Aizawl, June 11, 2016, Virthli (ONP): Mizoram Pradesh Congress Committee (MPCC) chun Hmar People’s Convention (Democrats) - HPC (D) hai leh inremna tluontling a um theina dingin theitawp suo a tum.

Zani June 10 khan MPCC chun office bearers meeting neiin tulaia Mizoram boruok hrang hrang hai hritlangna an neia. Hi meeting a hin resolution passed in Hmar Demand area sunga Hmar mipuiin an dit dan angin Mizoram sawrkar hin HPC (D) lungawinawhai hi biea Mizoram Peace Accord kum 30-na kumah ngei hin inremna a um ngei theina dingin theihtawp insuo sien ti an rel.

MPCC office bearers meeting chun Mizoram Liquor Prohibition & Control Act 2015 chu kum khat sung Mizoramah lo hmang a nita a, hi hun sunga MLPC Act in Mizoram a nghawng dan suichieng dingin Home Minister in Review & Evaluation Committee lo indin sien an ti a.

Hi Committee hin uluk takin MLPC Act in ram le mipui a nghawng dan hi tan bik nei loin lo suichieng sien an ti bawk.


Post a Comment

Powered by Blogger.