Responsive Ad Slot

Hmarram Kohran Inzawmkhawm (HKI) biel fang

Wednesday, June 8, 2016

/ Published by VIRTHLI
Hmarbiel/Vangai | Virthli : Hmarram Kohran Inzawmkhawm thuoituhai chun Hmarbiel le Vangai mipui hai kara inlaichinna a tha nawk zuol beiseina le tukum kumbul laia, General body meetingin a lo rel ta angin Pastors (HKI – OB) haiin zani dt. 6th June, 2016 a inthawk khan Vangai lutin Patpuihmun ah an rieklut a, Vangai a khuo po po sir kim thei ni naw sienkhawm a centre hmun a pei inko khawmin Vantlang Inthungkhawm/Inhrilhrietna/Indawnna/hrilfiena thei ang angin hun hmang an tih.Hmarram ti hin Hmarbiel le Vangai inkawp deu a hmang a ni a, Ieng kawng kawnga khawm inkei hranna um thak loa pumkhata iengkim ei ram hmasawnna dingin hma laktlang a tul tak zatin; Inpumkhat hi ei ramin a mamaw hle a nih ti hai le Hmar nauhai ei la tam bek bawk si naw leiin iengkima theikhat a ei um a tul, chuong anga ei um chun Pathienin a mi thangpui nuomin a mi la chawisang ngei ding a nih, ti hai uor taka inhrilhrietna nei pei ning a tih. 

Hi le inzawm hin Kohran thuoituhai chun mitinin lo ngai pawimaw le program hlawtling taka hmang pei a ni theina dingin Pathien koumah tawngtainaa lo san tawl dingin ngenna an siem. “Ei chunga Lalpa a lawm chun ram chu ei ta a nih” ti hi mipui in thei ngil ngai bawk lo ding a nih, tiin Lalnunthang Songate Secy., Information, HKI chun a hril.


Don't Miss
© all rights reserved
made with by Simon L Infimate