CCPUR |Virthli (ONP): June 10, 2016 zantieng khan July 8, 2016 chen aw ding, Vacation Dance Class chu HL Daka Memorial Hall, HSA Campus, Rengkai, CCPur (Manipur) hmuna ṭan a nih. Class chu zantieng dar 2:30 - 3:30 PM & 3:50 - 4:50 PM haia nei a ni hlak ding a nih. Hi dance class a inchuktirtu hai chu Kevin Lalrintluanga Khawlhring (Nobby), Choreographer; Jordan Munluo (Unique J), Tricking; Khumzamung (Mung ) Power Move; P.Haulunthang (B Boy C Kou), Breaking hai anni a. Anni hin Hip Hop Dance, Urban Dance, Break Dance, B-Boying, Foot Walk, Moon Walk le a dang dang hai an inchuktir ding a nih.


Hi dance class hi naupang, puitling mi tuelkhawm tadinga buotsai ani a, hi hun hi taksa insawizawina le mi thau insuk cher nuom hai tading khawma hun thra tak el a ni ding thu Organiser hai chun an hril a, Registration Fee a hming mei meiin Rs. 500/- perk a la ṭhang thei zing a ni thu, Contact No. 91+ 8732024294/ fb- Kevin Lalrintluanga Khawlhring kuom ah in zieklut thei zing a la ni thuhai an hrtil. Manipur a Tribal Movement fe mek le inzawmin ti angin a hun tak July 8 a ṭan thei a ni ta nawna thu ah Organiser hai chun lo hriethiem dingin hi thila inhnikna neihai an ngen.

Hiengang Dance Class hi khawpui a hai naw eini laia ding chun vangkhatte a ni a, nikum khan hiengang class hi hi lai hmuna bawk hin nei a lo ni ta thu le hi Vacation Dance Class hi CCPur bika ding chun a la um ngai meu naw thuhai hi hun ṭawiawmtu Chief Admin, Virthli chun a hril a. Ama khawm hiengang Organiser-naa hin a ṭhang ve a nih. A hril peinaa chun hienganga ṭhalai, tleirawl le naupanghai thawpui hi thilsuol a ni naw a, an talent promote-na le an lungril le taksa an sawizawina a ni thu hai a hril a, thil suol thawna hman hunawl khawm an nei tlawm pha leiin nulepa haiin an nauhai tir ve dingin a dit thu hai a hril. Hriselna le inzawm khawmin puitlinghai tading khawma ṭha tak a ni zie hai a hrillang bawk.

Chun, Organiser hai chun hi Class nei hun sunga phal tak HL Daka Memorial Hall inhmangtirtu HSA, GHQ chungah lungriltakin lawmthu an hril. Education hnuoiah Art a um a, chulaia chun Dance khawm hi a pawimaw ve hle a ni tiin an hril.

Post a Comment

Powered by Blogger.