthang hai bakah hi huna thang han innekchepna do dinga theitawp suo dingin intiemkamna an nei. TRVM GHQ hi Jantar Mantara nuorna nei le inzawma April 18, 2016 a MTFD Convenor Romeo Hmar in a hawng a ni thu Lian Suantak, Moderator, TRVM GHQ chun a hril. Corruption free Lamka (COFRELA) a um theina dingin TRVM JHQ chun 80% awareness le 20% RTI fepui a tih tiin a hril bawk.
Trial cum selection a um ding
CCPUR: TATA Trust, Mubai le partner han Germany rama Premier Collaborative Football training ding under 15 boys (1314yrs) footballer hai scout siem an tum a, hi le inzawm hin TATA Trust team chun AMFA le thangruolin June 13&14, 2016 khin Imphal, Manipurah TrailcumSelection nei an tih. CCPur districta inthawk intending player 20022003 inkar sunga pieng hai ta dingin June 9, 2016 hma ngein CDSA officeah hnina form peklu thei ning a ta, thuchieng contact no. 9856415736 ah kan thei ning a tih.
Curriculum Adaptation training zo
CCPUR: June 3, 2016 a inthawk Tuibuong Govt. Jr. H/S hnuoia Inclusive Education for Disability (IED)/CCPur huoihawtnaa “5days program on Curriculum Adaptation Training’ neia um chu zanikhan zo a ni a, traininga thang ZEO hnuoia Schools 33 le CEO hnuoia schools 24 haia teacher hai kuoma Certificate inhlan an nih.
Pass hai lawmpuina an nei
CCPUR: HYA Varparkawn & Khawpuibung (V&K) Branch chun June 6, 2016 zankhan an Branch sunga tukuma Class X le XII passed hai lawmpuina hunser anhmang. Hi huna hin Class XII passs 6 le Class X pass 5 hai kuomah lawmpuina le ditsakna thuziek inhlan an nih. Hi hun hmangna hi HSA, CCPur Jt. Hqrts thuoitu 5 hai khawmin an va uop ve. V&K HYA mi tlawmte nihai sienkhawm active takel an ni a, hlawtlingna chang hai lawmpui a, thangpui ngaihai thangpui rawp hlaktu an nih.
National Highway haiah ni 10 sung Economic Blockade thaw a ni ding
IMPHAL/CCPUR: Joint Action Committee Against AntiTribal Bills (JAC) chun zanikhan Imphaah meeting an nei. Hi meetinga hin Outer Manipur Tribal’s Forum (OMTE) Tribal apex body a Hmar Inpui, Mizo People Convention, Thadou Inpi, United Naga Council le Zomi Council hai an thang. Hi meeting a thang hai chun June 9, 2016 zanrila inthawk June 19, 2016 zanril chen, ni 10 sung Manipura Tribgal mihai chengna haiah National Highway haiah Economic Blockade thaw ding le Tribal Areas sunga National Projects um haia sin thawna hai po po inchawltir vawng dingin an rel niin JAC thusuok chun a hril.
August 31, 2015 a Manipur Assembly in Bills 3 an passed (Antitribal bills) chungchanga tribalhai hun sawt takel thaw dan tha lova thawa an um dodalna leia economic blockade le National projects sin thawna hai hi inchawltir an tum a nih. Economic Blockade le national project hai sin thaw dang tumna hai a hung hlawtling ngei theina dingin tribal hai chu tha tho taka thang lo la seng dingin JAC chun a ngen. Tribalhai thil ngen sukpuitling a ni hmakhat chu JAC chun hma lak pei a tum. Manipur phairam mihai chun AntiTribal bills 3 hai chau ni lovin tribalhai suksietna dingin thil ngen dang dang 3 an nei a, chuonghai chu Manipur Population Commission, Manipur Land Reform Commission le Scheduled Tribe listah meiteihai inthangtir dingin ngenna an siem. Hieng thil hai hi tribalhai hnuoisiena, thamnawna, suksietna le sirde tumna a nih ti tribal mipui han ei hriet a pawimaw tiin JAC thusuok chun a hril.
New Delhi a All Political Party palai fe hai lai tribal MLA thenkhat an thang chu JAC in pawi a ti thu a hril. Chun, JAC in tribal MLAhai po po a boycott laizingin June 11, 2016 ah Sangaikot Block TD office hawng dingin tribal MLA thenkhatin plan an siem a. Hi Plan hi thaw a lo ni a, buoina le harsatna a lo tlung a ni khawmin JAC le mipui han a mawphur naw nihai tiin Information & Publicity Department, JAC Against AntiTribal Bills in zanita thusuok an siema chun an zieklang.
Union Home Minister an inhmupui
IMPHAL/NEW DELHI: Manipur CM O.Ibobi Singh inrawina hnuoia Manipur All Party palaihai chun zani 11AM khan New Delhiah Union Home Minister Rajnath Singh an inhmupui a, darkar khat neka sawt Bills 3 hai chungthu an thiltlang. Hi huna hin Bills 3 hai hi Legal experts le Constitutional experts hai le la en that nawk ding; chu zova la siem that ding ti chu an inbiek dan a nih. Experthai chu hun sawtnawte hnungah Union Home Minister in meeting neipui dingin kokhawm a ta, hi hun ding hi an hmatiengin CM, Manipur hung inhriettir ding ti a nih. All party palai han zanikhan Press Release an siem a, chu taka suoi thaw le Home minister inhmupuinaa thang hai chu O.Ibobi Singh, Gaikhangam, T.N. Haokip, K. Ranjit Singh, Ksh Bhabananda Singh, Th. Biswajit Singh, Th. Shyamkumar Singh, L. Ibomcha Singh, K. Shyam Singh, M. Tombi Singh, S. Shantakumar Sharma, Manihar Goswami, O.Joy Singh, N. Sovakiran Singh, Dr M. Nara Singh, Th. Manihar Singh, Sarat Salam le Ksh Santa Singh hai an nih.
Congress in Ward 12 le BJP in 10 an lak
IMPHAL: Imphal Municipal Corporation (IMC) seats 27 haia inthlangna uma vote tla hai chu zanikhan tiemzo a nita a, sawrkarna siemtu Congress in seats 12 an lak a, party mala tling rawn tak an nih. A dawttu chu BJP niin seats 10 hai an lak a, Independent candidate han seat 5 an lak.
Mobile Tower bulah bomb a puok
IMPHAL: Zani zing dar 9:10 vel khan Thoubal a hmun pakhatah Mobile Tower inthutna bula bomb a puok a, thil tawkpawi lien tham ruok chu a nei naw niin ei thu dawngna chun a hril.
JCILPS in 13 hour Ceasework protest
IMPHAL: Joint Committee on Inner Line Permit System (JCILPS) chun June 8, 2016 hin zing dar 5 a inthawk zantieng dar 6 chen, darkar 13 sung Ceasework strike an puong. Central sawrkar thuoitu han ‘Manipur People Protection, Bill’ an hnawl dodalnaa Ceasework strike hi thaw an tum nin Convenor incharge B.K. Moirangcha chun zani zantienga Press Conference huna a hril.
Bihar 10+2 Arts le Science toppers hai chunga FIR
PATNA: Bihar School Examination Board hnuoia tukuma Class XII (10+2) exam result puonga Arts le Science toppers hai chungah zanikhan Director, Secondary Education Department, Rajeev Ranjan in Kotwali Police Station, Patna hmuna FIR a file khum. Toppers an ninaah thil indiklo a um ti hmusuok a ni leia Chief Minister Nitish Kumar thupek anga Director hin FIR a file a nih. FIR file khum hai chu Science toppers Saurabh Shrestha, Rahul Kumar le Arts topper Ruby Rai hai an ni a; an kaina College Vishun Rai College khawm recognition a nina suspended a lo ni ta bawk a nih. Mr Nitish Kumar chun merit list thua suizuina chu a enkai zing ding thu le inrawlna nei hai hrem ngei an ni ding thu a hril.
Congress a inthawk hnawtdawk
AGARTALA: Tripuraa chun Congress MLA Biswa Bandhu Sen chu party kal zawnga thil a thaw leiin kum 6 sunga dingin Congress member a ninaa inthawk hnawtdawk a nih. Party kal zawnga a chet leiin sunzawm ta lo dinga vawi tam tak inhriettir a ni a, sienkhawm party kal zawnga chetna a sunzawm pei leia hnawtdawk a nih tiin Tripura PCC President Birajit Sinha chun a hril. Sen hi West Bengala Congress le Left parties hai thangruol dodaltu Congress MLA 7 hai laia pakhat a nih. Sen le MLA expelled a um 6 hai hin zanikhan TMC an zawm ding nia hril a nih.
----------------------------------------------------------------------------------------------------------------------
VAWISUN THUPUI
In puon ni loin, in lungril thler ro,” a tih. Lalpa in Pathien tieng chu ngha ro;p ama chu lunginsiet theitak le lainatnaa sip, lunginuoi le zainemnaa sip, thil thanaw chu inlet hlak a nih. Joel 2:13
Editorial: Thil dang le chawkpawl
Mihriemhai hi duamnaa sip ei ni a. Duamna leiin thiltha a khawm thiltha lo ei chawkpawl nuom el hlak hi thil pawi takel a nih. Saptawng chun hi thil hi adulterate/adulteration ti a nih. Uire tina a khawm hmang a nih. Ei society sunga hin pasal uire nekin nuhmei uire hi ei lak vung lem hlak a, thil pawi takel a nih. Adulteration hi a tha tieng nekin a thanaw tieng hmangna a nih. Thiltha a thil thalo chawkpawl nuomna lungril ei put el hlak hi suol a nih ti chu ei hriet seng a, sienkhawm ei bansan nuom naw tlat leiin sietna nasa tak an tlun hlak. A chang lem chun mihriemhai ta dingin natna le thina hai chen an tlun pha hlak. Hi lei hin thil thaa thilthalo chawkpawl hi sim hmak inla nuom a um.
Fak ding le zawrsum chi tum tum zawr a fe theina ding annawleh a sukpungna dingin thilthaah thiltha naw chawkpawk hi ei ching hle. Bufaia sumdawnghai khawmin bufai sukpungna ding le a hlawk tam lem an hmu theina dingin bufai thale bufai tha lo an chawkpawl rawp hlak. A chang lem chun tieulung var annawleh sehriet var hmanga bufai siemfawm chawkpawl a ni hlak. Hi thil hi mihriem ta dinga sietna an tlun hlak. Bufaia sumdawngtuhai hin hiengang thil hi anthaw naw ngam a tul hle a nih.
Chun, bawngnene zawrtuhai khawmin bawngnene suktamna le sukhmelthatna dingin tui, hriek anawleh giu dam an chawkpawl hlak. Duamna lei le a hlawk hmu tam nuomna leia hieng thil hi thaw a hung ni hlak. Ei society sunga khawm bawngnene tui pawl le tui pawl lo zawr a ni hlak. Hi thila hin inzakna chang ei hriet nawh. Kristien sakhuo zuituhai ta ding lem chun thaw chi a ni der nawh. An chawtuhai khan tui kha an dit a ninaw a, an dit chu bawngnene kha a nih. Chuleiin bawngneneah tui pawl kher kha a tulna a um nawh. A man lo to deu sienkhawm bawngnene tui pawl nekin tui pawl lo ei dit lem seng ring a um.
Ei ni laia ei uor em em el pakhat chu bawngsa le Lawisa chawkpawla zawr hi a nih. Hieng a ni lei hin mi thenkhat chun an hriet lo hai sa zawr annawleh a neitu hriet lo bawngsa le vawksa naw chu an inchawknuom der nawh. Sa tha le sa tha lo chawkpawla zawr hi ei ching leiin ei rama bufakna hotel haia bu fak hi chak a um naw pha hlak. Lo theilo thil a ni ngawt naw chun hotel a bu fak hi ei nuom naw tlangpui hlak. Sa zawrhai chun a pulsa le ran damnaw sa khawm an zawr hlak. Ei thatna tak chu hi kawngah hin ei nun an nem a, ei sawisel ngainaw leiin sa zawrhai hi an ham a tha el bakah an hausa duok duok el a nih. Amiruokchu, ieng chen am an thatpui ding annawleh ieng chen am an hamthat pha ding ti ruok chu hriet a ninaw a, Pathien thu thu ning a tih.
Ei vangneina em em el pakhat chu Zu tha lo dawn leia thina tuok nghal ei la um naw hi a nih. Vai ram le ei thenum state Mizoram haia chun Zu thanaw dawn leia thi hi ei hriet inzing hle. Hi thil hi Zu zawr han an hlawkna dinga thil tha lo an pawlsa hlak lei a nih. Zu suong han a hratna ding le an Zu bil a tho vat theina dingin Chawl bakah thil dang anchawkpawl sa hlak leia Zu tha lo hi a hung um hlak nia hril a nih. Zu pangngai hi chu zan thum vel bek bil a tul hlak a, tulai ruok hin chu zan khat bak an bil ta ngai naw niin a hmu hlak han an hril.
Dal chi tum tum, be mu chi hran hran, Machi le Chini hai khawm hi a rawng mawina ding le mit lakna dingin rawng pawl a ni hlak. Hi lei hin a hmel mawi le tha nazawng hi inchawk el chi a ni naw a, hiengang thil hai inchawkna kawngah hin ei fimkhur hle nuom a um. Mipui tienga sawiselna a um naw lei ni ngei a ta, adulteration chungchanga hin ei state sawrkar chun hma a lak thu hriet a la ni nawh. Mipui han hi kawngah hin ei state sawrkar hma la dinga ei nawr ve nuom a um.
Imphal khawpuia chun hi kawngah hin Kangleipak Student’s Association (KSA) in hma an lak a, Vai dawra inthawk Machi thil dang le chawkpawl an dapdawk le lakpek leiin KSA General Secretary thangsain KSA members 5 Police han an man a, lungina an khum leiin state sawrkar le KSA chu an innawr buoi mek a nih. KSA hmalakna hi mipui ta dinga thiltha a ni leiin mipui thlawp an hlaw a nih.
CCPur town sunga dawrkaihai khawm hin an thil zawr haiah thil thalo an chawkpawl am ti hi enfel thil tul a nih. Imphal khawpui sunga dawrkai han an thaw chun, CCPur town sunga dawrkaihai khawma an thaw naw bik ring a um der nawh. Churachandpur District a khawm Pawl chi tum tum ei um a. Hiengang thil tienga hma la hi um ve hai sienla nuom a um. Pawl ei tam ang huin mipui sawr tangkai le mipui hmakhuo ngaia che chu an tam nawh. Mipui thatna dinga hma an lak phawt chun mipui han ei thlawp ngei ring a um. Ei state sawrkar hi nawr ngai hlak a ni leiin adulteration of food items chungchanga hin student pawl tum tum han hma hung la ve hai sienla nuom a um khawp el.
CCPUR: June 7, 2016 dar 10:30 am khan HL Daka Memorial Hall, HSA Campus, Rengkai, CCPur hmunah HSA Jt. Hqrs., CCPur huoihawtnain Felicitation Programme hmang a nih. Hi huna hin Lunminthang Haokip IAS, DC, CCPur khuollienin a thang a, T. Goukhomang ZEO, CCPur Khuol Inzaum le Pu Lalhmasawn DI, Tipaimukh, ZEO CCPur chu Khuol Chawngpuin a thang. Hmar hnam sunga School neitu, hnam le kohran thuoitu hai bakah KSO le ZSF thuoitu han an uop bawk.
Khuollien chun, nulepa haiin an nauhai an hlawtlingna dingin an thil nei popo an inhlan ngam a, varna hi Pathien hni a pawimaw, Pathienin hun remchang a mi pek seng a nih. Harsatna iengang khawm nei inla, Bible study hlak ei tiu, Pathienin ama chawimawitu hai chu a chawimawi ve hlak, in nulepa hai an lo rethei a ni khawmin Pathien ei nei a, lungngai ding a um nawh tiin a hril.
ZEO/CCPur chun competitive exama dingin nasa nawk zuola ei insingsat a tul thu; a thiem thei hai chu Bank khawmin an sponsor/loan lak thei a ni hlak thu hrilin mi hnawt phakna dingin education a pawimaw tak a nih tiin a hril
Felicitation prog. a hin Award/Memento mi 74 kuomah inhlan a ni a, Overall Toppers 4, Unit 18 a Toppers, Headmasters 14, MIL (Hmar) Teachers 13, Special Award 4, Guests 3 hai memento inhlan an ni bawk. Chun, JHQ hnuoia Unit sunga hlawtlingna changhai po po kuomah Certificates 412 vel inhlan a nih. Hlawtlingna changhai hi Rev. Dr. Lalhmuoklien Secy., HCLF in Pathien kuoma lawmthu hril tawngtai pekna a nei.
Meritorious Award le Memento dawngtuhai chu BoSEMHSLC Exam (Class 10) ah MATHEMATICS TOPPER (Hosea Laldinsang Meritorious Award) mi 3 (1) Miss Marilyn Darthangpui Sinate of Hmarveng, St.Mary’s High School, (2) Mr. E. Immanuel Buhril of Sielmat, Sielmat Christian Hr.Sec School, (3) Miss Jenny Lalremruot of Saikot, Douglas Memorial High School. SOCIAL SCIENCE TOPPER: Mr. Isak Lalrinmawia Joute of Rengkai, Young Learners School. ENGLISH TOPPER: Mr. Ronald Hmangte Kom of Rengkai, Young Learners School. SCIENCE TOPPER: Miss H. Lydia Lalnunzir of Lamka, Young Learners School. MIL (HMAR) TOPPER (Lienthasang Meritorious Award): Miss Sylvia Lalnunmawi of Saikot, Mount Carmel School. OVERALL BoSEMHSLC TOPPER: Mr. Isak Lalrinmawia Joute of Rengkai, Young Learners School le Miss Marilyn Darthangpui Sinate of Hmarveng, St.Mary’s High School hai an nih.
CoHSEMHSE (Class 12) STREAM TOPPER: SCIENCE: Miss Judith Ramtharmawi of Rengkai, Sielmat Christian Hr.Sec School. ARTS (Zothansei Meritorious Award): Miss Cindy Darthangmawi of Muolvaiphei, Sielmat Christian Hr.Sec School. COMMERCE: Mr. Fimlunthang of Saidan, V.K Tawna College. MIL (HMAR) TOPPER (Siellienthang Meritorious Award) : (1) Miss Elizabeth Darthangzuol of Saikot, Sielmat Christian Hr.Sec School; (2) Miss Nianglunching of Thingchom, VK Tawna College; (3) Mr. Thangnunmawi of Muolvaiphei, Rayburn College hai inhlan an nih.
CBSE (Class 10) Topper Miss KZ Zawlrotling St. Paul School, CCPur le CBSE (Class 12) Overall Topper Mr. Hamlet Lalringlien JNV, CCPur hai inhlan an ni bawk. (input: LRS)
HSEB,HSA hnuoia SSC Coaching zo a ni tah
CCPUR: March 7, 2016a inthawka HSEB, HSA GHQ hmalaknaa Lenruol Coaching Centre, HSA Campus, Rengkai hmuna SSC Coaching tana lo um ta chu zo a lo ni tah. Hi le inzawm hin zanikhan closing function hmang a nih. Closing ceremonya hin Students han instructor hai inzana le chawimawinain Memento mawi tak inhlanna an nei a, instructor han infuina thucha tha tak tak an inba bawk. Coaching instructora thang hai chu L Ruoivel Pangamte; Robert L Hmar; James Hmar; Jimmy Lallienmawi; Ropienglien; Lalhlimum Joute le Kenneth L Varte hai an nih.HSA member competitive exam hmasuon ding han iemani kawng beka hlawkpuina an nei beiseina leia HSEB, HSA GHQ in coaching hi a buotsai a ni a; hun tawp ah Rev. Darzeding, PO, EAC in tawngtainain hun a khar. July thlaa inthawk coaching hi tan nawk hman beisei a nih tiin ei thu dawngna chun a hril.
DTO in revenue Rs.4,81,315/
CCPUR: District Transport Office/CCPur chun May, 2016 sung khan Revenue Rs.4,81,315/ an hmu a, AprilMay, 2016 sunga Revenue an hmusuok chu Rs. 11,21,333/ a tling phak.
Chun, May, 2016 thla sung khan motor tum tum 96 registered a ni a, hi lai hin Truck 6, Van 2, Jeep 2, Car 12, Autorickshaw 4, Two wheeler 69 a thang. Chun, AprilMay, 2016 thla sunga DTO/CCPur in motor an registered chu 219 a tling phak a, hi lai hin Truck 10, Van 7, Jeep 4, Car 23, 2wheeler 161 le others 1 a thang.
Ration Card pekir mi 242
CCPUR: DC Officea Food & Civil Supply Department office, CCPurah June 7, 2016 chena National Food Security (NFSA) hnuoia Ration Card pekir (surrendered) chu mi 242 an tling tah. NFSA guidelines dungzuia hi hamthatna dawng thei ding an ninaw inhrea an nuom thua ration card hi an pekkir a nih.
June 9 chen PS Custodya um dingin
CCPUR: CJM Court chun Soithianlal (35) s/o Lalkhogou of Khousabung le a nuhmei Kimneihthem (34) of Khousabung hai chu June 9, 2016 chen Police custodya la um phawt dingin zani hmasa khan a rel. Bufai kg. 25 seng bags 50, Rs. 1,52,000/ manhu ding phura Khanpi pana an fe laia 7Assam Rifles han May 31, 2016, 11:30AM a Hengkawt khaw bula ZUF overground ni dinga ringhla leia hieng nupa hai hi an man a nih.
TRVM JHQ Lamka hawng
CCPUR: Zani 12:00noon khan YPA GHQ Conference Hall, Hiangtam Lamkaah S. Chingngaihpau, Chairman, CEC, YPA GHQ chun Tribal Rights Vigil Manipur (TRVM) JHQ Lamka a hawng. TRVM JHQ Lamka Moderator mi 6 Thangbiaklian Hangzo, Khenthang BuansingP. Muan Hangzo, Pauneihthang Valte, Lianzagou Hanghal le Muanthang hai bakah hi huna thang han innekchepna do dinga theitawp suo dingin intiemkamna an nei. TRVM GHQ hi Jantar Mantara nuorna nei le inzawma April 18, 2016 a MTFD Convenor Romeo Hmar in a hawng a ni thu Lian Suantak, Moderator, TRVM GHQ chun a hril. Corruption free Lamka (COFRELA) a um theina dingin TRVM JHQ chun 80% awareness le 20% RTI fepui a tih tiin a hril bawk.
Trial cum selection a um ding
CCPUR: TATA Trust, Mubai le partner han Germany rama Premier Collaborative Football training ding under 15 boys (1314yrs) footballer hai scout siem an tum a, hi le inzawm hin TATA Trust team chun AMFA le thangruolin June 13&14, 2016 khin Imphal, Manipurah TrailcumSelection nei an tih. CCPur districta inthawk intending player 20022003 inkar sunga pieng hai ta dingin June 9, 2016 hma ngein CDSA officeah hnina form peklu thei ning a ta, thuchieng contact no. 9856415736 ah kan thei ning a tih.
Curriculum Adaptation training zo
CCPUR: June 3, 2016 a inthawk Tuibuong Govt. Jr. H/S hnuoia Inclusive Education for Disability (IED)/CCPur huoihawtnaa “5days program on Curriculum Adaptation Training’ neia um chu zanikhan zo a ni a, traininga thang ZEO hnuoia Schools 33 le CEO hnuoia schools 24 haia teacher hai kuoma Certificate inhlan an nih.
Pass hai lawmpuina an nei
CCPUR: HYA Varparkawn & Khawpuibung (V&K) Branch chun June 6, 2016 zankhan an Branch sunga tukuma Class X le XII passed hai lawmpuina hunser anhmang. Hi huna hin Class XII passs 6 le Class X pass 5 hai kuomah lawmpuina le ditsakna thuziek inhlan an nih. Hi hun hmangna hi HSA, CCPur Jt. Hqrts thuoitu 5 hai khawmin an va uop ve. V&K HYA mi tlawmte nihai sienkhawm active takel an ni a, hlawtlingna chang hai lawmpui a, thangpui ngaihai thangpui rawp hlaktu an nih.
National Highway haiah ni 10 sung Economic Blockade thaw a ni ding
IMPHAL/CCPUR: Joint Action Committee Against AntiTribal Bills (JAC) chun zanikhan Imphaah meeting an nei. Hi meetinga hin Outer Manipur Tribal’s Forum (OMTE) Tribal apex body a Hmar Inpui, Mizo People Convention, Thadou Inpi, United Naga Council le Zomi Council hai an thang. Hi meeting a thang hai chun June 9, 2016 zanrila inthawk June 19, 2016 zanril chen, ni 10 sung Manipura Tribgal mihai chengna haiah National Highway haiah Economic Blockade thaw ding le Tribal Areas sunga National Projects um haia sin thawna hai po po inchawltir vawng dingin an rel niin JAC thusuok chun a hril.
August 31, 2015 a Manipur Assembly in Bills 3 an passed (Antitribal bills) chungchanga tribalhai hun sawt takel thaw dan tha lova thawa an um dodalna leia economic blockade le National projects sin thawna hai hi inchawltir an tum a nih. Economic Blockade le national project hai sin thaw dang tumna hai a hung hlawtling ngei theina dingin tribal hai chu tha tho taka thang lo la seng dingin JAC chun a ngen. Tribalhai thil ngen sukpuitling a ni hmakhat chu JAC chun hma lak pei a tum. Manipur phairam mihai chun AntiTribal bills 3 hai chau ni lovin tribalhai suksietna dingin thil ngen dang dang 3 an nei a, chuonghai chu Manipur Population Commission, Manipur Land Reform Commission le Scheduled Tribe listah meiteihai inthangtir dingin ngenna an siem. Hieng thil hai hi tribalhai hnuoisiena, thamnawna, suksietna le sirde tumna a nih ti tribal mipui han ei hriet a pawimaw tiin JAC thusuok chun a hril.
New Delhi a All Political Party palai fe hai lai tribal MLA thenkhat an thang chu JAC in pawi a ti thu a hril. Chun, JAC in tribal MLAhai po po a boycott laizingin June 11, 2016 ah Sangaikot Block TD office hawng dingin tribal MLA thenkhatin plan an siem a. Hi Plan hi thaw a lo ni a, buoina le harsatna a lo tlung a ni khawmin JAC le mipui han a mawphur naw nihai tiin Information & Publicity Department, JAC Against AntiTribal Bills in zanita thusuok an siema chun an zieklang.
Union Home Minister an inhmupui
IMPHAL/NEW DELHI: Manipur CM O.Ibobi Singh inrawina hnuoia Manipur All Party palaihai chun zani 11AM khan New Delhiah Union Home Minister Rajnath Singh an inhmupui a, darkar khat neka sawt Bills 3 hai chungthu an thiltlang. Hi huna hin Bills 3 hai hi Legal experts le Constitutional experts hai le la en that nawk ding; chu zova la siem that ding ti chu an inbiek dan a nih. Experthai chu hun sawtnawte hnungah Union Home Minister in meeting neipui dingin kokhawm a ta, hi hun ding hi an hmatiengin CM, Manipur hung inhriettir ding ti a nih. All party palai han zanikhan Press Release an siem a, chu taka suoi thaw le Home minister inhmupuinaa thang hai chu O.Ibobi Singh, Gaikhangam, T.N. Haokip, K. Ranjit Singh, Ksh Bhabananda Singh, Th. Biswajit Singh, Th. Shyamkumar Singh, L. Ibomcha Singh, K. Shyam Singh, M. Tombi Singh, S. Shantakumar Sharma, Manihar Goswami, O.Joy Singh, N. Sovakiran Singh, Dr M. Nara Singh, Th. Manihar Singh, Sarat Salam le Ksh Santa Singh hai an nih.
Congress in Ward 12 le BJP in 10 an lak
IMPHAL: Imphal Municipal Corporation (IMC) seats 27 haia inthlangna uma vote tla hai chu zanikhan tiemzo a nita a, sawrkarna siemtu Congress in seats 12 an lak a, party mala tling rawn tak an nih. A dawttu chu BJP niin seats 10 hai an lak a, Independent candidate han seat 5 an lak.
Mobile Tower bulah bomb a puok
IMPHAL: Zani zing dar 9:10 vel khan Thoubal a hmun pakhatah Mobile Tower inthutna bula bomb a puok a, thil tawkpawi lien tham ruok chu a nei naw niin ei thu dawngna chun a hril.
JCILPS in 13 hour Ceasework protest
IMPHAL: Joint Committee on Inner Line Permit System (JCILPS) chun June 8, 2016 hin zing dar 5 a inthawk zantieng dar 6 chen, darkar 13 sung Ceasework strike an puong. Central sawrkar thuoitu han ‘Manipur People Protection, Bill’ an hnawl dodalnaa Ceasework strike hi thaw an tum nin Convenor incharge B.K. Moirangcha chun zani zantienga Press Conference huna a hril.
Bihar 10+2 Arts le Science toppers hai chunga FIR
PATNA: Bihar School Examination Board hnuoia tukuma Class XII (10+2) exam result puonga Arts le Science toppers hai chungah zanikhan Director, Secondary Education Department, Rajeev Ranjan in Kotwali Police Station, Patna hmuna FIR a file khum. Toppers an ninaah thil indiklo a um ti hmusuok a ni leia Chief Minister Nitish Kumar thupek anga Director hin FIR a file a nih. FIR file khum hai chu Science toppers Saurabh Shrestha, Rahul Kumar le Arts topper Ruby Rai hai an ni a; an kaina College Vishun Rai College khawm recognition a nina suspended a lo ni ta bawk a nih. Mr Nitish Kumar chun merit list thua suizuina chu a enkai zing ding thu le inrawlna nei hai hrem ngei an ni ding thu a hril.
Congress a inthawk hnawtdawk
AGARTALA: Tripuraa chun Congress MLA Biswa Bandhu Sen chu party kal zawnga thil a thaw leiin kum 6 sunga dingin Congress member a ninaa inthawk hnawtdawk a nih. Party kal zawnga a chet leiin sunzawm ta lo dinga vawi tam tak inhriettir a ni a, sienkhawm party kal zawnga chetna a sunzawm pei leia hnawtdawk a nih tiin Tripura PCC President Birajit Sinha chun a hril. Sen hi West Bengala Congress le Left parties hai thangruol dodaltu Congress MLA 7 hai laia pakhat a nih. Sen le MLA expelled a um 6 hai hin zanikhan TMC an zawm ding nia hril a nih.
----------------------------------------------------------------------------------------------------------------------
VAWISUN THUPUI
In puon ni loin, in lungril thler ro,” a tih. Lalpa in Pathien tieng chu ngha ro;p ama chu lunginsiet theitak le lainatnaa sip, lunginuoi le zainemnaa sip, thil thanaw chu inlet hlak a nih. Joel 2:13
Editorial: Thil dang le chawkpawl
Mihriemhai hi duamnaa sip ei ni a. Duamna leiin thiltha a khawm thiltha lo ei chawkpawl nuom el hlak hi thil pawi takel a nih. Saptawng chun hi thil hi adulterate/adulteration ti a nih. Uire tina a khawm hmang a nih. Ei society sunga hin pasal uire nekin nuhmei uire hi ei lak vung lem hlak a, thil pawi takel a nih. Adulteration hi a tha tieng nekin a thanaw tieng hmangna a nih. Thiltha a thil thalo chawkpawl nuomna lungril ei put el hlak hi suol a nih ti chu ei hriet seng a, sienkhawm ei bansan nuom naw tlat leiin sietna nasa tak an tlun hlak. A chang lem chun mihriemhai ta dingin natna le thina hai chen an tlun pha hlak. Hi lei hin thil thaa thilthalo chawkpawl hi sim hmak inla nuom a um.
Fak ding le zawrsum chi tum tum zawr a fe theina ding annawleh a sukpungna dingin thilthaah thiltha naw chawkpawk hi ei ching hle. Bufaia sumdawnghai khawmin bufai sukpungna ding le a hlawk tam lem an hmu theina dingin bufai thale bufai tha lo an chawkpawl rawp hlak. A chang lem chun tieulung var annawleh sehriet var hmanga bufai siemfawm chawkpawl a ni hlak. Hi thil hi mihriem ta dinga sietna an tlun hlak. Bufaia sumdawngtuhai hin hiengang thil hi anthaw naw ngam a tul hle a nih.
Chun, bawngnene zawrtuhai khawmin bawngnene suktamna le sukhmelthatna dingin tui, hriek anawleh giu dam an chawkpawl hlak. Duamna lei le a hlawk hmu tam nuomna leia hieng thil hi thaw a hung ni hlak. Ei society sunga khawm bawngnene tui pawl le tui pawl lo zawr a ni hlak. Hi thila hin inzakna chang ei hriet nawh. Kristien sakhuo zuituhai ta ding lem chun thaw chi a ni der nawh. An chawtuhai khan tui kha an dit a ninaw a, an dit chu bawngnene kha a nih. Chuleiin bawngneneah tui pawl kher kha a tulna a um nawh. A man lo to deu sienkhawm bawngnene tui pawl nekin tui pawl lo ei dit lem seng ring a um.
Ei ni laia ei uor em em el pakhat chu bawngsa le Lawisa chawkpawla zawr hi a nih. Hieng a ni lei hin mi thenkhat chun an hriet lo hai sa zawr annawleh a neitu hriet lo bawngsa le vawksa naw chu an inchawknuom der nawh. Sa tha le sa tha lo chawkpawla zawr hi ei ching leiin ei rama bufakna hotel haia bu fak hi chak a um naw pha hlak. Lo theilo thil a ni ngawt naw chun hotel a bu fak hi ei nuom naw tlangpui hlak. Sa zawrhai chun a pulsa le ran damnaw sa khawm an zawr hlak. Ei thatna tak chu hi kawngah hin ei nun an nem a, ei sawisel ngainaw leiin sa zawrhai hi an ham a tha el bakah an hausa duok duok el a nih. Amiruokchu, ieng chen am an thatpui ding annawleh ieng chen am an hamthat pha ding ti ruok chu hriet a ninaw a, Pathien thu thu ning a tih.
Ei vangneina em em el pakhat chu Zu tha lo dawn leia thina tuok nghal ei la um naw hi a nih. Vai ram le ei thenum state Mizoram haia chun Zu thanaw dawn leia thi hi ei hriet inzing hle. Hi thil hi Zu zawr han an hlawkna dinga thil tha lo an pawlsa hlak lei a nih. Zu suong han a hratna ding le an Zu bil a tho vat theina dingin Chawl bakah thil dang anchawkpawl sa hlak leia Zu tha lo hi a hung um hlak nia hril a nih. Zu pangngai hi chu zan thum vel bek bil a tul hlak a, tulai ruok hin chu zan khat bak an bil ta ngai naw niin a hmu hlak han an hril.
Dal chi tum tum, be mu chi hran hran, Machi le Chini hai khawm hi a rawng mawina ding le mit lakna dingin rawng pawl a ni hlak. Hi lei hin a hmel mawi le tha nazawng hi inchawk el chi a ni naw a, hiengang thil hai inchawkna kawngah hin ei fimkhur hle nuom a um. Mipui tienga sawiselna a um naw lei ni ngei a ta, adulteration chungchanga hin ei state sawrkar chun hma a lak thu hriet a la ni nawh. Mipui han hi kawngah hin ei state sawrkar hma la dinga ei nawr ve nuom a um.
Imphal khawpuia chun hi kawngah hin Kangleipak Student’s Association (KSA) in hma an lak a, Vai dawra inthawk Machi thil dang le chawkpawl an dapdawk le lakpek leiin KSA General Secretary thangsain KSA members 5 Police han an man a, lungina an khum leiin state sawrkar le KSA chu an innawr buoi mek a nih. KSA hmalakna hi mipui ta dinga thiltha a ni leiin mipui thlawp an hlaw a nih.
CCPur town sunga dawrkaihai khawm hin an thil zawr haiah thil thalo an chawkpawl am ti hi enfel thil tul a nih. Imphal khawpui sunga dawrkai han an thaw chun, CCPur town sunga dawrkaihai khawma an thaw naw bik ring a um der nawh. Churachandpur District a khawm Pawl chi tum tum ei um a. Hiengang thil tienga hma la hi um ve hai sienla nuom a um. Pawl ei tam ang huin mipui sawr tangkai le mipui hmakhuo ngaia che chu an tam nawh. Mipui thatna dinga hma an lak phawt chun mipui han ei thlawp ngei ring a um. Ei state sawrkar hi nawr ngai hlak a ni leiin adulteration of food items chungchanga hin student pawl tum tum han hma hung la ve hai sienla nuom a um khawp el.
